قسم اللغة الإنجليزية بجامعة الملك فيصل... مأساة لا تنتهي

[حُلمْ !]

السلام عليكم ورحمة الله وبركاته ..

طلاب من قسمنا ماقصروا وصلوا اصواتنا ومعاناتنا مع القسم الى الصحافه

وان شاء الله يطلعون بحل

المقال هنآ http://www.hasanews.com/c-59589/#.U5nb0Xnpdjo

تنبيه عدم التعرض لاعضاء هيئة التدريس :biggrin:

عبروا بس باسلوب ولاتتعدون الخطوط الحمرا :sm4:

[جروح الايام]

الحمدالله ان شاء ماساتنا تنزاح
ان شاء الله يدورون لنا حل

[شرشرة العيد]

عليكم السلامم
ايه ولله ماصارت الدفعه اللي بتتخرج دفعة 1999 تاخذ شعب 2014!!!! *مجازيا*

اعذارهم دايما وحده

الدفعه اللي بتتخرج لسا الى الان تاخذ مواد الدفع الجديده

تنظيم سيء جدا جدا جدا


ابي افهم ليه شعبه وحده بس لكل القسم من اول دفعه الى اخر دفعه للماده نفسها تتخانق ع الشعبه الى متتتتى

نفسي مره اشوف كل شعبه خمسه ع الاقل

المشكله انه الدكتور نفسه باللنهايه مايكون عنده الا شعب قليل يدرسها طيب اعطوه زيدوه!!!


لا بالتسجيل العادي رضت تصيب ولا بالصيفي رضت تصيب شعبه وحده وامتلئت

انا كنت مأمله اني بسجلل بسهوله وكلل المواد بتدخل
لا خول ولا قوة الا بالله
انا السنه الجايه ان شالله سنه رابعه ومواد ثالثه ماخلصتها

متى اسوي اخلاء طرف بس *يمكن بعد خمسين سنه*

ولا حركتهم الجديده اسم الدكتور سينن مجهول
يعني لا انتم فالحين في ذا ولا ففي ذاكك اقلها نعرف وين بنصير حالنا حال التخصصات الباقي

انا اجزم لو اني بكلية ثانيه كان تخرجت قبل الخطه وبدون ضغذ بعد

بس اش جابني هنا =((


اتمنى يىوصل الصوت مع اني ماعتقد

حتى اللي مش فاهم يعرف انه هذا الخللل لازم يتصلح بس الى متى بنضل ع هالحال الله اعلم

كان الله في عون الجميععع

*فضفضه*��

شكرا حُلم ��

[Magnificent]

-



جآمعتنآ ممتآزة لكن مشكلتهآ شيء وآحد فقط ! " التنظيم " . .
أسوء جآمعة في المملكة العربية السعودية من نآحية التنظيم في
كل أقسآمهآ ومنشئآتها وكليآتها وعلى جميع المستويآت الإدآرية ! . .
رغم أنهآ من أكثر الجآمعآت السعودية تطور ومن أكثرهآ شهره بعد . .

عموماً المقآل خلق في نفسي شعور متضآرب ! ، كل مآهو مكتوب في
المقآل صحيح بصرآحه ! ، كل الي مكتوب شفته بـ عيني ومريت فيه وأظن
هالسوآلف موجوده سوآءً عند الطلآب أو الطآلبآت ولكن عند الطلآب زآيد
بـ شكل مرعب ! ، لكن لكل قصة جآنبين ، المقآل يركّز ع بلآوي الجآمعة
بينمآ لو نتسآئل لحظة مين هم الطلآب الي سآهموآ في نشر المقآل ؟ . .

