استفساراتكم هنا

[Dr. nsroon]

<b>السلام عليكم ورحمة الله وبركاته
يسعد اوقاتكم بكل خير احبتي :004:

هذا الموضوع راح يكون تجديد لمواضيع الاستفسارات السابقة

http://www.ckfu.org/vb/t275505.html

http://www.ckfu.org/vb/t434945.html

قبل اي استفسار نحن هنا طلاب نحاول قدر الامكان يكون مصدر اجاباتنا مسؤولين الجامعة
اي استفسار او مشكلة مانقدر نجيب عليها بالشكل الكافي يرجى التواصل مع الدعم الفني للافادة

الرقم الموحد : 0133331313
البريد الإلكتروني : el.support@ud.edu.sa

الشؤون الاكاديمية
كلية الآداب لتخصصات ( دراسات اسلامية – علم اجتماع )
dlaa.art.d@ud.edu.sa
كلية الدراسات التطبيقية وخدمة المجتمع لتخصصات ( ادارة اعمال – تسويق )
dlaa.asc.d@ud.edu.sa

شؤون التسجيل
كلية الآداب لتخصصات ( دراسات اسلامية – علم اجتماع )
dlregartd@ud.edu.sa
كلية الدراسات التطبيقية وخدمة المجتمع لتخصصات ( ادارة اعمال – تسويق )
dlregasd@ud.edu.sa

ايميلات المسؤولين في كلية الدراسات التطبيقية وخدمة المجتمع :
الوكيل الدكتور : صالح الراشد
saalrashed@ud.edu.sa
مسؤول الدعم الفني الاستاذ : معاذ عثمان
maosman@ud.edu.sa
منسق التعليم عن بعد الاستاذ : محمد طيفور
mftayfour@ud.edu.sa


ايميلات المسؤولين في كلية اداب :
الوكيلة الدكتورة : هنادي العرقوبي
halargobi@ud.edu.sa
هاتف مباشر : 38425990 (01) 966+


مواقع تهمك :
* بوابة التعليم عن بعد
https://admit.uod.edu.sa/ (https://admit.ud.edu.sa/)

* البلاك بورد
https://vle.uod.edu.sa/webapps/login/?action=login (https://vle.ud.edu.sa)

* الخدمات الطلابية peoplesoft
http://sis.ud.edu.sa:8000/psp/hcs9prd/?cmd=login


التطبيقات على الاجهزة الللوحية والاجهزة الذكية

التطبيقات على نظام Apple http://www.ckfu.org/pic4u/uploads/ckfu1401414113461.png
* البلاك بورد
https://itunes.apple.com/us/app/blackboard-mobile-learn/id376413870?mt=8

* الفصول الافتراضية "المحاضرات المباشرة"
https://itunes.apple.com/us/app/blackboard-collaborate-mobile/id546742528?mt=8

* الخدمات الطلابية uod
https://itunes.apple.com/nz/app/uod-university-of-dammam/id684750120?mt=8



التطبيقات على نظام android http://www.ckfu.org/pic4u/uploads/ckfu1401414883971.png
* البلاك بورد
https://play.google.com/store/apps/details?id=com.blackboard.android

* الفصول الافتراضية "المحاضرات المباشرة"
https://play.google.com/store/apps/details?id=com.bbcollaborate.collaborate

* الخدمات الطلابية uod
https://play.google.com/store/apps/details?id=com.addvantum.UNIVERSITY_OF_DAMMAM




</b>

[Dr. nsroon]

مساحة للاستفسارات المكررة


[ استفسار] : [تم الرد] عن اغلاق القبول بتخصص علم الاجتماع (http://www.ckfu.org/vb/t596027.html)

[ استفسار] : [تم الرد] تخصصات جامعة الدمام ؟ (http://www.ckfu.org/vb/t596028.html)

[ استفسار] : [تم الرد] التحويل من ادارة اعمال الى علم اجتماع (http://www.ckfu.org/vb/t595770.html)

[ استفسار] : [تم الرد] كيف ارسل ايميل لأي دكتور (http://www.ckfu.org/vb/t595627.html)

[ استفسار] : [تمت الاجابة] كم رسوم الفصل الاول (http://www.ckfu.org/vb/t590205.html)

[ استفسار] : [تمت الاجابة] يشترط اختبار قياس للتسجيل ؟ (http://www.ckfu.org/vb/t588949.html)

[ استفسار] : استفسار بسيط عن التحويل [تمت الاجابة] (http://www.ckfu.org/vb/t604727.html)

[ مشكلة ] : نسيت الباسسورد ؟ [تمت الاجابة] (http://www.ckfu.org/vb/t604688.html)

[ استفسار] : فيه معادلة مواد ؟ (http://www.ckfu.org/vb/t596464-4.html#post11181467)

[ استفسار] : هل يمكن التحويل من فيصل الى الدمام "انتظام" ؟ (http://www.ckfu.org/vb/t596464-6.html#post11205641)

[ استفسار] : مراكز اختبار التعليم عن بعد ؟ (http://www.ckfu.org/vb/t596464-8.html#post11217299)

[ استفسار] : هل استطيع حظور المحاضرات عن طريق الايباد ؟ (http://www.ckfu.org/vb/t596464-9.html#post11227758)

[ استفسار] : ممكن توزيع درجات المشاركات والوجبات والاختبار ؟ (http://www.ckfu.org/vb/t596464-13.html#post11241466)

[ استفسار] : كيف اسدد وانا من ضمن الضمان الاجتماعي ؟ (http://www.ckfu.org/vb/t596464-18.html#post11246887)

[ استفسار] : لمستفدي الضمان كيف ارسل لهم ورقه اثبات حاله ؟ (http://www.ckfu.org/vb/t596464-22.html#post11250120)

[فوز الشطوره]

ابي اسألكم شهادتنا معتمده وﻻ في ناس تقول شهادتنا مو معتمده صحيح هالكلام يعني ما نستفيد شي منها وﻻ وش السالفه

[Dr. nsroon]

ابي اسألكم شهادتنا معتمده وﻻ في ناس تقول شهادتنا مو معتمده صحيح هالكلام يعني ما نستفيد شي منها وﻻ وش السالفه

الجامعة حكومية اكيد معتمدة
اللي يقولك مو معتمدة يجيب الدليل الله لا يهينه :biggrin:

[aljouhara]

السلام عليكم
حبيت اسال فيه صيفي جامعه الدمام ..؟؟؟!!!!

[✿ e s я α`α]

السلام عليكم
حبيت اسال فيه صيفي جامعه الدمام ..؟؟؟!!!!

حالياً : للاسف مافيه

بس قاعدين يدرسون الموضوع الجماعه :064:

[متحطمة]

السلام عليكم
بالنسبلة للتحويل للانتظام العام وقفوا عند نسبة كم ؟
واللي معدله 4 يضمن القبول ولا ؟ :verycute:
والله يسهل لي ولكم :love080:

[بنت ابوووهاا]

السلام عليكم
بالنسبلة للتحويل للانتظام العام وقفوا عند نسبة كم ؟
واللي معدله 4 يضمن القبول ولا ؟ :verycute:
والله يسهل لي ولكم :love080:


وعليكم السلام ..


وقف عند 3.900


بإذن الله يضمن القبول ..


امين يارب وياك:rose:

[Dr. nsroon]

السلام عليكم
بالنسبلة للتحويل للانتظام العام وقفوا عند نسبة كم ؟
واللي معدله 4 يضمن القبول ولا ؟ :verycute:
والله يسهل لي ولكم :love080:

وعليكم السلام ورحمة الله وبركاته
اول دفعة توقف القبول عند 4.08
ثاني دفعة توقف القبول عند 3.80

يعني يعتمد على حسب اللي معدلاتهم اعلى من معدلك

[قمر الشرق]

اللّٰـــہ يجزاك الجنة نصرونتي
ما قصرتي عطيتينا المعلومات اللي
تكفي وتوفي ان شـ الله ــاء
بـßãšـس ؏ــندي سؤال بسيط
ابي الجدول اللي فيه ؏ـن النسبة وعدد الساعات
والمواد اللي ممكن ناخذها پليـpłéèzــز
ويعطيكم العافية اخواني واخواتي

[Dr. nsroon]

اللّٰـــہ يجزاك الجنة نصرونتي
ما قصرتي عطيتينا المعلومات اللي
تكفي وتوفي ان شـ الله ــاء
بـßãšـس ؏ــندي سؤال بسيط
ابي الجدول اللي فيه ؏ـن النسبة وعدد الساعات
والمواد اللي ممكن ناخذها پليـpłéèzــز
ويعطيكم العافية اخواني واخواتي



تفضلي حبيبتي
http://www.ckfu.org/vb/t487161.html

[قمر الشرق]

يسلمو يالغالية
مشكوووووووووووورة ماقصرتي
وعساك عالقوة يا رب:(286)::*****_lov:

[nony nice]

في صيفي هالترم لتعلم عن بعد ؟

[قنوع]

في صيفي هالترم لتعلم عن بعد ؟

لايوجد

نتأمل خير في الصيف مابعد القادم

[wejdan _ Gh]

السلام عليكم

ودي اعرف اذا اقدر احول من فيصل للدمام ؟ "انتساب مطور"
و ايش الاجراءات الممكنه اللي مطلوبه مني؟

[قنوع]

^

وعليكم السلام ورحمه الله وبركاته

عليك مراسلتهم ع عنوان البريد الموضح في أول الموضوع

التسجيل الخاص بأدارة أعمال

[قنوع]

^

وعليكم السلام ورحمه الله وبركاته

كلية الدراسات التطبيقية وخدمة المجتمع لتخصصات ( ادارة اعمال – تسويق )

dlregasd@ud.edu.sa

عليك مراسلتهم ع البريد الأكتروني ربما لديهم جديد في بـ خصوص التحويل

[wejdan _ Gh]

شكراً يعطيك العافيه

[هكوناا]

السلام عليكم

ودي اعرف اذا اقدر احول من فيصل للدمام ؟ "انتساب مطور"
و ايش الاجراءات الممكنه اللي مطلوبه مني؟

وعليكم السلام ..
مافي امكان تحولين لازم تسجلين من جديد
شوفي رد لنصرون
*
وعليكم السلام ورحمة الله وبركاته
اخوي احنا كمان 8 مستويات
بس اول دفعة واصلة مستوى خامس عشان كذا مو مفتوح الا خمس مستويات

+ مافيه امكانية التحويل مالك الا تسجل من جديد
امواد سهلة وحلوه وتقريبا مرت عليك والدكاترة فيه اللي شرحه حلو
وفيه اللي يقرأ وما ينفهم منه شيء :biggrin:

اما بالنسبة للاختبارات فيه تشديد نوعا ما من ناحية الاسئلة ممنوع تتكرر اسئلة المستوى الماضي
يعني كل ترم الدكتور يعصر مخه بأسئلة جديده ومره تصيب وتكون سهله ومره تخيب وتكون صعبه

:icon19:

[wejdan _ Gh]

يعني مافي امكانيه احول و اسوي معادلة للمواد اذا امكن لازم اعيد سنتين !

