جدولي لمستوى خامس ابغى مساعدتكم

[ام جوريتي]

السلام عليكم
اخواني وخواتي اسعد الله صباحكم ومسائكم
ابغى مساعدتكم لجدولي لهذا المستوى خامس
اول شي انا حذفت مادتين من مستوى رابع
بحكم ضروفي الصحيه
الي هي ادب الانجليزي في عصر النهضه
والمنظومه
...
وثاني شي ابغى ارفع معدلي يعني ايش رايكم كيف الطريقة وايش المواد الي بتساعدني اني ارفع معدلي
ياليت الي عنده خبره يفيدني الله يسعده او يسعدها
لاتبخلون علي
طبعا الجدول ارفقته لكم بالصوره الله يسعدكم ضبطوا لي جدولي ..ومابغى مواد تاثر على مواد المستويات الباقيه بسبب التعارض
انتظر خبرتكم ومساعدتكم على احر من الجمر

[doood.stone]

السلام عليكم

اول شي ابدن لا تشيلي هم المادتين يلي اجلتيهم لانهم مرة سهلين ودكاترتهم ممتازين واسالتهم حلوة


بالنسبة لمستوى خامس انا اخدت كل المواد ما عدا الفكر والثقافة الانجليزية عشان دكتورها اتغير وعشانها جابة قبل الصوتيات

وحسيت انو جدولي كان مرة ممتاز قبل كل مادة يوم يمديني اذاكر فيه بس كنت شايلة هم مادة مهارات تحدث وظهور الرواية عشانهم ورا بعض

بس ولله الحمد ويجازي الدكتور عمار المعاني ومحمود الأخرس على اختباراتهم

فنصيحتي خدي مواد خامس زي ما هيا مع تاجيل الفكر لانه كده ولا كده لازم تاجلي شي من المستوى الخامس لانه 20 ساعة

والمستوى السادس كذلك ما تقدري تضيفيلو شي لانه 18 ساعة بالزبط

فالمادين يلي اجلتيهم مع الفكر خليهم في السابع والتامن


والله يوفقك وما تشوفي شر ان شاء الله

[ام اباء]

حتى انا شكلي باحذف الفكر والثقافة ... عجبتني الخطة

[dream1988]

الفكر والثقافه شكلي ابخليها في الترم الثامن

[doood.stone]

الله يوفقكم ويسهلكم يا رب وابدن لا تشيلو هم اي مادة كلها حلوة بس بجد ابدأو من بدري لو عالأقل تاخدو فكرة عن المواد

يمكن الترجمة والصوتيات يبغالهم تركيز اكتر

المقال ومهارات التحدث كلها اشياء بسيطة تقدروا تعتبروها مراجة للانجليزي يلي اخدتوه في المستويات يلي راحت والمدرسة

الأدب وظهور الرواية كلها هرررررج بس لا بأس بيه مرتبط شوية ببعض خصوصا المقدمة بس برضو مو صعب


الله يسهلكم وتتخرجوا بأعلى الدرجات