استفسار عن الكلية

[O M A]

السلام عليكم ورحمة الله و بركاته
أخواني عندي كم إستفسار عن الكلية


أولاً ؛ حاب اسأل وش الأفضل كلية المانع و إلا كلية الغد ؟

ثانياً ؛ هل الدراسة صعبة في الجامعتين ؟

ثالثاً ؛ محتار بين تخصص التمريض في الجامعتين و بين الصيدلة في كلية المانع ؟
أيش الأفضل بين التخصصين
من ناحية الدراسة و المستقبل و الصعوبة

رابعاً ؛ أنا متخرج هالسنة و معدلي التراكمي 81.86 و القدرات 75 و باقي التحصيلي ما طلعت هل في إمكانية إن شاء الله أقبل !

خامساً ؛ إذا أنقبلت و ما نجحت لا سمح الله و حبيت أنسحب من الكلية هل هذا يمنعني بعدين من التسجيل في الكليات الحكومية ؟
و هل يطلبوني بمبلغ معين إذا قررت أنسحب
لأني ناوي أدرس عن طريق الصندوق الخيري !

أسف على الإطالة عليكم :)
الله يوفقكم و يسعدكم جميعاً .

[][ MOHAMMED ][]

أهلين أختي ،، :rose:

ماأدري عن المانع لأني بكلية الغد والحمد لله اولاً تعامل الدكاترة جداً جميل ..
وانا الحين اول ترم , والدراسة سهلة وممُتعة بعد ماعندي معلومة عن المانع..
ماأدري ليش أحس الغد افضل , مو لأني فيها بس مجرد *إحساس* .. وثانياً
الدراسة أكيد صعبة بالتخصصات الصحية وتتطلب جهد ووقت ومذاكرة أول باول
التمريض مستقبله ماشاء الله حلووو والوظائف مضمونة بإذن الله لأنهم بحاجة
لسعوديين وبالأخص ذكور لأن الإناث أكثر .. الصيدلة طبعاً ممتازة جدددداً بس
أصععب لكن انت بنفسك تخليها سهلة وتافهة بمذاكرتك اول باول , من ناحية التوظيف
بصراحة سمعت من كذا شخص إنه ماتتوظف على طول , وفيه كثير ماتوظفوا لكن
ان شاء الله الى هذاك الوقت يكون التوظيف سرييع :) .. شروط القبول بكلية الغد اعتقد
الثانوية فوق 80% والقدرات فوق 65% والتحصيلي فوق 60% بإذن الله تنقبل ..
- بالنسبة لسؤالك الأخير ماعندي علم .. لكن اللي سمعته لو انت فصلوك لا قدر الله من
الكلية ماتنقبل بأي كلية بالمملكة << كلام دكتور قاله لنا .. والشيء الأهم انت فكّر بمستقبلك
وصدقني لو تخلي تفكيرك لمستقبلك بس , رحح تببدٌععِ ؛$ والله يوفقك ويوفقنا ..:rose:

[مختبرجي]

الصيدله طبعا بكالريوس افضل من ناحيه التوظيف وراتب

الصيدلي البكالريوس تعادل كانك دكتور

[انسان أنا]

السلام عليكم ورحمة الله و بركاته
أخواني عندي كم إستفسار عن الكلية


أولاً ؛ حاب اسأل وش الأفضل كلية المانع و إلا كلية الغد ؟

ثانياً ؛ هل الدراسة صعبة في الجامعتين ؟

ثالثاً ؛ محتار بين تخصص التمريض في الجامعتين و بين الصيدلة في كلية المانع ؟
أيش الأفضل بين التخصصين
من ناحية الدراسة و المستقبل و الصعوبة

رابعاً ؛ أنا متخرج هالسنة و معدلي التراكمي 81.86 و القدرات 75 و باقي التحصيلي ما طلعت هل في إمكانية إن شاء الله أقبل !

خامساً ؛ إذا أنقبلت و ما نجحت لا سمح الله و حبيت أنسحب من الكلية هل هذا يمنعني بعدين من التسجيل في الكليات الحكومية ؟
و هل يطلبوني بمبلغ معين إذا قررت أنسحب
لأني ناوي أدرس عن طريق الصندوق الخيري !

أسف على الإطالة عليكم :)
الله يوفقكم و يسعدكم جميعاً .


بالنسبة للتخصصين فالصيدلة أفضل مستقبل وراتب ومكانة، لكن السؤال: أي تخصص عندك قدرة فيه أكبر؟ وتميل له أكثر؟ لكن حسب معدلك التراكمي ممكن يكون التمريض أنسب لك ...

