اي واحد من ادارة اعمال يدخل .. [الأرشيف] - ملتقى طلاب وطالبات جامعة الملك فيصل,جامعة الدمام

تسجيل الدخول

مشاهدة النسخة كاملة : اي واحد من ادارة اعمال يدخل ..

عـشـقـتـك

2014- 6- 14, 09:01 PM

طالبة إداره

2014- 6- 14, 09:07 PM

اذا الترم الجاي تقدر تضغط على نفسك
وتنجح بمعدل عالي كمل بالاداره

او أنصحك تحول لقسم اسهل

أعوام

2014- 6- 14, 09:20 PM

وعليكم السلام ورحمة الله وبركاته
تخصص الإداره ماهو صعب
لكن يبغاله مذاكره أول بأول
وتنسيق جدوالك كويس في المستويات القادمه لاتأخذ أكثر من ٦ مواد مع مراعاة ترتيب أيام الأختبار
والله يوفق الجميع

أعوام

2014- 6- 14, 09:21 PM

وعليكم السلام ورحمة الله وبركاته
تخصص الإداره ماهو صعب
لكن يبغاله مذاكره أول بأول
وتنسيق جدوالك كويس في المستويات القادمه لاتأخذ أكثر من 6 مواد مع مراعاة ترتيب أيام الأختبار
والله يوفق الجميع

عـشـقـتـك

2014- 6- 14, 10:36 PM

مشكورين الله يعين بس

Memo bnt nasser

2014- 6- 14, 10:49 PM

السلام عليكم ورحمة الله وبركاته

أهنئ جميع من نجح الف مبروك ،،

موضوعي ياأخواني انا المستوى الاول كان علي مادة

والمستوى الثاني صارت عندي ظروف وماقدرت أذاكر

وبنفس الوقت فيه تقصير مني ونزلت 7 مواد ونجحت بثلاث مواد

احس اني متحطم من الاداره .. مدري اغير التخصص او اتركها

مااستغني عن نصائحكم

بما انك بمستوى الثاني وتوك، نصيحه شد حيلك وهالتخصص مطلوب وبيفيدك اكثر من غيره

عالاقل بالامتحانات حط فبالك انك تعدي الماده لو كان عندك ظروف

التخصص حلو ، واعرف وش تحتاج للمذاكره سوا كان ملخصات او اسئله وخذ المواد الي حملتها ولا تخليها تتراكم

وشد حيلك مافي شي صعب صدقني تغمض عينك تفتحها تلقى نفسك تخرجت باذن الله

:(204):

نجلاء بنت محمد

2014- 6- 14, 11:02 PM

الفشل أول خطوات النجاح وأنا اختك
في حال انك رجعت توقف على رجولك مو تستسلم مثل حالتك الآن

اول شيء لاتأخذ مواد كثيره .. بالكثير 6
لكن حالياً خلك على 5 عشان ترجع تتحمس وتركز
الثلاث الأترام الأولى اخذت 5 مواد والترم الرابع جربت 6 اختبر نفسي يوم مشيت كملت على 6 مواد

ثانياً لاتقرر وش المواد اللي بتأخذها إلا من خلال جدول الإختبارات
لاتحط يومين ورى بعض ولا مادتين في يوم .. لأن بيني وبينك مهما تقول بذاكر من أول الترم ماراح تذاكر :16.jpg:

ثالث شيء ذاكر بذكاء
يعني قبل الإختبار بكم يوم عش وكل واشرب ونم في المنتدى :cheese:
اعرف وش يقولون عن اسلوب الدكتور وعن أفضل ملخص + اسئلة الدكتور السابقة
وفي اسئلته السابقه شيئين مهمه:
1- أعرف وش أكثر جواب يركز عليه (جميع ماذكر) أو ( أ و ب ) عشان إذا جاك سؤال ماتعرفه تستفيد من هالحركه وتحل كم سؤال تضمنهم بإذن الله.
2- وحاول تعرف كل محاضره كم سؤال جاب منها لأن بعض المحاضرات مهمه جداً يكون جايب منها 8 اسئلة وهكذا.