[هكوناا]

ارسلي ايميل زي ماقال قنوع افضل لك

[wejdan _ Gh]

ان شاء الله برسل واشوف ، ان شاء الله يقبلون

[Otaku]

شسمة فتحوا قبول تحويل للانتظام ولا باقي ؟

[Otaku]

××××××

[قنوع]

24 / 8 / 1435هـ

بإذن الله

[صَعب]

شسمة فتحوا قبول تحويل للانتظام ولا باقي ؟


سوف يتاح تقديم طلبات التحويل من التعلم عن بعد للانتظام بتاريخ 1435/8/24هـ لمن تنطبق عليهم شروط التحويل .


* أعتذر عن التأخير في الرد على التنبيه ..

بالتوفيق .. :rose:

[Khaled.k]

شسمة فتحوا قبول تحويل للانتظام ولا باقي ؟

مهاوي
ماقصر قنوع وصعب
وموفقه لكل خير

[Otaku]

قنوع , صعب , خآإلد ..

شكراً لكم ماقصرتوا عسى ربي يرزقكم السعادة في الدآإرين :)

[قنوع]

Otaku

الله يجزاك خير

[amal alghamdi]

انا خريجه جامعه الدمام تربيه تخصص رياضيات ..... ارغب في الدراسه عن بعد اداره اعمال ماهي الاجرائات اللازمه لذالك وهل من الممكن معادله المواد ؟

مع جزيل الشكر

[إحسـاس]

انا خريجه جامعه الدمام تربيه تخصص رياضيات ..... ارغب في الدراسه عن بعد اداره اعمال ماهي الاجرائات اللازمه لذالك وهل من الممكن معادله المواد ؟

مع جزيل الشكر

المطلوب شهادة الثانوية العامة ..

للأسف مافي معادلة مواد

[amal alghamdi]

طيب شهادتي اكثر من ٦سنوات ..وليس لدي اختبارات قياس او قدرات ؟!؟

[صَعب]

طيب شهادتي اكثر من 6سنوات ..وليس لدي اختبارات قياس او قدرات ؟!؟

لا يشترط .. اختبار "قياس" أو "قدرات"

"الثانوية العامة" فقط .. حتى لو كان تاريخ التخرج "10 سنوات"

بالتوفيق إن شاء الله

^
الاجابة وصلتك في موضوعك الثاني ..


بالتوفيق .. :rose:

[سسسآره]

متى يبدا تسجيل مواد المستوى الثالث ؟؟

[✿ e s я α`α]

^
مع بداية الدراسة ,, اظن انه بـ شوال بإذن الله ,, وأنتِ تابعي الملتقى أول بأول :rose:

[ghadooshah]

السلام عليكم
اناا خلصصت دراسه عن بعد مستوى ثاني ادارة اعمال الحمد لله و ان شاء الله بحول انتظام !
اقدر احول انتظام لكلية ادارة اعمال !!
ولا بس اقدر احول للكلية الي انا فيها كلية خدمة المجتمع و الدراسات التطبيقيه
لان ودي احول انتظام لكلية لادارة اعمال
الي عنده فكره يرد علي
ويعطيكم العافيه

[إحسـاس]

السلام عليكم
اناا خلصصت دراسه عن بعد مستوى ثاني ادارة اعمال الحمد لله و ان شاء الله بحول انتظام !
اقدر احول انتظام لكلية ادارة اعمال !!
ولا بس اقدر احول للكلية الي انا فيها كلية خدمة المجتمع و الدراسات التطبيقيه
لان ودي احول انتظام لكلية لادارة اعمال
الي عنده فكره يرد علي
ويعطيكم العافيه

وعليكم السلام .. بالأول قدمي على التحويل من التعليم عن بعد للإنتظام

الخدمة الذاتية - خدمات الألكترونية - التحويل - تعليم عن بعد للإنتظام - إضافة قيمة جديدة - إضافة - تقديم


وأتوقع مايوضح إذا بتغيرين من سجلات الطلاب الآن .. إحتمال تقدرين بعد تحويلك ..

نصيحتي روحي الجامعة وخليهم هم يحولونك

[ghadooshah]

يعطيكك العافيه احساس
طيب لو اروح للجامعة لاي مبنى اروح ! وعند مين بالضبط

[إحسـاس]

عمادة التعليم عن بعد - مبنى 900

بس جربي سوي تغير التخصص من سجلات الطلاب

الخدمة الذاتية - خدمات إلكترونية - التحويل - التحويل بين كليات الجامعة

[ghadooshah]

سويت التحويل بين كليات الجامعة طلع لي كذا
http://store2.up-00.com/2014-06/1403473864942.jpg

[ابو محمد1221]

متى موعد تسجيل مقررات مستوى ثالث
مشكوررررين

[✿ e s я α`α]

^
مع بداية الدراسة ,, اظن انه بـ شوال بإذن الله ,, وأنت تابع الملتقى أول بأول :rose:

[متحطمة]

الله يسعدكم الحين لا ضغطت على تقديم عند التحويل للإنتظام
وطلع لي معلق بالاخير اضغط حفظ ولا خلاص ماله داعي ؟

[إحسـاس]

الله يسعدكم الحين لا ضغطت على تقديم عند التحويل للإنتظام
وطلع لي معلق بالاخير اضغط حفظ ولا خلاص ماله داعي ؟

أضغطي حفظ .. وتقدرين ترجعين تشيكين على الطلب بهذي الطريقة

طريقة التأكد من نتيجة التحويل
1- الخدمة الذاتية
2- خدمات ألكترونية
3- التحويل
4- التعليم عن بعد للانتظام
5 - بحث عن قيمة موجودة
6- بحث

بتشوفين مربع أزرق مكتوب معلق

إذا جاء الرد بتشوفين لون المربع إما أخضر بالقبول أو أحمر بالرفض

[متحطمة]

أضغطي حفظ .. وتقدرين ترجعين تشيكين على الطلب بهذي الطريقة

طريقة التأكد من نتيجة التحويل
1- الخدمة الذاتية
2- خدمات ألكترونية
3- التحويل
4- التعليم عن بعد للانتظام
5 - بحث عن قيمة موجودة
6- بحث

بتشوفين مربع أزرق مكتوب معلق

إذا جاء الرد بتشوفين لون المربع إما أخضر بالقبول أو أحمر بالرفض

الله يعطيك العافيه .. شكراً :love080:
الله يجعل دربنا خضر يااارب :bawling:

[akyyka5885]

الجامعة حكومية اكيد معتمدة
اللي يقولك مو معتمدة يجيب الدليل الله لا يهينه :biggrin:

بالنسبه للانتساب يفيده الشخص اللي توظف وكبر من العمر عتيا لانن فيه ترقيات على الشهاده ؛ اما اللي توهم متخرجين ما انصحهم ابد ان يدخلوا انتساب ؛والسبب اول شي لو انها معترفه الشهاده كان يكمل عليها ماجستير زي انتظام؛ ثاني شي وزارة الخدمة المدنيه عندهم طلباات توظيف بالهبل اللي خريجين انتظام؛ خل يخلص الانتظام بعدين يجي الانتساب ؛والله اعلم ؛
ملاحظه /هذا اذا ما عنده واسطه جامده :(269):

[Wdoouw]

أضغطي حفظ .. وتقدرين ترجعين تشيكين على الطلب بهذي الطريقة

طريقة التأكد من نتيجة التحويل
1- الخدمة الذاتية
2- خدمات ألكترونية
3- التحويل
4- التعليم عن بعد للانتظام
5 - بحث عن قيمة موجودة
6- بحث

بتشوفين مربع أزرق مكتوب معلق

إذا جاء الرد بتشوفين لون المربع إما أخضر بالقبول أو أحمر بالرفض
يعني لازم نضغط ع حفظ واذا ماضغطنا عليها يتكنسل التحويل ولا

[سسسآره]

يعني لازم نضغط ع حفظ واذا ماضغطنا عليها يتكنسل التحويل ولا

انا نسيت اضغط ع حفظ وجيت بحول مره ثانيه طلع لي كلام انه خلاص قد سويتي طلب
<< يعني التحويل صحيح ومايتكنسل

[ريمنقو]

سااره

سوي طريقة احساس ..



طريقة التأكد من نتيجة التحويل
1- الخدمة الذاتية
2- خدمات ألكترونية
3- التحويل
4- التعليم عن بعد للانتظام
5 - بحث عن قيمة موجودة
6- بحث

بتشوفين مربع أزرق مكتوب معلق

إذا جاء الرد بتشوفين لون المربع إما أخضر بالقبول أو أحمر بالرفض

[عفوك ربي]

ابغى رقم الدعم الفني لجامعه الدمام تعليم عن بعد

[قنوع]

^

الرقم الموحد : 0133331313
البريد الإلكتروني : dl.support@ud.edu.sa (dl.support@ud.edu.sa)

[Amjadali]

كويس حاطين هالموضوع ،السلام عليكم ورحمه الله وبركاته انا حابه استفسر اذا درست ترم واحد انتساب في كليه الاداب في جامعه الملك فيصل ،واخذت معدل عالي وابي احول انتظام لكليه الاداب اللي بالدمام يصير؟ لان شهادتي الثانويه علمي ف ما اقدر ادخل انتظام بجامعه الدمام عشان كذا قررت ادرس انتساب وبعدها احول ،انا سالتهم قالو استفسري من جامعه الدمام 😢

[قنوع]

^

وعليكم السلام ورحمه الله وبركاته

ميزة التحويل للإنتظام خاصة "لطلاب وطالبات جامعة الدمام" الملتحقين في برنامج التعليم عن بعد

اذا تم تحقيق الشروط الخاصة بالتحويل التي ع النحو التالي:

إنهاء فصلين دراسيين مستوى أول + مستوى ثاني و إنهاء 24 ساعه تحصيل معدل تراكمي 3.5

والتخصص المتاح للعام الدراسي الجديد 1435هـ / 1436هـ (إدارة أعمال) فقط

بالتوفيق إن شاء الله للجميع

[ابو محمد1221]

تغيير التخصص طلع لي في الاخير البرنامج المطلوب برنامج 1 برنامج 2 برنامج 3 بالله ابي مساعدتكم بشرح سهل لموضوعي

[ابو محمد1221]

طلع لي خيارات للغه عربيه وعلم اجتماع وش تنصحوني الافضل والاسهل

[Amjadali]

شكرا للي جاوب بس مافهمت قصدي .انا اقصد كليه الدمام تقبل ناس درسو انتساب بجامعه غير جامعه الدمام ويبون يحولون انتظام لجامعه الدمام ؟واخذوا معدل أتراكمي أكثر من 3.5؟

[ريمنقو]

اخوي mmmmmm

مافيه لغة عربيه بالتعليم عن بعد , يعني حط " علم اجتماع "

/

Amjadali
اذا تخرجتي من الجامعه السابقه فهي لن تقبلك

[Amjadali]

لا خلاص فهمت ��كش عليهم

[صَعب]

لا خلاص فهمت ��كش عليهم


:Looking_anim:

[صَعب]

بالنسبه للانتساب يفيده الشخص اللي توظف وكبر من العمر عتيا لانن فيه ترقيات على الشهاده ؛ اما اللي توهم متخرجين ما انصحهم ابد ان يدخلوا انتساب ؛والسبب اول شي لو انها معترفه الشهاده كان يكمل عليها ماجستير زي انتظام؛ ثاني شي وزارة الخدمة المدنيه عندهم طلباات توظيف بالهبل اللي خريجين انتظام؛ خل يخلص الانتظام بعدين يجي الانتساب ؛والله اعلم ؛
ملاحظه /هذا اذا ما عنده واسطه جامده :(269):

الحين ما تنصح وتحلل وتفسر قاعد وآخر شي الله أعلم ؟! :41jg:
يا اخي اذا كان ما يصلح التعليم عن بعد وماله مستقبل ليش تنتسب ؟!

لا تقول عندك واسطه لان الارزاق بيد الله تعالى مو بيد الواسطات .. حتى لو الله سخر لك واسطه فهذا دليل ان خريج الانتساب له فرص وظيفيه والا ما كان توظف ابو الواسطه .. :10111:

كلامك مو صحيح بارك الله فيك ..
بالنسبة لتكملة دراسة الماجستير يقدر يكمل خريج التعليم عن بعد دراسته وأقرب مثال عندك الجامعة الالكترونيه ، ويقدر يكمل حتى خارج المملكه اذا بغا ..

[✿ e s я α`α]

الحين ما تنصح وتحلل وتفسر قاعد وآخر شي الله أعلم ؟! :41jg:
يا اخي اذا كان ما يصلح التعليم عن بعد وماله مستقبل ليش تنتسب ؟!

لا تقول عندك واسطه لان الارزاق بيد الله تعالى مو بيد الواسطات .. حتى لو الله سخر لك واسطه فهذا دليل ان خريج الانتساب له فرص وظيفيه والا ما كان توظف ابو الواسطه .. :10111:

كلامك مو صحيح بارك الله فيك ..
بالنسبة لتكملة دراسة الماجستير يقدر يكمل خريج التعليم عن بعد دراسته وأقرب مثال عندك الجامعة الالكترونيه ، ويقدر يكمل حتى خارج المملكه اذا بغا ..

يعني أقدر أروح بعثة ولا كيف :cheese: ??

[عفوك ربي]

متى دوام الدعم الفني في رمضان ؟

[قنوع]

10 صباحاً - 3 عصراً

[عفوك ربي]

هذا صارت 10 ونص ولي سبع دقائق ومخليني على الانتظار والحل ؟؟؟
عندي موضوع مهم ابغي اخلصه معهم
بقول موضوعي لكم يمكن احد يقدر يساعدني
نسيت الرقم السري حقي للايميل الجامعي ويش الحل ؟
كنت ابغى اقول يفعلوا لي الرقم السري لاني ابغى ارسل لهم من ايميلي اني بسحب ملفي من الجامعه لاني اخوي اخذ من عندهم نموذج الطلب وباقي هالخطوة
لاني سجلت في جامعه فيصل وقالوا لي ملفك مقيد في جامعه الدمام اهئ
متضايقه ومتوترة ومو عارفه اتصرف

[عفوك ربي]

متى دوام الجامعه لان اخوي راح يروح عشان سحب الملف مبنى 900 وابغى اعرف متى دوامهم الى كم ؟

[ابو محمد1221]

اقدر احول من دراسات الى علم اجتماع اليوم ولا بعد رمضان تفتح معي صفحت تغيير التخصص بس يقول القيمه غير صحيحه

[قنوع]

هذا صارت 10 ونص ولي سبع دقائق ومخليني على الانتظار والحل ؟؟؟
عندي موضوع مهم ابغي اخلصه معهم
بقول موضوعي لكم يمكن احد يقدر يساعدني
نسيت الرقم السري حقي للايميل الجامعي ويش الحل ؟
كنت ابغى اقول يفعلوا لي الرقم السري لاني ابغى ارسل لهم من ايميلي اني بسحب ملفي من الجامعه لاني اخوي اخذ من عندهم نموذج الطلب وباقي هالخطوة
لاني سجلت في جامعه فيصل وقالوا لي ملفك مقيد في جامعه الدمام اهئ
متضايقه ومتوترة ومو عارفه اتصرف

سحب الملف لأبد من الحضور شخصياً او ولي أمرك

[قنوع]

متى دوام الجامعه لان اخوي راح يروح عشان سحب الملف مبنى 900 وابغى اعرف متى دوامهم الى كم ؟

من الساعة الـ 10 صباحاً إلى الساعة الـ 3 عصراً

[قنوع]

اقدر احول من دراسات الى علم اجتماع اليوم ولا بعد رمضان تفتح معي صفحت تغيير التخصص بس يقول القيمه غير صحيحه

مع نزول المقررات اختار مقررات "علم اجتماع" للمستوى الثالث"

واذا تتطلب موافقة مشرف ارسل الطلب ع الشئوون الأكاديمية في كلية الآداب وبإذن الله فالك طيب

بالتوفيق إن شاء الله

[هارون الرشيد]

السلام عليكم مراكز الاختبار للتعليم عن بعد هل في مراكز بالرياض؟

[ريمنقو]

هارون

وعليكم السلام ورحمة الله وبركاته ..
بجامعه الدمام لايوجد لها مراكز بالرياض

[هارون الرشيد]

شكرا ريمنقو يعني الاختبار بس بالدمام

[ELMOSTAR]

يعطيك العافية ~

[✿ e s я α`α]

السلام عليكم مراكز الاختبار للتعليم عن بعد هل في مراكز بالرياض؟
اذا انت طالب بجامعة الدمام
تكون الاختبارات النهائية في مقر الجامعة أو في الجبيل والنعيرية وحفر الباطن والخفجي
اما اذا كنت من جامعة فيصل فماادري عنهم :139:

[قنوع]

جامعة الدمام : الخبر - الدمام - الجبيل - النعيرية - الخفجي - حفر الباطن


جامعة الملك فيصل : جميع مناطق المملكة الرئيسية وما جاورها من المدن


بالتوفيق للجميع

[هارون الرشيد]

انا بفيصل والحمدلله الله يوفق الجميع بس جالس استفسر لشخص يبي يسجل وخايف ما ينقبل ادارة بفيصل لانه من الرياض الله يجزاكم خير ويسهل اموركم

[.SAalharbi]

ابي اسال الانتساب عادي تقبل اي نسبه او حتى الاكتفاء ؟ لان بجد طفشت ابي ادرس ؟!!!!

[قنوع]

^

بادري بالتسجيل وإن شاء الله فالك التوفيق

[FoofN]

-

السلام عليكم .
انا دخلت كل بياناتي للتسجيل لكن لما اضغط على الايقونه ماتضغط معي :(
ايش الحل ؟

[N o o r a h]

^
غيري متصفحك وجربي من جديد

[قنوع]

-


السلام عليكم .
انا دخلت كل بياناتي للتسجيل لكن لما اضغط على الايقونه ماتضغط معي :(

ايش الحل ؟


وعليكم السلام ورحمه الله وبركاته


ننصح بأستخدام متصفح فايرفوكس

[.SAalharbi]

كم وقفت عليه نسبه القبول للعام الماضي ؟

[ريمنقو]

والله مدري لكن كل مارتفعت نسبة الثانوية كل ماضمنتي القبول ..

[قنوع]

كم وقفت عليه نسبه القبول للعام الماضي ؟

العدد المستهدف لتسجيله هذه العام (3000) طالب وطالبة

بإذن الله الجميع "مقبول"

بالتوفيق للجميع

[إحسـاس]

كل سنة دراسية ،، تقريبا كل من يتقدم ويسجل يتم قبوله ان شاء الله

[احلى الحريم]

حصلت على معدل تراكمي فوق الأربعة ونص ولله الحمد
لكن لم احصل على مكافأة التفوق مالسبب
ومالحل

[قنوع]

^

ما شاء الله تبارك الله

بإذن الله دوم متفوقه في حياتك العلمية والعملية

للتنبيه والتنويه هنا ملتقى " جامعة الدمام"

[آم روح]

انا سجلت بالتعليم عن بعد

بس بسألكم لو انقبلت اقدر احضر المحاضراتةعن طريق الايباد ولا لازم لابتوب

[قنوع]

انا سجلت بالتعليم عن بعد

بس بسألكم لو انقبلت اقدر احضر المحاضراتةعن طريق الايباد ولا لازم لابتوب

http://www.ckfu.org/vb/t582987.html

بالتوفيق إن شاء الله

[zhra2]

السلام عليكم

بالنسبة للتسجيل عن بعد للبنات

هل يمكن التسجل عن بعد في هذه الجامعة والتسجيل عن بعد في جامعة أخرى بنفس الوقت؟

وهل يحتاج منح للطلاب الغير سعوديين؟

وكم الأقساط الدراسية؟

مشكورين

[قنوع]

وعليكم السلام ورحمه الله بركاته

لايمكن الجمع بين جامعتين في نفس الوقت لأن النظام والسستم واحد

بالنسبة للطلبة الغير سعوديين (لايحتاج التسجيل منح)

