احسب الاختبار الفترة الثانية وقاعد اذاكر

[mazzone]

ياجماعة الخير وش الاجراء

احسب ان الاختبار حق النقود والبنوك الفترة الثانية والى الان قاعد اذاكر ومادريت ان الاختبار الفترة الاولى

يعني بالعربي طافني الاختبار

ههههه من جد شر البلية ما يضحك

[سحرر]

لااااا تقوووول
والله قهررررر :Cry111:

[Memo bnt nasser]

روح دبر عذر باقرب مستشفى

[AZIZ999]

مافي قدامك حل الا تدبر لك عذر طبي

[مرآيم]

يوووو فال الله ولا فالك انتبهووو من الحدول انتبهوووو

[ريدبول]

وانا زيك فاتني اختبار ادارة الاعمال الالكترونية نفس السبب

مدري وش اسوي

[زمآن الصمت]

المفروض الواحد يحط خلفيه جواله او ايباده صوره لجدول الاختبارات

هالطريقه تخليك تحفظ جدولك وتطلع عليه كل ما فتحت جهازك

معوض خير اخوي

[إيقآع الإحسآس]

عذر طبي اخوي
والله يسهل امرك ..

[ماجد سعد]

الله يكون بعونك

[alsfaa7.sy]

لا حول ولا قوة الاباالله الله يكون بعونك

[opric68]

اقرب عذر طبي سريع عشان ما يحسبون عليك رسوب وينخفض معدلك الاستهلاكي :d

تختبرها مباشرة الترم الجاي ان شاء الله ( بدون ما تسجلها )

[mazzone]

كل الشكر للجميع على الردود الجميلة

بيني وبينكم كانت مسيطرة علي فكرة ان الاختبارات كلها الساعة 6:30 عشان كذا ما انتبهت

لكن الله يعوض خير وان شاء الله ما تتعرضون لنفس الموقف

كل الحب لكم وشكرا لآراؤكم

[زيـاد]

الله يعوض عليك وما تدري يمكن خيرة من رب العالمين
عموما الان وقبل لا ينتهي اليوم اقرب مستوصف وعذر طبي

[Olay]

ولله كان بيروج علي الله ستر ودخلت المنتدى وشفت واحد كاتب تنبيه الله يجزاه خير

[نسيم الصبا]

��
معوّض خير..
وعسى ان تكرهوا شيئاً وهو خيرٌ لكم..يمكن شر وصرفه ربي عنك..

[هديليزا]

ي ونتي عنك :(

مالك الا عذر طبي وعسى يكون بالامر خيره

[جودي_93]

باذن الله انها خيرره توكل على الله ودبر عذر

انا دخلت والببنات قدهم يحلون:(
كانت الشوارع زحمه وامطار يجعلها خير وبركه :d

[ملفت الأنظار]

شوف لك عذر طبي من مستشفى حكومي او اذا تعرف احد بالمرور يضبطك

[عادل بن عبدالله]

وعسى أن تكرهوا شيئا وهو خير لكم

ما تدري وانا اخوك وين الخيره فيه

توكل على الله وتواصل على الفريدان وشف وش يكتب لك ربك

[بنت بدوي]

ليه ماشفت الجدول

يالله خيره

[عود ثقاب]

لعلها خيره ..

تخيل لو انك خريج كان تاخرت عشان ماده ؟

بالعكس تصير كثير وما حصل الا كل خير

استغفر ربك وخليها تكون ذكرى حلوه في حياتك ..

موفق يالغالي

[Barnawi]

ياجماعة الخير وش الاجراء

احسب ان الاختبار حق النقود والبنوك الفترة الثانية والى الان قاعد اذاكر ومادريت ان الاختبار الفترة الاولى

يعني بالعربي طافني الاختبار

ههههه من جد شر البلية ما يضحك

يابرودة دمك .. تضحك ماشالله عليك والله لو أنا كان انجلط قلبي
:verycute:
المهم الله يعوضك خير

[الحوثي]

اذا انت في أبها
ابشر بأعذار طبيه مو عذر واحد

[mazzone]

ليه ماشفت الجدول

يالله خيره


الا والله شفته وانا اخوك بس كان اغلب المواد الساعة 6:30 وما انتبهت وحطيت في بالي انها زيها من قبل اسبوعين وعامل حسابي على كذا

لكن الحمد لله

[mazzone]

لعلها خيره ..

تخيل لو انك خريج كان تاخرت عشان ماده ؟

بالعكس تصير كثير وما حصل الا كل خير

استغفر ربك وخليها تكون ذكرى حلوه في حياتك ..

موفق يالغالي


ايه والله انك صادق بلى اهون من بلى

الحمد لله على كل حال

وانا والله كل ما ذكرت السالفة اضحك ههه

[mazzone]

يابرودة دمك .. تضحك ماشالله عليك والله لو أنا كان انجلط قلبي
:verycute:
المهم الله يعوضك خير


قلت لك يا الغلا ان شر البلية ما يضحك

وانا الحمد لله بطبعي اخذ الامور ببساطة ولا اشيل همها

واضحك على الموقف افضل من اني ابكي من القهر

وبسم الله عليك من الجلطة والله يحفظك لاهلك اختي الغالية

[mazzone]

اشكر الجميع على الردود و محاولة المساعدة وكثير عرضوا علي عذر طبي زي ما تفضلتوا

بس والله مو من طبعي اسويها والحمد لله


افكر اعيد المادة لان عذري واضح انه غير مقبول مشكور يالغوالي

والله يخليكم لغاليكم ومغليكم

اخوكم مازن

[تونتي تو]

وانا زيك فاتني اختبار ادارة الاعمال الالكترونية نفس السبب

مدري وش اسوي

:eek::eek::eek:

الاعمال الالكترونية كان الفترة الثانية

يمكن تقصد العمليات :(107):

[مساهر]

انت اشوى من اللي راح بدري ونام بالسياره :)

عموما مالك الا عذر طبي ، وعذر عليه الكلام مو اي عذر

ترى زكام والتهاب الحلق والا التواء بالقدم ما يمشي


الله يعينك

[رشوف123]

الله يعوضك خير انا من الوسوسه كل خمس دقايق اشوف الوقت

[*روز*]

والله قهر بس على ماقال المثل كل طقه تعلومه اكتب التاريخ والفتره على الملزمه او الجوال

[ام الفردوس]

يالله قهرررررر