متى يردون علينا الجامعه على المحاسبه الاداريه

[saba]

الجامعه ساكته ولا احد يتكلم متى بيجينا الفرج و يجي خبر رسمي يريحنا كلنا

[ذيباان]

العلم عند الله سبحانه

بصراحة أتمنى ما يصوم ويفطر على ثوم ..ثم يقولون إعادة الإختبار << بصراحة أستبعدها

أحنا كـ طلاب/ات معنا حق الدكتور قال كلام وخالفه ومشينا على كلامه وكانت الحقيقة خلافة

الآن الدكتور الفريدان وعد الطلاب بإنه تشكل أجتماع لجنة بخصوص هالمادة ونحن الآن ننتظر أصداء هذا الأجتماع << ويخوفي يكون الدكتور من ضمن اللجنة المشكلة

[saba]

انشالله نسمع اخبار يكون فيها بس زياده درجات او ينجحونا

[فارس740]

مستحيـل يعلنون, سواء كان للطالب او ضدهـ .. اتوقع النتائج بتكون وحدهـ من التالية

1- اذا شافو الطلاب معاهم حق من وجهة نظرهم يتم اعطاء الطلاب درجات على الاسئلة التي يرونها لاتدخل ظمن الاختبار. بدون اعلان وبدون خراط ... والصورة توضح بالنتيجة لما تشوف درجتك مرتفعة

2- يتم انذار الدكتور او الغاء التعاقد معه في التعليم عن بعد فقط

3- اذا لم تتفق اللجنة مع الطلبة يتم الاختبار كما هو ولا يتغير شي كانه ما صار شي


اتوقع هذا الرد

[نُـوْوتْ]

نبي اعادة يوم الخميس

[فارس740]

^ أتمنى يسوون اعادة الخميس الفترة الاولى *-*

[دردش وفرفش]

لا ليش اعاده انا وش ذنبي اذاكر واتعب وهو يجيب اسئله زي وجهه ومالها اي علاقه بالاشياء اللي فهمناها منه

نبي درجات عوضاً عن اللي فقدناها واعادة اختبار مانبي ما صدقنا إنا نخلص ونرتاح مو ناقصين ولا فاضين كلن عنده ضروفه

[тβ3ŷ 3‘ĕęЯ]

مانبي اعادة مو ناقصين متى نخلص ، لو انهم يسوون احصائية واكثر الاسئلة اللي اغلب الطلاب ماحلوها يعطون الكل درجتها ، لان فيه نسبه بسيطه من الاسئله كانت معقوله واتوقع الاغلب حلها

[So0oka16]

لاااااا مانببي اعااادة ...يرحم والديكم بس..يلا خلصنا وتبون اعادة:eek:

[Abu AbdulMalik]

لا للإعادة نعم لزيادة الدرجات
هذا الحل المنطقي

[طلول]

ياشباب ريحو بالكم
لافيه اعاده اختبار ولا زياده درجات

وكثرو منها ينهون التعاقد مع مدرس الماده هو عندهم اهم من مئات الطلبه
والحاصله كانهم لاشافوا ولا درو
هذا الحاصل
خذو الكلام من رجل خبير عاصر الدنياء وعاصر اصحاب الكراسي الدوراه عساها تدور على روسهم

[saba]

لااااااااااااااااا مانبي اعااااده انا مالي دخل اذا هو يجيب اسئله من راسه و انا اكلها و اعيد الاختبار لا درجات اصرف و ياليت يكون محد حامل الماده كلنا ننجح لو بالحفه وش نسوي بعد

الله يكون بعونا

[saba]

لا انشالله يكون في حل يرضي الجميع تفائلوا بالخير ياجماعه الخير

[rsnasser]

ابي 60 درجه فقط

[كــونــان]

توقعاتي والله اعلم بكره يرسلون لكم انهم بيعيدون الاختبار يوم الاربعاء
مجرد توقعات ويارب ماتصيب ان شاء الله يدفونا ويينجحونا كلنا قولو ي رب

[أبـو دانــه]

سبق وان عادوا لنا اختبار المحاسبة لصعوبة الاسئلة وكثرة الشكاوي .. وتم اعادة الاختبار بعد نهاية الاختبارات يعني يمكن اذا بيعيدونه لكم يخلونه الأربعاء .. والله يوفقكم جميعاً

[saba]

لا لا احس كل المعلومات طارت ما اقدر أتحمل أعيد ادرسها مره ثانيه

[فارس740]

سبق وان عادوا لنا اختبار المحاسبة لصعوبة الاسئلة وكثرة الشكاوي .. وتم اعادة الاختبار بعد نهاية الاختبارات يعني يمكن اذا بيعيدونه لكم يخلونه الأربعاء .. والله يوفقكم جميعاً
اتوقع عادوهـ لان الاسئلة تسربت :biggrin: مع الانجليزي

[إشراقة]

لا بصراحه يعيدونها ولا يدفونا بكم درجة

نضغط على روحنا يوم ولا نندف بكم درجه وننجح عالحفه

[ومض]

ماعمرها صارت وانعاد الاختبار من صعوبة الاسئلة


هذا خطأ الدكتور بوضع الاسئلة على مستوى الساعتين هو يتحمله


وغالبا مثل ماقال فارس وانا ارجح زيادة الدرجات مثل مادة الاستراتيجية الترم الماضي زودونا فيها


ويااارب يزيدوها الدرجات ولا نعيد المادة عشان واحد ناقم ع الطلاب

[كتكوته88]

يعطون الطلاب عالاقل 15 سؤال من لجامعه يعني ربع الاسئله منهم يعدونها لنا ولباقي حل طالب بعنى
10 درجات كاقل شي يجيبه الطالب و20 درجه من الجامعه = 30 كذا ينجح الجميع ونتهاينا

وباضيق الامور انا عندي ينعاد الاختبار وندرس وننجح ولا رسوب وتاخير بتخرج !!!!!!!!!!!!!!!!!!!

