تسجيل الدخول

مشاهدة النسخة كاملة : جامعة الملك فيصل تحطمت للمره الالف

آعشق عنآدي
2014- 5- 22, 09:10 PM
سلام عليكم طبعا سبق وكتبت هنا
ذا المره اكتب وانا في قمة التحطيم بعد م طلعت درجتي في القدرات طلعت 60 مع اني توقعتها اكثر لاني اجتهدت بس ربي م كتب
يمكن لان اسبوع م يكفي اذاكر فيه
بسال هل المدة الزمنيه تفرق يعني اذا ذاكرت بدري من شهر ليوم الاختبار هل بتزيد درجتي في الاختبار يعني باذن الله هل الوقت له دور في اني اذاكر اشياء اكثر
وابي اسال عن الكتب حق التحصيلي وش الافضل فيهم للمطور و للمناهج القديمه اذا ممكن
تكفون ساعدوني م بقى عندي غير بصيص امل وهو التحصيلي وابي اعرف اجيب نسبه عاليه
ولو سمحتوا ابي روابط تجميع اسئله التحصيلي حقة العام اذا ممكن
ادري زودتها بس وربي تعبت من التفكير واني م اقدر اجيب نسبه عاليه كل مرة في حدود 60
حزينة جدا
2014- 5- 22, 10:21 PM
وعليكم السلام

ولايهمك اختي كثير اخذو درجة مثلك وانقبلو في الجامعة بس شدي حيلك بالتحصيلي وان شاء الله خير
وأكيد كلما ذاكرتي واخذتي افكار اكثر عن الاختبار بتجيبين درجة افضل
بالنسبة للكتب ماعرف بصراحة بس ادخلي موقع اسم×××× فيه قسم خاص للتحصيلي ويكتبون اسماء كتب وتجميع للأسئلة واذا مالقيتي كتب تناسبك افتحي كتب المدرسة وحاولي تركزين على الاشياء الاساسية ولاتفكرين كيف تجيبين درجة حلوة فكري كيف تذاكرين للأختبار
الله يوفق :106:
آعشق عنآدي
2014- 5- 22, 10:35 PM
المشكله اني متخرجه من ثلاث سنوات ويمكن ذي اخر فرصه لي لاني اذا فشلت م راح ارجع اختبرموقع يزيد يقولون فيه بعض الاخطاء والعلم عند الله مدري المشكله فيني والا من القياس مدري
ابي اكتب اقدر استوعبها
مشكورة خيتي
فاطمة سيهات
2014- 5- 22, 11:00 PM
نصيحتي لا تصيري دافووررررره و الحظ بيكون حليفك عههههههه
لان اللي مايذاكر يجيب درجات اكثر
و اللي يذبح نفسه بالمذاكره مايلقى شي
و لاتتحطمي ترى القدرات و االتحصيل
مالهم اي علاااااااااااااقه بالمذاكره
فقط ضربة حظ + تفتيح مخ شوي وقت الاختبار
او عدي للعشره و اختاري هههههههههههههه
موفقه بس حبيت اغير جوك
لا تحطمي نفسك ع الفاضي
ريمنقو
2014- 5- 23, 12:13 AM
استغفر الله السالفه موب على مذاكره ..
الله يرزق من يشاء , سوي اللي عليك وان شاء الله ربي يرزقك بكل خير ..

اشتركي بدورات قبل الاختبار
آعشق عنآدي
2014- 5- 23, 12:17 AM
م انا اشتركت و م استفدت بعد م تخرجت جبت ٦٣ ثاني سنه قلت السالفه شكلها حظ و م ذاكرت
اما الحين ذاكرت تقريبا استفدت شوي م انكر
طيب اسماء افضل الكتب حق التحصيلي سواء مطور والا المناهج القديمه بليز ابغى اسما ءءء كتب ب اسرع وقت لعلي استفيد بتوفيق رب العالمين
ريمنقو
2014- 5- 23, 12:22 AM
ماعرف الا كتاب رام ..
آعشق عنآدي
2014- 5- 23, 12:29 AM
عندي و مااستفدت منه في عضوة هنا بس نسيت اسمها هي كتبت لي عن كتب القدرات لاهنت اذا شافت الموضوع تجي تكتب الاسماء
merna
2014- 5- 23, 05:06 AM
حبيبتي اول شي توكلي ع الله اكثري من الدعاء والاستغفار ..

وما توفيقك الا بالله ..

ثاني شي حطي ببالك ان اختبار التحصيلي والقدرات مو اسئله رح تحفظيها وتجيك نفسها بالامتحان ..لا

والكتب الي تشتريها وتذكاريها مجرد تعطيك فكره كيف رح تكون شكل الاسئله والطرق السهله لحلها

فالي عليك تسوينه انك تروحين للاساسيات يعني مثلا بالتحصيلي مادة الرياضيات تشوفين اساسيات الجمع

والطرح والاسس وكذا وايجاد حساب المثلثات والزوايا وايجاد قيمة س مع التدريب ع سرعه الحل

عندك الفيزياء رح تجيك اساله عن القوانين لو عندك احد قريب منك يدرس بالثانوي او المتوسط خذي كتبه واقريهم

وكذالك الاحياء ..

