سالفة اختبار الأقتصاد راح توصل للصحافه

[رنا سعود]

يسعد لي اوقاتكم بكل خير


وبعد غياب طويل عن المنتدى :16.jpg:

اول شي ودي اشكر كل اللي قاموا على الورش لمواد هذا المستوى
واقولهم ماقصرتوا الله يجزاكم الف خير

ثاني شي .. اشكر الأخ اكاديمي عن بعد على جهده الجبار اللي مانوفيه ولا بحرف
لكن الله يسعده ويرفع قدره ويفتح له ابواب الرزق

ثالث شي عساكم وفقتوا في اختباراتكم خلاص هانت بكره اخر اختبار

رابع شي بخصوص مادة الأقتصاد وصعوبتها والشكاوي ضد هالشي
والزحمه والحكي اللي صار ..

شفت ناس تجمع ارقام الطلبه الجامعية وحطيت رقمي معاهم تأييد لأي شي فيه مصلحه عامه
بغض النظر عن ان الواحد مننا حل كويس او لا

انا راح اقدم لكم خدمة .. ولكن احتاج إلى صوره او نص الشكوى المقدمه من طلبة المستوى الثاني
ضد اختبار الأقتصاد وبدوري راح اوصلها لإدارة صحيفة المناطق ويتم نشرها

ما ادري من المسؤل عن هالشي بس ياليت يتواصل معي لو حابين انها تنشر بشكل عام
مايكون حكي تويتر ولا منتدى وحلطمه وبس

@،،، بأسم رنا بنت سعود

هذا المعرف الخاص بي فالتويتر .. اتمنى هالشي مايكون مخالف لأنظمة المنتدى
لكن ماحطيته إلا للتواصل بخصوص الموضوع اللي شرحته فوق

لو مخالف قولوا لي اسوي تعديل واشيله ..

[محمد آل عبود]

أي مخالف وارتاحي بيشيلونه بالنيابة ومانحتاج صحافة اهدى من كذا ياكونداليزا رايس >_<

[anfal1992]

هههههههه صحافه مره وحده

[im_fawaz]

:oao:

[تَمَرُدّ]

-


ايه صحافه ليش مستغربين ؟

مادة ادارة الموارد البشريه وصل صوتنا لصحيفة سبق وكتبوا عنه وعن تذمرنا للماده
و هذا الشيء اللي حنا نبيه

[عبدالله الشّلاحي]

حي الله رنا

انا بالصدفة شفت هاشتاق بتويتر عن الإقتصاد الكلي وحصلت كم موضوع عنه شكيت بحلي مع اني طلعت من الإختبار مرتاح


إذا وصل الموضوع للصحافة ابي ابصم بالعشر اني حامل المادة مافيها كلام ههههههه

[رنا سعود]

هههههههه صحافه مره وحده



ياماما انتي روحي غيري المستوى الأول اللي للحين معلق ببروفايلك بعدين اضحكي

الناس خلصت من المستوى الثاني وانتي مدقره

شر البلية مايضحك ..

[Abdullh.305]

الاخت رنا غلط عليك لان حنا خلاص خطبنا مدير الجامعه نبي نشوف النتيجه كذا يزعل المدير ثم يستقعد لنا في جميع المواد بحيث تكون الاسئلة الجايه للجميع المواد غير مشابه للماضيه خلاص هدوء اللعب

[خيال الافلاج]

رنا بتشد حيلها معنا وتبي تساعدنا وتوصل صوتنا وهذي ردود بعض الناس

اللهم لك الحمد على نعمة العقل , صحيح اصحاب العقول في راحه

شكرا رنا الله يوفقك وانا اخوك

[خيال الافلاج]

الاخت رنا غلط عليك لان حنا خلاص خطبنا مدير الجامعه نبي نشوف النتيجه كذا يزعل المدير ثم يستقعد لنا في جميع المواد بحيث تكون الاسئلة الجايه للجميع المواد غير مشابه للماضيه خلاص هدوء اللعب

اتفق معك اخوي عبدالله

[هيئة طالبه"]

مايحتاج تزووويد الموضوع ...
خلكم في الباقي

[عموري82]

:lllolll:أي مخالف وارتاحي بيشيلونه بالنيابة ومانحتاج صحافة اهدى من كذا ياكونداليزا رايس >_<

[عبدالعزيز قرني]

رنا يا عزيزتي هدي الوضع.. ترى انتساب الي يسمعك الحين يقول بنتخرج مدرسين او ظباط ترى الانتساب ماله مستقبل زي الانتظام

[هيئة طالبه"]

انا مشاركه فقط في المعروض للمدير فقط غير كذا مش مشاركه معاكم ...
اكتفائي الشكوه للاداره فقط.....

[فخامةالمواطن]

هجومكم المستميت راح يولد دفاع انتحاري وترسيبي بعد



اركدو فديتكم:sm12:

[sense771]

الله يوفقك وصليه للصحافه

[VIP.]

ياماما انتي روحي غيري المستوى الأول اللي للحين معلق ببروفايلك بعدين اضحكي

الناس خلصت من المستوى الثاني وانتي مدقره

شر البلية مايضحك ..

صح

[هيام فهد]

خليه مستور احسن

وتشكري ي عزيزتي على تفاعلك بالموضوع

[amal111]

اخت رنا نيتك فيها خير لكن نكتفي بالشكوى اللي قدمناها ...
الصحافه ماراح تتفاعل معنا الا اذا كانت نسبه الرسوب كبيره بالماده
ندعي الله ان اداره الجامعه تتفاعل معانا وتقدر ضروفنا اللي حدتنا ندرس بهالطريقه
وشكرا

[Decent Hafrawi]

الله يستر شكلي حملة المادة من الشكوه ضد هجهوج ...

