مسمى الإنتساب في الوثيقة؟

[zahra's]

السلام عليكم ورحمة الله

أود الإستفسار

نحن ندرس عن بعد . نحل واجبات - نحضر محاضرات مباشرة - نحل مناقشات - ضروري نتفاعل مع النظام
في النهاية يكتب في مسمى الوثيقة إنتساب فقط
دون الإشارة لعمادة التعليم عن بعد بأي طريقة من الطرق ولا حتى في اسم الكلية

لماذا ؟

هل تعتبروه ظلم - أم هل هو أفضل لإعتمادية الشهادة في المؤسسات التعليمية أو الوظيفية الاخرى

بإختصار هل هو أفضل .. أم يحق لنا الإعتراض ؟

[لحنّ]

يقولون افضل انتساب ..،!

[ام جوريتي]

مو قصة أفضل لا انا مره قريت أن التعليم مدري الالحكومة مآاعتمدواا الدراسه عن بعد مافعلوه وش من هذا الكلام ولا الأفضل اكيد عن بعد ..أما الانتساب بس يختبرون أما التعليم عند بعد يحلون واجبات ومناقشات ويحملون محاضرات ومن هالحكي لكن وش نقول ..لنا الله

[الفيـصل]

وعليكم السلام ورحمة الله وبركاته


الأفضل لنا مسمى ( انتساب )

لأنه إلى الآن لم يعتمد التعليم عن بعد اعتماداً كلياً هناك استحياء

إلى الآن النظرة على أن التعليم عن بعد هو أن تحصل على الشهادة وأنت في البيت


مثل الدورات عن بعد و الدبلوم عن بعد

يعني تأخذ شهادة من أمريكا من أحد المعاهد عن بعد وأنت لم تتجاوز حدود السعودية

فهذه غير معتمدة لدى كثير من الجهات المخولة بالتوظيف والاعتماد

لذلك الأفضل لنا على الأقل في الوقت الراهن هو أن يكون المسمى ( انتساب )

[ابوفـهد]

انتساب مطور افضل

[حمد زيد]

انتساب احسن .. لإعتماديته في الدوائر الحكومية

[فني تأمين صحي]

يااخوان خير الكلام ماقل ودل

الدكتور الفريدان مصرح بتويتر!! والي يبغى يتأكد يدخل تويتر ويشوف التغريدات السابقه

شهادات الانتساب مصنفه البعض يستخدم مسميات غير مصنفه مثل تعليم عن بعد او انتساب مطور
مسمى شهادتكم انتساب فقط وهي مصنفه من الخدمه المدنيه ومعترف فيها..
__________________________________________________ _____________________________
انتســـــــــــــــــــــــــــــــــــــــــــــا ب هذا المصنف من 20 سنه في اغلب الجامعات وناس توظفو وترقو وكملو دراسات عليا

في جامعات خارجيه دكاكين تمنح التعليم عن بعد يعني اختبارات عن طريق الانترنت وكل شي عن طريق الانترنت غير معترفه ومضروبه الشهاده بالعربي

جامعه الملك فيصل حكوميه وتكفيك اسمها افضل من بعض الكليات الاهليه المضروبه

الجامعه تعرف وش المعتمد ولو بتكتب التعليم عن بعد
بليناها وشربنا مويتها
ومافي اي جامعه بالمملكه العربيه السعوديه تكتب تعليم عن بعد!!

[كنت نايم]

مسمى انتساب وانتظام هي المعتمده فقط حالياً، مسمي تعليم عن بعد وانتساب مطور ماهي معتمده وقيد الدراسة في وزارة التعليم العالي والخدمة المدنية
http://www11.0zz0.com/2012/09/29/09/726202645.jpg

جامعة الملك فيصل تصدر شهادتها بأسم انتساب في الوقت الحالي لأنه هو الوحيد المعتمد وهالشيء من مصلحتنا

[Flammable]

حنا مشكلتنا مو تعليم عن بعد او انتساب..


المشكله يعاملونك على اساس تعليم عن بعد وتتخرج وشهادتك انتساب!!

الجامعات الاخرى ماعندهم واجبات ومناقشات ومن هالكلام هذا اسمه انتساب تجي وقت الاختبار فقط

....