شيلي التوتر من بالك وخلي ثقتك بنفسك وبقدراتك وبانك قادره انك تجيبي نتيجه كويسه لو بغيتي لانك بكذا رح

تحفزين عقلكك بانه يستذكر اكثر ومو تحبطينه بكلامك ..

وعندك كتب المتوسط والثانوي

والي اذكره ع اختباري انه جا من ماده الرياضيات الفصول الاخيره من كتاب الرياضيات ل ثالث ثانوي الفصل الدراسي الثاني


ان شالله م اكون بخلت عليك بشي وثقي بالله انه يمكن مو جالسه تجيبين نتيجه كويسه لانه مخبئ لك الافضل
آعشق عنآدي
2014- 5- 23, 11:33 AM
عارفه انها م راح يجيني نفسها بس ابي اعرف اسلوب الاسئله طيب ابي اسماء كتب بنفس مستوى كتاب بكار بس حق التحصيلي
ريمنقو
2014- 5- 23, 01:18 PM
ابحثي بالنت اكيد راح تلقين اسماء كتب ..
او روحي للمكتبه وتصفحي بعض الكتب وشوفي اللي يناسبك ..

/
merna
2014- 5- 23, 05:17 PM
طيب مو هو كل الكتب حاطه لك نفس نظام الاسئله يعني مافي كتاب فيه شي جديد مو موجود بالكتب الباقيه ..!!

الدرجات تعتمد عليك حتى لو شريتي احسن الكتب

ادخلي ع نماذج اختبارات السنوات الي فاتت يمكن تلقين ظالتك هناك

مع اني برائي الشخصي اشوف الكتب ما فيها شي يستحق

غير انها تذكرك بالاساسيات وتعطيك فكره عن الاسئله كما هو موجود بكل مكان حتى بالنت وبالمواد الدراسيه
آعشق عنآدي
2014- 5- 23, 09:32 PM
ابي اسماء افضل الكتب حق التحصيلي اذا ممكن
خواطر انسآن
2014- 5- 24, 05:27 AM
خلي املك بالله قوي
انتي عملي عليك وتوكلي على الله
وربي يوفقكك
إحساٱس الأمل
2014- 5- 24, 05:55 AM
فيه كتب قريت عنهم بس لقيتهم بالنت إذا تبينهم بحملهم لك وبحطهم لك هون او ارسلهم ع الخاص الموهيم

1- مذكرات رائز
2- قبول كم
3- تبسيط المواد نسيت لكن من مؤلفه الموهيم ياخذونهم من المكتبه بس م اظن يمدي دحين انك تذاكرينهم

وعندك المفاهيم العلميه والتدريبات الي حاطينها قياس خصوصا المفاهيم يطلع لك الأساسيات وتقدرين تخلصينه بيوم

موفقهه لكل خير عزيزتي وتوكلي ع ربكك ولاتتوترين ترا م ينفع التوتر شي
وخلي أملكك بالله قوي

دمتي في أمان الله
بشاير علي
2014- 5- 24, 11:29 AM
هلا انا بكتب لك تجربتي في اختبار القياس
اول اختبار كان شهر محرم ذاكرت كل كل شي تجميعات قبل 5 سنوات من عام 1430 ذاكرت من كتب واجد ( الامثل - قبول كم1-كم1-رام1-قياس1-قدرات1) بدأت اذاكر له من شهر شوال و نتيجه كانت 63
الاختبار ثاني كان شهر جمادى الاخر قبل لا ادخل الاختبار الورقي سجلت محوسب في رياض و مره ثانيه ذاكرت كل هذول و ركزت عدل على تجميعات و رحت اختبرت محوسب و كانت النتيجه اخذها بعد الورقي الاختبار ثالث
الاختبار ثالث كان ورقي و دخلت على مذاكرتي حقت المحوسب لانه الفرق بينهم ثلاثه ايام فقط من يومين طلعت نتيجه المحوسب 82 و الاختبار الورقي 74
اما بنسبة الى اختبار تحصيلي حملت تجميعات من منتدى يزيد و شريت كتب من جرير
تحصيلي 2 -تحصيلي ملون - رام2 - قبول كم تحصيلي - ملزمه الامثل مره ممتازه
آعشق عنآدي
2014- 5- 24, 12:07 PM
طيب مشكورين م قصرتوا
خواطر انسآن
2014- 5- 25, 12:31 AM
يغلق الموضوع لـ الانتهاء منه
دعةاتنا بالتوفيق