جامعة الملك فيصل تجمع المقبولين والمقبولات ماستر رياضيات [الأرشيف] - ملتقى طلاب وطالبات جامعة الملك فيصل,جامعة الدمام

violet flower

2014- 5- 31, 06:24 PM

الموضوع مبين من عنوانه..تجمع لـ المقبولين والمقبولات ماستر رياضيات

وكل ما يخص ماستر الرياضيات

لنتعارف ونتعاون..

وان شاء الله التوفيق حليفنا جميعا :smile:

violet flower

2014- 5- 31, 06:44 PM

هذا الخطة الدراسية لبرنامج الماجستير في تخصص الرياضيات

من موقع الجامعة ..

http://old.kfu.edu.sa/ar/Deans/HigherStudies/Documents/الخطط%20الدراسية%20لبرامج%20الدراسات%20العليا/029.doc

شخبطه

2014- 6- 1, 01:30 AM

،

الف مبروك للمقبولين والمقبولات ..
والحمدلله حمدا كثيـــــراَ ..

،
حبيت استفسر بخصوص الخطه الدراسيه موب موضح فيها المواد المخصصه للسمستر الأول
عشان وقت التسجيلَ .. < مستعجلهَ بس من الحمآس p :
وبالنسبة ل تحديد المسار متى يكون ؟ بعد مانخلص اول سنه ونتخصصَ والا كيف ؟
.
وبالنسبة للمطابقه انا مااقدر اروح اليـومَ ..
اللي تروح اليوم وتطابق ياليت تخبرنا وش صـار معها ووش الاوراق اللي طلبوهاَ ..

:004:

violet flower

2014- 6- 1, 02:18 AM

الحمدلله ^_^

اي الخطة ماشفت انا بعد .. شكله مافي حالياً
خلي نطابق الأوراق وبعدين نفكر بهالأمر :p

وعالمسار انا بعد عندي نفس السؤال .. يحتاج نسألهم من نطابق الأوراق ؟؟

وانا مثلك مابقدر اروح اليوم .. اي يوم بتروحين ؟ يمكن يصير نروح مع بعض

>>بالدمام انتي او الأحساء ؟؟

violet flower

2014- 6- 1, 02:41 AM

تعرفين ايام دوامنا متى تصير؟وسط الاسبوع اخرته نهايته ؟

شخبطه

2014- 6- 1, 02:50 AM

انا من الأحساء : )
آمم على كذا لازم نسأل عن المسار اذا رحنا نطابق الأوراق .. يمكن يفيدونا
وبالنسبة للدوآم انا شفت من موقع الجامعه منزلين الجدول ،
متنوع الدوام .. واوقاته مسائي من 3 ل 7 ..
ياليت اذا في احد يدرس ماستر رياضيات هنا يجي يفيدنا بخصوص المسار وتحديد التخصص .. ^^
:love080:

violet flower

2014- 6- 1, 03:06 AM

وبالنسبة للدوآم انا شفت من موقع الجامعه منزلين الجدول ،
متنوع الدوام .. واوقاته مسائي من 3 ل 7 ..
>>وين شفتي ؟؟

شخبطه

2014- 6- 1, 03:13 AM

،

http://bannerinb.kfu.edu.sa/KFU/ws?p_trm_code=143510&p_col_code=08&p_sex_code=12

هنا شفتهمَ .. : )

violet flower

2014- 6- 1, 03:47 AM

ياطوله من جدول .. ^_^ شكراً ..

ريحانة الهادي

2014- 6- 1, 11:10 AM

شخبطه انتي معنا رياضيات ؟ ليش مكتوب تاريخ

اي صح الخطة مو مرتبة مانعرف ايش ندرس بالترم الاول والترم الثاني
وتحديد المسار مااتوقع الحين نحدد لان بسنة ثالثة ندرسه

أنا مارحت اليوم انتوا متى بتروحوا تطابقوا ؟

تفاؤؤؤؤل

2014- 6- 1, 11:34 AM

مبروك الف الف الف مبروك قبولكم أنا حبيت أسئلكم كيف اختبار التحريري وش جزاكم والمقابلة وش يسألونكم لاني تخصص رياضيات وتخرج وحبه أكمل مثلكم الله يحرسم وشكرا على كل شئ:g2:

Όoρѕ

2014- 6- 1, 04:07 PM

اللي راحو يقولون ايش صار معهم
ويعطونكم ورقه تثبت انهم استلموا منكم الاوراق او لا

violet flower

2014- 6- 1, 06:44 PM

مبروك الف الف الف مبروك قبولكم أنا حبيت أسئلكم كيف اختبار التحريري وش جزاكم والمقابلة وش يسألونكم لاني تخصص رياضيات وتخرج وحبه أكمل مثلكم الله يحرسم وشكرا على كل شئ:g2:
الله يبارك بيكم ..

