تسجيل الدخول

مشاهدة النسخة كاملة : نصيحة مجرب للي بيسجل مواد

أبوبسام3
2014- 5- 29, 04:30 PM
قد يتفق معي البعض عليها اما عني انا فمره ممتازه واستفدت منها كثير
وهي عند تسجيل المواد اسجل ايام وليس مواد
كيف ؟!؟
مثلا تبدا الاختبارات الثلاثاء - انزل ماده من مواد الثلاثاء مايهم اي مستوى المهم الثلاثاء وبعدها ماده الخميس والجمعه اجازه انزل السبت وبعدها الاثنين وبعدها الاربعاء


وش صار ؟ اللي صار اني اختبر يوم ويوم اف راااحه وتركيز


ماذا استفدت من فلسفتي


اني تقديري ممتاز ومافيه مجهود يذكر


هذي تجربتي بس ملاحظه لا تشطح كثير تاخذ من مستوى ثاني وثامن


بما اني الان على بوابة تخرج الفصل القادم واستفدت منها فحبيت يستفيد منها الاغلبيه واخر شيء اني باذن الله بخلص في ثلاث سنوات ونص
اللي بيسأل يسدح سواله
محبكم
ابن الصحراء
2014- 5- 29, 04:32 PM
طبعا يحسب حساب التعارض
prince1
2014- 5- 29, 04:37 PM
اشكرك .. وعقبال التخرج يا رب لك وللجميع

فكرة ممتازة للمستويات الأخيرة . من وجهة نظري .. لأن بعض المواد لها متطلبات
سابقة ويعتمد بعضها على بعض .
W A R D
2014- 5- 29, 05:11 PM
مشكور جزاك الله الجنه
الله يوفقك و يرفع قدرك
أبوبسام3
2014- 5- 29, 05:23 PM
الشكر مروركم

طبعا التعارض ماراح يحصل بسهوله اقول لكم ليه

قايل لكم لاتشطح بالمستويات يعني
الجامعه تخلي المستوى الاول والثاني واحد فتره اولى والثاني فتره ثانيه ومستوى ثالث فتره اولى ومستوى رابع فتره ثانيه وهكذا

عشان كذا انا بالبدايه اقول خلك على مستويين وممكن تدخل ثالث كماده وحده وباذن الله ماعندك مشكلة تعارض


وبالاخير بخصوص المتطلبات اكيد احسب حسابها صح وارسم لها للمستوى اللي بعده

عن تجربتي لم اعاني من تعارض
ولم انضغط ايام الامتحانات وكنت قمة الراحه
واخيرا اني خلصت باسرع وقت بسبعة اترام والاهم ان معدلي امتياز

وفترة التسجيل لنا لقاء باذن الله
ســــلآف
2014- 5- 29, 05:24 PM
انا ما ينفع معي ولا ودي والله براحه بين اختبار واختبار
لحنّ
2014- 5- 29, 05:33 PM
يعطيگ العآفيه‍ الافضل انو الواحد يمشي علىآ الخطه‍

وانا گنت اسوي گذا وندمت ورجعت اعدل
دختنوس
2014- 5- 29, 05:35 PM
وإذا مواد الخطة كثير وماينفع يوم إيه ويوم لآ وش السواة في الحالة !؟؟

هذا أنا أيام ورى بعض وضغط وآخرتها ترم تاسع محتمل

كل تخصص وخطته الدراسية يختلفون عن بعض
gєℓηαя
2014- 5- 30, 01:33 AM
انا مع اختي دخنتوس


ما ينفع ابد مع الخطه الدراسية خصوصا اذا كانت مواد التخصص كثيرة


تخصصنا انجليزي موادنا بالهبل الله وفقني هالترم واخذت يوم ايه ويومين لا

واخذت تقريبا 8 مواد

4 ابدعت فيهم و 4 الله يستر منهم طبعا مش اهمال او كسل بس كل واحد وعلى ظروفه خصوصا اذا كانت صحيه
مــجــازفــــ
2014- 5- 30, 01:45 AM
فكرة رائعة ولكن ضع بالحسبان حاول تاخذ الحد الاعلى بالمستويات الاولى حتى لو حصل بعض المواد ورا بعض لانك راح ترتاح بعدين ... بالتوفيق
علم إجتماع
2014- 5- 30, 01:46 AM
طيب متى تنصح نمشي هيك في اي مستوى نبدى ؟؟