المستوى الأول قيمة القسط الدراسي (2600 ريال) شاملة قيمة الدورة

بعد ذلك قيمة الساعه الواحده (150 ريال) لكل مقرر

بالتوفيق إن شاء الله

[Alia_1]

سلام

انا بسوي انسحاب من جامعه الدمام لان العام قبلت انتظام ومادرست والحين ابي اقدم انتساب عادي يقبلون او لا يعطيكم العافيهه

[قنوع]

اذا صدر لكِ رقم جامعي في السابق

غير مسموح لكِ بالتسجيل في التعليم عن بعد

بالتوفيق إن شاء الله

[Alia_1]

الا ابوي جااء الظهريه من الجامعه شايله هم قالو له فقط تسجل عندنا انتساب معاد تقدر تسجل انتظام ارتحت وسجلت الحمدلله

عندي اخر سوال الحين الملفات الي رفعتها بالتسجيل صوره من شهاده مختوم عليها وصوره من بطاقه العايله عادي او لازم الاصل الله يسعدكم ويفرج عليكم مسوسه

[قنوع]

لايوجد لك رقم جامعي او سجل أكاديمي لايوجد أي مشكلة بالتسجيل إن شاء الله

بالنسبة لرفع الصور عادي تكون مصوره

بالتوفيق للجميع

[zhra2]

وعليكم السلام ورحمه الله بركاته

لايمكن الجمع بين جامعتين في نفس الوقت لأن النظام والسستم واحد

بالنسبة للطلبة الغير سعوديين (لايحتاج التسجيل منح)

المستوى الأول قيمة القسط الدراسي (2600 ريال) شاملة قيمة الدورة

بعد ذلك قيمة الساعه الواحده (150 ريال) لكل مقرر

بالتوفيق إن شاء الله

-سألت الجامعة عبر الايميل (dl.support@ud.edu.sa) عن امكانية التسجيل بجامعتين بنفس الوقت وقالو عادي لكن لا يمكن الدراسة بجامعتين بنفس الوقت

(وهل يمكن التسجل عن بعد في الجامعة والتسجيل عن بعد في جامعة أخرى بنفس الوقت؟

يمكن التسجيل ولكن لا يمكن الدراسه في اكثر من جامعة)

-بالنسبة لقيمة القسط (2600) حيكون للسنة التحضيرية لكل فصل ولا لكل السنة؟

والمبلغ (150) كمان كم مقرر فيه ولكل فصل ولا لكل سنة؟

-ومتى ستظهر النتائج لأني سجلت بحمد لله

مشكورين

[قنوع]

-سألت الجامعة عبر الايميل (dl.support@ud.edu.sa) عن امكانية التسجيل بجامعتين بنفس الوقت وقالو عادي لكن لا يمكن الدراسة بجامعتين بنفس الوقت

(وهل يمكن التسجل عن بعد في الجامعة والتسجيل عن بعد في جامعة أخرى بنفس الوقت؟

يمكن التسجيل ولكن لا يمكن الدراسه في اكثر من جامعة)

-بالنسبة لقيمة القسط (2600) حيكون للسنة التحضيرية لكل فصل ولا لكل السنة؟

والمبلغ (150) كمان كم مقرر فيه ولكل فصل ولا لكل سنة؟

-ومتى ستظهر النتائج لأني سجلت بحمد لله

مشكورين

نفس الكلام الذي ذكرناه سابقاً في النهاية (لايمكن)

2600 ريال للمستوى الأول فقط

150 ريال تضرب في قيمة عدد الساعات لكل مستوى

مثال 150 ريال × 16 ساعه = 2400 ريال

ظهور النتائج في 23 / 9 / 1435هـ بإذن الله


بالتوفيق إن شاء الله تعالى

[شــرقأوي !]

سوال الحين شهادة جامعة الدمام يكتبون عليه اتعليم عن بعد

او انتساب
افديووووووني

[ريمنقو]

تعليم عن بعد

[قنوع]

ابشركم يا اخوان ويا اخوات

تم الغاء القرار الصادر مع بداية التسجيل

واصبح بإمكان الطلبة السابقين في جامعة الدمام والمتعثرين او المنسحبين او المنقطعين في (الإنتظام)

(التسجيل في برنامج التعليم عن بعد)

وذلك بفضل الله ثم بفضل الجهود التي يقوم بها سعادة العميد الدكتور / بندر آل عامر

والذي سعى في إتاحة الفرصة للجميع في مواصلة تعليمهم

وذلك للمعلومية

[kawthers]

السلام عليكم
انا مسجلة انتظام في جامعة الدمام..
ماقبلوني ولا في دفعه، لكن ماطلع لي رفض
طالع لي لسه على الطلب، وسمعت ان اذا احد انسحب من الإنتظام
او ماكمل تسجيله تطلع دفعه رابعه في شوال ,,
اللي حابة اسأل عنه، هل اقدر اسجل تعليم عن بعد بدون ما الغي طلب الإنتظام؟
+ احتاج النصيحة اذا ممكن..
نسبتي بالمدرسة 76.99 و بالقدرات 74 و بالتحصيلي 73
إذا صحيح في دفعه رابعه بالدمام انتظام
انتظر الإنتظام ام اتوكل على الله واسجل تعليم عن بعد؟

[احلى الحريم]

من مثلي لم تحصل على مكافأة التفوق رغم انطباق الشروط

[ريمنقو]

السلام عليكم
انا مسجلة انتظام في جامعة الدمام..
ماقبلوني ولا في دفعه، لكن ماطلع لي رفض
طالع لي لسه على الطلب، وسمعت ان اذا احد انسحب من الإنتظام
او ماكمل تسجيله تطلع دفعه رابعه في شوال ,,
اللي حابة اسأل عنه، هل اقدر اسجل تعليم عن بعد بدون ما الغي طلب الإنتظام؟
+ احتاج النصيحة اذا ممكن..
نسبتي بالمدرسة 76.99 و بالقدرات 74 و بالتحصيلي 73
إذا صحيح في دفعه رابعه بالدمام انتظام
انتظر الإنتظام ام اتوكل على الله واسجل تعليم عن بعد؟

وعليكم السلام ..

والله ياختي بخصوص الدفعه الرابعه ماعندي خبر عنها
لكن صحيح كل عام اذا فيه شواغر يقبلون اللي نسبهم قريبه من نسبة اخر دفعه ..

انتي ياختي ماتضمنين قبولك بالشوآغر ,,
لكن بإذن الله انك تضمنين قبولك بالتعليم عن بعد , وتشدين حيلك وتحولين انتظام بعد سنه

مع العلم اذا سجلتي عن بعد وانقبلتي يُلغى طلبك بالانتظام لانك صرتي طالبه بالجامعه ..


القرار بيدك استخيري و شوفي امكانياتك وهل تقدرين تشدين حيلك بتخصص " اداره اعمال "
وتحققين شروط التحويل للانتظام ؟

[ريمنقو]

من مثلي لم تحصل على مكافأة التفوق رغم انطباق الشروط

هنآ قسم جامعه الدممام اختي :rose:

[قنوع]

السلام عليكم
انا مسجلة انتظام في جامعة الدمام..
ماقبلوني ولا في دفعه، لكن ماطلع لي رفض
طالع لي لسه على الطلب، وسمعت ان اذا احد انسحب من الإنتظام
او ماكمل تسجيله تطلع دفعه رابعه في شوال ,,
اللي حابة اسأل عنه، هل اقدر اسجل تعليم عن بعد بدون ما الغي طلب الإنتظام؟
+ احتاج النصيحة اذا ممكن..
نسبتي بالمدرسة 76.99 و بالقدرات 74 و بالتحصيلي 73
إذا صحيح في دفعه رابعه بالدمام انتظام
انتظر الإنتظام ام اتوكل على الله واسجل تعليم عن بعد؟

وعليكم السلام ورحمه الله وبركاته

يعتمد ذلك ع الرغبات المدخله اثناء التسجيل وماهي آخر نسبة توقف عندها التسجيل

فالمسار الصحي والمسار الهندسي والمسار العلمي وكلية الدراسات التطبيقية وكلية العلوم بالدمام

توقفت عند نسب عاليه وبعيد عن النسبة الموزونه الخاص بكِ


نسبتك المووزونه هي (74.497)

وآخر نسبة توقف عندها القبول في كلية الآداب (74.281)

هل كانت هذه الكلية من ضمن الرغبات ام لا ..؟؟


بالتوفيق إن شاء الله

[kawthers]

ريمنقوشكرًا .. بدأت اتقبّل فكرة التسجيل
في التعليم عن بعد، لأن قرأت شوي عن ادارة الاعمال
يبي لها همة و دراسه كويسه وان شاء الله بإذن الله اكون قدها
مابضمن يطلع لي قبول في الانتظام و اخاف اخسر سنة دراسية :(
على العموم، شكرًا جزيلًا .. ماتقصرين 🌹

[kawthers]

قنوع انا علمي وكلية الآداب بالدمام ماطلعت لي من ضمن الخيارات
اخترت هذول
كلية العلوم بالدمام
كلية التربية بالدمام
كلية التربية بالجبيل
كلية العلوم والآداب بالنعيرية
كلية الدراسات التطبيقية
مسار علمي


ممكن مثل ماتفضلت ان النسب عالية وبعيدة عن نسبتي
بالأول قلت يمكن النعيرية تطلع لي قبول فيها
لكن في نفس الوقت ما اضمن القبول
عكس التعليم عن بعد يقولوا ان القبول مضمون ان شاء الله
جميعًا، شكرًا لك

[قنوع]

^

الله يوفقك

مع العلم تحدثت مع الدكتور / عبدالعزيز الفهيد

وذكر لي بأنه لايوجد "دفعة رابعة" نهائياً

وانما يوجد ترقيات اذا حصل هناك انسحاب من بعض الطلبة المقبولين

[احلى الحريم]

من مثلي لم تحصل على مكافأة التفوق رغم انطباق الشروط

كيف يعني
وين اروح لو سمحتوا

[قنوع]

كيف يعني
وين اروح لو سمحتوا


هنا سـ يجد سؤالك "إجابة" بإذن الله

http://www.ckfu.org/vb/t598275.html

بالتوفيق إن شاء الله

[kawthers]

السلام عليكم


http://im66.gulfup.com/3m1cm3.jpg

المدينة المقصود بها هنا، هي المدينة اللي فيها البريد؟
او المدينة اللي انا ساكنة فيها؟
لأن بريدنا في راس تنورة، لكن انا مو ساكنة هناك