رابع شيء .. نصيحه نصيحه نصيحه اي مادة سمعت عنها أنها صعبه أو دكتورها غثيث لاتأجلها عشان هالسبب
بتجلس على قلبك هم لين تأخذها.
أنا عني كل ماده سمعت منها شكوى نزلتها على طول عشان افتك منها والحمدلله كانت خيره لأن الدكتور غالباً يعوض الدفعه الثانيه ولو ماعوض لاسمح الله عالأقل انت عارف اسلوبه بدال مايجي دكتور جديد تتورط فيه.

خامس شيء لاتأخذ أكثر من مادتين فيها ارقام يعني إذا خذت محاسبة ورياضيات كفايه لأن مخك بينلحس غالباً :000:

هذا اللي قدرت اذكره من تجربتي للآن يمكن تفيدك ويمكن لا
الله يوفقك

زمن الطيبين

2014- 6- 15, 12:27 AM

النجلاء ماخلت لنا نصايح طع شوري واسمع منها

* آمل *

2014- 6- 15, 12:50 AM

ماقصرت نجلاء

تخصص ادارة الاعمال جدا حللو وممتع اذا حبيته وعشت الجو

يعني اي ماده كنت ادرسها كنت اتخيل اني مديرة شركة واوزع المناصب واحفظ التعاريف ع اساس هذي المناصب

ونصيحه ثانية تراها كلها اشياء بسيطه ومفهومه ركز بس وذاكر بتركيز وعقلك صافي وبتجيب a+

وكمان اذا كان الترم الاول سجل مواد كثيرة لانو غالبا الترم طويل واذا جاء الترم الثاني قلل المواد لانو هو اقصر

وبس

خالد الفضلي

2014- 6- 15, 01:18 AM

انا نفس نظامك وافكر اسحب ملفي واعيد من جديد بس اخاف ماعاد يقبلوني ؟!!

B-A-D-E-R

2014- 6- 15, 01:23 AM

شف. وانا خوك باختصار
تبي تذاكر زين كمل اداره
شايف حالك ماعندك مقدره حول تخصص ثاني اسهل لاتورط
السالفه قد تصل انذارات وفصل من الجامعه
وانت اعرف بحالك ودامك للحين مبتدئ افتح الخطه لاداره الاعمال وشف المواد تناسب معك كمل ماتناسب غير افضل من انك تضيع سنتين من عمرك وبالاخير تغير تخصص
وعموماً ترى جميع التخصصات كويسه لكن بالنسبه لسوق العمل ادارة اعمال حسب اعتقادي افضلها

المدى البعيد 10

2014- 6- 15, 01:34 AM

بالنسبة للتخصص الافضل حاليا بالجامعة هو ادارة اعمال
وانصحك تكمل فية
لكن شد حيلك وارفع معدلك
ولا انصحك تفصل دامك عديت من بعض المواد خلاص توكل على الله وكمل
وتراه تخصص سهل جدا

لكن المشكلة فينا مانذاكر المواد الا ليلة الامتحان
ولو تركز وتشد حيلك زين والله ماينزل معدلك في كل ترم عن 4
لان الاسئلة اغلبها تتكرر كل سنة + ملخص احفظهم وخلاص وضعك في السليم
الصعوبة تكمن نوعا ما في المواد اللي فيها حسابات رياضية
لكن ماهي مشكلة تقدر تمشي فيها

عـشـقـتـك

2014- 6- 15, 02:17 AM

أشكر جميع من رد وماني مستغرب من نصايحكم اللي تبرد
على القلب وتعطي الأمل للامام عسى الله يوفقكم جميع يارب
ويبلغنا وياكم شهر الرحمه رمضان