لمن رفع تظلم سابقا هل عدلو لك درجتك ام بقت على ماهي عليه ؟؟؟

[كهف المواجع]

السلام عليكم ورحمه الله وبركاته


وبعد : بينما انا اتصفح درجاتي بالأمس تفاجئت بهبوط في درجات مواد


غير متوقعه كماده حاضر العالم الأسلامي وماده الأخلاق الأسلاميه


حيث انني خرجت وانا ضامن a+ ولكنني انصدمت بدرجه 82 للأخلاق وايضا 85 لحاضر العالم الأسلامي

وقدمت تظلم عبر ايقونه التظلمات ولكن السؤال الذي انتظر اجابته منكم


هل يوجد فيكم احد قدم تظلم وعدلو له درجته ام ان الأيقونه عباره عن ابره تخديريه ولا تنفع


لاني ناوي اراجع الجامعه اذا لم يعدلوها وتقبلو شكري جميعا ومبروك النجاح للناجحين ومن لم يحالفه


الحظ اقول له خيرها بغيرها وتعوض خيرا ان شاء الله ..

[Nasser ALGhamdi]

نحلم

[بوعبدالرحمـن]

نفس السوال

[أم البواسل]

ياليت يعطونا وجه والتظلم يجيب نتيجة

[احلى جوريه]

الترم الماضي رفعنا تظلم وانصفونا في ماده بحوث الاعمال
الحمدلله....
لكن اتوقع بسبب انه كان هناك نسبه كبيره جدا من الطلبه رفعت تظلم بخصوص هالماده

موفقين

[dearcha]

انا العام رفعت تظلم على ماده ماخذه فيها صفر والماده سهله ولا سو شي و كلمت قالو سلمت الورقه فاضيه وانا متاكده مضيعينها بس حسبي الله ونعم الوكيل عد الاختبار الترم الي فات وجبت a

[هارون الرشيد]

أي تظلم اذا معادلة مواد ما بتوا فيها لهم سنتين

[Dima]

الترم اللي فات ارفعوا الطلاب تظلم على درجات المشاركة لمشروع التخرج وتم تعديلها

[دار الأمل]

شقول انا اللي المفروض اني اتخرج ورسبوني بدون وجه حق في مشروع التخرج والحين رفعت تظلم واتمنى من ربي باسمه العظيم انو ينصفني خاصة واني معدلي عالي ولله الحمد وتقديري ممتاز يعني معقول اجلس للفص القادم بس عشان ماده والله حرام .

[عبدالله955]

هاشتاق جامعة فيصل تحذف درجات طلابها دخلو عليها وقولو الي بخاطركم وكثفو تظلم ممكن تجيب نتيجه

[Ghada22]

لا ما عدلوها ابدآ

[ابو العايض]

شقول انا اللي المفروض اني اتخرج ورسبوني بدون وجه حق في مشروع التخرج والحين رفعت تظلم واتمنى من ربي باسمه العظيم انو ينصفني خاصة واني معدلي عالي ولله الحمد وتقديري ممتاز يعني معقول اجلس للفص القادم بس عشان ماده والله حرام .

انتبة روح للجامعة دام معدلك مرتفع راح يحرموك من مرتبة الشرف لو رسبت بماده

[حلم إدارية]

عن نفسي ولامره
وحملت مادة وغير الدرجات اللي نقصتها
لا تظلم ينفع ولاتروح لهم ينفع الا اذا واحد مايسكت لهم
اما اللي بيروح بهدوء مراح يكسب شيء

[كهف المواجع]

اتضح لي من ردودكم انهم يركزون على الشكوى الجماعيه

وبالنسبه للفرديه اتوقع يهملونها لكن انا لهم بالمرصاد راح اراجعهم بالجامعه

واتفاهم معهم من قريب وعلى الطبيعه افضل .