كان بس اختبار .. مافي مقابلة للتخصصات العلمية ..
والإختبار تحريري وشامل لأغلب المواد
اللي اذكره في اسئلة من المركب - الحقيقي - التبولوجي- والتفاضل - والزمر !
شي اثبتي وشي حلول معادلاتيه ..
حوالي ست اسئلة حل .. وكل سؤال فيه فقرتين أو ثلاث .. :000:

لكن الحمدلله اذا مكتوب للشخص الأمر .. راح ينقبل مهما كانت الاسئلة :119:

ان شاء الله ربي يسهل لك وتبشرينا بقبولك السنه الجايه :wink:

violet flower

2014- 6- 1, 07:49 PM

بنات .. هذا موضوع من السنه الماضية .. من اجتهاد طالبة ماجستير حاليه (أغلى حبيبه)
فيه جدول .. عالأغلب انه صحيح ..

http://www.ckfu.org/vb/t486126.html

الدنيا غريبه

2014- 6- 1, 09:29 PM

شكرا الف الف شكرا الله يجزاك خير ويوفقك يارب

شخبطه

2014- 6- 1, 09:34 PM

،

ريحانة الهادي
ايه انا معكم رياضياتَ بس هذا حساب آختيَ :rose:

،

violet flower
الله يعطيك العافيـه ع الرابط
الحين فهمت الخطه اللي نتبعها من شرح " اغلى حبيبه " الله يعطيها العافيه :004:
ف معناته اول سمستر نسجل مادتين بسَ .. :119:
.

انا لارحت ب اذن الله بسألهم عن الخطه الدراسية اتوقع يعطونا اياهاَ ..
والله يسهل لنا :love080:

violet flower

2014- 6- 2, 01:40 AM

ربي يعافيك. شخبطة
والخطة..عالاغلب يجاوبونك مثل جوابهم لبنات الأقسام الثانية..قالت لهم راح ينزلون بالموقع بفترة بعد العيد -_-

يسهل ربي للجميع ..

Όoρѕ

2014- 6- 2, 06:58 AM

اللي راحو يقولون ايش صار معهم
ويعطونكم ورقه تثبت انهم استلموا منكم الاوراق او لا

احد يرد علي

violet flower

2014- 6- 2, 08:36 AM

احد يرد علي

انا مارحت بس حسب ماقريت من ردود اللي راحو ان مايعطون ورقة تثبت .. فقط أخذو نسختين من كل الاوراق .. عدا اشعار القبول ثلاث نسخ .. وبس !

ريحانة الهادي

2014- 6- 2, 12:27 PM

أنا رحت اليوم وخذوا نسختين من كل الأوراق المطلوبة
ولازم ترتبون الاوراق
بالأول اشعار القبول - الوثيقة - السجل الأكاديمي - التوصيات- بطاقة الاحوال - الجواز

وقالت التوصيات عادي لوماجبتوهم
وحتى جواز السفر عادي

طبعا مايعطون ورقة تثبت بس تسجل اسمك ع الكمبيوتر

Όoρѕ

2014- 6- 2, 01:13 PM

يعطيكم العافيه :16:

violet flower

2014- 6- 4, 11:55 PM

سين سؤال ..

كأن سمعت مافي شي اسمه رياضيات تطبيقيه بجامعة الفيصل .. إجباري ندرس رياضيات بحته؟؟

حتى بالجدول ماشفت مواد رياضيات تطبيقيه -_- :mh12:

بس صورة كاتبينه بالموقع شكلهم ؟؟؟؟ :hhheeeart4:

ومقر الدراسه وين ؟؟ بمبنى قاعة الإحتفالات ؟؟

ياليت اللي عنده معلومة يفيدنا .. مشكورين :106:

ريحانة الهادي

2014- 6- 5, 12:14 AM

اي صح شكله مافي رياضيات تطبيقية لان المواد كلها رياضيات بحتة

والدراسة حاليا يدرسون في المباني القديمة بالجامعة بس مايندرى اذا بينقلونا السنة الجاية المدينة الجامعية أو لا
الله أعلم

violet flower

2014- 6- 5, 01:26 AM

^_^

شكرا ريحانة الهادي ..

ريحانة الهادي

2014- 6- 5, 03:09 PM

^_^

شكرا ريحانة الهادي ..

العفو violet flower

شخبطه

2014- 6- 5, 07:23 PM

،

السلام عليكم
بنات حبيت اسألكم كيف استخرج الرمز السري ؟ :004:

violet flower

2014- 6- 5, 07:52 PM

،

السلام عليكم
بنات حبيت اسألكم كيف استخرج الرمز السري ؟ :004:

عليكم السلام والرحمه ،،

اممم يقولون قريب وقت الدراسه .. تتفعل ايقونه بموقع الجامعه لإستخراج الرقم السري ..

>>كأن مستعجلين :5aga:

قـطـر الـنـدى

2014- 6- 6, 07:44 PM

بنات ليش تسألون عن الرقم السري ؟؟؟
أحد قالك شي وقت التقديم !!!
أنا كل ما استفسرت عن شي , قالوا بعد مايفتح التسجيل في المواد تعالي وشوفي :confused:

تخصصي رياضيات وقبلت معكم ,,,

violet flower

2014- 6- 7, 02:29 AM

بنات ليش تسألون عن الرقم السري ؟؟؟
أحد قالك شي وقت التقديم !!!
أنا كل ما استفسرت عن شي , قالوا بعد مايفتح التسجيل في المواد تعالي وشوفي :confused:

تخصصي رياضيات وقبلت معكم ,,,

اهلا وسهلا قطر الندى ^_^
بالدمام انتي ؟ أو الأحساء ؟؟

لا ماحد قال لنا شي .. بس مستعجلين عليه :biggrin:

من هذا الرابط نفعل الرقم السري .. بس للآن ماضافونا بالنظام .. يقول ادخلت مستخدم غير صحيح ..

http://www.kfu.edu.sa/ar/pages/newupdate.aspx

:smile:

قـطـر الـنـدى

2014- 6- 7, 02:39 PM

اهلا وسهلا قطر الندى ^_^
بالدمام انتي ؟ أو الأحساء ؟؟

لا ماحد قال لنا شي .. بس مستعجلين عليه :biggrin:

من هذا الرابط نفعل الرقم السري .. بس للآن ماضافونا بالنظام .. يقول ادخلت مستخدم غير صحيح ..

http://www.kfu.edu.sa/ar/pages/newupdate.aspx

:smile:

أنا من الدمام :004:

violet flower

2014- 6- 7, 04:06 PM

أنا من الدمام :004:

شلون راح يكون مشوارك للجامعة؟؟ بالقطار؟؟

:106: :icon19:

ambitious girl

2014- 6- 8, 11:12 AM

السلام عليكم كيف حالكم :)

يهمني اعرف أكثر عن القطار ووسيلة المواصلات من الدمام للأحساء :)

وامم كمان من عند محطة القطار هناك بالأحساء كيف الوضع يكون؟

الله يوفقنا اجمعين ويتمم لنا على خير اللهم آمين :)

قـطـر الـنـدى

2014- 6- 8, 12:17 PM

شلون راح يكون مشوارك للجامعة؟؟ بالقطار؟؟

:106: :icon19:

إلى الآن مابعرف
لسى على حسب ظروفي تتحدد وسيلة النقل

بس لو كان على القطار ؟؟
تعرفون كم عدد أيام الدوام في الاسبوع!!
طريقة النقل من القطار للجامعة كيف ؟؟
هل سكة القطار قريبة من الجامعة ؟؟
مكان دراسة ماستر الرياضيات وين ؟؟

أسئلة تحتاج لأجوبة!!!!!!!!!!

Όoρѕ

2014- 6- 8, 01:42 PM

إلى الآن مابعرف
لسى على حسب ظروفي تتحدد وسيلة النقل

بس لو كان على القطار ؟؟
تعرفون كم عدد أيام الدوام في الاسبوع!!
طريقة النقل من القطار للجامعة كيف ؟؟
هل سكة القطار قريبة من الجامعة ؟؟
مكان دراسة ماستر الرياضيات وين ؟؟

أسئلة تحتاج لأجوبة!!!!!!!!!!

الدوام يومين بالاسبوع
ممكن تتفقون مع نقل باص مثلا يوديكم من القطار للجامعه
لا مش قريبه مره اتوقع والله اعلم سكة القطار بالمبرز والجامعه بالهفوف
الدراسه بتكون بالمدينة الجامعيه

violet flower

2014- 6- 8, 04:56 PM

اهلًا بنات

عند محطة القطار .. يوميا وبمواعيد وصول القطار.. بيكون في باص حكومي اصفر من الجامعة واقف لينقل البنات من المحطة للجامعة

ونفس الشي .. ينقلهم من الجامعة للمحطة

بس انتبهو انه مكتوب عليه جامعة الملك فيصل-خاص بنقل طالبات الكليات ..هذا باصنا

وفي بعد ورقة a4 قدام تشوفونها مكتوب الجامعة-المحطة

<<لان في ثاني مكتوب عليه كلية الآداب هذا يوصل لكلية الآداب بجهة بعيدة عن الجامعة

violet flower

2014- 6- 8, 05:03 PM

يوصل للجامعه..ويوقف عند كل مبنى لتنزل كل وحده لمبناها

ونفس الشي وقت الخروج يدور عالمباني ياخذ الطالبات..بس اللي تتأخر مافي مجال يرجع لها فلازم نطلع عالوقت:g2:

violet flower

2014- 6- 9, 02:13 AM

بيكون في باص حكومي اصفر من الجامعة واقف

معذرة اقصد باص حكومي ابيض ..

Όoρѕ

2014- 6- 9, 09:42 AM

تتوقعين بيتوفر باص الساعه 6 ياخذنا من الجامعه للقطار ؟

أغلى حبيبه

2014- 6- 9, 03:49 PM

السلام عليكم ورحمة الله
الدراسه فالمباني الجديده بالمدينه الجامعيه
اول سمستر راح تدرسون
جبر مجرد 1
تحليل حقيقي 1
السمستر الثاني
جبر مجرد 2
تحليل حقيقي 2
سنه ثانيه
السمستر الاول
تحليل مركب 1
تبولوجي
السمستر الثاني
تحليل مركب 2
تحليل عددي
سنه ثالثه
اما رساله او مسار مواد
اذا كان رساله ف وقتها 8 ساعات
اذا كان مسار مواد تختارين من المواد الاختياريه 4 مواد + مادة بحث ومقال

ومافيه غير مسار واحد الي هو رياضيات بحته

violet flower

2014- 6- 9, 03:51 PM

تتوقعين بيتوفر باص الساعه 6 ياخذنا من الجامعه للقطار ؟

اي يتوفر..بحدود ست ونص او بعدها بربع ساعه

ومسؤول الباصات متعاون مع الطالبات :119:

وفي تكاسي هم واقفه عند الجامعة تدور رزقها للي حاب :agolakser:

violet flower

2014- 6- 9, 03:56 PM

violet flower

2014- 6- 9, 04:06 PM

طيب أغلى حبيبة،، انتي رايحة لسنه ثانيه صح؟؟تحمليني اشوي بالأسئلة..:004:

شلون وضعكم مع الدكاترة؟؟رجال او حريم اكثر؟

حبابين ؟أو ..........؟؟؟؟

ودرسكم د.حسين المير؟؟:mh12: شلونه معاكم <<<<عندي ذكرى سيئة معاه وانصدمت من شفت اسمه بماستر الفيصل :bawling:

ريحانة الهادي

2014- 6- 9, 06:26 PM

قـطـر الـنـدى

2014- 6- 11, 01:20 PM

شلون وضعكم مع الدكاترة؟؟رجال او حريم اكثر؟

حبابين ؟أو ..........؟؟؟؟

ودرسكم د.حسين المير؟؟:mh12: <<<<شفت اسمه بماستر الفيصل :bawling:

بنات :(107):

كيف تعرفون أسماء الدكاترة اللي يدرسون ماستر رياضيات !!!!!!!!!

violet flower

2014- 6- 11, 10:42 PM

بنات :(107):

كيف تعرفون أسماء الدكاترة اللي يدرسون ماستر رياضيات !!!!!!!!!

بأول صفحة بالموضوع في رابط لجدول المواد (للسنة الماضية) .. مكتوب كل مادة ومنو يدرسها

مع تسجيل المواد بعد العيد يحدثونه للسنة الجديده ..

وبالموقع قبل فترة شفت جدول إختبارات الماستر النهائي وحاطين كل مادة ومنو دكتورها !

:icon19:

قـطـر الـنـدى

2014- 6- 13, 08:31 PM

بأول صفحة بالموضوع في رابط لجدول المواد (للسنة الماضية) .. مكتوب كل مادة ومنو يدرسها

مع تسجيل المواد بعد العيد يحدثونه للسنة الجديده ..

وبالموقع قبل فترة شفت جدول إختبارات الماستر النهائي وحاطين كل مادة ومنو دكتورها !

:icon19:

الله يعطيك العافية

شخبطه

2014- 8- 30, 05:26 PM

Όoρѕ

2014- 8- 30, 05:37 PM

احتمال تتغير الخطه الدراسيه
وندرس لغه انجليزيه مكثفه اول سنه
للان ماعندي خبر اكيد نصبر ونشوف

شخبطه

2014- 8- 30, 05:43 PM

،

بكرى التسجيل والى الآن مافي اي شي واضح !
حتى الرمز السري الى الآن ماطلع ! : (
.

الله يسهل ،

Όoρѕ

2014- 8- 30, 05:52 PM

^^

عادي :)
ربي يسهلها

violet flower

2014- 8- 31, 12:22 AM

احتمال تتغير الخطه الدراسيه
وندرس لغه انجليزيه مكثفه اول سنه
للان ماعندي خبر اكيد نصبر ونشوف

*_*
انجليزي ؟ منين جبتي الخبر؟؟

ليش؟ احنا مو مشروط بتوفل مثل باقي الاقسام ! هم اللي يعطونهم انجليزي اول سنه

:(107):

violet flower

2014- 8- 31, 12:26 AM

،

السلام عليكم
بنات حبيت استفسر وش هي المواد اللي راح ندرسها هذا السمستر ؟
لأن قالوا جبر 1 و تحليل 1 .. دخلت الجداول موب منزلين هالمادتين !
.
ياليت اذا احد يعرف وش راح ندرس هالسمستر يرد خبر قبل التسجيل.. :icon1:
عليكم السلام والرحمه ..

انا بكيفي قررت .. تحليل مركب وتحليل دالي اول سمستر :biggrin:

ربي يسهل ..

بالمناسبه .. انتي مشروط موازي أو عادي ؟؟ :119:

ريحانة الهادي

2014- 8- 31, 12:52 AM

لا ما اتوقع ندرس انجليزي
كان اشرطوا علينا اختبار توفل

لاتستعجلون
انتظروا بكرا أكيد بينزل جدولنا

شخبطه

2014- 8- 31, 03:59 AM

عليكم السلام والرحمه ..

انا بكيفي قررت .. تحليل مركب وتحليل دالي اول سمستر :biggrin:

ربي يسهل ..

بالمناسبه .. انتي مشروط موازي أو عادي ؟؟ :119:

ترى سويتها مثلك وقررت دالي ومركب بس صار كل يوم ماده ..
وعشان كذا خليتها مركب ومعادلات عاديه .. وصار يومين ب الاسبوع :wink:

لاء انا عادي ، :119:

:106:

Όoρѕ

2014- 8- 31, 06:36 AM

لو اشترطوا توفل ماكان درسونا انقليزي
انا قلت سمعت خبر وماعندي علم اكيد
ع فكره هالكلام سمعته من وحده العام تدرس ماستر وقالت بيطبق من هالسنه
حتى لاحظوا موادنا حقت سنه اولى اختفت من الجدول

ريحانة الهادي

2014- 8- 31, 12:54 PM

هلا بناات
أنا اليوم كلمت الدكتور أحمد جمال
وقال لي بندرس مادة وحدة بس لغة انجليزية
لان الدراسة بعدين بتكون باللغة الانجليزية

الله يعين

ملكة العواطف

2014- 8- 31, 01:17 PM

الله يعين .....