[مـدمـوزيل أمـانـي ♡]

عليكم السلام ورحمة الله وبركاته


المكان اللي ساكنه فيه

وبالتوفيق:004:

[قنوع]

عليكم السلام ورحمة الله وبركاته


المكان اللي ساكنه فيه

وبالتوفيق:004:


:(204):

[Ftume]

السلام عليكم
حبيت استفسر انا قررت احول دراسه عن بعد
حبيت اسال طريقتهم كيف ، ملازم او كتب ؟
وهل فيه معادله للمواد او لا ؟
وهل فيه اترام صيفيه ؟
وشهاده التعلم عن بعد نفس شهاده الاتنظام ؟

[N o o r a h]

السلام عليكم
حبيت استفسر انا قررت احول دراسه عن بعد
حبيت اسال طريقتهم كيف ، ملازم او كتب ؟
وهل فيه معادله للمواد او لا ؟
وهل فيه اترام صيفيه ؟
وشهاده التعلم عن بعد نفس شهاده الاتنظام ؟

وعليكم السلام ورحمة الله وبركاته

حسب كل دكتور شنو يقرر من وين المذاكره

للأسف مافيه معادله للمواد

ومافيه اترام صيفيه

نفسها بكل شي ماعدا التقديم للتدريس او مجال التعليم بالاصح ما يقبلون شهادة التعليم عن بعد


والتسجيل بيخلص تاريخ 20/9/1435

بالتوفيق

[حياتي حلوة بطاعة ربي]

السلام عليكم ورحمه الله وبركاته
شهر مبارك / حبيت اسأل بخصوص تسجيل المواد للمستوى السادس متى ؟؟

[N o o r a h]

^

وعليكم السلام ورحمة الله وبركاته

ان شاء الله بيكون 28 / 10 / 1435

[*روز*]

متى تسجيل المواد لطلاب القداماء

1435ه التر م الاول

هل غيه ترم صيفى مش صيف هذى الصيف القادم اذاء عشنا الى ذاك الوقت:106:

[إحسـاس]

تسجيل المواد شوفي رد المشرفه نوره

بتاريخ ٢٨ شوال تقريبا

بالنسبة للفصل الصيفي إلى الان ما أعتمد بشكل رسمي

وإذا طبق بتكون لها معايير وإجراءات بالنسبة لعدد الطلبة المتقدمين والدكاترة والمواد

بس نقول ان شاء الله

[student lam]

انا ادرس عن بعد في جامعة الدمام وخلصت سنه كامله بس ودي اقدم على جامعه ثانيه يمكن يقبلوني في تخصص افضل واطلع من جامعة الدمام .. السؤال : يصير اقدم طلب تسجيل بجامعه وانا اساسا ادرس في جامعه ثانيه ؟ ولا ينرفض طلبي

[student lam]

وعندي سؤال ثاني بعد إذا سمحتوا .. شلون اضيف ماده سقطت فيها للترم الجديد ؟

[إحسـاس]

انا ادرس عن بعد في جامعة الدمام وخلصت سنه كامله بس ودي اقدم على جامعه ثانيه يمكن يقبلوني في تخصص افضل واطلع من جامعة الدمام .. السؤال : يصير اقدم طلب تسجيل بجامعه وانا اساسا ادرس في جامعه ثانيه ؟ ولا ينرفض طلبي

ماتقدر توفي وتدرس بجامعتين .. وتقدر تقدم بجامعة ثانية عادي ..

بس مادام إنك كملت سنة .. أنصحك إنك تكمل الدراسة لأن الحين أغلب الجامعات بدت تقلل التخصصات

[إحسـاس]

وعندي سؤال ثاني بعد إذا سمحتوا .. شلون اضيف ماده سقطت فيها للترم الجديد ؟

المواد اللي حاملها تقدر تسجلها مع تسجيل المواد للسنة الجديدة إن شاء الله

[أسيرالود]

طيب أنا مستجد هل أستطيع معادلة مواد درستها من قبل مثل النظام الاجتماعي في الاسلام وغيرها

[قنوع]

للأسف .. لايوجد معادلة للمقررات ..

تدرس كـ طالب مستجد

موفق اخوي

[رقيقة مشاعر]

انا منتسبه بجامعه الفيصل بتخصص علم اجتماع هل استطيع تحويل الا جامعة الدمام انتساب وعادلون موادي ؟!

[ريمنقو]

لآ تستطيعين التحويل

[ابو نايف 1984]

ممكن توزيع درجات المشاركات والوجبات والاختبار ؟؟؟

[قنوع]

^

اختبارات (10) واجبات (10) تحميل محاضرات (10) المجموع (30) درجة

[روز محمد]

متى راح يبتدي الدفع للسمستر الجاي ومتى يفتح تسجيل المواد

[ريمنقو]

28 شوال تسجيل المواد ..
الدفع كالعاده بعد تسجيل المواد

[روز محمد]

شكرا لك

[قنوع]

^

كما تفضلت وكتبت مشرفتنا المتميزة "ريمنقو"

وعندك فرصة شهر تبدأ من تسجيل المقررات "لدفع الرسوم"

بالتوفيق إن شاء الله

[zhra2]

السلام عليكم ورحمة الله

كيف اعرف اني انقبلت او لا؟؟

المفروض اليوم النتائج بس ما جاني شي لا عالايميل و لا عالجوال

[ريمنقو]

وعليكم السلام ..

حطي رقم السجل المدني والمدينه هنآ : http://eservices.sp.com.sa/university_ude/pages/default.aspx

اذا مقبوله بيطلع لك نموذج البريد

[esraa 2]

السلام عليكم
وكل عام وانتم بخير بداية
انا اجتزت المستوى الرابع بفضل الله وكان معدلي 3.712 اريد معرفة كم اقصلا عدد ساعات استطيع ان اسجله للمستوى القادم؟؟؟

[إحسـاس]

السلام عليكم
وكل عام وانتم بخير بداية
انا اجتزت المستوى الرابع بفضل الله وكان معدلي 3.712 اريد معرفة كم اقصلا عدد ساعات استطيع ان اسجله للمستوى القادم؟؟؟

وعليكم السلام

http://im12.gulfup.com/2012-08-09/1344521225141.gif

[zhra2]

وعليكم السلام ..

حطي رقم السجل المدني والمدينه هنآ : http://eservices.sp.com.sa/university_ude/pages/default.aspx

اذا مقبوله بيطلع لك نموذج البريد

زي كيذا اكون مقبولة؟؟

http://im81.gulfup.com/ZCejT6.jpg

لو كيذا ايش الخطوة التاليه؟؟؟

مشكووورة

[قنوع]

الف مبروك القبول

الخطوة التالية الضغط ع ايقونة "طباعة نموذج" وطباعة نسختين

ورفعها مع الوثائق الشهادة الأصل مع صورة من بطاقة العائلة وايصال دفع الرسم وإرسالها في البريد الممتاز

في تاريخ 7 / 10 / 1435هـ واخر يوم لرفع الأوراق 18 / 10 / 1435هـ

بالتوفيق إن شاءء الله

[ريمنقو]

زهراء ..

الف مبروك قبولك ..
خطوة مابعد القبول ذكرهآ المشرف قنوع يعطيه العافيه ..

[zhra2]

شكراً جزيلاً لكم والله يبارك فيكم ويجزيكم كل خير

[قنوع]

^

الله يجزاكِ خير الدنيا الآخرة

ولاشكر ع واجب

الجميع في خدمتكم دائماً

فالكم التوفيق

[may mohmmad]

ضروري
ابي اسال انا جتني رسالت قبولي بجامعه كيف ادخل واحدث بياناتي واهم ما اعطوني رقم جامعي

[Bnt3lnoor]

ادخلي ع البريد الممتاز
وادخلي السجل المدرني تبعك
يطلع لك برنت يكتب لك فيها قبولك والبرنامج الي انقبلتي فيه
اطبعيه وارسليه مع وثائقك

والرقم الجامعي يصدر لاحقا مع بدايه الدراسه والبلاك بورد

موفقه

[إحسـاس]

ضروري
ابي اسال انا جتني رسالت قبولي بجامعه كيف ادخل واحدث بياناتي واهم ما اعطوني رقم جامعي

تفضلي هنا

http://eservices.sp.com.sa/university_ude/pages/default.aspx

وتابعي المكتوب في هذا الموضوع

http://www.ckfu.org/vb/t602961.html

شكرًا لك bnt3lnoor

[kawthers]

هل يشترط ان اذهب بنفسي للبريد الممتاز ام ولي الأمر يكفي؟

[قنوع]

بعد التوقيع الشخصي ع النموذج "ولي الأمر يكفي"

[QUN_22]

السلام عليكم
انا مسجلة انتظام في جامعة الدمام..
ماقبلوني ولا في دفعه، لكن ماطلع لي رفض
طالع لي لسه على الطلب، وسمعت ان اذا احد انسحب من الإنتظام
او ماكمل تسجيله تطلع دفعه رابعه في شوال ,,
اللي حابة اسأل عنه، هل اقدر اسجل تعليم عن بعد بدون ما الغي طلب الإنتظام؟
+ احتاج النصيحة اذا ممكن..
نسبتي بالمدرسة 76.99 و بالقدرات 74 و بالتحصيلي 73
إذا صحيح في دفعه رابعه بالدمام انتظام
انتظر الإنتظام ام اتوكل على الله واسجل تعليم عن بعد؟

وعليكم السلام ورحمة الله وبركاته ..
مثل م قالت لك ريمنقو راح تنقبلي عن بعد ع طول ..
وتقدري بعد م تكملي سنه كامل وتجيبي معدل 3.5 وفوق
تحولي انتظام ..

