[تمت الاجابة] جامعه دمام

[جنة..]

السلام عليكم احبائي


انا طالبه منتظمه تخصص فيزيا للاسف طبعا التخصص بغير رغبتي اجبرت عليه حسبي الله عليهم


المهم انا فقدت الامل بتحويل وزي مانتو عارفين صعب تحويل عندنا الله يحاسبهم



فقررت ادرس عن بعد اداره اعمال واريح مخي لاني تعبت نفسيا وجسديا


ايش رايكم بتعليم عن بعد بدمام ؟؟

وهل هي سهله ومرنه اقصد من حيث الانظمه ؟؟

ومتى راح يفتح التسجيل ؟؟

وهل اجرائات القبول تطول ؟ يعني تستمر الي بعد العيد ؟؟

اسفه على اسئلتي واطالتي

[مريوم 2]

السلام عليكم احبائي


انا طالبه منتظمه تخصص فيزيا للاسف طبعا التخصص بغير رغبتي اجبرت عليه حسبي الله عليهم


المهم انا فقدت الامل بتحويل وزي مانتو عارفين صعب تحويل عندنا الله يحاسبهم



فقررت ادرس عن بعد اداره اعمال واريح مخي لاني تعبت نفسيا وجسديا


ايش رايكم بتعليم عن بعد بدمام ؟؟

وهل هي سهله ومرنه اقصد من حيث الانظمه ؟؟

ومتى راح يفتح التسجيل ؟؟

وهل اجرائات القبول تطول ؟ يعني تستمر الي بعد العيد ؟؟

اسفه على اسئلتي واطالتي
بما اني ادرس تخصص ادارة اعمال الحمد الله دراسة حلوة فيها من( وجهة نظري)
الحمد الله الدكاترة متعاونين الجامعة من دعم فني من الدكتو صالح متعاونين برضوا معنا
مابقولك دكاترة متعاونين مرررة لابس متعاونين معنا
ومابي امدح جامعتي واقول مافيها عيب كل جامعة فيها عيب
وشو بعد ياربي اي بنسبة للتسجيل
التسجيل سنوي عندنا ويبداء من 8 او 9 انتي خليك بهالشهرين موجودة
لا ماتطول تسجلين و تنتظرين نتيجة قبولك وبعد قبولك تدفعين وتسلمين اوراقك برمضان لانه بعد العيد الدراسة فا ماتطول
وبنسبة للانظمة سهل كل شيئ سهل استخدامه البلاك بورد بيعطونكم دورة عن كيف تستخدمون البلاك بورد
كيف تشوفون محاضراتكم حل الواجبات الاختبارات الفصلية ......الخ

[rana.a]

التسجيل بيبدى برمضان ن شاء الله

[نوف*]

فكره مسبقه وزيادة معلومات :
- 50 درجه اختبارات وواجبات عن طريق الكمبيوتر و 50 درجه اختبار نهائي في مقر الكليه اللي تختارينها
-دخول البلاك بورد بشكل يومي عشان مايطوف اي شي عليج من اعلانات
- 4 محاضرات مباشره في الترم الواحد ولازم تحضرين على الاقل 3 من اصل 4 عشان لاتنحرمين
-تعاون كبير جدا في الملتقى من ناحية الاختبارات والواجبات والاستفسارات .. الخ
- مثل م قالو التسجيل برمضان او شعبان خليج متابعه والاجراءات ماتطول تقدمين بالنت ويردون القبول ان شاء الله وترسلين شهادتج مع ورقة القبول مع ايصال سداد المبلغ وباذن الله يرسلون الرقم الجامعي وتبتدين درراسه


بالتوفيق يارب :004:

[جنة..]

الله يوفقكم يارب وييسر لكم يارب العالمين

جزاكم الله الجنه

[Dr. nsroon]

فكره مسبقه وزيادة معلومات :
- 50 درجه اختبارات وواجبات عن طريق الكمبيوتر و 50 درجه اختبار نهائي في مقر الكليه اللي تختارينها
-دخول البلاك بورد بشكل يومي عشان مايطوف اي شي عليج من اعلانات
- 4 محاضرات مباشره في الترم الواحد ولازم تحضرين على الاقل 3 من اصل 4 عشان لاتنحرمين
-تعاون كبير جدا في الملتقى من ناحية الاختبارات والواجبات والاستفسارات .. الخ
- مثل م قالو التسجيل برمضان او شعبان خليج متابعه والاجراءات ماتطول تقدمين بالنت ويردون القبول ان شاء الله وترسلين شهادتج مع ورقة القبول مع ايصال سداد المبلغ وباذن الله يرسلون الرقم الجامعي وتبتدين درراسه


بالتوفيق يارب :004:

بالنسبة للنقطة الاولى هذي في اداب فقط :biggrin:
اما بادارة اعمال 30 بالبلاك بورد و 70 بالنهائي
الاختبار النهائي والفصلي كله اختيارات مافيه مقالي ابدًا
المحاضرات المباشرة على حسب مره 3 ومره 4 اما الواجبات 4 والاختبار 2 واحد فصلي والثاني نهائي
والاعلانات سواء بالملتقى او بالبلاك او بالايميل تفي بالغرض متابعتها


التسجيل 5 / 9 / 1435 هـ

والباقي ماقصروا فيه الجميلات معك :004::106:

[هنووووووووو]

مرحبااا
كيفكم جميعاا حابه اسالك مريوم
كيف اداره اعمال حلوه ويسهلون وذاكرون ملخصاات ولا كتب:confused:

[Dr. nsroon]

^
على حسب الدكتور
اذا يبي ملخصات ولا كتب

انا وصلت مستوى رابع الى الان ولا اي كتاب ذاكرته ما عدا
بالمستوى الماضي الدكتور ما سوا ملخص فـ لخصت الكتاب المطلوب الى 23 صفحة تقريبا وذاكرته

[dragon]

تخصص فيزياء مرغوب جدا وعندنا نقص بمدرسين الفيزياء واغلب مدرسين الفيزيا الي يدرسون هنا من الخارج,,,,حرام عليش ارجعي كملي تخصصك تراه مطلوب جدا ومرغوب وحيكون لك شأن كبير بالمكان الي حتشتغلي فيه لانك تخصص فيزياء*

[ابونايف999]

http://im27.gulfup.com/2012-06-03/1338738723642.jpg

[جنة..]

اختي حبيبتي الي فوق

ادري ان التخصص مطلوب جدا


بس هو بغير رغبتي وانا ما حبه ولا اشتهيه ولا افهم له اصلا هههههههه

الله يوفقكم مشكورين

[dragon]

اختي حبيبتي الي فوق

ادري ان التخصص مطلوب جدا


بس هو بغير رغبتي وانا ما حبه ولا اشتهيه ولا افهم له اصلا هههههههه

الله يوفقكم مشكورين
ابي انصحك لوجه الله خليش على تخصصك...الموضوع مو مثل ما انتي مفكرة..يعني الوضع مو زي ايام الثانوية تستشيرين ربعش وين تبي تدخلين علمي ولا ادبي !! الوضع يختلف تماما انتي لازم تختاري المطلوب في العمل عشان تستفيدين وتلاقي شغل مو تقعدي في البيت ..ايش استفدتي تدرسي تخصص انتي تحبينة بس ماعليه طلب قد الدراسة الي غيرتيها..طيب بما انك ماتحبين التخصص ليش دخلتي علمي من ايام الثانوي؟؟؟

[Dr. nsroon]

^
مو كل من دخل علمي يعني حاط في باله يتخصص بجامعة
انا دخلت علمي لاني ما احب التاريخ والجغرافيا وما كان في بالي ادرس بالجامعة
وهذا انا ادرس ادارة اعمال وبطلع مستوى خامس وراح احول مستوى سادس تخصص تسويق بجامعة تبوك
عادي الحياة حلوة :cheese:

عزيزتي جنة اذا فيك شدة دراسة انصحك وبقوة تحولين تعليم عن بعد ادارة اعمال
خليك متابعة للمحاضرات اول بأول واضمن لك التفوق :21:


بالمناسبة الفيزيا مستقبله الوظيفي ضعيف :biggrin:
اربع من قريباتي متخصصين فيزياء وكيمياء ولا وحده فيهم جاها قبول :cheese:
وغيرهم من صديقاتهم كثيييييير

[إنْتِهَاكْة حَرفْ]

_




سجلي عن بعد والتخصص اللي تبين لكن أبعدي عن جامعة الدمام قد ما تقدرين :no:

[جنة..]

حبيبتي انا دخلت علمي لان ابي ادرس احياء

والفيزيا ايام ثنوي اروح لمدرسه خاصه تفهمني اياه

وفوق كل ذا ترا فيزيا الجامعه غير الثانوي

حاولت قد ما اقدر كله ارسب بمواد تخصص وحالتي نفسية اندمرت

[.Lotus]

نصيحتي للجميع ادرسوا التخصص اللي تحبونه بغض النظر عن الفرص الوظيفيه للتخصص

لان اذا ربي كاتبلك وظيفه بتأخذينها مهما كانت شهادتك

فكروا في يومكم وخلوا المستقبل للباري سبحانه

[ابونايف999]

نصيحتي للجميع ادرسوا التخصص اللي تحبونه بغض النظر عن الفرص الوظيفيه للتخصص

لان اذا ربي كاتبلك وظيفه بتأخذينها مهما كانت شهادتك

فكروا في يومكم وخلوا المستقبل للباري سبحانه





كلام في الصميم
ونعم الرأي السديد

http://blog.kau.edu.sa/amoolah/files/2011/06/bimg_70315.jpg

اعمل بقدر جهدك وحسب رغبتك والارزاق
من عند الله سبحانه