ملكة العواطف

2014- 8- 31, 01:19 PM

هلا بناات
أنا اليوم كلمت الدكتور أحمد جمال
وقال لي بندرس مادة وحدة بس لغة انجليزية
لان الدراسة بعدين بتكون باللغة الانجليزية

الله يعين

الله يعين ...

violet flower

2014- 8- 31, 01:20 PM

هلا بناات
أنا اليوم كلمت الدكتور أحمد جمال
وقال لي بندرس مادة وحدة بس لغة انجليزية
لان الدراسة بعدين بتكون باللغة الانجليزية

الله يعين

*_*"
لاتعلييق!
جامعة متخبطة بقراراتها ..كليوم مفاجأة جديدة !:(177):

Όoρѕ

2014- 8- 31, 01:36 PM

انا قلتلكم بس محد صدقني
مع انه شي جميل يكون عندنا لغه بس متخوفه من هالشي ههههههه

طيب ماسالتيه شلون نسجل ؟! ولا مايحتاج تسجيل

violet flower

2014- 8- 31, 03:15 PM

انا قلتلكم بس محد صدقني
مع انه شي جميل يكون عندنا لغه بس متخوفه من هالشي ههههههه

طيب ماسالتيه شلون نسجل ؟! ولا مايحتاج تسجيل

صحيح شي جميل .. لكن يعتمد ع اسلوب التدريس .. :(107):

شسمه .. انا سمعت ان يسجلون هنا ..

http://bannerinb.kfu.edu.sa/KFU/ws?p_trm_code=143510&p_col_code=00&p_sex_code=12

بالجدول فيه كلية العلوم والآادب وووو

وتحت في مركز اللغة الإنجليزية

بس ماعرفت شنو اللي نختاره .. لأن في انجليزيه انواع :icon120:

Όoρѕ

2014- 8- 31, 03:47 PM

بيكون لنا انقليزي مكثف
خلينا اول نعرف ندخل ع البانر بعدين ندور رقم السي ار ان

شخبطه

2014- 9- 1, 05:18 PM

،

بنات بالنسبه ل انقلش مكثف .. دخلته ودخل معي ..
بس ماادري اذا هو لنا او لاء ..
لأنه مو مكتوب جنبه رقم الكلية !
اخذتها الماده من مركز اللغه الانجليزيه ..

.

violet flower

2014- 9- 1, 06:02 PM

،

بنات بالنسبه ل انقلش مكثف .. دخلته ودخل معي ..
بس ماادري اذا هو لنا او لاء ..
لأنه مو مكتوب جنبه رقم الكلية !
اخذتها الماده من مركز اللغه الانجليزيه ..

.

مومكتوب لاوقت ولايوم ولارقم الكلية ولا التخصصات المتاحه ولاشي ابد

بس شكلها هي لنا لان مكتوب جنبها m

شخبطه

2014- 9- 1, 06:06 PM

مومكتوب لاوقت ولايوم ولارقم الكلية ولا التخصصات المتاحه ولاشي ابد

بس شكلها هي لنا لان مكتوب جنبها m

طيب سجلتيها والا ؟

وبس راح ندرسها هي .. مافي مواد ثانيه ؟

clever girl

2014- 9- 1, 06:59 PM

طيب سجلتيها والا ؟

وبس راح ندرسها هي .. مافي مواد ثانيه ؟

مادري .. توني اصلا حدثت الرقم السري :16.jpg:

امممم نسجلها يعني ؟؟ ننتظر opps وريحانة الهادي .. يمكن عندهم جديد يفيدونا؟؟ :g2:

>>انا violet flower وهذا معرّف أختي :icon120:

Όoρѕ

2014- 9- 1, 07:26 PM

اخر خبر وصلني انهم مابعد ينزلون لنا انقليزي مكثف
لاتسجلونها انتظروا بكرئ يمكن اجيب لكم الخبر

violet flower

2014- 9- 1, 07:41 PM

اخر خبر وصلني انهم مابعد ينزلون لنا انقليزي مكثف
لاتسجلونها انتظروا بكرئ يمكن اجيب لكم الخبر

أوكي .. وعند جهينة أقصد Oops الخبر اليقين ^_^

شخبطه

2014- 9- 1, 08:15 PM

،

انا سجلتها ودخلت معي ! ..
خلاص اذا في بكرى خبر كتبوه هنا .. : )

ريحانة الهادي

2014- 9- 1, 11:38 PM

شخبطه

2014- 9- 2, 04:40 AM

انا اتوقع ينزلونها المادة بجدول كلية العلوم مو في مركز اللغة الانجليزية
http://bannerinb.kfu.edu.sa/KFU/ws?p_trm_code=143510&p_col_code=08&p_sex_code=12

المادة موجودة في نهاية الجدول
بس متاحة لتخصص كيمياء
يمكن يفتحوها لنا

ايوه فقط لتخصص كيمياء .. غير متاحه لنا ( حاليا )
ان شاء الله بكرى يكون في خبر من Oops .. :106:

Όoρѕ

2014- 9- 2, 06:46 AM

احسكم كلكم برقبتي اللحين لازم اجيب لكم الخبر ههههههههه
ان شاء الله اي جديد يوصلني بخبركم فيه