[لوزة المزيونه]

مبروك النجاح للجميع الله يعافيكم أنتو مثلي كل موادي الي مأخذتهههههههها درجاتي في اعمال الفصل ناقصة جداً الله يسعدكم ابي نص ارفعه للتظلم

[كهف المواجع]

لا انا مشاركاتي كلها 30 ولله الحمد بس درجه الأختبار هي اللي انظلمت فيها

يبدو انهم مصححين ورقه اللي جنبي او جهازهم خرف مع اوراقي

مواد كنت ضامن فيها اقل شي 98 واتفاجاء بانها 82 سلامات وش هالأسقاط

يعني واضح ان فيه خلل كبير في تصحيح الأوراق

[جديد عن بعد]

مايبيلها نصوص بارك الله فيك

تختاري المقرر

وبعدها نوع التظلم
مشاركة او اختبار او او او

وتكتب بعدها شرح بسيط

مثال

عندي نقص ٦ درجات مشاركة
مع تاكدي التام من حلها من جهازي وبنفسي قبل انتهاء الفترة الزمنية لاحتساب درجات المشاركة


ومن هالامور

الله يوفقكم

[عبدالله955]

روحو هاشتاق جامعة فيصل تحذف درجات طلابها وفظفظو خلو صوتكم يوصل عشان يتاكدو ان هالمره احنا جادين

[مُلهمــــة]

الشكوى الجماعية أكثر تأثير للتعديل

اما الفردية على حسب الدكتور وتجاوبة بالشكل المطلوب

ان شاء الله تتعدل درجة كل من له حق

[لوزة المزيونه]

مايبيلها نصوص بارك الله فيك

تختاري المقرر

وبعدها نوع التظلم
مشاركة او اختبار او او او

وتكتب بعدها شرح بسيط

مثال
:Cry111:
عندي نقص 6 درجات مشاركة
مع تاكدي التام من حلها من جهازي وبنفسي قبل انتهاء الفترة الزمنية لاحتساب درجات المشاركة


ومن هالامور

الله يوفقكم

جزاك الله خير ...
الله يسامحهم راحت كثير من الدرجات وانا متأكدة من حالي أني حليتتهها كاملة
:Cry111:

[دار الأمل]

فوضت امري في ذلك كله الى الله .

[ياصبر أيوب]

ايقونة التظلمات هههه مدري ليش حاطينها انسسسسسسسسسسسسسسسسى مجربة

[hana-alshareef]

العام عدلولي درجة مادتين بعد رفع تظلم والحمد لله

[السآطي]

رفعت اكثر من مره تظلم على درجات المشاركه اخر ثلاث اترام يطلع عندي نقص

ولاحياة لمن تنادي

وابشرك تخرجت والترم ذا ايضاً منقصين درجات المشاركه مع ان

الخارطه الاكاديميه خضراء وكل شي مكتمل يارجال الا تروح وترجهم

[yashoooog]

الترم اللي راح كنت حامله مادة ادارة التسويق

ورفعت تظلم وعدلوها لي ونجحت فيها

[مكافحه]

الترم اللي راح كنت حامله مادة ادارة التسويق

ورفعت تظلم وعدلوها لي ونجحت فيها
اختى التظلم بالمشاركه ولا درجات الاختبار ؟

[Hala A]

انا كمان درجة الحاضر الاسلامي مررررة مو صحيحة ومتأكدة ان في غلط فيها ورفعت تظلم واتمنى ان طلاب كثير يرفعوا عشان يعدلولنا هي باذن الله

[المعالي غالية]

طيب انا بسأل اذا رفعت تظلم وصححو مره ثانيه وطلعت مو نفس الدرجه يعني انا اكون ناجحه ويعيدون تصحيح يا تطلع نفسها يا تزيد يتقل اذا قلت يرصدونها ويرسبوني يقدرووووون ؟؟؟؟؟
ﻻن تعرفون جهاز التصحيح يقولون حساس:hhheeeart4:
ويمكن انا طمست دوائر غير الدائره الصح وانا ما انتبهت
:sm12:
وﻻ ما يقدرون تثبت الدرجه الحاليه
انا اقول الحمدلله نجحت فيها بس بوقف مع مجموعتي ممتازين ورسبوهم :007::017:

[مكافحه]

طيب انا بسأل اذا رفعت تظلم وصححو مره ثانيه وطلعت مو نفس الدرجه يعني انا اكون ناجحه ويعيدون تصحيح يا تطلع نفسها يا تزيد يتقل اذا قلت يرصدونها ويرسبوني يقدرووووون ؟؟؟؟؟
ﻻن تعرفون جهاز التصحيح يقولون حساس:hhheeeart4:
ويمكن انا طمست دوائر غير الدائره الصح وانا ما انتبهت
:sm12:
وﻻ ما يقدرون تثبت الدرجه الحاليه
انا اقول الحمدلله نجحت فيها بس بوقف مع مجموعتي ممتازين ورسبوهم :007::017:
الف مبروك اختى معالي بس ابي اعرف فى احد رجعو له درجات المشاركه بعد التظلم .