أكيد هم متضررين بـ شكل أو بـ آخر لكن خلنآ نكون صريحين شوي ، ليش
البعض رغم الصعوبآت المذكورة ينجح ويآخذ a , a+ وهذول الطلآب
مآزآلوآ يحملون المآدة ؟ ، أنآ مآ أبرّء الدكآتره لكن والله العظيم أن في طلآب
عندنآ جريمة بحق المجتمع أنهم يتخرجون من القسم ! ، مآيعرفون الحروف
الأبجدية ومستحيل يقولونهآ بدون أخطآء بالترتيب ! ، ومآيعرفون يكتبون
أسآميهم ولا حتى يكتب جملة وحده صحيحه بدون مآيرتكب أي خطأ ! . .

ورغم أن الدكآترة يتعبون معهم وينصحونهم ، اللآمبالاة سيمتهم وأبد مو مهتمين
وإذآ رسب يلوم الدكتور ، ليه تلومه تبيه ينجّحك وتتخرج وأنت مستوآك كذآ !! . .
والأدهى والأمر أنك مآتبي تتعلم وتتطور ، كيف تتخرج بالله وكيف يفترض أنه
يسمح لك تمر وأنت مو عآرف تحل سؤآل وآحد بالأختبار ؟ ، نعم عندنآ دكآترة
مع أحترآمي الشديد مو بالمستوى ! ، لكن عندنآ طلآب بعد من غير اللآئق أنهم
يتخرجون بذي المستويآت لأنهآ بتضر بـ سمعة الجآمعة ، فـ مآنبي نحط كل اللوم
ع الجآمعة وأعضآء هيئة التدريس لأن آحنآ الطلآب لازم نلوم أنفسنآ ع تقصيرنآ
وعلى عدم أهتمآمنا ، أمآ مسألة أنك تحمل مآدة 3 مرآت بسبب ضعفك وتكتب
مقآل ذي غير مقبولة نهآئياً ! ، طوّر نفسك وبعدهآ لكل حآدث حديث . .

اللغة الأنجليزية صعبة ، وجريمة بحق نفسك أنك تدخل القسم وأنت ضعيف فيهآ
لأن نهآيتك بتكون مأسآوية ! ، على كل حآل أنآ عتبي ع القسم فقط من نآحية
التنظيم وقلة الشعب بشكل يفشّل صرآحة ! ، إذآ البنآت يعترضون ع قلة الشعب
أدخلوآ جدولنآ وشوفوآ ، مآفي شي أبد ! ، فقر شعب ، فـ أستغرب عدم أستقطآب
الجآمعة لـ دكآترة وتدعيم القسم ، ليه الفقر ذآ والأصرآر عليه مو عآرف . .

والنقطة الأخيره ، أصرآر القسم على عدم تجآوز الطآلب للخطة ! ، من حقي
أختصر الوقت وأستغله ، إذآ قدرت أتجآوز وأتعدى الخطه بذكآء فـ هذي محسوبه
لي ، آمآ أنك تجبرني أمشي عليهآ ، وتمنعني أنزّل موآد من مستوى أعلى من
مستوآي مع مقدرتي وثقتي بنفسي أني قآدر أتجآوزهآ هذآ شي مستغرب جداً . .

أحترآمي لزملآئي الأعزآء الي ممكن يقرؤون كلآمي ، مو تقليل منكم لآ والله ولكن
عشآن تتحفزون أكثر وتشتغلون ع أنفسكم ، ومو تقليل من الجآمعة والدكآتره لأن
أكثر الدكآتره الي درست عندهم أتشرف فيهم وأستفدت منهم كثير كثير ، ولكن
بالأخير مآفي أحد بدون عيوب وكلنآ سوآءً طلآب أو إدآريين نتحمل شي من اللوم . .



-

[نـآز ♥]

دائماً ما أصبر نفسي بكلمة " المرة الجاية تزين " !
و لكن و لا شي يتغير ، دائماً نفس الخيبة :(

[حُلمْ !]

