جامعة الملك فيصل تعتذر عن استقبال خريجي بكالوريس انتساب

[Dokheel]

falseالسلام عليكم ورحمة الله وبركاته

أخواني واخواتي طلاب وطالبات جامعة الملك فيصل (تعليم عن بعد) جاني ايميل اليوم ومحتوى الايميل جامعة الملك فيصل تعتذر عن استقبال خريجي بكالوريس انتساب لدراسات العليا. اذا كان الجامعه الي تدرسنا الحين ماتستقبل شهايدنا أجل الجامعات الثانيه بتقبلنا!!! والله حرام تقريبا 3 سنوات من عمري راحت هبأ منثورا. أجل الجامعه الي تدرسنا مو علشاننا ولا علشان تطور المجتمع الي حولينا الهدف منه ماادي بس. حتى اذا انا بطور نفسي ابي شهاده تثب ذلك. أرجو ان الخبر مو صحيح أو ع الاقل يتغير اذا كذا استغل الوقت وادرس بجامعه ثانيه.

السؤال كيف نتأكد وهل فيه حل؟؟!

[al-otibi]

لو قبلوك وش فايدة الجامعة الالكتروني اللى تم افتتاحها

هم جربوا التعليم عن بعد في جامعة الملك فيصل و شافوه نجح بسعر رمزي على تصورهم

هالحين يبونك تكمل في الجامعة الالكتروني للى عميد النجار سابق في فيصل

الاستثمار في التعليم يطلع فلوس مثل البترول :biggrin:

[Luck]

لا يا شيخ
الموضوع صار سنه وزود واكثر من خمسين موضوع انكتب ملييييييييييييييينا من هالمواضيع


قبل لا تكتب موضوع في المنتدى فيه زر اسمه البحث
ابحث شوف كم مره الناس تكملت عن الموضوع قبل لا تحط نفسك في هالموقف

[كل الخاطر]

اولا الموضوع تحت الدراسة في قرار نهائي
ثانيا اذا ماقبلت الجامعة الحمدلله في غيرها كثير
استعن بالله وربك يسهلها

[فني تأمين صحي]

الموضوع منتهي من زمااان...
بااختصار:
جامعه الملك فيصل ماعندها الى الماجستير العام وشروطه معقده للمنتظم اصلا والاعداد المتاحه قليله جدا ماعندها
ماجستير خاص مدفوع التكاليف
واغلبيه جامعات المملكه فاتحه ابوابها ماوقفت على جامعه الملك فيصل.



ولاتاخذو الموضوع بحساسيه عشان انتساب!! في مميزات ثانيه تكون بصالح الانتساب ماتكون موجوده بالانتضام!!
يااخوان فيه منتظمين معدلاتهم متدنيه مايقبل ماجستير ابدا ويقبل معلم!!
وفيه منتسبين معدلاتهم عاليه يقبل ماجستير ولايقبل معلم!!

كل جهه ولها شروطها ولاوقفت على جهه معينه فيه فرص اخرى

بالتوووووفيق

[يزيد الاسمري]

سبق وتحدث الدكتور عبدالله الفريدان عن ترتيبات الجامعة لهالشيء
وأنها تعمل على إيجاد آليه معينة للدراسات العليا أنتساب
وأوضح أن الموضوع هذا مايخص عمادته فقط - التعليم عن بعد -
وأنما هي من أختصاص - عمادة الدراسات العليا - أيضاً
والي يحكمها لوائح وأنظمة معينة

ومع كل الي صار والي بيصير دائمآ " تفائلوا بالخير تجدوه "

[shaf]

:24_asmilies-com:

[Dokheel]

يعطيكم العافيه ع حسن ردكم والله يكتب الي فيه الخير . أخوي Luck كان ودي يكون ردك ارقى من كذا.

[vip-1]

يقال ان جامعة الباحه تقبل شهادتنا لكن السؤال وش يودينا للباحه
اما سكان الرياض وجده والدمام في الجامعة السعوديه الالكترونيه لكن يجب توفر اللغه باختبار التوفل
والي ساكنين في الخبر الدمام ممكن يشوفون الجامعات البحرينيه لان الماستر دراسه ثلاث ايام في الاسبوع فقط وفيه ناس من سكان الشرقيه هذي هي طريقتهم يدرسون بالبحرين وخاصه سكان الخبر

[ح ــنين..]

اصلاً مانبي نكمل فيها خلاص عافها الخاطر ..

مدري شلون راحت عن بالي سالفة الدراسه بالبحرين..:(107):

بس ع الله تكون شهادتهم قويه ومعترف فيها مو مثل بعض الناس..!!

(جاري التفكير ) .. والله يسهل ..

[ماجد ولد سعيد]

انا افكر اخذ الشهادة بأذن الله ومن ثم اضرب لي قرض محترم من اي بنك وببدأ بمشروع تجاري .. بلا ماجستير بلا خرابيط

[عبدالله الحربي0]

باذن الله بيكون فيه

[عبدالله الحربي0]

انا افكر اخذ الشهادة بأذن الله ومن ثم اضرب لي قرض محترم من اي بنك وببدأ بمشروع تجاري .. بلا ماجستير بلا خرابيط

الله يوفقك ياولد سعيد

[@آبرار@]

اجل ي جماعه اسحبوا ملفاتكم وخونا نجلس بالبيت الشهاده مالها فايده
علشان اصحاب المواضيع هذي ينبسطون:41jg:

[vip-1]

انا افكر اخذ الشهادة بأذن الله ومن ثم اضرب لي قرض محترم من اي بنك وببدأ بمشروع تجاري .. بلا ماجستير بلا خرابيط

وليه تنتظر الشهاده اجل توكل على الله وسوي مشروعك وخاصه لما تكون محترف لعمل معين