تحويل من جامعه الدمام الى جامعتكم المصونه فيصل *

[بيج’]

صبآح الخير .

حبيت آسئلكم عن نقل عندكم عن تعليم عن بعد !
انا تخصصي علم اجتماع ب المستوى الثاني من جامعه الدمام دراسه عن بعد
فحابه انقل حق جامعتكم المصونه .
هل في نقل ام لآ !
واذا في كيف الطريقه !


ملآحظه
لاحد يعطيني ارقام ويقول دقي على العميد ولا الوزير ولا النائب لني دقيت وم احد رد .
الي عنده معلومه ولا خبره يقولي
وجزاكم الله خير :(

[دختنوس]

للأسف تخصص علم إجتماع تم إقفاله إبتداء من الترم المقبل أيضاً لا يوجد تحويل يمكنك التسجيل في الجامعة كمستجدة

وبعد قبولك تسحبين ملفك من جامعة الدمام ومن ثم ذلك تقدمين معادلة لموادك السابقة بمعدل 15 ساعة كحد

أقصى ،،

موفقة

[بيج’]

ان شاء الله امخلصه 15 ساعه
انا م ابي اسجل ك مستجده انا بحول يعني المواد الي اخذتها بجامعتي خلصتها بسجل عندكم ك مستوى ثاني ! انا م ابي اتورط اسحب ملفي واخر شي لازم اكون ك مستجده ! :(

[مــجــازفــــ]

التحويل مافيه ... فيه معادلة للساعات الي درستيها سابقا

[بيج’]

كيف معادلات فهمني الله يجزاك الجنه :(

[...mlak]

.............................

ماسمعت للآن انه فيه تحويل..

لازم تسجلين ع السنه الجايه ثم تعادلين المواد اللي إخذتيها لكن المشكله علم الإجتماع يقولون انه مافيه بيقفلونه
ماندري عنهم..تابعي التسجيل في رمضان وتأكدي من التخصصات المتاحه قبل الإنسحاب ..
الله يكتب الك اللي فيه خير

............................

[بيج’]

الله يجزاكم خير :)

[مــجــازفــــ]

يعني مثلا انتي درستي بجامعة الدمام مادة مبادئ علم الاجتماع في حالة المعادلة راح تحذف هذي المادة من خطتك لانك درستيها وتضاف لك ساعتين ونفس ينطبق على المواد الاخرى

[أمير الكلمة]

يا اختي دامك خلصتي مستوى اول فتوكلي على الله وكملي هناك الا اذا السبب قوي جداً
لان الجامعات غير مرتبطه يعني لو نقلتي راح تبدين من جديد والمعادله ما تستفيدي منها لانها ممكن تكون نفس المواد اللي درستيها في المستوى الاول في الدمام تكون هنا في جامعة فيصل وماراح يعادلونها لك الا من المستوى الثاني وبكذا بيضيع عليك ترم
بالمختصر
يا تكملي وهذا افضل لك
او تنقلي وتضحي بترم

[vip-1]

تسجلين مستجده وترفعي معادله ومن المستوى الثاني راح تتعادل المواد كحد اقصى 15 ساعه
اما المستوى الاول لا يوجد بها معادله ولا يوجد تعديل على الجدول
يعني لو المواد الي مخلصتها كلها من المستوى الاول ماراح تستفدين شي لانك لازم تدرسينها
يعني خلك على جامعتك

[بيج’]

اذا كانت الجامعه ظالمتني يستحق اني اغيرها حتى لو أعيد المواد كلها. م عندي أي مشكله.
الله يكون بالعون

[ابواسامه1]

انا اقول كملي في جامعة الدمام أفضل ممكن يروح جهدك بدون فائده .... موفقه أخيتي

[همة نحو القمه]

للأسف ما فيه تحويل
اذا تبين تنقلين جامعة الملك فيصل لازم تسجلين كمستجدة
لكن للأسف قسم علم الاجتماع قفل

[حلمي اصير انسان]

الي يقولو قسم الاجتماع قفل

في قرار رسمي وولا بس تنقلو كلام ؟؟؟؟

[بيج’]

شكرا لكل شخص سوى نصحني أو دمر جبهتي أو اعطاني الخلاصه الف شكرا

[بيج’]

تسجلين مستجده وترفعي معادله ومن المستوى الثاني راح تتعادل المواد كحد اقصى 15 ساعه
اما المستوى الاول لا يوجد بها معادله ولا يوجد تعديل على الجدول
يعني لو المواد الي مخلصتها كلها من المستوى الاول ماراح تستفدين شي لانك لازم تدرسينها
يعني خلك على جامعتك

الي يقولو
قسم الاجتماع قفل

في قرار رسمي وولا بس تنقلو كلام ؟؟؟؟




اي يمي في قرار رسمي أثبت هل شي