أكيد هم متضررين بـ شكل أو بـ آخر لكن خلنآ نكون صريحين شوي ، ليش
البعض رغم الصعوبآت المذكورة ينجح ويآخذ a , a+ وهذول الطلآب
مآزآلوآ يحملون المآدة ؟ ، أنآ مآ أبرّء الدكآتره لكن والله العظيم أن في طلآب
عندنآ جريمة بحق المجتمع أنهم يتخرجون من القسم ! ، مآيعرفون الحروف
الأبجدية ومستحيل يقولونهآ بدون أخطآء بالترتيب ! ، ومآيعرفون يكتبون
أسآميهم ولا حتى يكتب جملة وحده صحيحه بدون مآيرتكب أي خطأ ! . .


انا اتفق معك بكلامك
بالفعل فيه ناس تدخل القسم ماتدري ربي وين قاطها فيه
ماعندهم اساسيات اللغة واذا رسبوا حطوا اللوم على الدكاترة
لكن فيه من الدكاترة يتسببون عالطالب او الطالبة
وهذا الشي انا شايفته فيه وحده اعرفها ماشاء الله لغتها كويسه ودرجاتها عاليه
لكن وحدة من الدكتورات منجحتها ب سي !! مع ان البنت تستاهل اكثر
بعضهم يا يعقدونها بالاسئلة او بالتصحيح
واعرف دكتورة تعطي الدرجات ع حسب البنت اذا حابتها عطتها أي مع ان البنت بنفسها قايله لي انها مزفته بالفاينل وتوتلها بالنصفي 40 كيف تعطيها أي ؟!!

انا ما انكر ان فيه دكاترة ودكتورات حقانين ويعطونك ع قد تعبك بالمادة لكن فيه بعد العكس

وبالنسبة للشعب هاذي مشكلة م اظن تنحل ابد مع ان حلها بسيط جدا
اول السنوات بالقسم كنت ادرس في الترم 5 او 4 مواد يعني بمعدل 9 او10 مواد في السنة !!
وهاذا اللي مأخرني ترم زيادة عن الخطة

الله يصلح الحال

[Hussain-M]

بشكل عام المشكلة في بعض الدكاترة لكن هالدكاترة ماسكين مواد حساسة ولازم يشوفون لهم حل مع الشعب , أكبر مشكلة الشعب .

[j_otaibi]

عموماً المقآل خلق في نفسي شعور متضآرب ! ، كل مآهو مكتوب في
المقآل صحيح بصرآحه ! ، كل الي مكتوب شفته بـ عيني ومريت فيه وأظن
هالسوآلف موجوده سوآءً عند الطلآب أو الطآلبآت ولكن عند الطلآب زآيد
بـ شكل مرعب ! ، لكن لكل قصة جآنبين ، المقآل يركّز ع بلآوي الجآمعة
بينمآ لو نتسآئل لحظة مين هم الطلآب الي سآهموآ في نشر المقآل ؟ . .

أكيد هم متضررين بـ شكل أو بـ آخر لكن خلنآ نكون صريحين شوي ، ليش
البعض رغم الصعوبآت المذكورة ينجح ويآخذ a , a+ وهذول الطلآب
مآزآلوآ يحملون المآدة ؟ ، أنآ مآ أبرّء الدكآتره لكن والله العظيم أن في طلآب
عندنآ جريمة بحق المجتمع أنهم يتخرجون من القسم ! ، مآيعرفون الحروف
الأبجدية ومستحيل يقولونهآ بدون أخطآء بالترتيب ! ، ومآيعرفون يكتبون
أسآميهم ولا حتى يكتب جملة وحده صحيحه بدون مآيرتكب أي خطأ ! . .

كلامك صحيح ، لكن من إللي اشوفه انا حاليا

ويشوفونه اغلب البنات الجزء الأكبر المتهاون هم اعضاء هيئة التدريس عندنا

لا في شرح وافي و كامل ولا في تصحيح الميد او الفاينل

حنا نشوف ونسمع وشايفييين اشياء خطأ كثيره ونقول نعديها يمكن تزيين ، لكن كل مالهم في انحدار

مثلا مثلا في ماده من المواد وعند دكتور يشرح و يشرح ومتحمس و ضرب مثال المفروض ما ينقال ابببببد

والله إني احلف لك ان الكلاس كله كان فاتح فمه من الصدمه و أنا أجزم لو نجتمع حنا ي البنات و نروح

بنقدر نشيله من الكرسي اللي عليه ، بس الخوف لاعب فينا لعب و برضو خذو لكم مثال على دكتور في ماده ما !