[المعالي غالية]

الف مبروك اختى معالي بس ابي اعرف فى احد رجعو له درجات المشاركه بعد التظلم .

الله يبارك فيك وانت مبروووك
مدري بس في رد ل ديما الصفحه رقم واحد تقول العام رجعوها لهم وعدلوها
دام منقصينك في المشاركه ارفعي تظلم ان فاد ما ضر بأذن الله ﻻن كثير رود يقولون ما سووو شي والله اعلم

انا اسأل عن اﻻختبار اخاف يصححون من جديد وتطلع اقل مع اني متاكده جيدجد وﻻ ابي الدكتور يحطنا في راسه يقولون عندنا ماده له باقي


انتي رايحه سادس صح ؟؟؟
:sm12: جهزي نفسك لفقه معامﻻت 2 وجلدو الدكتور قبل يجلدكم :71:

[مكافحه]

ههههه الله يعين اذا علي الفقه المعملات زين بس اتوقع فيه مواد ثانيه تغث .....

[المعالي غالية]

http://www.ckfu.org/vb/t597913.html

مكافحه كلنا قلنا زين رغم تحذير الدفعه اللي قبلنا وما طعنا اللي قالو في اﻻختبار رفعو تظلم وشوفي النتيجه في الرابط
انتو اذا نفس الدكتور بس تطلعون من اﻻختبار مباشره رفعو تظلم نصيحه

شكل ما ينفع مع جامعتنا اﻻ تظلمت بعد اﻻختبار مو بعد النتائج ﻻن صراحه تظلمو في بعض المواد وما توقعت درجاتي كذا حلوه في بعض المواد والحلو اذا جات من ممتازيييييين ﻻن بيعطونهم وجه:d5:

[yashoooog]

اختى التظلم بالمشاركه ولا درجات الاختبار ؟



درجة اﻻختبار

[F!x]

الترم الماضي رفعوا الطلاب تظلمهم بإحدى المواد ,, وكانت النتيجه إيجابيه
أنتظر الأن الحالة الفرديه فقد قمت برفع التظلم لأحد المواد ,,
هناك ملاحظة نتيجة التظلمات ستظهر بعد 3 اسابيع عبر ايقونة التظلمات ,,
والله يوفقنا

[كهف المواجع]

الله يكتب مافيه خير ان شاء الله

واشكرك يااخت yashoooog (http://www.ckfu.org/vb/u104160.html) على تفاعلك وجوابك للسؤال

اذا بيعدلون درجه الاختبار اجل خلاص راح ننتظر الى بعد 3 اسابيع ونشوف

ان عدلوها والا سويت لهم زحمه في الجامعه .

[طموح وهمة]

باختصار

الشكوى الفردية أو عدد بسيط لا تجدي نفعاً

أما الشكوى الجماعية فتؤخذ بعين الاعتبار

[قتال القلوب]

جاني رد بالايميل من الدكتور الفريدان بخصوص نقص المشاركات

نص الرد

للاسف الدرجة نهائية

د. عبدالله بن عبدالوهاب الفريدان
عميد التعلم الألكتروني والتعليم عن بعد
رئيس قسم اللغة الانجليزية
Dr. Abdullah Al Fraidan,
Assistant Professor
Dean of e-Learning & Distance Education Deanship English Language Department, Chair King Faisal University Hofuf, Saudi Arabia
Tel: 0096635800000 ext. 1765<tel:0096635800000;1765> Direct ip (035899738<tel:035899738>)
website: http://www.kfu.edu.sa/ar/Spaces/afridan/Pages/Home.aspx

[almajfel]

ماده الأخلاق الأسلاميه

هذي معي بهذا الترم وفعلاً خرجت من الامتحان ومتوقع اجيب الدرجه كامله وتفاجئت انها اقل درجة عندي في المواد
كلها جايب فيها 81

اعتقد ان فيه خطاء في الموضوع لأن الجميع يشتكون من هالموضوع


الرفع بشكل جماعي افضل

[لحنّ]

باختصار

الشكوى الفردية أو عدد بسيط لا تجدي نفعاً

أما الشكوى الجماعية فتؤخذ بعين الاعتبار


گلامگ صحيح 100%

[ابومحمد2]

انا الترم اللي راح تم تعديل درجة المشاركه

من ٢٠ الي ٣٠ في ثلاث مواد