الي صعب عليه الاختبار يدخل ايقونه ملاحظه حول الاختبار

[مقتفي أثر]

ياشباب والله قهرني الاختبار وهاللف الي ماله داعي والتشتيت
عموما
انا ناصح لكم وقبل ان اكتب الموضوع كتبت ملاحظتي وارسلتها عبر صفحه الخدمات الطلابيه حول الاختبار


في صفحه الخدمات الطلابيه
افتحوا ايقونه تلقي ملاحظات حول الاختبار واكتبوا شكواكم

ضد اختبار النحو
مع ملاحظاتكم عليه
لا احد يتردد من الان الا الي يبي يحمل الماده بكيفه

[طالب علم 44]

السلام عليكم جميعا والله الدكتور ذا مدري اش يبي ع باله اننا بنطلع علماء ؟؟؟؟؟؟ مثلا مايدري ان اغلبنا موظف له اكثر من عشر سنين والاغلب جالس له فتره متخرج من الثانوية يعني نسى حتى الحروف المهم الدكتور ذا لازم نسوي له حل والحل راح يكون من الجميع اش تقررون حتى الي حل في المادة لازم يشاركنا لان فيه ناس بتجي بعدنا وبتضرر احنا انتساااااااااااااااااااااااااااااااااااااااااب ياعالم مو انتظام الله يجازي الي كان السبب الي قارهني انه يقول انا اراعي التخصصات الثانية يعني انه بيسهل الاختبار لكن طلع وغـــــــــــــــــــــــد مع احترامي له وللعموم

[طالبـه جامعيه]

..


ايه والله


يعطيك العافية

[مقتفي أثر]

موفقين .........

[rmooosh]

لاتتعبون انفسكم ماراح تطلعون بنتجة كان غيركم اشطر ولا احد حولكم ابدا مهما رفعتوا من شكاوي انتوا زي الي ينفخ بقربة مشقوقه >>عاد مدري المثل صح
دام الدكتور ماطلع برا المنهج والمحاضرات ماراح تستفيدون شي
حتى لو جاب امثله خارجيه هذا يعتمد ع الفهم
للامانه ماختبرت عشان ماتقولون اني حليت
ركزوا في اختباراتكم والله يوفقكم

[samiahh]

انا ولله عارفة انه صعب بس المشكلة الاساسية انه ماخرج عن المنهج صدق فيه لف ودوران بس بيقولون هذا المنهج ماطلع منه والنحو فهم وليس حفظ اهم

[الفيحاني]

لاتتعبون انفسكم ماراح تطلعون بنتجة كان غيركم اشطر ولا احد حولكم ابدا مهما رفعتوا من شكاوي انتوا زي الي ينفخ بقربة مشقوقه >>عاد مدري المثل صح

دام الدكتور ماطلع برا المنهج والمحاضرات ماراح تستفيدون شي
حتى لو جاب امثله خارجيه هذا يعتمد ع الفهم
للامانه ماختبرت عشان ماتقولون اني حليت

ركزوا في اختباراتكم والله يوفقكم




نوعية المتشائمين امثالك المفروض مايردون على هل المواضيع دام مامنك فايده ولا لك شغل ولا اختبرت


بلعكس رفهنا شكاوي على احتساب المشاركات الترم الي راح وتساهلو معنا واعطونا المشاركات كامله



فلو سمحت اللقافه احياناً ماهي بزينه

:41jg:

[ghanimrh]

من جد لقافه ... وش اللي حاشرك ... دام امورك طيبه

ليه صاير او صايره وكيل على الدكتور ... ناس يبالها جلد في وسط النفوذ

[مقتفي أثر]

نوعية المتشائمين امثالك المفروض مايردون على هل المواضيع دام مامنك فايده ولا لك شغل ولا اختبرت


بلعكس رفهنا شكاوي على احتساب المشاركات الترم الي راح وتساهلو معنا واعطونا المشاركات كامله



فلو سمحت اللقافه احياناً ماهي بزينه

:41jg:

تكفي يالفيحاني هالاشكال المترديه والنطيحه عطهم ببياله الشاهي على وجيههم

[rmooosh]

نوعية المتشائمين امثالك المفروض مايردون على هل المواضيع دام مامنك فايده ولا لك شغل ولا اختبرت


بلعكس رفهنا شكاوي على احتساب المشاركات الترم الي راح وتساهلو معنا واعطونا المشاركات كامله