موفقه يا رب

[صالح حمد]

السلام عليكم و رحمة الله و بركاته، قريت بموضوع مقارنة بين الجامعتين ان طلاب الدمام -عن بعد- ملزومين بحضور المحاضرات المباشرة و غيابهم يحسب عليهم. طيب و اذا موعد المحاضرة ما يناسبني لظروف العمل؟ فيه شغلات كثير ترا مو واضحة لي بخصوص الدراسة عن بعد من ناحية المتطلبات و نظام توزيع الدرجات و المواد، فيه موضوع بالمنتدى يشمل هالجانب؟ شكرا

[قنوع]

السلام عليكم و رحمة الله و بركاته، قريت بموضوع مقارنة بين الجامعتين ان طلاب الدمام -عن بعد- ملزومين بحضور المحاضرات المباشرة و غيابهم يحسب عليهم. طيب و اذا موعد المحاضرة ما يناسبني لظروف العمل؟ فيه شغلات كثير ترا مو واضحة لي بخصوص الدراسة عن بعد من ناحية المتطلبات و نظام توزيع الدرجات و المواد، فيه موضوع بالمنتدى يشمل هالجانب؟ شكرا

وعليكم السلام ورحمه الله وبركاته

المحاضرات المباشرة مجرد دخولك لها عن طريق النظام يتم تسجيل حضورك تلقائياً

وهناك جدول مجدول لها وليست يومياً بكل أسبوعين يخصص أسبوع تقريباً لجميع المقررات

وتستطيع حضورها عن طريق الآيباد والآيفون ..

أما بخصوص الدراسة فهي عن طريق الأنترنت "البلاك بورد" وسيكون هناك "دورة عن كيفية استخدامه"

والمتطلبات من واجبات واختبارات هناك جدول يوضح لك ايام وتاريخ استحقاقها

وهنا يوجد تجمع للأقسام يتعاون الجميع ع الحلول وغيرها يتم فتح الأقسام مع بداية الدراسة بإذن الله

اما توزيع الدرجات فهي ع النحو التالي :

(10) واجبات (10) اختبارات فصلية (10) تحميل المحاضرات وحضور المباشر منها المجموع (30) درجة

الأختبار النهائي (70) وطريقة الأسئلة "اختيارات و صح , خطأ (موضوعية)

وأي استفسار أو أي سؤال الجميع في الخدمة

بالتوفيق إن شاء الله تعالى

[صالح حمد]

وعليكم السلام ورحمه الله وبركاته

المحاضرات المباشرة مجرد دخولك لها عن طريق النظام يتم تسجيل حضورك تلقائياً

وهناك جدول مجدول لها وليست يومياً بكل أسبوعين يخصص أسبوع تقريباً لجميع المقررات

وتستطيع حضورها عن طريق الآيباد والآيفون ..

أما بخصوص الدراسة فهي عن طريق الأنترنت "البلاك بورد" وسيكون هناك "دورة عن كيفية استخدامه"

والمتطلبات من واجبات واختبارات هناك جدول يوضح لك ايام وتاريخ استحقاقها

وهنا يوجد تجمع للأقسام يتعاون الجميع ع الحلول وغيرها يتم فتح الأقسام مع بداية الدراسة بإذن الله

اما توزيع الدرجات فهي ع النحو التالي :

(10) واجبات (10) اختبارات فصلية (10) تحميل المحاضرات وحضور المباشر منها المجموع (30) درجة

الأختبار النهائي (70) وطريقة الأسئلة "اختيارات و صح , خطأ (موضوعية)

وأي استفسار أو أي سؤال الجميع في الخدمة

بالتوفيق إن شاء الله تعالى



تسلم حبيبي والله ردك كفى و وفى، يعني برايك نظام الدراسة ما يتعارض مع وقت الدوام الصباحي؟ من تجربتك يعني او تجربة احد تعرفه؟ يعطيك العافية

[قنوع]

^
الله يسلمك ويسعدك

لايتعارض بإذن الله تعالى

[نوف*]

تسلم حبيبي والله ردك كفى و وفى، يعني برايك نظام الدراسة ما يتعارض مع وقت الدوام الصباحي؟ من تجربتك يعني او تجربة احد تعرفه؟ يعطيك العافية

لايتعارض ابدا مثل ماقال الاخ قنوع غالبا الاختبارات او الواجبات تكون مسائيه ولو فتحت صباحا تكون متاحه فتره كافيه مثلا 12 ساعه على حسب الدكتور او الدكتوره بس 100% لايتعارض

[ariana]

ابي أسأل انا انقبلت لسة بالجامعه و دفعت الرسوم امس

فهل في مشكلة لو صار الدفع قبل بداية فترة التسديد

[قنوع]

^

المهم الاحتفاظ بإيصال الايداع وإرساله في 7 / 10 / 1435هـ مع الأوراق والوثائق

بالتوفيق إن شاء الله تعالى

[.SAalharbi]

السلام عليكم

الايصال تبع الرسوم اذا دفعت لازم اخلي نسخه معي يعني انسخها ؟

[Wdoouw]

السلام عليكم
اي تاريخ تبدا الدراسه للي محولين للانتظام

[إحسـاس]

السلام عليكم

الايصال تبع الرسوم اذا دفعت لازم اخلي نسخه معي يعني انسخها ؟

خذي من وصل السداد صورة وخليها عندك

[إحسـاس]

السلام عليكم
اي تاريخ تبدا الدراسه للي محولين للانتظام

وعليكم السلام

تسجيل المواد 28 شوال

وبداية الدراسة 5 ذو القعدة

[Wdoouw]

شكراً ع الرد ^^طيب طريقة تسجيل المواد تختلف ولا نفس عن بعد

[قنوع]

^

نفس الطريقة الاختيار عن طريق السجلات الطلابية

[خلوُد آلمطيري.]

لو سممحتوا اقدر اغير تخصصي من اداره اعمال الى دين مثثثلا :(!!
لان هالقسمم مو ميولي ،

[قنوع]

^

القسم المتاح حالياً "إدارة أعمال"

[خلوُد آلمطيري.]

عارفه ان هذا هو المتاح اقصد اذا حولت انتظام اغيرر ؟

[QUN_22]

^^
نعم تقدري تغييري ..
ولكن معدلك يكون 3.5 وما فوق
وموفقه ..

[خلوُد آلمطيري.]

اشوا يعني اقدر اغير تخصصي بعد التحويل الى تخصص دين او انقلش .

تشكرات لكم

[zhra2]

السلام عليكم

ممكن أعرف طريقة تسديد الرسوم من نظام سداد؟

[قنوع]

السداد عن طريق الايداع أو التحويل
ع حساب العمادة في البنك الاهلي
05294329000110
as1810000005294329000110

[QUN_22]

اشوا يعني اقدر اغير تخصصي بعد التحويل الى تخصص دين او انقلش .

تشكرات لكم
نعم ..
بالخدمه ( العفو ) ..

[خلوُد آلمطيري.]

كيف اسدد وانا من ضمن الضمان الاجتماعي !

[إحسـاس]

كيف اسدد وانا من ضمن الضمان الاجتماعي !

الحالات المستفيدة من الضمان الإجتماعي أو منالجمعيات_الخيرية التابعة لوزارة الشئون الإجتماعية يتم إعفائها من الرسوم الدراسية بشرط إرفاق ورقة إثبات الحالة مصدقة من الوزارة

[خلوُد آلمطيري.]

طيب اوك عندي الوثيقه من الضمان ؟بس يعني ارسلها مع الوثائق وخللاصص

[إحسـاس]

إذا عندك ومختومة وكل شئ ... أرسليها مع الوثائق بالبريد الممتاز

[H A N O]

متى موعد تسجيل المواد ؟

[N o o r a h]

28 / 10 / 1435

[خلوُد آلمطيري.]

السسلام عليككم ’
كيف اطبع نموذج من الموقع نفسهه ؟؟ واحتفظ فيهه

[صَعب]

السلام عليكم

ممكن أعرف طريقة تسديد الرسوم من نظام سداد؟


http://www.ckfu.org/vb/t490569.html

[صَعب]

السسلام عليككم ’
كيف اطبع نموذج من الموقع نفسهه ؟؟ واحتفظ فيهه


طباعة النموذج الخاص بإرسال الوثائق يكون من خلال الرابط أسفل .. ( يجب طباعة نسختين )

http://eservices.sp.com.sa/university_ude/pages/default.aspx


بالتوفيق خلود ..

[سفينة النجاة]

السلام عليكم حبيت أسألكم كيف أسوي تأجيل ترم لأكمل الدراسة لمستوى ثالث وأنا بحاول أراسل الجامعة ((أفيدوني بهذه المعلومة وشكرا لكم على التواصل ))

[قنوع]

السلام عليكم حبيت أسألكم كيف أسوي تأجيل ترم لأكمل الدراسة لمستوى ثالث وأنا بحاول أراسل الجامعة ((أفيدوني بهذه المعلومة وشكرا لكم على التواصل ))


وعليكم السلام رحمه الله وبركاته

خلال هذه الأيام سيتم وضع التقويم الأكاديمي في الموقع وفيه توضيح ايام وتواريخ التأجيل والأعتذار

وعن طريق (نظام سجلات الطلاب) يمكنك التأجيل بعمل الخطوات التالية :

1- الخدمة الذاتية

2- خدمات الكترونية

3- حالة الطالب الأكاديمية

4- تأجيل الدراسة

5- إضافة قيمة جديدة

6- إضافة


كل الدعوات للجميع بالتوفيق إن شاء الله

[خلوُد آلمطيري.]

صعب انساك اشكرك .

طيب احتاج دفتر وقلم اكتب الاشياء اللي المهمه بالمحاظرهه ولا مايحتاج .؟

[Bnt3lnoor]

صعب انساك اشكرك .

طيب احتاج دفتر وقلم اكتب الاشياء اللي المهمه بالمحاظرهه ولا مايحتاج .؟

:biggrin:

انتي الي تجاوبين ع هذا السوال
هل انتي من النوع الي مايحتاج يدون كل شي وتحفظين وتتذكرين
او تنسين وتحتاجين تدوين اول باول
اذا الماده تحتاج تكتبين معلومات لان الي انذكر مو موجود بالكتاب او المحاضرات وهاكذا

اصلا لو انذكر ان في كويز وا واجب اوردي بنزل لك بالتنبيهات بالبلاك بورد

[Rooodi]

متى تسجيل المواد المستوى الثالث ؟؟

[خلوُد آلمطيري.]

:biggrin:

انتي الي تجاوبين ع هذا السوال
هل انتي من النوع الي مايحتاج يدون كل شي وتحفظين وتتذكرين
او تنسين وتحتاجين تدوين اول باول
اذا الماده تحتاج تكتبين معلومات لان الي انذكر مو موجود بالكتاب او المحاضرات وهاكذا

اصلا لو انذكر ان في كويز وا واجب اوردي بنزل لك بالتنبيهات بالبلاك بورد





- للامانه لازم ادونن عشان التركيز والاجتهاد .
بس حبيت استفسر ،وبشوف غيري اذا احتاج الدفتر ويكون معه .

