رسبت بكل المواد والسبب معطيني 20 من 30 بالمشاركات؟

[قصيمي 1982]

وش اسوي ؟

الرياضيات 2 ما اختبرتها
فشوفوا معطيني فيها 20 يعني خاصمين بكل المواد عشر درجات ليه ؟


المشاركة كنت كاتب فيها( السلام عليكم )بكل المواد هل هي السبب؟


http://im58.gulfup.com/copCvv.jpg






http://im58.gulfup.com/5zAW1g.jpg

[nayefgg]

اكيد بعد التهديدات من الجامعه استهبلت عليهم ردوا عليك

[الرحال الذهبي]

كلم الجامعة و ان شاء الله تنجح في كل المواد بس الرياضيات حتى لو زودو العشر مارح تنفع الله يعينك عليها الترم القادم

[قصيمي 1982]

اول مرة اسويها

بعد ما قالوا الشباب ان الوضع آمن


وش الحل ؟

[قصيمي 1982]

كلم الجامعة و ان شاء الله تنجح في كل المواد بس الرياضيات حتى لو زودو العشر مارح تنفع الله يعينك عليها الترم القادم
ايه الرياضيات والانقليزي عادي لكن المواد الثانية ليه والله قهرررر

[قصيمي 1982]

انا في مصيبه

[مصعب عكيري]

انا خريج ورسبت ف الانقلش

[Mr.NoOoFy]

معليش اخوي بس انت مقتنع من قرارة نفسك انك لما تكتب بالمناقشة (السلام عليكم) ..

انك تستاهل الـ 10 ؟؟؟
تقارن نفسك ب اللي تعبوا بكتابة المناقشة .؟؟ او على الاقل باللي نسخها؟؟

والله الخطا خطاك ..
المناقشة عليها 10 درجات ...
ولو اشتكيت للجامعة ممكن راح يناظروا مناقشاتك بيشوفوها كلها السلام عليكم .. !!

تتوقع يقولوا اي والله شاركت وتعبت وانت تكتب المناقشة خذ تستاهل الـ 10 ؟؟؟؟

[قصيمي 1982]

يا اخي اللي يعطون مصري 500 ياخذون 30

وقفت علي انا مشارك وكلها خرط فاضي 99 بالمية ما يدرون وش السالفه

[majdini]

صل على النبي وراسلهم
ان شاء الله ان في شي خطا
بس ضروري تراسلهم

[عهووودهـ]

راسلهم وانا اختك حاول كثر ماتقدر

[شايب جامعي]

والله انا معك يا اخوي القصيمي.

فيه ناس اغلب مشاركاتهم. سبحان الله. والا السلام عليكم ومحسوبه لهم الدرجات.

لكن انت متأكد انهم خاصمين عليك من كل مادة ١٠ درجات مشاركه.

ادخل على الماده وتجيك التفاصيل. درجة الاختبار ودرجة المشاركه والدرجه النهائية.

وشف منقصين من اي مادة

[أبو بندر]

شين وقوي عين ..!

ياخي انت غلطان مليون بالميه ولاتنظر غيرك ما عليك الا بنفسك
وكيف تحكم على 99% انهم مايدرون وش السالفه !!


ناس عجيبه غريبه والله ولا تستحي

كلمة الحق توجع يابو تركي
شف رده عليك وتحمد ربك
للأسف انه طالب جامعي
مبارك للناجحين
ومعوضين خير من لم بحالفهم النجاح

[قصيمي 1982]

والله انا معك يا اخوي القصيمي.

فيه ناس اغلب مشاركاتهم. سبحان الله. والا السلام عليكم ومحسوبه لهم الدرجات.

لكن انت متأكد انهم خاصمين عليك من كل مادة ١٠ درجات مشاركه.

ادخل على الماده وتجيك التفاصيل. درجة الاختبار ودرجة المشاركه والدرجه النهائية.