[ام تاليا]

لا لاتوصلوها للصحافة بتجي ضدنا

دام وصلت الشكوى للمدير شخصيا ماله داعي نزود الموضوع

اذا زاد الموضوع عن حده انقلب ضده !!

[حقيقة]

ترتقي الأخلاق مع رُقي الانسان ....


الأن عندما تصل الشكواء إلى الصحافة ، هل وجد الحل المناسب ..؟
كُل ما على الصحف ان تزيح الستار بيننا وبين الجامعه ونحن من اعطيناهم الحبال ...


يجب ان نعرف كل خطوة نخطيها .. وهذه الخطوة فاشلة




أنا ضد هذا الشي ...؟

وفقك الله ..

[رنا سعود]

اتفق معك اخوي عبدالله

عارفه قصدكم بس انا ماراح اركض وانشر شي بكره

انا قلت بنتظر رد اللي مقدمين الشكوى واجمع الموضوع

شاكره لكم ..:rose:

[رنا سعود]

رنا يا عزيزتي هدي الوضع.. ترى انتساب الي يسمعك الحين يقول بنتخرج مدرسين او ظباط ترى الانتساب ماله مستقبل زي الانتظام



ههههههههههههههههههههههههههه وليه داخل دام ماله مستقبل

تناقض ..

[chicago]

يا اختنا الاستاذه رنا

تصعيد الموضوع مضر اكثر من نفعه

احنا ماعندنا شك لا بنيتك ولا بدوافعك

لكن احيانا السباحه ضد التيار مهلكه

ما اقول الكل يسكت لكن التعاطي مع الموضوع

والفوضويه اللي صارت فيه انا اشوفها تضر ماتفيد

انا يعلم الله افكر بغيري مو بنفسي حسب مراجعتي للاسئله

بحول الله وقوته انا ناجح بس مع ذلك حاولت اكون ايجابي واتجهت لأيقونة الاعتراض واعترضت

ولا هو حرص لا على معدل ولا على تفوق بس ابحاول اكون عود من حزمه

على امل يلتفت للاختبار وتتم مساعدة الراسبين

اما توجه اخونا فارس لمدير الجامعه وانا فارس احترمه واقدره وباين شخص يبي يساعد

بس الطريقه للاسف انا اشوفها غلط

وانا يا خيتي انصحك لاتصعدين الموضوع هذا اكثر من كيذا ولاتكونين كبش فدا

ولا يكون رد فعل الدكتور بكرا اعظم من الفعل نفسه

والضحيه اخوانا وخواتنا اللي حملوا الماده والدفعات الجايه

والكل يدعي على من كان السبب

اتمنى ان يفهم رأيي كاختلاف وليس خلاف


احترامي

[الذبياني]

من وجهة نضري نصبر ونكتفي بالشكوى واذا ما وصلتنا لحل ننتضر للترم الجاي وننوصل الموضوع للصحافه قبل الاختبار بالتعبير عن مخاوفنا تجاه الماده ولما حصل بالاختبار السابق صدقوني وقتها بتكون بصالحنا

مجرد رأي شخصي ... والسلام

[فيصل نوار]

هذا الفضاوه وما تسوي . صحافة مره وحده:064:

[Dora ALamri]

الله يوفقك اختي رنا ان شاء الله يفيد هذا الشيء ع الاقل رفع درجات لنا الهجهوج هالترم صار حديث الساعة

[جامعي مطنوخ]

ياماما انتي روحي غيري المستوى الأول اللي للحين معلق ببروفايلك بعدين اضحكي

الناس خلصت من المستوى الثاني وانتي مدقره

شر البلية مايضحك ..

دام هذا اسلوبك بطلنا :oao:

تمثلي نفسك فقط :hahahahahah:

[كزماني666]

لاحول ولا قوة الا بالله ،،، ترا رنا ماقالت شي غلط حد الاجرام قالت صحافه
واشوفه حق من حقوقنا بل من ابسطها علما ان مستوى ثالث وصلو موضوعهم (المحاسبة الادارية ) لصحافه وارد المتحدث الاعلامي عن الجامعه ( الحليبي ) وعدهم خير يعني زبدة الكلام واختصاره رنا ماسنة سنه جديده بل مسبوقه عليها واعطت ثمارها اقل شي عرفو ان موضوعهم وصل الجامعة

[bukhlil2002]

الله يجزيك خير اخت رنا على مسعاك
نصبر وانشوف والله يستر

[britney L]

عادي مافيها شيء الطلاب يتكلمو

[t.m.b]

اتوقع اللي سويناه يكفي لا مانبي صحافه لاينقلب الموضوع ضدنا

[حقق امنياتي]

انصدمت من هجهوج بس ميستاهل ترا انتظرو

[AlQassem]

http://i.imgur.com/pEXkoZK.png

واضح ان اغلب الاقسام مقدمين شكاوي على الاسئله
وهذا احد اسباب آخر تغريدتين للدكتور الفريدان بخصوص الشكاوي

[meme Alkhalbar]

بتوفيق:)

[noarah]

انا من رايي تروقووون وماتوصلون شي للصحافه الامور بتنحل ان شاءالله ماراح يقصرون معنا
وحتى الدكتور الهجهوج مااتوقع يقصر اتأمل فيه خير
خلاص قفلوو عن هالموضوع طولتوه بزياده