شخبطه

2014- 9- 2, 06:50 AM

،

ههههههه .. المشكلة انو احس ضايعين موب عارفين مين ممكن يساعدنا من الجامعه نفسها
ودي ادق على د.أحمد جمال واستفسر منه بخصوص المقرر .. بس احس ماله دخل بهالشي هو : /

Όoρѕ

2014- 9- 2, 09:00 AM

كلمته احمد جمال وقال ماله دخل مايدري
وقالي تواصلوا مع عمادة الدرسات العليا

Όoρѕ

2014- 9- 2, 11:43 AM

اتصلت ع دكتور احمد جمال وقالي اصبروا شوي
لسى مابعد (صراحه نسيت وش قالي ) ههههههههه بس اللي فهمته
ان لسى مابعد يفتحون لنا شعبه الموضوع لساته جديد
بس قالي انهم هم راح يضيفونها لنا مش احنا اللي نسجلها
انا بصبر للخميس اذا ما استجد شي بكلم عماده الدراسات العليا

قـطـر الـنـدى

2014- 9- 3, 09:27 PM

بنات ؟؟
أحد سجل مواد الرياضيات ولا لسى ؟؟
أحد من ماستر رياضيات داوم واستفسر متى تبدأ المحاضرات ؟؟
كيف استخرج الرمز السري واسجل جدولي؟؟

شخبطه

2014- 9- 3, 11:29 PM

بنات ؟؟
أحد سجل مواد الرياضيات ولا لسى ؟؟
أحد من ماستر رياضيات داوم واستفسر متى تبدأ المحاضرات ؟؟
كيف استخرج الرمز السري واسجل جدولي؟؟

هلا حبيبتي
لاء للحين ماسجلنا مواد لسى ..
راح ندرس فقط ماده وحده " انجليزي مكثف " وللحين مانزلوها لنا !
.
تستخرجين الرمز السري من موقع الجامعه تروحين عماده الدراسات العليا
تشوفين ايقونة " اعادة تعيين الرمز السري " من هنا تقدرين تستخرجينه

:icon19:

شخبطه

2014- 9- 3, 11:33 PM

ملكة العواطف

2014- 9- 3, 11:36 PM

سلام بنات

في أحد ماستر رياضيات يقدر الان يدخل نظام البائر
في الحذف والأضافه؟؟!

شخبطه

2014- 9- 4, 01:02 AM

سلام بنات

في أحد ماستر رياضيات يقدر الان يدخل نظام البائر
في الحذف والأضافه؟؟!

وعليكم السلام والرحمه
توني جربت الحين ومافتح !
يطلع لي " حالة الطالب تمنع التسجيل " .. !
حتى انتي يطلع معك كذا ؟

violet flower

2014- 9- 4, 08:07 AM

وعليكم السلام والرحمه
توني جربت الحين ومافتح !
يطلع لي " حالة الطالب تمنع التسجيل " .. !
حتى انتي يطلع معك كذا ؟

انا بعد حالة الطالب تمنع التسجيل :icon120:

حذفتي الانجليزي اللي سجلتيه قبل ؟؟

Όoρѕ

2014- 9- 4, 08:09 AM

حتى انا يطلع لي مثلك شخبطه

ملكة العواطف

2014- 9- 4, 01:29 PM

وعليكم السلام والرحمه

توني جربت الحين ومافتح !
يطلع لي " حالة الطالب تمنع التسجيل " .. !

حتى انتي يطلع معك كذا ؟

اي واستقربت لان لسى مانتهت فترة السجيل
ربي يسهل ..:106:

نجميه

2014- 9- 4, 04:32 PM

الحين الماستر مجاني ..
والدبلوم بفلوس ؟؟
ولا

شخبطه

2014- 9- 5, 02:23 AM

انا بعد حالة الطالب تمنع التسجيل :icon120:

حذفتي الانجليزي اللي سجلتيه قبل ؟؟

اي حذفتـه .. لأنه من الواضح انه موب لنا :rose:

،

اي واستقربت لان لسى مانتهت فترة السجيل
ربي يسهل ..:106:

حتى انا يطلع لي مثلك شخبطه

اي كلنا كذا قسم الرياضيات ..

لأني اعتقد انو الجامعه هي اللي راح تسجل لنا المواد .. موب احنا اللي بنسجلها :106:

،

لكن الى الآن مااستجد شي !

وغير كذا انا احتمال اروح يوم الأحد استفسر منهم هناك بشأن الجدول ..
وبالنسبه للاجتماع اللي قالوا عنه ل بنات الكيمياء .. اتوقع لنا كلنا ..