وشف منقصين من اي مادة
ايه تاكدت منقصين من كل مادة عشر درجات

[المعالي غالية]

الله يعوضعك ويبدل حالك الى احسن حال

[al_hawawy]

الله يعوضك خييييييييييييير

[NONYAH]

اتوقع مشكله الاغلبيه
انو يحل الواجبات والمشاركات
وينسى تحميل او مشاهده المحاضرات المسجله والمباشره
لان عليهم 10 درجات

[قصيمي 1982]

اتوقع مشكله الاغلبيه
انو يحل الواجبات والمشاركات
وينسى تحميل او مشاهده المحاضرات المسجله والمباشره
لان عليهم 10 درجات
اتصالي فايبر وجهازي ssd

ووالله احمل كل الروابط صوت وفديو وجوال

[lavender faris]

ايش عرفك ان نقصك بالمشاركات؟؟
التطبيق مايطلع الا النتيجة فقط بدون درجات المشاركة

[NONYAH]

اجل مالك الا ترفع تظلم
وبإذن الله يرررجعوها لك

[لولو ناصر]

لازم تروح للجامعة وماتسكت والله

[قصيمي 1982]

ايش عرفك ان نقصك بالمشاركات؟؟
التطبيق مايطلع الا النتيجة فقط بدون درجات المشاركة
فيه مادة ما اختبرتها الرياضيات وعطوني 20

المواد الثانية كلها اول ما اطله اصور الاجابات واتاكد منها وكلها نفس النتيجة المحصله

[Welcome]

اعتقد منتقصين مناقشاتك فقط حاول تتواصل معهم والله ييسر امرك

[absentstar]

ايش عرفك ان نقصك بالمشاركات؟؟
التطبيق مايطلع الا النتيجة فقط بدون درجات المشاركة

اضغطي على اي ماده وراح تطلع التفاصيل للدرجات

[مــجــازفــــ]

عيب يا شباب انتم كبار والمفروض يكون الاحترام بينكم موجود ... اذكروا الله وصلوا على النبي

[طالب مشاغب]

اخوي صاحب المشكلة

أدري فيك متنرفز ومنقهر
من تعب وفلوس ومجهود قدمته
لكن بذاءة الالفاظ
لا تبرر أبدا لك ..صعوبة ما تعانيه وتواجهه من مصيبة رسوبك بالمواد
أعتذر عن تقديم الرأي والمشورة لك

[وليد الطائي]

معليش اخوي كان بين يديك فرصة 10 درجات وضيعتها مع ان الموضوع بسيط جداااااا نسخ ولصق على اقل تقدير


والله زعلان علشانك يشهد الله

[lavender faris]

يا قصيمي الله يعوضك خير يارب ويفرحك
و absentstar شكككككرا معليش من الفرحة صورت الشاشة وطلعت اتأملها ...
واﻵن ﻻجعت للتطبيق وفعلا طلعت تفاصيل طل مادة ...
يعطيك العافية عزيزي

[مسفر القحطاني]

لاتروح الجامعة ياخوي

انت جبت العيد بقوووه



اول كانت تمشي


لاكن الحين الدكتور يشوف مشاركات الطلاب


يعني أي مشاركه خطا يلغيها

[حبروك]

نظام حساب المناقشات لو تحط نقطة وترسلها اتوقع بتحسب الدرجة دايركت الكترونياً

اذا متأكد من الواجبات ومشاهدة المحاضرات وبس عندك المناقشات انشب لهم فيها

[absentstar]

absentstar شكككككرا معليش من الفرحة صورت الشاشة وطلعت اتأملها ...
واﻵن ﻻجعت للتطبيق وفعلا طلعت تفاصيل طل مادة ...
يعطيك العافية عزيزي

العفووو ...