[صَعب]

- للامانه لازم ادونن عشان التركيز والاجتهاد .
بس حبيت استفسر ،وبشوف غيري اذا احتاج الدفتر ويكون معه .

فيه مقررات تحتاج دفاتر ومذكرات لها تكتبين وتحلين فيها وخصوصاً المقررات اللي تحتاج حل تمارين وتدريب على القوانين مثل مقررات مبادئ الرياضيات والإحصاء ورياضيات وإحصاء الإداره والمحاسبة والإقتصار وغيرها ..

في كل الاحوال كل الدفاتر والمذكرات اللي تحلين فيها وتتمررين عليها في اي مستوى راح ترجعين لها في المستويات اللي بعدها لأنها مرتبطه ببعضها ..

[خلوُد آلمطيري.]

فيه مقررات تحتاج دفاتر ومذكرات لها تكتبين وتحلين فيها وخصوصاً المقررات اللي تحتاج حل تمارين وتدريب على القوانين مثل مقررات مبادئ الرياضيات والإحصاء ورياضيات وإحصاء الإداره والمحاسبة والإقتصار وغيرها ..

في كل الاحوال كل الدفاتر والمذكرات اللي تحلين فيها وتتمررين عليها في اي مستوى راح ترجعين لها في المستويات اللي بعدها لأنها مرتبطه ببعضها ..


- يعني احتاج هالدفتر ؟بكل ماده .

[صَعب]

- يعني احتاج هالدفتر ؟بكل ماده .

أكيد تحتاجين خصوصاً في المقررات اللي ذكرتها في ردي السابق ، وإلا كيف راح تتمرني وتحلي وتطبقي على القوانين الخاصه بها ؟!

راح تخدمك كثير برضوه في التطبيق على استخدام الآله الحاسبه ..

[قنوع]

متى تسجيل المواد المستوى الثالث ؟؟

بـ تاريخ 28 / 10 / 1435هـ بإذن الله

خلال هذه الأسبوع أو القادم ع أقل تقدير سيكون التقويم الأكاديمي ع الموقع

[خلوُد آلمطيري.]

أكيد تحتاجين خصوصاً في المقررات اللي ذكرتها في ردي السابق ، وإلا كيف راح تتمرني وتحلي وتطبقي على القوانين الخاصه بها ؟!

راح تخدمك كثير برضوه في التطبيق على استخدام الآله الحاسبه ..


- جعلك بالجنه يارب مشكور .:love080:

[فوز الشطوره]

متى راح نبدي تسجيل المواد ومتى تبدي الدراسه

[Amjad khaled]

حابه اسال على الابتعاث الخارجي
لو حابه ادرس الماجستير بالخارج
لما اقدم على البعثه لما اتخرج باذن الله لازم تكون شهادتي انتظام ؟
ولا اهم شي المعدل ؟

[قنوع]

متى راح نبدي تسجيل المواد ومتى تبدي الدراسه

تسجيل المقررات في 28 / 10 / 1435هـ

بداية الدراسة 5 / 11 / 1435هـ

[قنوع]

حابه اسال على الابتعاث الخارجي
لو حابه ادرس الماجستير بالخارج
لما اقدم على البعثه لما اتخرج باذن الله لازم تكون شهادتي انتظام ؟
ولا اهم شي المعدل ؟


https://safeer.mohe.gov.sa/sites/student/SInterested/ScholarshipTerms/SCHOLARSHIP-RULES/Pages/Rules2.aspx

[هَنَو!]

السلام عليكم
هل مازال التسجيل مفتوح بسجل اخوي
يمدي او لا

[إحسـاس]

السلام عليكم
هل مازال التسجيل مفتوح بسجل اخوي
يمدي او لا

وعليكم السلام

خليه يروح للجامعة مبنى عمادة التعليم عن بعد

مبنى 900 وإن شاء الله يسجلونه

[هَنَو!]

^
انزين اخوي هالمبنى وينه بضبط

[قنوع]

^

مقر الجامعة الرئيسي "الراكة"

مبنى (900) الدور الأول

أ.علي الزهراني

[زهره الربيع]

السلام عليكم..
ابغا اسال بخصوص التحويل للانتظام ينتهي 10هالشهر ..بس انااحتمال اسافر قبلها بيوم ومارح اطول ..لو طلع القبول وقت سفري هل في اجراءات نسويها لان اخاف ادا طلع لي قبول ان شاء الله وفي اجراءات اخاف يروح علي...ياليت تفيدونا الله يجزاكم خير

[Alia_1]

سلام


الحين انا بورطه مايعلمها الا ربي المهم ابوي راح البنك الاهلي سوى ايداع للحساب الجامعه الدمام 2400 بس نقص ميتين وجاب الوصل بسمي الحين عادي ارجع لهم بكره واسوي ايداع للحساب الجامعه 200 ريال اكملها عشان تصير 2600 اه احس متوهقه

[zhra2]

السلام عليكم

الحين أرسلت كل شي مطلوب للبريد الممتاز للجامعة والحمد لله

إيش هي الخطوة التاليه؟

ايش المواقع الي لازم أتابعها وكيف حتكون طريقة التعليم عن بعد؟

أظن في تدريب أو شي

مشكورين

[مـدمـوزيل أمـانـي ♡]

سلام


الحين انا بورطه مايعلمها الا ربي المهم ابوي راح البنك الاهلي سوى ايداع للحساب الجامعه الدمام 2400 بس نقص ميتين وجاب الوصل بسمي الحين عادي ارجع لهم بكره واسوي ايداع للحساب الجامعه 200 ريال اكملها عشان تصير 2600 اه احس متوهقه

سويتي ايداع عن طريق الفرع ؟
وان شاء الله خير عادي روحي كملي ال 200 وحطي الايصال مع الاول

[خلوُد آلمطيري.]

انا اخذت ورقه من الضمان الاجتماعي اليوم وجهزت شهادتي الاصليه وصوره من كرت العايله وشوي بروح للمكتبه اخليه يطبع لي نموذجين من القبول وارسلهم للبريد ؟ كذا شغلي تمام ولا ناقص ششي .

والبريد بياخذ ورقه من النموذج والورقه الثانيه يختمها لي وتكون ععنندي ؟؟؟

[مـدمـوزيل أمـانـي ♡]

انا اخذت ورقه من الضمان الاجتماعي اليوم وجهزت شهادتي الاصليه وصوره من كرت العايله وشوي بروح للمكتبه اخليه يطبع لي نموذجين من القبول وارسلهم للبريد ؟ كذا شغلي تمام ولا ناقص ششي .

والبريد بياخذ ورقه من النموذج والورقه الثانيه يختمها لي وتكون ععنندي ؟؟؟


اوكي امورك كويسه بالتوفيق

[إحسـاس]

انا اخذت ورقه من الضمان الاجتماعي اليوم وجهزت شهادتي الاصليه وصوره من كرت العايله وشوي بروح للمكتبه اخليه يطبع لي نموذجين من القبول وارسلهم للبريد ؟ كذا شغلي تمام ولا ناقص ششي .

والبريد بياخذ ورقه من النموذج والورقه الثانيه يختمها لي وتكون ععنندي ؟؟؟

صح عليك ،، كملي الحين إجراءاتك

[إحسـاس]

السلام عليكم..
ابغا اسال بخصوص التحويل للانتظام ينتهي 10هالشهر ..بس انااحتمال اسافر قبلها بيوم ومارح اطول ..لو طلع القبول وقت سفري هل في اجراءات نسويها لان اخاف ادا طلع لي قبول ان شاء الله وفي اجراءات اخاف يروح علي...ياليت تفيدونا الله يجزاكم خير

وعليكم السلام

أكيد في إجراءات بس أتوقع خلاص بتكون مع بداية الدراسة

[إحسـاس]

سلام


الحين انا بورطه مايعلمها الا ربي المهم ابوي راح البنك الاهلي سوى ايداع للحساب الجامعه الدمام 2400 بس نقص ميتين وجاب الوصل بسمي الحين عادي ارجع لهم بكره واسوي ايداع للحساب الجامعه 200 ريال اكملها عشان تصير 2600 اه احس متوهقه

وعليكم السلام

مثل ماقالت لك الأخت أماني

سددي المبلغ المتبقي وخذي الوصل وخليه مع الوثائق

لا تنسين تحتفظين بصورة من الايصالات

[إحسـاس]

السلام عليكم

الحين أرسلت كل شي مطلوب للبريد الممتاز للجامعة والحمد لله

إيش هي الخطوة التاليه؟

ايش المواقع الي لازم أتابعها وكيف حتكون طريقة التعليم عن بعد؟

أظن في تدريب أو شي

مشكورين

وعليكم السلام

الان انتظري بداية الدورة التدريبية وتابعي نفس موقع التسجيل ( بوابة التعلم عن بعد )

الدورة بتكون على النت والدخول لها سهل ان شاء الله

[زهره الربيع]

الله يجزاك خير اخ احساس ماتقصر...
حابه اتواصل مع الجامعه ايميل او تلفون عشان اعرف موعد الاجراءات بالضبط ياليت احد يساعدني ويعطيني االايميل والتلفون
واللي يعرف وقت الاجراءات ومتى تنتهي يفيديني لاني خايفه اسافر ويفوتني شيء
ومشكورين مقدما

[اوصاف الغلا]

السلام عليكم ورحمه الله حبيت اسال عن مستفدي الضمان كيف ارسل لهم ورقه اثبات حاله يعني لازم ورقه من الضمان او اني اصور بطاقه الضمان ؟؟؟ اتمني الاجابه فورا وشكرااا

[قنوع]

الله يجزاك خير اخ احساس ماتقصر...
حابه اتواصل مع الجامعه ايميل او تلفون عشان اعرف موعد الاجراءات بالضبط ياليت احد يساعدني ويعطيني االايميل والتلفون
واللي يعرف وقت الاجراءات ومتى تنتهي يفيديني لاني خايفه اسافر ويفوتني شيء
ومشكورين مقدما


الوكيلة الدكتورة : هنادي العرقوبي
halargobi@ud.edu.sa (halargobi@ud.edu.sa)
هاتف مباشر : 38425990 (01) 966+

الشؤون الأكاديمية
كلية الآداب لتخصصات ( دراسات اسلامية – علم اجتماع )
dlaa.art.d@ud.edu.sa

[قنوع]