بتحضرونه الساعه 1 ؟ :119:

شخبطه

2014- 9- 5, 02:24 AM

الحين الماستر مجاني ..
والدبلوم بفلوس ؟؟
ولا

الماستر المشروط كذلك ب فلوس تقريبا .. :icon1:

Όoρѕ

2014- 9- 5, 04:54 AM

سالت استاذه عفاف وقالت فقط للكيمياء

شخبطه

2014- 9- 5, 05:01 AM

سالت استاذه عفاف وقالت فقط للكيمياء

اها حلـو

اجل على كذا مافي الا نروح يوم الأحد نستفسر بخصوص الجدول ! :106:

o3oon77

2014- 9- 5, 06:47 PM

سالت استاذه عفاف وقالت فقط للكيمياء

طيب تواصلت معها الايميلات ماترد ولا حتى الأتصال
ياليت تعطيني الرقم اللي ترد منه

violet flower

2014- 9- 6, 06:49 AM

اها حلـو

اجل على كذا مافي الا نروح يوم الأحد نستفسر بخصوص الجدول ! :106:

ياريت اللي تروح .. تسوي فينا خير وتستفسر عن المقبولات مشروط موازي .. شلون وضعهم بيكون؟ :g2:

هل في رسوم صحيح او مثل قسم اللغه العربية ضموهم للعادي ؟؟ ولهم مكافآت او بدون ؟ :(107):

وأكون لها من الشاكرين .. والداعين :verycute:

قـطـر الـنـدى

2014- 9- 6, 12:53 PM

بنات ..
أنتم متأكدين مارح ندرس الا انجليزي مكثف ؟؟
مشكلةالجدول لازم تنحل الاسبوع هذا من العمادة ..لأن ماعاد بقى وقت !!
ومتى تبدأ المحاضرات ونداوم ؟؟

شخبطه

2014- 9- 7, 01:53 AM

ياريت اللي تروح .. تسوي فينا خير وتستفسر عن المقبولات مشروط موازي .. شلون وضعهم بيكون؟ :g2:

هل في رسوم صحيح او مثل قسم اللغه العربية ضموهم للعادي ؟؟ ولهم مكافآت او بدون ؟ :(107):

وأكون لها من الشاكرين .. والداعين :verycute:

المشكلة انا هاليومين مااقدر اروحَ .. والا كان استفسرت لكَ .. :106:

شخبطه

2014- 9- 7, 01:55 AM

بنات ..
أنتم متأكدين مارح ندرس الا انجليزي مكثف ؟؟
مشكلةالجدول لازم تنحل الاسبوع هذا من العمادة ..لأن ماعاد بقى وقت !!
ومتى تبدأ المحاضرات ونداوم ؟؟

ايوة ، انا بنفسي اتصلت على د. احمد جمال وقال فقط بندرس انقلش مكثف ..
.
لسى ماراح نداوم الا اذا نزل الجدول .. نشوف اليوم ان شاء الله يستجد شي .. :004:
واذا في أحد بيروح الجامعه اليوم يستفسر ياليت يكتب هنا وش قالوا له

MNON

2014- 9- 7, 01:57 AM

ماشاء الله
الله يوفقكم

o3oon77

2014- 9- 7, 02:05 AM

ياريت اللي تروح .. تسوي فينا خير وتستفسر عن المقبولات مشروط موازي .. شلون وضعهم بيكون؟ :g2:

هل في رسوم صحيح او مثل قسم اللغه العربية ضموهم للعادي ؟؟ ولهم مكافآت او بدون ؟ :(107):

وأكون لها من الشاكرين .. والداعين :verycute:

شوفي عندك في حاله التسجيل بالبانر وش كاتبين لك عادي أو موازي

violet flower

2014- 9- 7, 02:41 AM

شوفي عندك في حاله التسجيل بالبانر وش كاتبين لك عادي أو موازي

مكتوب نوع القبول عادي (رغبة أولى)
تقصدين هذا؟؟

ملكة العواطف

2014- 9- 7, 08:52 AM

سلام بنات

لو سمحتم الي تروح اليوم وتلاقي جنب مكتب أ.عفاف معلق جدول لنا ماستر رياضيات
تحطه اهنا

واذا مافي جدول معلق لنا ياليت تسأل كيف ندوم هي الأسبوع لو على الأقل يعطونا
اليوم والوقت ونداوم لمن يضبط النظام من شان مانحس انه احنا ضائعات

اتمن أحد يقدر يجيب لي الي طلبت ولها مني دعوه قلبيه في الخفاء .....:106:

ملكة العواطف

2014- 9- 7, 12:10 PM

.......:rose:

violet flower

2014- 9- 7, 03:32 PM

بنات..شفتو هذا؟؟

جدول لكلية العلوم كلها -رياضيات - فيزياء - كيمياء-!!

http://www.ckfu.org/vb/t565506-21.html

شخبطه

2014- 9- 7, 09:54 PM

،

بنات طالبات الفيزياء يقولون في دوام وفيه محاضرات ..
وكل التخصصات في نفس الكورس ونفس الجدول !
.
على كذا احنا لازم نداوم بكرى ونستفسر منهم عن الجدول !
ونبدأ نحضر المحاضرات ..

:rose:

شخبطه

2014- 9- 7, 10:06 PM

،

بنات فتح معكم الحذف والاضافه والا ؟
انا للحين يطلع لي " حالة الطالب تمنع التسجيل " .. !

violet flower

2014- 9- 7, 10:15 PM

،

بنات طالبات الفيزياء يقولون في دوام وفيه محاضرات ..
وكل التخصصات في نفس الكورس ونفس الجدول !
.
على كذا احنا لازم نداوم بكرى ونستفسر منهم عن الجدول !
ونبدأ نحضر المحاضرات ..

:rose:

بالموضوع اللي رسلته فوق حاطين الجدول..بس مادري ع اي اساس نختار الايام

شكلي ماقدر اروح بكرة..اللي تروح تخبرنا بالجديد ربي يجزيها خير..