بخدمتكم .. ومبرووك النجاح

كل التوفيق لكم

[suby07]

أنا مثلكك بعد كلها معطيني فيها 20 .. انتظر درجات الموقع الرسمي وان شاءالله تجينا 30 كاملة .. وان ماجات مالنا الا نراجع الجامعة وان شاءالله خيرر

[قصيمي 1982]

كل المواد معطيني 20 الا الانقليزي 21

وش ذا الظلم ظلمممممممممممممم

[المنادي]

>>>>>>>>>>>>>

[قصيمي 1982]

المنادي شكرا لك بعد راسي طمنتني اقدر اطالب وانا مرتاح

[بنت مطير *]

لالا مو السبب انا كنت اكتب شلونك يالدكتور عساك طيب والحمدلله نجحت بس والله درجاتك متدهوره الله يعينك

[منصور بن محمد]

راعوا نفسيت الرجال
خلوه يطلع اللي بصدره
معه حق بزعله
ولكن مامعه حق بالتهجم

[ZOOZCHI]

لالا مو السبب انا كنت اكتب شلونك يالدكتور عساك طيب والحمدلله نجحت بس والله درجاتك متدهوره الله يعينك




لا والله راعية واجب :71::biggrin::mh001:

[تركي العياش]

الله يكون في عونك

[بنت مطير *]

لا والله راعية واجب :71::biggrin::mh001:


ههههههههه اهم شي نجحت الحمدلله وعلى الحافه عقبال الجميع يارب :16.jpg:

[ملامح بارده]

يَ رب تنجح

[البارحهه]

ماهب انت الي مسكوك وسوو لك محضر غش
اتمنا منك تغيير اسم العضو لأنك تسئ بأخلاقك الزفت لديرتي

[musa alzailae]

الله يعينك بس المفروض مادام انك فتحت المناقشه لو كتبت سطر واحد على الاقل

[Ghada22]

انا حاله المناقشات والواجبات كلها ومتأكده منها زييييين
وللمره الثالثه يتم خص درجات مشاركه مني
الترم اللي راح منقصيني سبع درجات في كل المواد والترم هذا منقصيني سبع درجات في ثلاث مواد
وش حكايتهم مع رقم 7
والله العظيم ظلممم وقهر لاني بذلت مجهود كبير في حلها والتأكد منها
وتواصلت معهم الترم اللي راح ولكن لا حياة لمن تنادي وكأني اتكلم مع نفسي
انا الحمد لله ناجحه فيها كلها بس معدلي نزل بسبب الخصم :(

[hadi mosa]

الحمدلله نجحت من المستوى الثاني الى الثالث ادارة اعمال

[MRSOM]

الله يعينك وللاسف هذا ما جنته يداك
فالك التوفيق بقادم الايام

[طالبه جامعية]

ياجماعه الله يرضى عليكم انا نفس الشي في كل المواد معطيني بالمشاركة ٢٠ من ٣٠ شالسالفه؟؟

اول مره تصير معي والله
الحمد لله أني احضر اول بأول ومعدلي ممتاز ومن المتفوقين اول مره تصير معي
أرجوكم ايش الحل؟؟
هل النظام فيه خلل؟؟

[conscious]

الله يسمحها من عنده يا كريم

[طالبه جامعية]

ممكن حساب الفريدان ع التويتر او العنقري لاهنتم

[Eman-888]

انتبهوا لا تكتبون شي هنا ترا فيه واحد مصور مشاركة المنادي
ومرسلها للفريدان في تويتر يقوله اعدل لان الفريدان طلع مشاركاته
ف المناقشات كلها خرابيط ..
وش هالحسد استغفر الله

[اخصائي اجتماعي1]

انتبهوا لا تكتبون شي هنا ترا فيه واحد مصور مشاركة المنادي
ومرسلها للفريدان في تويتر يقوله اعدل لان الفريدان طلع مشاركاته
ف المناقشات كلها خرابيط ..
وش هالحسد استغفر الله

وش دراكِ يمكن الفريدان نفسه مسنتر عندنا هنا:(107):

[Eman-888]

وش دراكِ يمكن الفريدان نفسه مسنتر عندنا هنا:(107):


لا فيه واحد كان يناقشه ف المناقشات وصور الفريدان مناقشاته ونزلها له
قام قال انو فيه كثير يكتبون السلام عليكم وشكرا وماخذين الدرجات كامله
وصور له كلام المنادي ونزله للفريدان
ومانستبعد اكيد انه يعرف عن هالمنتدى ويقرأ فيه :16.jpg:
المهم انتبهوا :106:

[صاحب الأمتياز]

أخصائي اجتماعي مررره ردك عجبني تسدحت من الضحك

[منتسب حيران]

والله مااافتح العيون علينا الا اشكالك

شوفوو الفريدان وش رد عليه

https://twitter.com/alfraidan/status/475660231200870401

روووووووووووووووووووووووح انحررررق ياشييييخ انت ومشاركاااتك

[قطره الندى]

كااااااااان الله في عووونك من جد مصيبه

[chicago]

انا فصلين انسخ المشاركات من المنتدى

والصقها بالمفكره واظللها واسوي لها سحب

والصقها والحمدلله ٣٠ كل المواد الترمين

واذا الله يسر الامور الترم الجاي باكتب بنفسي

قهر الواحد ماياخذ ٣٠ درجه سهله وماتاخذ جهد

اما المشاركات الغير مفيده سلام وكيف الحال

انا اقولك لاتتعب نفسك وتروح الجامعه بتحرج نفسك عالفاضي

الله يعوضك خير

احترامي

[احلى جوريه]

هم مشددين هالترم ع المناقشات
الله يعوضك خير

[أبو تركي الرياض]

احب انوه الاعضاء .. بأن هذا العضو وعلى من شاكلته .. هم من يسيؤون لسمعة الجامعة
الواجب عليكم عدم تشجيعهم والتفاعل معهم ..!!

[جنوبي في تبوك]

بصراحه المفروض ماحد رد على هالقصيمي وعذرا لكل قصيمي محترم
المفروض يطرد من المنتدى اسلوبه خارج عن الادب وان لم يعجبك رد اخوك في البدايه
شين وقوي عين في اسلوب ترد به احسن من كذا الحين بيستلمني:d

[جديد عن بعد]

استغفر الله

واعتذر ان تسببت مشاركتي بسوء

[خالد بن وليد]

يا اخوان مالها داعي الحسد والتدبيس وخاصه الي مغرد بتويتر انه متظلم للدكتور بالمشاركات وفضح امره الدكتور وطلع مشاركاته كلها ووووووووووووووووووووووووووووا زي كذا واستهبال بعدين ارفق رابط للملتقى وفيه بعض الاخوان يقول اني نسخ ولصق واخذتها كامله ليش الحسد والتدبيس .

ثاني شي انتم طلاب جامعيين يعني مالها داعي نخرب على بعض وكل واحد يفضح نفسه خلاص نسخت ولصقت لا تقعد ما تخلي احد وتقوله وتشهر بعمرك بالمنتدى والمنتدى الكل يطلع عليه بعدين نجلس نقول ليش شهادتنا غير معتمده من كلامنا الي محاسبين عليه الله يهديكم .

ترى المنتدى هذا يقدر اي شخص يطلع عليه واكاد اجزم اي احصائيات تحتاجها اي جهه بالتعليم العالي يجون هنا بالمنتدى ويعرفون كل شي .

شكرا لكم واتمنى اخذ الحذر بالمستقبل .

[منتسب حيران]

انااااااا مستغرررررب ووووين مقص الرقيب (ابومحمد) عن الموضوع السخييييييييييييف ذااااااا

[جنوبي في تبوك]

جديد عن بعد لاتفسر الكلام على كيفك يشهد علي الله
لم اقصد عنصريه فقط تنرفزت من اسلوبه ولم اتكلم عن ديرته

[كشتات]

في واحد صاحي يدفع فلوس ويذاكر ويتعب ويكرف واخر شيء يخربط في المشاركات عسا ماشر


انت جالس تدرس ولا تستهبل وش هالخرابيط اللي كاتبها وبخصوص العالم اللي كل شوي يقولون حنا نكتب خرابيط وعادي


ترا بسببكم بيلغون المشاركه نهائياً وبيخلونها ع الاختبار فكونا من كلامكم اللي يجيب الهم

