بخصوص موعد التسجيل في الجامعة !!

[d7oomx]

السلام عليكم

اخواني انا خريج ثنوي و التسجيل في الجامعة الدبلوم يبدا ب 18 رمضان
يعني لو الواحد بينتضر الى 18 رمضان ما يسجل في مكان عشان يسجل في الجامعة هذي مغامرة كبيرة
لو ما انقبل خلاص كل الجامعات قفل تسجيلها !!
فـ انا كان ودي اسجل في جامعة الملك فيصل لاكن الصراحة لما شفت الموعد استغربت ليه الجامعة متاخرة جدا كذا
علما ان البترول و الدمام و ارامكو كلهم الان تسجيلهم
و علما ان نسبتي المركبة حسب التصنيف 30 ثنوية 30 قدرات 40 تحصيلي هي 82.70

ويعطيكم العافية ..

[ريمنقو]

وعليكم السلام ..

يَ اخوي افضل لك تسجل بالجامعات واذا فتح تسجيل الدبلوم سجل فيه ..
يعني مثل ماقلت مغامره تترك كل الجامعات علشان الدبلوم وانت مانت ضامن قبولك فيه

[AFNAN TURKI]

عادي سجل في كل الجامعات وسجل بفيصل تاريخ 18 واذا انقبلت في اكثر من جامعة اختار الافضل لك

[d7oomx]

وعليكم السلام ..

يَ اخوي افضل لك تسجل بالجامعات واذا فتح تسجيل الدبلوم سجل فيه ..
يعني مثل ماقلت مغامره تترك كل الجامعات علشان الدبلوم وانت مانت ضامن قبولك فيه

عادي سجل في كل الجامعات وسجل بفيصل تاريخ 18 واذا انقبلت في اكثر من جامعة اختار الافضل لك

المشكلة الجامعات مثل البترول اذا تم القبول فيها تطلب منك ملفك تجيبه قبل 6 رمضان .. والتسجيل هنا يبدا 18 رمضان
واذا وديت الملف للبترول خلاص مافي فايدة اسجل ب الملك فيصل حتى لو قبلوني !
فـ هذا انا اشوفه غلط من الجامعة وكذا كانها تهرب الطلاب منها !!

على العموم شاكر لكم ردوكم

[AFNAN TURKI]

تقدر تسحب ملفك وتوديه لفيصل

[d7oomx]

تقدر تسحب ملفك وتوديه لفيصل

اها
هذي ماكنت ادري عنها
لان اللي اعرفه ان البترول تقبل بلعدد مبدئيا على نسبة مركبة معينة واذا ما امتلت المقاعد بسبب الناس الي تسجل في اكثر من مكان .. ياخذون من القريبين من النسبة المركبة الموضوعه
فـ انا قلت بعد ما يقبلون دفعتين على العدد بلضبط تجي تقولهم ابي ملفي بطلع توقعت انه ممنوع يعني !

على العموم شكرا لك ع التوضيح

[جرحني بسكآت]

وعليكم السلام والرحمه

ماقصروا معك

بس ليش تسجل دبلوم وانت تقدر تسجل بكالوريوس
وشهادة البكالوريوس اقوى من الدبلوم

اذا كنت خريج الثانويه فالتسجيل لجامعة الملك فيصل

لجميع كلياتها راح

يبدا

1435/8/24 هـ ، يوم الأحد

وينتهي

1435/8/28 هـ ، يوم الخميس
في تمام الساعه الثانية ظهرا

ونفس ماقالت لك أختي أفنان تقدر تسحب ملفك

بس في شيئ لازم تنتبه له

( اذا مثلا قبلوك البترول وتبي فيصل

بس مابعد يتم قبولك فيها سلم اوراقك للبترول واذا قبلوك بعدين بفيصل

وانت لازلت تبيها اسحب اوراقك من البترول وسلمها لجامعة فيصل

بس انتبه ضروري تسلمهم في الفتره المحدده للدفعه اللي قابلينك فيها )

ونفس الكلام لجميع الجامعات

موفق يآرب

[d7oomx]

الله يعطيك العافية اختي
انا مادريت ان اقدر اسجل بكالوريس وانا ماعندي دبلوم
احسب لازم اخلص الدبلوم اول

شاكر لكم اخواني ع التوضيح الله يجزاكم خير ..

[جرحني بسكآت]

الله يعطيك العافية اختي
انا مادريت ان اقدر اسجل بكالوريس وانا ماعندي دبلوم
احسب لازم اخلص الدبلوم اول

شاكر لكم اخواني ع التوضيح الله يجزاكم خير ..

الله يعافيك أخوي

تقدر ونسبتك حلوه يعني اذا ميولك حاسب او اداره

راح تكون شهادتك بالمستقبل قويه وحلوه

بس انتبه لفترة تسليم الاوراق

لانك لو قبلوك جامعة فيصل وانت ماسلمت لهم الاوراق

في المده المحدده للدفعه المقبول فيها يسقط حقك بالقبول

وكانوا اللي يراجعهم يمشهوها له لكن هذا العام اللي راح

شدوا شوي وفي كثير سقطوا حقهم للقبول لذا السبب

[ريمنقو]

زين انك عرفت ان البكالوريوس مايشترطون دبلوم ..
سو اللي قالوا عليه الاخوات وان شاء الله مايفوتك شي ..
واذا ارسلت اوراقك لجامعه وتبي تسحب اوراقك لازم تاخذ منهم اخلاء طرف علشان ترسله للجامعه الثانيه ..

[جرحني بسكآت]

اذا تم الختم ع شهادتك

ارسل ورقة اخلاء الطرف نفس ماقالت لك ريمنقو

اما

اذا شهادتك ماتم الختم عليها مومطلوب منك انك ترسلها