السلام عليكم ورحمه الله حبيت اسال عن مستفدي الضمان كيف ارسل لهم ورقه اثبات حاله يعني لازم ورقه من الضمان او اني اصور بطاقه الضمان ؟؟؟ اتمني الاجابه فورا وشكرااا


(ورقة رسمية مصدقة من الضمان الاجتماعي) مع كتابة خطاب يوضح بأنكِ من مستفيدي الضمان

ترسل مع الاوراق والوثائق في البريد الممتاز وحبذا صورة من بطاقة الضمان للحيطة فقط

كل الدعوات لكِ بالتوفيق

[زهره الربيع]

الله يجزاك خير قنوع

[Alia_1]

وعليكم السلام

مثل ماقالت لك الأخت أماني

سددي المبلغ المتبقي وخذي الوصل وخليه مع الوثائق

لا تنسين تحتفظين بصورة من الايصالات





اممممم قصدك اصور الايصالات واحفظها عندي ضروروري!؟؟ ولا مو لازم ..اوارسلها الايصالات مع الوثائق وبس الله يخليكم جابوي علي

[مـدمـوزيل أمـانـي ♡]

اممممم قصدك اصور الايصالات واحفظها عندي ضروروري!؟؟ ولا مو لازم ..اوارسلها الايصالات مع الوثائق وبس الله يخليكم جابوي علي

ضروري تاخذين صور للايصال حبيبتي :love080:

[صَعب]

اممممم قصدك اصور الايصالات واحفظها عندي ضروروري!؟؟ ولا مو لازم ..اوارسلها الايصالات مع الوثائق وبس الله يخليكم جابوي علي

قصدهم تحتفظين في الصور للإحتياط ، والأصول ترسلينها مع الوثائق ..:oao:

[samo0oy]

متى يبداء تسجيل المواد؟:confused:

[صَعب]

متى يبداء تسجيل المواد؟:confused:

الإجابة في الرابط أسفل .. :biggrin:

http://www.ckfu.org/vb/t603856.html#post11251113

[خلوُد آلمطيري.]

متى وقتت البريد يفتحح ؟ لان تو رحت ومسكر واتصل عليهمم مايردون وللا في وقتت بعدد :(

[.SAalharbi]

^

نفس الحكايه :(

[خلوُد آلمطيري.]

^

نفس الحكايه :(


لا خخلأص ارسلت اوراقي الحمد لله .

[بيوشه]

السلام عليكم متى تطلع نتيجه التقديم ع التحويل عن بعد للانتظام ؟

[QUN_22]

ان شاء الله هالايام ..
راح يرسلون لك .. وكمان شيكي معك ع موقعك
وموفقه ..:004:

[سديم100]

التسجيل حسب التقويم الزمني للجامعة 1435/10/22 هـ
بالتوفيق للجميع

[Alia_1]

ياويل حالي طيب الي ماصور الايصال ارسلها بدون مايصور هل ياثر ع قبوووله!؟؟

[إحسـاس]

ياويل حالي طيب الي ماصور الايصال ارسلها بدون مايصور هل ياثر ع قبوووله!؟؟

تصوير الإيصال افضل انك تحتفظين بصورة ،، وما يأثر ان شاء الله على قبولك

[مـدمـوزيل أمـانـي ♡]

سحاب الله يهديك قلنا لك صوريه
ان شاء الله ماتحتاجين الصوره

[صَعب]

:sm12:ياويل حالي طيب الي ماصور الايصال ارسلها بدون مايصور هل ياثر ع قبوووله!؟؟

إن شاء الله ما تحتاجينه ، ولو أحتجتيه تقدري تطلعي من البنك نفسه إشعار بعملية السداد مقابل مبلغ 25 ريال .. > عاد البنوك ما تصدق ع الله تبي فلوس .. :33_asmilies-com:

[H A N O]

التسجيل اكيد ٢٨ ؟

[خلوُد آلمطيري.]

^
نقول ان ششآء الله اكيد عزيزتي

[قنوع]

التسجيل اكيد ٢٨ ؟


بإذن الله تعالى

[Tomy1414]

لو سمحتو ابي اطبع النموذج حق البريد الممتاز ما يطبع ليش ؟

و اذا عندكم رابط تحميل قارئ الملفات pdf اكون لكم شاكره ..
ابي مساعدتكم ردو علي :"(

[إحسـاس]

لو سمحتو ابي اطبع النموذج حق البريد الممتاز ما يطبع ليش ؟

و اذا عندكم رابط تحميل قارئ الملفات pdf اكون لكم شاكره ..
ابي مساعدتكم ردو علي :"(

تفضلي هنا (http://get.adobe.com/reader/otherversions/)

برنامج Adobe Reader (http://get.adobe.com/reader/otherversions/)

[helppp]

انتهى التسجيل للطلاب الجدد تعليم عن بعد؟

[نوف*]

^ انتهى التسجيل الالكتروني
بس تقدرين تروحين الجامعه وتسجلين يدوي بس نصيحه روحي اليوم قبل بكره لا مافي وقت محدد يسكرون فيه التسجيل اليدوي ممكن بأي لحظه يوقفون
مو لازم انتي تروحين اي احد يروح ويسجلج من هناك
بالتوفيق

[helppp]

المشكله اني مو بالدمام!
طيب في تسجيل الترم الثاني؟

[قنوع]

^

بعد الأستفسار من الجامعة

التسجيل اليدوي ينتهي يوم الثلاثاء القادم 16 / 10 / 1435هـ

[Reine]

لو اذا وديت الوثائق المطلوبه للبريد يرسلون رساله انهم استلموهم ولا لا ,.؟

[آم روح]

عادي ارسل من حساب احد من اقاربي وﻻ ﻻزم يكون بااسمي وهل ﻻزم ارسل صور شخصيه لي

[مـدمـوزيل أمـانـي ♡]

عادي ارسل من حساب احد من اقاربي وﻻ ﻻزم يكون بااسمي وهل ﻻزم ارسل صور شخصيه لي

روحي بنفسك بنك الاهلي وخذي هويتك وخليهم يودعون بحساب الجامعه افضل
وباسمك ... ومو مطلوب صور شخصيه

[مـدمـوزيل أمـانـي ♡]

لو اذا وديت الوثائق المطلوبه للبريد يرسلون رساله انهم استلموهم ولا لا ,.؟

اذا ارسلتي الاوراق ادخلي هذا الرابط وشيكي ويطلع لك متى وصلت الاوراق الجامعه

http://www.sp.com.sa/arabic/eservices/pages/trackandtrace.aspx

تحطين الرقم المكتوب في نموذج البريد اللي بيعطيك اياه الموظف

[صَعب]

^
Reine .. من خلال الرابط اللي فوق تقدري تعرفي كل شي عن الوثائق من وقت إرسالها حتى عودتها لك مره ثانية من الجامعة للبريد نفسة اللي أرسلتي منه .. ( اللي راح يرجع لك أصل شهادة الثانوية حقتك مختومة من الجامعة ) ..

[Reine]

^
reine .. من خلال الرابط اللي فوق تقدري تعرفي كل شي عن الوثائق من وقت إرسالها حتى عودتها لك مره ثانية من الجامعة للبريد نفسة اللي أرسلتي منه .. ( اللي راح يرجع لك أصل شهادة الثانوية حقتك مختومة من الجامعة ) ..

يعطيك العافيه ..
بس تقريبا كم يوم يحتاج عشان يوصلون لان دخلت وماشفت اي شي

[صَعب]

يعطيك العافيه ..
بس تقريبا كم يوم يحتاج عشان يوصلون لان دخلت وماشفت اي شي

خلال اسبوعين بالكثير تتم عملية المطابقة وإعادة أصل شهادة الثانوية إن شاء لله ..

[بنت الجبيل~]

السلام عليكم

حبيت استفسر ايش الاوراق المطلوبة للتسجيل لاني نسيت ايش الاوراق اللي رسلتها

قريت رد لاخوي قنوع انه التسجيل اليدوي مستمر ليوم الثلاثاء بتاريخ 16

حبيت اعرف الاوراق المطلوبة وباي مبنى والساعه كم نحضر واذا فيه رقم غير رقم الجامعه ياليت تعطوني

يعطيكم الف عافية

[اميره قمر]

انا من الدفعه الاولى اول سنه لي نجحت وظليت سنه والحين ابي ارجع اسجل هل اقدر اسجل وكيف لانه سمعت اقول اخر دفعه ياليت اتفيدوني انا ماكملت لضروفي

[قنوع]

السلام عليكم

حبيت استفسر ايش الاوراق المطلوبة للتسجيل لاني نسيت ايش الاوراق اللي رسلتها

قريت رد لاخوي قنوع انه التسجيل اليدوي مستمر ليوم الثلاثاء بتاريخ 16

حبيت اعرف الاوراق المطلوبة وباي مبنى والساعه كم نحضر واذا فيه رقم غير رقم الجامعه ياليت تعطوني

يعطيكم الف عافية

الاوراق المطلوبة للتسجيل : أصل الشهادة الثانوية او ما يعادلها + بطاقة الأحوال الشخصية او كرت العائلة

الموقع : مقر الجامعة الرئيسي "بالراكة" مبنى (900) الدور الأول

الوقت : من الساعة 8 صباحاً إلى 2 مساءاً

ارقام الاتصال : 3333435 /013

[قنوع]

انا من الدفعه الاولى اول سنه لي نجحت وظليت سنه والحين ابي ارجع اسجل هل اقدر اسجل وكيف لانه سمعت اقول اخر دفعه ياليت اتفيدوني انا ماكملت لضروفي

هل تم تقديم اعتذار أو تأجيل ..؟؟

عموماً بأستطاعتك اكمال الدراسة , وعليك مراجعة "عمادة التعليم عن بعد" في مقر الجامعة الرئيسي

أو الأتصال على هذه الأرقام التالية :

3333435 / 013

3332460/013

[arng]

السلام عليكم ورحمة الله وبركاته
بالنسبهه للتحويل الى انتظام ..
الى الان ماعلنوا النتايج .. متى يعلنون ..؟

[قنوع]

^

وعليكم السلام رحمه الله وبركاته

لم تعلن النتائج حتى الآن , خلال الايام القادم سـ تعلن إن شاء الله

[zhra2]

السلام عليكم

بعد ارسال الأوراق مو لازم نروح الجامعة نسوي مقابلة أو اي شي

كل الي باقي ننتظر الشهادة الأصلية ترجع ومختومة من الجامعة عشان نأكد تسجيلنا فيها صح؟

مشكورين