قوم طالبه تقرا ، البنت ف البدايه كانت مضيعه و قالت ءءاا ءءاا ، رد عليها ب رد سخيف جدا جدا

قال لها بس بس برافو عليك قرايتك صحيحه ! ، يعني هذا كلام يقوله دكتور ل طالباته ! قمة الإستخفاف

و اللامبالاه فيهم صراحه ، و كل اللي علينا حنا نسكت و ما نقول شيء ! ليش ، عشان م يحطنا الهدف

وناكلها بدرجاتنا ، ع العموم هذا اللي صاير الوضع عندنا سيء كثير مثل ما هو عندكم ب الضبط

نتعب ونجد ونجتهد وبالاخير ما نشوف الا استخفاف بقدراتنا و درجاتنا تروح ب الساهل وكله منهم هم !

الله يعين و يوصل لهم هالمقال و يعرفون كيف حنا متضررين منهم بشكل لا يوصف صراحه

[Magnificent]

-



لكن فيه من الدكاترة يتسببون عالطالب او الطالبة
وهذا الشي انا شايفته فيه وحده اعرفها ماشاء الله لغتها كويسه ودرجاتها عاليه
لكن وحدة من الدكتورات منجحتها ب سي !! مع ان البنت تستاهل اكثر
بعضهم يا يعقدونها بالاسئلة او بالتصحيح
واعرف دكتورة تعطي الدرجات ع حسب البنت اذا حابتها عطتها أي مع ان البنت بنفسها قايله لي انها مزفته بالفاينل وتوتلها بالنصفي 40 كيف تعطيها أي ؟!!

انا ما انكر ان فيه دكاترة ودكتورات حقانين ويعطونك ع قد تعبك بالمادة لكن فيه بعد العكس




أي المزآجية وموضوع التفضيلآت هذآ موجود بلآ شك ! . .
هذي مأسآة بحد ذآتهآ ، وأنآ مثل مآقلت الجميع يتحمل شيء من
اللوم ، الطلآب وكذلك أعضآء هيئة التدريس ، مآفي أحد بريء من
كل التُهم ، ولو كآن أعضآء هيئة التدريس سيئين أساساً ف غيآب
الرقآبة الإدآرية هي السبب في تلف كل مآهو جيد فيهم بالمرة ! ، في
القسم عندنآ كل وآحد شغآل ع كيفه ولآ في منهجيه وآضحه يمشون
عليهآ فـ عشآن كذآ نشوف من البلآوي أشكآل والوآن وربّك ! . .




ع العموم هذا اللي صاير الوضع عندنا سيء كثير مثل ما هو عندكم ب الضبط

نتعب ونجد ونجتهد وبالاخير ما نشوف الا استخفاف بقدراتنا و درجاتنا تروح ب الساهل وكله منهم هم !

الله يعين و يوصل لهم هالمقال و يعرفون كيف حنا متضررين منهم بشكل لا يوصف صراحه



والله الّي أنآ مستغرب منه ، أنه جآمعتنآ ذي تدخّل فلوس لو يشبون
النآر الكبرى مَ كلتهآ ! ، ومع ذلك مستوى أعضآء هيئة التدريس يخليك
تحط الف علآمة أستفهآم ! ، مو كلهم ، بس والله عدد مو هين وفي كل
الأقسآم ، طيب وش يمنعكم تجيبون دكآتره زي النآس وعندهم ذمة وضمير ؟ . .

لآ تستغربين يَ أختي ، والله عندنآ دكآتره أساليبهم كلمة زبآلة قليل ! . .
خصوصاً ذآك الي في بآلي ! ، يتفنن في أهآنة الطلآب بشكل مروّع جداً ! . .
وعلى فكرة الي يدرسونكم يدرسونآ وحنآ عندنآ النسخة المطورة منهم يمكن
أنتوآ يستحون منكم شوي عشآن بنآت ! ، لكن آحنآ أبد الوجه من الوجه أبيض . .