فلو سمحت اللقافه احياناً ماهي بزينه

:41jg:




والله عاد هذا كيفي ارد مثل مابى مانتظرت استاذن منك او اخذ رايك
ترا اللقافه مالها داعي
بعدين ماشفنا نتيجة من شكاويكم للدكتور عمار لما جاب اسئلة طلعت منها عيونكم ولا شفنا شي مع الصحه واللياقه
الدكتور ماطلع عن المنهج والشكاوي ماراح تفيد يعني مستحيل يصدقونكم والاسئلة ماطلعت برا المنهج

[مجدي الجهني]

,والله ماذبحنا غير الطلاب الى يسألون بالمحاضرات المباشرة هم الى خربوا علينا يسألون الدكتور يقولون له راح تجيب زي أسالة الترم الماضي وانت ما تغير الاسئلة لين جت على روسنا بسببهم ما اقول الا حسبي الله عليهم وهذا وحنا نقول لا احد يسأل عن اسئلة الاعوام الماضية لكن مفيش فايدة

[ملامح بارده]

انا اتوووقع ماراح يعوضوونآ اذا قلنـآآ صععب
ف على الاقل نشتكي على السؤال اللي فيه غلط املائي وناخذ درجه حتى لو حليناها
انا ممني رفعت تظلم امسس
سببه الغلط الاملائي
كيدآ بيعطونآ درجه وربع اكيييد لان فيه غلط

[بنت الهاشمي]

حتى لو بنرفع ماندري وش نقول لان اسلته من وسط المنهج :(

[ابو معاذ الروقي]

تعوذوا من الشيطان وشدوا حيلكم
واللي له حق يرفع (من ابسط حقوقه) وسوف ينظرون في وضعه

اللي راح راح شدوا حيلكم واذكروا ربكم عند الورقه ترا الذكر والاستغفار في كل التوفيق



>> الله يستر لا يقلبون علي

[البشائر]

انا ماخذت النحو...لكن مااراه ان اعتماد الدكتور على الاجابات المتشابهه ,تعجيز في حد ذاته لمن لديه صعوبة في فهم المادة .لماذا لايجعل احد الاختيارات بعيد عن الصواب بشكل واضح حتى يستبعده الطالب وتزيد فرصتة في الاختيار الصحيح..

[SaraH-S]

اي شي فيه شكوى انا معاكم فيه قلب و قالب

انا حصلت مشكله في ( الاحصاء و ذوق الادبي )

وهذا لا يعني اني حليت زين بالنحو بس ان شاء الله اني جبت درجة تنجحني

انا حامله انقلش العامه من المستوى الاول , ما ابي احمل شي ثاني معاه

وبرضو سالفة الخريطة الاكاديمية رافعه ضغطي
انا حريصة اجمع الدرجات اللي تساعدني على النجاح
ما تنزل محاضره الا احملها
ولا واجب او مناقشة الا حالتها
و اخر تحديث طالع لي اكس لـيـش ؟

عاد الحين ما اقدر ادخل عليها , بس انا حليت و حملت قبل اخر تحديث ولا طلع لي اني محمله :(

والله يساتر

* تم رفع رسالة الى عمادة التعليم الالكتروني
ما حصلت الا مقررين ( التذوق الادبي و النحو ) لم اجد الاحصاء


والله الموفق ..

[SaraH-S]

انا اتوووقع ماراح يعوضوونآ اذا قلنـآآ صععب
ف على الاقل نشتكي على السؤال اللي فيه غلط املائي وناخذ درجه حتى لو حليناها
انا ممني رفعت تظلم امسس
سببه الغلط الاملائي
كيدآ بيعطونآ درجه وربع اكيييد لان فيه غلط


صدق اجل باسوي مثلك

بس باي مقرر :g2:

[SaraH-S]

,والله ماذبحنا غير الطلاب الى يسألون بالمحاضرات المباشرة هم الى خربوا علينا يسألون الدكتور يقولون له راح تجيب زي أسالة الترم الماضي وانت ما تغير الاسئلة لين جت على روسنا بسببهم ما اقول الا حسبي الله عليهم وهذا وحنا نقول لا احد يسأل عن اسئلة الاعوام الماضية لكن مفيش فايدة


ههههههههههههه :hahahahahah:

صادق فيه بعد الطالبات ودك تحشرهم بزاوية :41jg:
الله يعين :000:

[Nanooo2]

انتو تتكلمو ن عن مييييين :mh12: لايكون المصاروه