شخبطه

2014- 9- 7, 10:33 PM

بالموضوع اللي رسلته فوق حاطين الجدول..بس مادري ع اي اساس نختار الايام

شكلي ماقدر اروح بكرة..اللي تروح تخبرنا بالجديد ربي يجزيها خير..

انا ب اذن الله بروح بكرى ..
واذا في اي شي جديد بقول لكم هنا .. :icon19:

طيب الحذف والاضافه يفتح معك والا ؟

violet flower

2014- 9- 7, 10:34 PM

،

بنات فتح معكم الحذف والاضافه والا ؟
انا للحين يطلع لي " حالة الطالب تمنع التسجيل " .. !

اي الى الحين حالة الطالب تمنع التسجيل

A.A.Z

2014- 9- 7, 10:45 PM

السلام عليكم ..
شخباركم يا طالبات الرياضيات
ودي اقدم ماستر ان شاء الله السنه الجايه
ومتابعه معاكم الوضع اول باول << الله يوفقكم وييسر لكم اموركم :rose:
وانصدمت ان بتدرسون انقليزي
الله يستر لا يطلعون شروط قبول جديده للسنه الجايه
عندي بعض الاستفسارات لان لي فتره متخرجه من البكالوريس
وياليت تفيدوني :(135):
اولا: كيف اختبار القبول من ناحيه سهولتها او صعوبتها ؟ و نوعية الاسئله يعني مركزين على مناهج معينه ولا متنوعه ؟
ثانيا: تدرسون ماستر في جامعه الملك فيصل اللي بالدمام ولا بالاحسا ؟
لاني متخرجه من جامعه طيبه ولا اعرف كيف نظام جامعات الشرقيه

كل ماطرى في بالي سؤال راح اجيكم هنا واغثكم :(85):

violet flower

2014- 9- 8, 07:24 PM

يافتيات .. ننتظر الأخبار من اللي داومو اليوم .. :rolleyes:

Noor2

2014- 9- 9, 01:02 AM

داوومنا اليوم وفي محاضرة
كل يوم من 3الى 6

الدكتور عطانا رقم crn
42217

Noor2

2014- 9- 9, 01:26 AM

وفي رقم ثاني معطتنا ايه استاذة عفاف
32851

واثنينهم يدخلون
بس الثاني مافي اوقات محدده ومكتوبm5
والاول اللي من الدكتور m2

انا ضفتهم اثنينهم بس اعتقد الصح حق الدكتور

شخبطه

2014- 9- 9, 03:53 AM

يافتيات .. ننتظر الأخبار من اللي داومو اليوم .. :rolleyes:

،
المحاضرات بدأت من الاحد ..
وكذلك الاثنين اخذنا محاضرة من الساعه 3 ل 6 ..
ويوميا الخروج بيكون الساعه 6 ..
.
لكن بالنسبه للماده للحين مافتح الحذف والاضافه !

.
وبالنسبه للي قلتي لي ع الخاص ، ماشفته : )

violet flower

2014- 9- 9, 08:11 PM

،
المحاضرات بدأت من الاحد ..
وكذلك الاثنين اخذنا محاضرة من الساعه 3 ل 6 ..
ويوميا الخروج بيكون الساعه 6 ..
.
لكن بالنسبه للماده للحين مافتح الحذف والاضافه !

.
وبالنسبه للي قلتي لي ع الخاص ، ماشفته : )

شكرا جزيلا،،

violet flower

2014- 9- 9, 08:13 PM

بنات الدمام،،في أحد حاب يتعامل مع باص للمشاوير بدل القطار؟؟

لان وصلت لباص يقبل يوصلنا ،، لكن محتاجه نكون مجموعة

حلى الماث

2014- 9- 19, 07:56 PM

حلى الماث

2014- 9- 23, 07:56 PM

افاااا يابنات الشرقيه خابرتكم متعاونات وتحبون الخير
ممكن تردون علي

violet flower

2014- 9- 24, 09:09 PM

يسعد مساكم حبايبي
أول شي الف مبروك القبول الله يوفقكم ويسهل عليكم
أبغى أستفسر الله يرضى عليكم
ايش شروط القبول لماستر رياضيات بجامعة فيصل ومتى يكون التقديم
وهل يشترطون اجتياز التوفل
وكيف المواصلات من الدمام للهفوف هل القطار آمن بعد الله
وايهما افضل ماستر بجامعة الدمام ولا جامعة فيصل
وهل الدوام بكل ايام الأسبوع
الله يعطيكم حتى يرضيكم
وشكراً

شروط القبول .. متقلبه ومتغيره .. فماادري اذا يضيفون شي جديد السنه القادمه ..
المعدل إلى جيد جدا .. وممكن يقبلون جيد بحال مواد التخصص معدلها مرتفع
اجتياز الإختبار التحريري ..
والسنه اضافو للشروط اجتياز اختبار اللغه الإنجليزية ((آيلتس بنسبة 5.5))

المواصلات .. القطار آمن .. وكثيير بنات يروحون بالقطار ..
دوام الماستر يومين بالاسبوع ..

ماعرف الأفضل .. لكن جامعة الدمام تقريبا مافي تخبط بقوانينهم مثل الفيصل .. مرتبه يعتبر ..

قدمي بالأثنين .. وشوفي وين تنقبلين ..

موفقين ..