لا تضع فكرة الرسوب في راسك طالما من البداية عندك فكرة أنك ما تنجح فاحتمال كبير أنك ما تنجح في دراستك، شيل فكرة عدم النجاح من راسك تماما ..

بالنسبة للقبول في المانع فعادة يقبلوا البنات ... فيه منتدى خاص بكلية المانع استفسر منهم هناك ...
كلية الغد فيها تخصصات أكثر لكن المانع فيه صيدلة ومو موجودة في الغد ...

الدراسة في كلية الغد مميزة وكل سنة تصبح أقوى ... ما أدري عن مستوى الدراسة في المانع ...

[انسان أنا]

[ mohammed ][;11177400'] - بالنسبة لسؤالك الأخير ماعندي علم .. لكن اللي سمعته لو انت فصلوك لا قدر الله من
الكلية ماتنقبل بأي كلية بالمملكة << كلام دكتور قاله لنا .. والشيء الأهم انت فكّر بمستقبلك
وصدقني لو تخلي تفكيرك لمستقبلك بس , رحح تببدٌععِ ؛$ والله يوفقك ويوفقنا ..:rose:


الفصل غير الانسحاب
لو سحب من كلية الغد أو غيرها من الكليات الأهلية يقدر يقدم على الجامعات الحكومية الأخرى شرط استيفاءه لشروط الجامعة الحكومية لكن أكيد مو في مجال صحي أو طبي ... لذا لو قبل في الغد فعنده فرصة كبيرة لمستقبل أفضل ...

بالنسبة للتوظيف فكل التخصصات هناك احتمالية أنه يبقى فترة بدون توظيف لحين وجود شاغر ...

[O M A]

يعطيك العافية أخوي محمد ما قصرت .. بس تراني ولد مو بنت ��
مختبرجي ما قصرت .. مجرد إنسان بيض الله وجهك

معليش حبيت اسألكم سؤال ؟
سمعت أنه لازم تكون سليم صحياً !
و أنا شخص زارع كلى هل هذا قد يعيقني في القبول

[Nora.F]

بحال انسحابك من منحة الصندوق انت مجبر ترد المبلغ اللي دفعوه لك او نصفه

انا من وجهة نظري اشوف الغد افضل بكثير من المانع .. مع العلم اني يوم جيت اسجل سجلت بالثنتين
بس مارتحت بالمانع و فضلت اسحب اوراقي
غير كذا كثير من اللي يدرسون فيها مو حابينها <على كلام احد طالبات الصيدله فيها
دراستنا بالكليه مو صعبه مقارنه بالحكوميه ولا سهله انك عادي تلعب و تفلها يعني السهل الممتنع
و طبيعي بتواجهك صعوبات ببعض المواد بس مع الجد و الاجتهاد و المذاكره اول باول اضمن لك تجيب الخمسه كامله
القبول بصراحه ماقدر افيدك فيه بس نصيحه اول ماتطلع نتيجة التحصيلي اخذ اوراقك وودها للكليه

و بالنسبه للتخصصات اذا تمريض او صيدله شوف وين طموحك و ميولك لا تمشي على كلام احد
و اذا تبي رايي انا افضل التمريض ، لاني احب التخصص

[O M A]

الله يعطيك العافية يا نورة
أنا حبيت تخصص التمريض والله ييسرها لي و أدخله
كلامك خوفني و خلاني أتردد كثير !
" نستخير والله يكتب لنا اللي فيه خير "

[Nora.F]

الله يعطيك العافية يا نورة
أنا حبيت تخصص التمريض والله ييسرها لي و أدخله
كلامك خوفني و خلاني أتردد كثير !
" نستخير والله يكتب لنا اللي فيه خير "

يابن الحلال كلامي مايخوف ولا شيء
و نرا سهل جدًا انك تجيب معدل عالي و المواد حلوه و سهله
و حتى لو نفترض انك حملت ماده ترا الصندوق فيه ميزه
انك ماتدفع الا اذا حملت اكثر من ثلاث مواد
و ماعتقد ان فيه احد بيحمل اكثر من ثلاث مواد الا اذا كان بين احد امرين يا انه مهمل يا صارت له ظروف خلته يحمل المواد
اذا انت حاط ببالك انك بتلعب و مو كفو دراسه لا تدخل
بس اذا عندك استعداد تشد حيلك و تدرس تاكد انك بتجيب معدل عالي
صدقني مافيه شيء صعب ولا فيه شيء سهل بالنص بينهم
و كذاولا كذا سوا بالغد او المانع او بالحكومي اذا ماشديت حيلك بتحمل المواد
غير كذا نسيت اجاوبك بخصوص العمليه حقت زراعة الكلى
اعرف وحده عندها مشاكل صحيه و مسويه عمليات شكثر و مقبوله معانا