[فني تأمين صحي]

حنا مشكلتنا مو تعليم عن بعد او انتساب..





المشكله يعاملونك على اساس تعليم عن بعد وتتخرج وشهادتك انتساب!!

الجامعات الاخرى ماعندهم واجبات ومناقشات ومن هالكلام هذا اسمه انتساب تجي وقت الاختبار فقط


....



عندك 30 درجه والاختبار من 70 في شي تتعب عشانه تدخل الاختبار وانت مطمئن ويبغالك 30 درجه فقط
مافي مقارنه اذا كان اختبارك من 100 يبغالك 60 درجه عشان تنجح !!!

هذا من صالحنا بالنسبه لرفع المعدل والنجاح

وبالأخير مسمى مصنف انتساب

[Flammable]

عندك 30 درجه والاختبار من 70 في شي تتعب عشانه تدخل الاختبار وانت مطمئن ويبغالك 30 درجه فقط
مافي مقارنه اذا كان اختبارك من 100 يبغالك 60 درجه عشان تنجح فقط

هذا من صالحنا بالنسبه لرفع المعدل والنجاح


كلامك صحيح وناخوك ... لكن انا اتكلم عن الانتساب بمفهومه الصحيح اللي نعرفه..

ولا ابالغ ان قلت لك ان المناقشه والواجبات تشكل لي مشكله كبيره لاني ما القى وقت لحلها الا في اخر لحظه!!

[الصبحي77]

على ما اعتقد ان التعليم عن بعد او مايسمى بالانتساب المطور تم اعتماده من وزارة الخدمه المدنيه ...

ولاكن هل هذا مشروط بقيود معينه الله اعلم...

http://im31.gulfup.com/BfU01.jpg






http://im31.gulfup.com/KHBtE.jpg

[نزفّ !]

من صالحنا كتابة انتساب

[فني تأمين صحي]

كلامك صحيح وناخوك ... لكن انا اتكلم عن الانتساب بمفهومه الصحيح اللي نعرفه..




ولا ابالغ ان قلت لك ان المناقشه والواجبات تشكل لي مشكله كبيره لاني ما القى وقت لحلها الا في اخر لحظه!!



كلامك صحيح ياغالي
الجامعه تسطيع ان تقدم اختبارت فقط وترتاح وتوفر ايضاٌ من المبالغ بس تأكد ان هالشي من صالحنا
وبأمكانك بيوم واحد تنهي جميع المحاضرات المسجله والمباشره والواجبات والمناقشات وماالزمتنا بوقت محدد!! ( تنزل المحاضره بنفس الاسبوع او اليوم)!!

بكل صراحه وليس دفاع عن الجامعه لاني منتسب اليها بس بأمكانك النظر الى الجامعات الاخرى
جامعه الملك فيصل فيها مرونه ووضوح وتعرف الي لك والي عليك حتى مبلغ الدراسه لايوجد جامعه مثلها على كل ساعه 165 الجامعات الاخرى تاخذ عليك مبلغ 3000 الاف كل ترم حتى لو منزل 12ساعه!!

افضل شي جامعه الملك فيصل وعبدالعزيز وسعود والاولى بنظري الملك فيصل
والجامعات الحكوميه ( الجديده) فيها نظام بدائي جدا تسدد المبلغ عن طريق ايصال من البنك!! او تسجل المقررات عن طريق العماده ولاتقارن بأنظمه الملك فيصل نهائياً
و30 مركز اختبار او اكثرمافي جامعه مثلها بالمملكه العربيه السعوديه

وفقك الله

[ابو ماالك]

اقول خلونا انتخرج بس هذا اهم شي عندي اما المسماء عادي
كلو على بعضه حلو

[الباراتون]

الطاسه ضايعه

[ندى العالم]

مساء الخيرات بحكم خبرتي في التعليم مسمى انتساب أفضل لنا
ليه ...الله اعلم

[zahra's]

أشكر إفادتكم
إذا كان الإنتساب أفضل لإعتماديته في المؤسسات الأخرى
فمو مشكلة لكن يكتب إنتساب مطور على الأقل للتفريق بينه وبين الإنتساب العادي
والأهم يكون معترف فيه بالخارج لو حبيت تكمل ماستر