علم الإجتماع مواده كثيره
2COOL
2014- 5- 30, 03:13 AM
قد يتفق معي البعض عليها اما عني انا فمره ممتازه واستفدت منها كثير
وهي عند تسجيل المواد اسجل ايام وليس مواد
كيف ؟!؟
مثلا تبدا الاختبارات الثلاثاء - انزل ماده من مواد الثلاثاء مايهم اي مستوى المهم الثلاثاء وبعدها ماده الخميس والجمعه اجازه انزل السبت وبعدها الاثنين وبعدها الاربعاء


وش صار ؟ اللي صار اني اختبر يوم ويوم اف راااحه وتركيز


ماذا استفدت من فلسفتي


اني تقديري ممتاز ومافيه مجهود يذكر


هذي تجربتي بس ملاحظه لا تشطح كثير تاخذ من مستوى ثاني وثامن


بما اني الان على بوابة تخرج الفصل القادم واستفدت منها فحبيت يستفيد منها الاغلبيه واخر شيء اني باذن الله بخلص في ثلاث سنوات ونص
اللي بيسأل يسدح سواله
محبكم

:(107):والله فكرة :(107):
طا11لبه جامعيه
2014- 5- 30, 03:28 AM
صعبه تضبط ....
•• شجون ~
2014- 5- 30, 03:56 AM
..



هي الفكره ببالي بس خايفه اجازف
عجبتني بعد ما شفت جدول ناوي الرحيل
كان حاطه ع تويتره رهيب ..


طيب انت متى تنصحنا نمشي ع خطتك باي مستوى ؟؟


وتشكرات ♡
فلوريدا
2014- 5- 30, 06:05 AM
ممكن تذكرلنا المتطلبات لكل المواد ؟
واشكرك جدا خطتك ممتازه ومريحه
الله يوفقك
عبندل
2014- 5- 30, 07:52 AM
انا اتكلم من تجربة .. فكرتك ممتازة طبعا لأن :) هذا الي اسويه من ثاني مستوى اختار مواد ب 18 ساعه لكن من مستويات مختلفة وايام مختلفة ولا يوم صار عندي تعارض .
راحه لي في اختيار المواد وراحه في ايام الاختبارات لكن في الترم الماضي سجلت 17 فقط حتى لا يكون عندي تعارض .. للأسف اغلب الزملاء والزميلات يختارون جداول محطوطه لهم من بعض الزملاء ومافيهم من يبحث عن جدوله بنفسه
سحايب 01
2014- 5- 30, 08:02 AM
جزاك الله خير
أبوبسام3
2014- 5- 30, 03:38 PM
المتطلبات مادتين فقط لعلم اجتماع وانا على فكره اتكلم عن علم اجتماع فالطريقه ممتازه بعد ماتعدي مستوى ثالث

المتطلبات تدريب ميداني ٣ لازم تاخذ قبله تدريب ميداني ٢

وايضا مشروع تخرج لازم تاخذ تصميم وتنفيذ البحوث فقط هذي المتطلبات

انا من مستوى ٤ وانا اخذ ١٨ ساعه ويوم اختبار وبعده فاضي ومنها تفيد للكسول زيي اللي مايذاكر الا بالاخر

ولو مانجحت الطريقه كان ماعرضتها لكم واللي حمسني اعرضها ان نجاحي بتفوق (ممتاز) فوق ٤،٥

اسأل الله لكم دوام التوفيق بالدنيا والاخره وتوفيقي طبعا بعد الله ثم انتم يا من تضعون الكويزات والمذكرات وخاصه اني يوم كامل على النت ويوم الاختبار على المذكرات محبكم ��
ana ~♪
2014- 5- 30, 04:33 PM
اخ ابو بسام اسعفنا بجداولك لاهنت
انا طالعه مستوى رابع ان شاء الله ... تقدر تحط لنا المواد اللي اخذتها من مستوى رابع لمستوى ثامن
لو تشوف بس السجل الاكاديمي حقك وتسدح لنا اسماء المواد ... لان الفكره جازتلي بما اني اتعب بالامتحانات جدا .. وبكون لك شاكره وممتنه
مــنى
2014- 5- 30, 06:10 PM
مواد علم الاجتماع كثيييرة :sm5:

ولو اخدت بكل مستوى 18 ساعة

مستحيل تقدر تخلص بثلاث سنوات ونص :139:
...mlak
2014- 5- 30, 06:18 PM
.........................

تنظيم رائع ماشاء الله..
انا كنت افضل كذا وبديت كذا لكن للأسف مع تخصصي أشوف انه صعب..خاصه وان فيه بعض المواد تغير موعدها..
فخربت الخطه وكذلك ماحبيت أجازف واعدل في الجدول عشان ما أتفاجأ بتغير الجداول..