[ابو عزام]

انا اصلا حامل الماده .
اذا مازادوا لنا درجات او حذفوا الماده وخلوها لنا صيفي .
راح نعيد الهاشتاق ونرسل برقيات لوزير التعليم العالي .

ترا حنا طيبيبن مانبي الا 30 درجه بالاختبار .واعتذار من الفريدان بتغريده صغينووونه فقط . ويلغي الحضر عني ههههههاااي

[HoDy]

بس اللي ناقصنا على درجة النجاح كثيرررر معقوله يزيدونها لنا كذا

يعني انا مثلا ناقصني 11 درجه :mh12:

[تشتيت جامعي]

من اللي يبي يعيد الاختبار ؟


يعيده لحاله !

نبي زيادة بالدرجات

[دردش وفرفش]

HoDy بخصوص يوم تقولين باقي لتس 11 درجه وتنجحين وش دراتس :(107):

[فارس740]

انا ما افكـر بالنجاح افكـر بالتفوق < يعني المادة الله يستر شكلها بتخسف المعدل

[طموح لا ينكسر]

انا ما افكـر بالنجاح افكـر بالتفوق < يعني المادة الله يستر شكلها بتخسف المعدل

جميل طموحك يا فارس740

وياليت الجميع يكون بنفس هذا الطموح الرائع ..نعم لكم الحق في ذلك و متأكد بإذن الله أنّ الجامعة سيُنصفوكم فيه

ربي يوفقكم

[حبروك]

دام الجامعة الى الان ما ردت ما علينا الا الانتظار وش بيطلع معهم


زيادة الدرجات او اعادة الاختبار راح تحصل تنازع بين اللي يبي يعدي المادة وبين من يبحث عن المعدل وهنا راح ندخل بقولة تعالى ( ولا تنازعوا فتشلوا فتذهب ريحكم)

اذا برز اختلاف الطلاب بخصوص الاختبار راح تاخذها الجامعه فرصة لتثبيت درجه الاختبار لما هي عليه


ان قررت الجامعه تعويض الطلاب بدرجات عن الاسئلة الابو كلبية كان بها

ان قرروا اعادة الاختبار امرنا لله وشيء ازين من لاشيء

واعادة الاختبار ما بتقررها الجامعه الا وهي شايلة فكرة تعويض الطلاب بدرجات فقط


ننتظر ونشوف

[HoDy]

hody بخصوص يوم تقولين باقي لتس 11 درجه وتنجحين وش دراتس


أخوي لاني راجعت اجوبتي مع صور الاختبار اللي جاوبها الاخوان في المنتدى

[ايووت]

وش اخر مستجدات؟؟


استغفر الله العلي العظيم

[Shahd RoO7]

انتظر رد الجامعه وان شاء الله خير

[انت وطموحي]

مع نفسكم يالي تبون اعادة الاختبار ؟؟

خير ان شاء الله احنا نذاكر:017: وتطلع عيونى ونضغط ع نفسنا بالاخير يتفلسف الدكتور ويطلع خارج المحتوى ويجننا بالاختبار ومع ذا نعيد؟؟؟

ليش نتحمل اخطاء غيرنا؟؟؟

[فارس740]

^ احسن من انهم يعطونا درجة خايسة

[إسلامو]

المشكله 15 درجه ماتخارج
يبي لي حول ال20 درجه لانجح
اتمنى انه ينعاد الاختبار وهذا رأي الشخصي
بحس انه باسوء الظروف لو اعادو الاختبار بجيب 65

[إسلامو]

ما ظنيت في اعاده لو في اعاده كان اليوم قالو لنا في كثير طلاب اليوم اخر يوم لهم يعني خارج الوضع هم الحين
لكن عندي احساس انه بيعطو زياده درجات

[كــونــان]

ان شاء الله يضبطونا فالدرجات هذا املي

[يوفي]

مو اظن الرد ايجابي منهم ولاكن نريد الكل ينجح وناخد حقنا ...

[vip-1]

الرد بتلاقاه في النتيجه

صارت لنا مع التحليل الاحصائي سكتوا سكتوا ويوم طلعت النتيجه الدرجه حطوها 63

[قـورجـس ♛]

http://www.ckfu.org/vb/showthread.php?t=594211

[محمد فهيد]

نعم الحل يوم النتائج الجميع بيعطى درجات نجاح صارت اكثر من مره لمعظم المواد

[نجلاء123]

نفس الشي صار لنا بالتحليل الاحصائي رفعنا تظلم وعدونا خير وصدقوا بوعدهم عدينا بالمادة اغلبنا

[وليــد]

الله يعينكم بديت افكر في تأجيلها للثامن