هل شهادتنا مجازه في الهيئة الصحية؟!

[abdulkrim]

السلام عليكم ورحمة الله وبركاته

مساء الخير جميعاً / دعواتي لكم بالتوفيق والنجاح

سؤال جعل ربي يسر امورنا واموركم ،،،

بالنسبة لشهادة (التعليم عن بعد) هل تجيزه (الهيئة السعودية للتخصصات الطبية)

يعني بمعنى نقدر نتوظف فيها في مجال الصحه او أي مجال صحي ؟

اليوم فيه واحد قال لي اتوقع غير مجازه :Cry111:

قلت مجال التعليم يقولون غير مجازه عندهم والهيئة الصحية غير مجازه اجل وش هوله ندرس هالجامعه مضيعيين وقتنا وجهدنا وفلوسنا وآخرتها ما احد يقبل فيها ، احسن سكروها لأن على كذا مستقبل خريجينها يبيعون جح والبنات يبيعو بليله:017:

ياليت احد يفيدنا عن الخبر اليقين او يرسل لهم عن طريق تويتر او اتصال ، بالنسبه لي لا يوجد لدي معلومات عنهم ،،،، شاكر ومقدر لكم حسن تعاونكم والله يكتب اللي فيه خير ،،،

:icon1::rose::love080:

[ابو غيداء]

نعم اخوي غير مجازه حتى اشعار اخر

[abdullahs]

اعتقد انها مجازة ولها اختبار خاص

[saudi-com]

ملاحظة شهادتك راح يكتب عليها انتساب و ليس تعليم عن بعد.

[أم فصولي]

رفع

[abdullahs]

إلحاقا وتصحيحا لردي السابق ان الشهادة مجازة في الهيئة السعودية للتخصصات الصحية ولها شرط انه تحضر معك خبرة عمل في مجال الشهادة وتجرى لك مقابلة وليس اختبار وتحصل على بطاقة مزاولة المهنة اولا مساعد اخصائي وبعد سنة اخصائي .

[فني تأمين صحي]

شهاده الملك فيصل انتساب وليس تعليم عن بعد

[Qublan]

كلام غير صحيح

لاتسمع لكل مايقال ولا تصدق اقاويلهم

انا اعرف لك واحد من زملائي يشتغل معي في نفس القطاع

وشفت شهادته بعيني

حاصل على بكالوريوس علم اجتماع وخدمة اجتماعية من جامعة الملك فيصل / التعليم عن بعد

ومكتوب على شهادته انتساب

واختبر في الهيئة السعودية للتخصصات الصحية

واجتاز الاختبار و عطوه خطاب للمستشفى وحصل على دورة انعاش رئوي لمدة ٣ اشهر

وتم تصنيف شهادته

وهذا مو مجرد كلام

انا شفت تصنيفه بعيني وشفت شهاداته ودورة الانعاش الرئوي

فـ انصحك لاتسمع كلام الناس وكمل دراستك وبإذن الله مايضيع لك حق

[موظف بالصحه]

http://www.ckfu.org/vb/t547660.html

http://www.ckfu.org/vb/t547686.html

[abdulkrim]

الله يوفقكم على ردودكم اللي تشرح البال

صحيح قالوا اذا كان مكتوب (انتساب) الأمور تمام ،،، وما دام انكم متأكدين انها انتساب بكذا الوضع تمام التمام

وفعلاً ما يضيعنا غير قولة يقولون ، والخبر اليقين عن من شاف بعينه او سمع من شخص ثقه من واقع تجربه .

ودي وتقديري لكم جميعاً

.

[خيال الامس]

وش الاحسن يكون مكتوب انتساب
ولا عن بعد
؟؟؟؟؟؟؟؟؟؟؟؟؟؟؟؟؟؟

[يزيد الدوسري]

التعليم عن بعد شيء والانتساب شيء آخر
جامعة الملك فيصل تمنحك وثيقة تخرج مكتوب بها انتساب وهي مقبولة لدى هيئة التخصصات الصحية
أما إذا كنت تسئل عن التعليم عن بعد للخريجين من جهات تمنح شهادات بإسم تعليم عن بعد فهي ليست معتمدة في هيئة التخصصات الصحية ولا في كثير من الهيئات الأخرى
وهذا أهم سبب لدى جامعة الملك فيصل فيما يتعلق بكتابة انتساب بدلاً من تعليم عن بعد في وثائق جريجيها .
ياليت الفكرة تكون واضحة

[الفــر(فهد)يـدي]

يشاب ويابنات انا اعرف واحد من اقاربي متخرج من جامعة الملك عبدالعزيز انتساب انتساب انتساب
تخصص علم اجتماع و وكان ممرض وقبل التمريض كان عسكري جندي بس مشاء الله طموحه عالي

بعد ماتخرج من جامعة الملك عبدالعزيز قدم على هيئة التخصصات الصحية وقالوله لازم تجتاز تتطبق بمستشفئ وبعدها تختبر عندنا قالهم انا ممرض وسبق لي ان اجتزت الاختبار وتم حسب الاجتاز حق التمريض لانه كان يدرس معهد صحي اهلي



مالكم من الطويله الرجال اخذ اجتياز منهم بكل سهوله وهو ممرض (حسب كلام الشخص نفسه)

وفصل من التمريض ولان بوظيفته الجديد (اخصائي اجتماع )

شهادة مثل ماقلت باول انسااااااااااااااااااااااااااااااااااااااااااااااا اااااااااااااااااااااااااااااااااااااااااااااب طبعا" تقديره مقبول

[abdulkrim]

شكراً لتفاعلكم

والله يوفقكم ،،،

.