........................
purity2020
2014- 5- 30, 06:27 PM
الخطة غريبه يمكن تنفع ناس وناس ماتنفعهم نمشي عالخطة احسن واﻻربع سنوات في ظهورنا الله ييسرها علينا يااااارب
ابوفيصل 2012
2014- 5- 30, 06:45 PM
انا مو مقتنع بكلامك لسببين السبب الاول اخاف من التعارض والسبب الثاني ان بعض المواد لها متطلب ثاني انا ماشي على الخطه
أبوبسام3
2014- 5- 30, 11:21 PM
بخصوص المواد

اللي فرق معي اني جميع الاترام اخذ ١٨ ساعه اي ٩ مواد واخذت صيفي ٤ ساعات كذا يمديك باخر ترم تاخذ ٢٤ ساعه وبكذا انهيتها ب ثلاث سنوات ونص


معلومه للاغلبيه مايدرون عنها ان اخر فصل ٢٤ ساعه يعني ١٢ ماده بس مادتين مافيها اختبار اي تختبر ب١٠ مواد


توضيح تدريب ميداني ٣ ومشروع البحث مافيها اختبار


اخواني الاقسام الثانيه غير اجتماع ماتصلح لكم طريقتي فقط لاهل الاجتماع لتجربتي ومساعدة اكثر من زميل ومره مبسوطين من الطريقه طبعا الحذر من حمل ماده لانها بتحوس عليك الترتيب
وضحت لكم الصوره ؟
أبوبسام3
2014- 5- 30, 11:25 PM
انا مو مقتنع بكلامك لسببين السبب الاول اخاف من التعارض والسبب الثاني ان بعض المواد لها متطلب ثاني انا ماشي على الخطه
افضل لك تمشي على الخطه انا اقصد اهل الاجتماع فقط

ايضا للي بالمستويات الثالث والرابع ومع الصيفي السنة القادمه باذن الله يتبقى لهم فصل السابع يخلصون فيه


للي يهمه ينهي دراسته باسرع وقت
alameer1395
2014- 5- 30, 11:43 PM
شباب جربو البرنامج هذا

ان شاء الله يعجبكم:d

http://www.ckfu.org/vb/t596528.html
عِصآميهة
2014- 5- 31, 12:13 AM
أنا ماشيه ع الخطه الحمدلله والجدول يوم آيه ويوم لا يعني مستحيل آلجآمعه بتنزل الخطه وفيها ضغط مثلا يومين ورآ بعض آو تعآرض مآدتين ف يوم بس بصرآحه في موآد لازم يكون قبلها يومين آو ثلاثه يعني حسب آلمآده

ودي آطبق نظآمك بس خآيفه من آلتعآرض ،

وكيف قدرت تخلصها ف 7 مستويآت كثفت عدد آلسآعآت يعني ؟!
تركي العياش
2014- 5- 31, 12:47 AM
مشكور وعقبال التخرج ان شاء الله
vip-1
2014- 5- 31, 06:21 AM
قد يتفق معي البعض عليها اما عني انا فمره ممتازه واستفدت منها كثير
وهي عند تسجيل المواد اسجل ايام وليس مواد
كيف ؟!؟
مثلا تبدا الاختبارات الثلاثاء - انزل ماده من مواد الثلاثاء مايهم اي مستوى المهم الثلاثاء وبعدها ماده الخميس والجمعه اجازه انزل السبت وبعدها الاثنين وبعدها الاربعاء


وش صار ؟ اللي صار اني اختبر يوم ويوم اف راااحه وتركيز


ماذا استفدت من فلسفتي


اني تقديري ممتاز ومافيه مجهود يذكر


هذي تجربتي بس ملاحظه لا تشطح كثير تاخذ من مستوى ثاني وثامن


بما اني الان على بوابة تخرج الفصل القادم واستفدت منها فحبيت يستفيد منها الاغلبيه واخر شيء اني باذن الله بخلص في ثلاث سنوات ونص
اللي بيسأل يسدح سواله
محبكم

:d5:


نفس تفكيرك ونفس طريقتك وخاصه ان جدول الجامعه مبهذل وخاصه في المستوىات الاخير لانه لايوجد خيار لك في تبديل المواد لانك خريج

انا لم اجمع مادتين في يوم واحد ولكن حصل ان اصبح عندي مقررين في يومين متتاليه في مستويين (اتكلم عن تخصص اداره الاعمال) اما التخصصات الاخر قد لا يكون لهم الخيار وخاصه ان بعض التخصصات كثير من موادها ساعتين