أنآ أتمنى هذآ المقآل يوصل لـ أبعد مدى ويآخذ أكبر صدى ، مع أقتنآعي أن
الي سآهموآ بـ نشره أكثرهم من الفئة " الضآيعه " في القسم ، ولكن ملآحظآتهم
بــ خصوص أعضآء هيئة التدريس جداً مهمة ولعل المقآل يردع شي من شرهم . .



-

[ريما2]

غير الشعب يابنات في مشكله كبيره
مثلا محوله وهي ع اساس سنه 2012
تصير 2014 وتضيع بقوووه تتتنتظر اخر شي وقله الشعب وسرعه تقفيلها انتوا عارفينها
غير كل هذا لو يمشوا بالجداول ع نظام مستويات تنحل كل المشكله
كل مستوى له يوم ومن الاقدم للاجدد

نظام غريب وشعب قليله ياتلحق ياما تلحق
انا ندمت بالتحويل صراحه انا مستوى متقدم وعليي انتظر اخر شي لاني محوله


معاناه التخصص بالتسجيل فقط للاسف

[حُلمْ !]

أي المزآجية وموضوع التفضيلآت هذآ موجود بلآ شك ! . .
هذي مأسآة بحد ذآتهآ ، وأنآ مثل مآقلت الجميع يتحمل شيء من
اللوم ، الطلآب وكذلك أعضآء هيئة التدريس ، مآفي أحد بريء من
كل التُهم ، ولو كآن أعضآء هيئة التدريس سيئين أساساً ف غيآب
الرقآبة الإدآرية هي السبب في تلف كل مآهو جيد فيهم بالمرة ! ، في
القسم عندنآ كل وآحد شغآل ع كيفه ولآ في منهجيه وآضحه يمشون
عليهآ فـ عشآن كذآ نشوف من البلآوي أشكآل والوآن وربّك ! . .





هذا بلانا الاداره النايمه واللي م تدري عن شي
والفريدان كل م قلنا له واشتكينا سواء ع الدكاتره او الشعب
طلعنا حنا اللي غلطانين وهم الصح

[غربـة روح]

غير الشعب يابنات في مشكله كبيره
مثلا محوله وهي ع اساس سنه 2012
تصير 2014 وتضيع بقوووه تتتنتظر اخر شي وقله الشعب وسرعه تقفيلها انتوا عارفينها
غير كل هذا لو يمشوا بالجداول ع نظام مستويات تنحل كل المشكله
كل مستوى له يوم ومن الاقدم للاجدد

نظام غريب وشعب قليله ياتلحق ياما تلحق
انا ندمت بالتحويل صراحه انا مستوى متقدم وعليي انتظر اخر شي لاني محوله


معاناه التخصص بالتسجيل فقط للاسف

نفس مشكلتي انا دفعة 2010 وتخيلي بعد التحويل 2013 يعني مايجي وقت دفعتي الا كل الشعب اغلقت تخيلي خلصت كل المواد العامة بدون مشاكل يارب لك الحمد واخذت حقي فيها اما مواد قسمي ماني قادرة ادرسها الله يعين ويزينها ربي وتزين ونتخرج ونفتك

[رحب الفضاء]

اللي يضايق لما أتكلم عن دراستي وأقول صعبة مع أحد ويرد ويقول لا في ناس قالوا سهلة
ويقعد يقارن درجاتي بدرجات فلانة وعلانة من تخصصات ثانية.
طيب بذلت جهدي مواد جبت a+ ومواد ما قدرت جبت اقل شيسوي انتحر
الكل يتوقع منك تتفوق بغض النظر عن كل شي
حياتي صارت كابوس ليتني ماجيت هالقسم ولا طبيته :bawling:

[firass al-lami]