[][ MOHAMMED ][]

المعذرَة منك أخوي OMA :rose:$'
الصيدلَة تخصص حلُو وكنت نآوي آدخلَه وانا بالجَامعة بعَد الطب :004:
بس ربي ماكتب والحمد لله على كُل حال :cool: أما بخصوص كلية المانع
بصراحة ماأعرف أحَد يدرسِ فيها , بالنسبَة للخوف أبداً مافيه شيء يخوّف
وبعذرِك ترى كنا مثلِك لما خلصنا الثانوية , نحس بتوتر وجو الجامعات والكليات
غير عن الثانوية وشيء جديد بحياتنا :icon19: لكن معليك بتدري ان الخوف مايستاهل انا
اذكر بعد الثانوية ماكنت اخرج من البيت يروحون استراحات وشاليهات والكورنيش
ومجمعات وانا منكد على نفسي ومخوّف نفسي على لا شيء :tongue: , بالنسبة لي احمد
ربي اني دخَلت كُلية الغَد - لأني ولله الحمد ارتحت نفسياً بكُل صدق :icon120: وصدقني
التمريض جدداً حلُؤ اكيد الصيدلة بعد لكن التمريِضْ وظائفه بإذن الله مضموُنة لأنو
مافيه ممرضين كثير شبآب بالنسبة للبنات :53: وحاول من ألحين تبدأ ترتب نفسك
اي استانس بالإجازة لكن لا تخلي الاجازة كلها لعب وسهر حاول تقرأ عن التخصصات
واللي تحس نفسك رح تبدع فيه , التمريض بالنسبة للصيدلة اسهل / وكلاها ممتازةْ :rose:

الفصل غير الانسحاب
لو سحب من كلية الغد أو غيرها من الكليات الأهلية يقدر يقدم على الجامعات الحكومية الأخرى شرط استيفاءه لشروط الجامعة الحكومية لكن أكيد مو في مجال صحي أو طبي ... لذا لو قبل في الغد فعنده فرصة كبيرة لمستقبل أفضل ...
بالنسبة للتوظيف فكل التخصصات هناك احتمالية أنه يبقى فترة بدون توظيف لحين وجود شاغر ...
عندنا دكتُور قال لو فصلوه الكليَة وأخذ أقل من المعدل المطلوب <مافهمت بالنسبة لإيش !
فإنه مايُقبل بأي كلية خاصة أما بالنسبة للجامعات ممكن :004: والله يوفق الجميع :icon1:..

[O M A]

الله يسعدك دنيا و أخره يا نورة ما قصرتي
ريحتيني كثير من ناحية الزراعه
بس الخوف شي طبيعي دام التحصيلي باقي ما طلع
والله يعدي الأيام الجايه على خير

أخوي محمد كلام اللي حولي كلهم زيك بس ذا شي مو بيدي والله يسرها لي

[مختبرجي]

شوف oma ان شاء الله امورك طيبه ولكن مثل ماقلت لك الصيدله اريح لك وافضل راتب والوظيفه سريع سريع

لكن تمريض تخصص متعب + المختبرات وراتب مو قد الطموح والوظيفه ماتجيك بسرعه تنتظر سرره طابور لين

ماتفرج

فكر جيدا وان شاء الله خير لكن تقدر تسوي مقارنه من ناحيه تمريض وطب الصيدله عن طريق تشوف راتب

+ العلاوات افتح قوقل وشوف وقارن

[Nora.F]

الله يسعدك دنيا و أخره يا نورة ما قصرتي
ريحتيني كثير من ناحية الزراعه
بس الخوف شي طبيعي دام التحصيلي باقي ما طلع
والله يعدي الأيام الجايه على خير

أخوي محمد كلام اللي حولي كلهم زيك بس ذا شي مو بيدي والله يسرها لي

امين وياك اخوي ، اما بخصوص التحصيلي ماعليك بس استهدي بالله و ربك بييسرها
انا اختبرت التحصيلي و انا مرررريضه بشكل ماتتخيله و ماتخيلت اني بجيب نسبه حلوه فيه بعدين يوم طلعت النتايج ماكنت متوقعتها
والله كنت من كثر ما كنت خايفه خليت صديقتي تشوفها لي بس خل عندك ثقه بالله و ربي مارح يردك خايب