اذا انتو تخربطون غيركم يكتب ماينسخ

[رآجيه الفردوس]

لاتعلييييق :|

[abu loulwah]

الله يعينك على هالبلوى والله يعننا بعد على غيرك

[am Basel]

بصراحة لي تقريبا مستوى كامل مادخلت المنتدى اتصفح بس عالسريع لضيق الوقت
لكن الحين دخلت ارد على كاتب الموضوع صدق من قال شين وقوي عين
يعني بالله تقارن نفسك باللي يتعب في الكتابه ويحل بشكل نظامي ...
وبالمناسبة أنا قد لاحظت عليك اكثر من مره اسلوبك وطريقتك الغير محترمة .

[جديد عن بعد]

على العين والراس اخوي جنوبي

الله يهدي البال
ويجيب النجاح

[كنت نايم]

درجات المشاركة 30
10 تحميل المحاضرات المباشره
10 تحميل المحاضرات المسجله
10 حل المناقشات

اس اس اس السلام عليكم
شفت واحد كاتبها بأحد المناقشات شكله انت!!

عموما "جنت على نفسها براقش"

[جنوبي في تبوك]

ابد ماصار شيء اخوي جديد جمعنا الله
واياكم في جنه الفردوس

[star994]

الله يصلحك

[طالب مشاغب]

اللسان البذيء
لا يدل الا على مرض نفسي وتربية ناقصة
واستهتارك وحسدك انت وأيوب الحربي
اللي تبون تخربون على الطلاب نظام المشاركات
وكاتبين في مناقشاتكم
مشاركات سخيفة
واخرتها
ايوب الحربي فاتح حساب جديد بتويتر
يتهجم على الفريدان ويخرب على الطلبة نظام المشاركة
ولما فضحه الفريدان ونشر صورة مناقشته
صار يحرش علينا ويستعدي علينا الجامعة

ما اقووول لك
الا عساك من هالحال وأردى
خسارة فلوس ورسوب بالمواد
وعقبال ما يبشروني بفصلك من الجامعة
انقلع من طالب ما يعرفون اهلك يربونك

[وقتي]

قدر الله وماشاء فعل وماهو كل مره تسلم الجرة والله اني رايح في خرايطها ولا اعرف وجية الدكاتره ولا عمري شفتهم وخلها على الله نجحنا على البركة الحمدلله ,, لكن نصيبك الله يعوضك خير

[قصيمي 1982]

سالفه اني ما اخطيت لا والله مخطي

لكن انا عود من طرف حزمة يا تنجحوني معهم يا ترسبونهم معي

والا حلب فلوس وبس

[كل الخاطر]

بدل مايخففون على الطلاب يزيدون التعقيد

الله يهديهم ويفتح علينا وعليهم

[فيلسوف الكلمة]

درجات الاعمال الفصلية ناقصة نقص رهيب لكن الحمد الله ناجحين

[قصيمي 1982]

اللسان البذيء
لا يدل الا على مرض نفسي وتربية ناقصة
واستهتارك وحسدك انت وأيوب الحربي
اللي تبون تخربون على الطلاب نظام المشاركات
وكاتبين في مناقشاتكم
مشاركات سخيفة
واخرتها
ايوب الحربي فاتح حساب جديد بتويتر
يتهجم على الفريدان ويخرب على الطلبة نظام المشاركة
ولما فضحه الفريدان ونشر صورة مناقشته
صار يحرش علينا ويستعدي علينا الجامعة

ما اقووول لك
الا عساك من هالحال وأردى
خسارة فلوس ورسوب بالمواد
وعقبال ما يبشروني بفصلك من الجامعة
انقلع من طالب ما يعرفون اهلك يربونك
يخرب بيت البأر

< غير مهذب وغير خلوق ولا يفرش اسنانه قبل النوم ولا يشرب الحليب

[الاشعث]

تقفيل الموضوع ابرك...

[أبو محمد]

نكتفي بهذا القدر ..

يُغلق ..

..