من الصعب الحكم على القضية إذا لم تكن قريبا من القسم

لذلك سأحاول الابتعاد عن رمي اللوم على الطلاب أو الدكاترة أو حتى رئاسة القسم

سأطرح بعض الافتراضات و لست متأكدا من صحتها و لكن أنتم أعرف بها و لكم أن تردوا بالموافقة أو المعارضة

=أغلب الطلاب و الطالبات الملتحقات ببرنامج اللغة الانجليزية بامكانيات لغوية ضعيفة كنتيجة حتمية لتعليم عام ضعيف
= لا توجد خطة جادة لرفع مستوى الطالب الملتحق حديثا بالبرنامج كمواد قبلية أو فصل تحضيري
= بعض الطلاب لا يحاول ممارسة اللغة خارج الجامعة أو لا يستطيع ذلك لانعدام البيئة المساعدة
= بعض الدكاترة لا ينزلون لمستوى الطالب
= بعض الدكاترة قوي علميا لكنه لا يجيد صياغة الأسئلة أو كيفية التعامل مع الطالب لأنه بلا تأهيل تربوي
= بعض المدرسين الانجليزية لغته الأم لكنه لا يملك قدرات تدريسية جيدة
= هنالك خلل في كيفية قبول الطلاب بالقسم
= لا يوجد دور لادارات الكلية المتعاقبة في هذا القسم خصوصا و الأقسام عموما

[غربـة روح]

تقريبا كل النقاط اللي ذكرتها لخصت فيها الخلل اللي صاير بالجامعة
يعني تستغرب من طالبات مقبولات بالقسم مايعرفون يكتبون انجليزي بشكل صحيح انا ما اتكلم عن الاخطاء الاملائية لا اللغة عندهم ركيكة بشكل تستغرب كيف انقبلت بالقسم ونجحت باختبار القبول ، لما دكتور او دكتورة تتكلم معهم مو فاهمين شي مع ان الكلمات غالبا تكون سهلة ، بعض الطالبات ماتبذل مجهود يساعدها على تخطي الصعاب اللي تواجهها مع اللغة مثل الكتابة والتحدث وغيﻻها من المهارات
نجي لسلبيات الطاقم الأكاديمي
دكتور درسني كان يتفاخر بلغته وبشهادته وكيف صار دكتور وانه هو ذكي واحنا لا ولانبذل مجهود وانه متضايق يدرس مثل كذا طلاب ، دكتوؤة المادة سهلة وتطبيقية أكثر من انها نظرية في المقابل كانت تشرح وتشﻻح وتشرح بدون اي تفاعل مع الطالبات يعني ماتعطي الطالبة فرصة تحاورها او تبين لها وجهة نظرها بالمحاضرة ، في المقابل المادة صارت جدا ثقيلة مو مفهومة واغلب الشعبة تايهة فيها وصارت هالمادة منهج نظري بحت وممل ، دكتورة ثانية درستني كتابة والمعروف ان الكتابة مهارة تحتاج الى ممارسة كانت كل المحاضرة قراءة يمكن طول السنة مرة كتبنا فيها وكلها قراءة ؟؟؟ وين التدريب ؟ ، ونفس هالدكتورة درستني استماع كانت من امتع المحاضرات عندها .

انكر فيه دكاترة ولا اروع يبيك تتطور غصب عنك ويحاول معك ويجتهد حتى لو كان عدد الطالبات كثير أذكر منهم دكتورين درسوني واحد منهم في الادب والثاني في مهارة الكتابة وأذكر بعد 3 دكتورات ولا أروع.
المأخذ الأخير اللي ينأخذ عليه القسم قلة عدد الشعب في المقابل كثرة عدد الطالبات ؟ وقلة عدد الطالبات في مواد أخرى مع وجود شعبتين او ثلاث لهالمادة اللي طالباتها قليل ؟

[ريما2]

فعلا بنات بعد ممكن يكون في لوم مو بس ع الدكاتره بعض الطالبات ايضا
استغرب من طالبات داخلين القسم ومافي تقدم بلغتهم ابدا كانهم داخلين اجباري