وهو فعلا لا يقارن بالتعليم عن بعد مثل بعض الجهات الأخرى توصلك الشهادة في بيتك

[ام ليالي]

الانتساب افضل طبعاً

[ام ليالي]

أشكر إفادتكم
إذا كان الإنتساب أفضل لإعتماديته في المؤسسات الأخرى
فمو مشكلة لكن يكتب إنتساب مطور على الأقل للتفريق بينه وبين الإنتساب العادي
والأهم يكون معترف فيه بالخارج لو حبيت تكمل ماستر

وهو فعلا لا يقارن بالتعليم عن بعد مثل بعض الجهات الأخرى توصلك الشهادة في بيتك




الانتساب المطور غير معترف فيه ايضاً

وبالنسبه للخارج هم لا يأخذون المسمى العربي والمسمى الانجليزي لشهادتنا هو part time وهو معترف فيه بكل الجامعات العربيه

[zahra's]

الانتساب المطور غير معترف فيه ايضاً

وبالنسبه للخارج هم لا يأخذون المسمى العربي والمسمى الانجليزي لشهادتنا هو part time وهو معترف فيه بكل الجامعات العربيه

مافهمت قصدك يعني معترف بها أو لا .؟!

أظن اننا نجمع بين مميزات التعليم عن بعد في التعامل مع الأنظمة
ومميزات الإنتساب في الحضور للمقر وتأدية الإختبار تحت إشراف الجامعة
لذلك نحتاج دراسة لإطلاق مسمى جديد يليق بهذه الدراسة

[m.al]

من مصلحتنا تكون الشهادة انتساب

[...mlak]

.............................


هذا الشيء اللي قاهرني...

ياليت يعدلونه إلى انتساب مطور ..او تعليم عن بعد..

مايصير نتعب ونحل ونحضر محاضرات..وأخر شيء اللي يشوف شهادتي ببيعتبرني انتساب عادي..

.......................

[ابو ريتـال]

مسمى انتساب وانتظام هي المعتمده فقط حالياً، مسمي تعليم عن بعد وانتساب مطور ماهي معتمده وقيد الدراسة في وزارة التعليم العالي والخدمة المدنية
http://www11.0zz0.com/2012/09/29/09/726202645.jpg

جامعة الملك فيصل تصدر شهادتها بأسم انتساب في الوقت الحالي لأنه هو الوحيد المعتمد وهالشيء من مصلحتنا

اخوي العزيز كنت نايم

هذا خطاب مزور ولا يوجد اي خطاب رسمي بهذي الصيغة نهائياً

اي موظف حكومي يعرف معنى كلامي زين

[ذكرى محمد]

جدارة ما تعترف بالشهادة

سواء انتساب او تعليم عن بعد

[فني تأمين صحي]

جدارة ما تعترف بالشهادة

سواء انتساب او تعليم عن بعد

بالله عليك توي ادري اسحبو على الانتساب ذكرى محمد تقول مو معترف بجداره وعندها الأدله

[H N O O]

م عرفش وش الصحيح لما الحين

[مــجــازفــــ]

سبحان الله انا استغرب من بعض الاخوان متحمسين لاسم انتساب مطور يعني هذا المسمى غير معترف فيها من قبل الخدمة المدنية وغير مصنف ماهي الفائدة بان تكون شهادتك غير معترف فيها .... !!!؟؟

اما عن المشاركات والمحاضرات فصدقوني نحن في نعمة 30 درجة ضامنها بعد الله بكل سهولة ويسر .... جامعة الامام يا سادة 25 سؤال بالاختبار عليها 100 درجة يعني تخطئ ب 3 اسئلة فقط تنزل لـ b+ اربع اسئلة تنزل b أما جامعتنا لو تخطئ ب 3 اسئلة تبقى a+ وفي حالة جبر الكسور لو تخطئ ب 4 اسئلة تبقى a+ هل لاحظتوا الفرق ؟؟ بالله ما تستاهل مننا شوي اهتمام ونحل الواجبات ونحمل المحاضرات ونكتب المناقشات ؟

بالتوفيق للجميع