يرجع السبب لطريقه القبول باختبار وينقبل فيه الاغلب

مثلا بجامعه الدمام طريقه قبولهم اولا النسبه بالتحضيري لازم تكون فوق الثلاث ونص
ثانيا لازم تدرس المتطلبات السابقه انجليزي قراءة وكتابه وعام بدرجه فوق البي

ماتحسوا نظامهم افضل لان جد يأهل الطلاب بقوه لان التخصص مو شويه صعوبت
بس الاحظ بفيصل اكثر قسم مليان اللغه وللاسف القليل يفهم لها ويبغا يدرسها اصلا بنسبه وحب وتفوق :(

[firass al-lami]

بصراحة شدتني نقطة الدكتور
أكبر خطأ يرتكبه الدكاترة السعوديين و بالذات الدارسين في الجامعات الغربية التفاخر بأنفسهم أمام طلابهم و الحديث عن أنفسهم و عن أعمالهم علما بأن المفارقة العجيبة أن الدكاترة الأمريكان لا يقومون بهذه الخطوة و يستهجنونها فلا مبرر للكلام عن نفسك إلا إذا وجد مثال أو قصة تدعم المحاضرة بتجربة شخصية

الشيء الآخر خطأ كبير أن تقلل من طلابك و من مستواهم أو أن تتأفف من تدريسهم بل المفترض أن ترفع معنوياتهم و أن تبين لهم أنهم يستطيعون القيام بأداء أفضل

سأتكلم عن نفسي ( و أتمنى ألا أكون نهيت عن خلق و أتيت بمثله) و أقول بأني أسعد حين أدرس طلابا بمستوى متدني أو يعانون من صعوبات أكاديمية لأن التحدي لأي مدرس حقيقي أن تحول هذا الطالب إلى طالب ممتاز
و هذا ما أزعم أنه حدث معي حين درست طلابا و طالبات من كليتي الآداب و التربية

[حُلمْ !]

= هنالك خلل في كيفية قبول الطلاب بالقسم

هاذي النقطة من اهم المشاكل
للاسف فيه من المقبولين بالقسم بالواسطة بدون ما يجتازون الاختبار
وهم حتى جملتين ع بعض مايعرفون يقولونها
الاختبار اختاري وفيه نسبة كبيره من الحظ ممكن أي طالب يضلل أي فقرة وتطلع صح
مثل ماقالت ريما نظام القبول بجامعة الدمام جميل ليتهم يطبقونه عندنا

اذا انحلت هاذي المشكلة اظن المشاكل الباقية بتخف كثير واولها تسبب الدكاترة ع الطلبة

[firass al-lami]

هاذي النقطة من اهم المشاكل
للاسف فيه من المقبولين بالقسم بالواسطة بدون ما يجتازون الاختبار
وهم حتى جملتين ع بعض مايعرفون يقولونها
الاختبار اختاري وفيه نسبة كبيره من الحظ ممكن أي طالب يضلل أي فقرة وتطلع صح
مثل ماقالت ريما نظام القبول بجامعة الدمام جميل ليتهم يطبقونه عندنا

اذا انحلت هاذي المشكلة اظن المشاكل الباقية بتخف كثير واولها تسبب الدكاترة ع الطلبة

وجهة نظري الشخصية أن قسم اللغة الانجليزية بحاجة لاجراء اختبار مقابلة شخصية للمتقدمين و المتقدمات بجانب الاختبار الذي أعتقد أنه ينبغي أن يكون مقاليا و موضوعيا
بجانب الاختبار و المقابلة ينبغي الأخذ بعين الاعتبار درجة اللغة الانجليزية في المادة العامة في الجامعة و أيضا كما يتم في الولايات المتحدة الطالب يرفق سيرته الذاتية و مقالا يكتب فيه سبب الالتحاق بالقسم

الخلل في القبول ليس في قسم اللغة الانجليزية بل في باقي الأقسام في أغلب الكليات و بالذات الآداب و التربية