مشاهدة النسخة كاملة : أنتهى كليات التميز تفتح باب التسجيل
تاج حيدر
2014- 6- 25, 04:54 PM
بسم الله الرحمن الرحيم
السلام عليكم ورحمة الله وبركاته
كليات التميز تفتح أبواب التسجيل الآن للالتحاق ببرامجها المميزة
من هنا الرابط
http://www.coe.com.sa/Default.aspx
تاج حيدر
2014- 6- 25, 04:57 PM
نبذة عن الكلية
أنشئت كليات التميّز (وهي كليات حكومية) لتكون الجهة الرائدة للتدريب التطبيقي في المملكة بالتعاون مع أفضل منظمات التدريب التطبيقي دوليا وبالاعتماد على كوادرها العالمية.
تقدم كليات التميز شهادات ودبلومات في مجالات تطبيقية متخصصة لخريجي الثانوية العامة من السعوديين وأبناء وبنات السعوديات، تقوم كليات التميز بتأسيس الملتحقين بها خلال السنة التحضيرية بالمهارات الأساسية التي تشمل اللغة الإنجليزية ومهارات الاتصال
ومن دخولي لموقهم لقيت أنهم يتعاملوا مع أشهر الجامعات العالمية وفاتحين تخصصات جميلة وبعضها جديد
ويقبلون الي تخرجوا خلال ثلاث سنوات
وفي مكآفأة 1000 ريال لطلابها
حسابهم في تويتر
https://twitter.com/COEKSA
صفحتهم على الفيس بوك
https://www.facebook.com/COEKSA?fref=nf
فل الياسمين
2014- 6- 25, 06:31 PM
وين فيه كليه التميز في اي منطقه
ارجو الرد باسرع وقت ممكن حتى لايروح التسجيل وهل توجد في الاحساء
7lmwalm
2014- 6- 25, 08:02 PM
موجوده بالرياض هالكلية والا لا ؟
وكم سنه الدبلوم ونظامها مثل نظام الكلية التقنية والا كيف ؟
تاج حيدر
2014- 6- 25, 08:17 PM
برامجها دبلوم ادخلوا على الموقع راح تلاقوا ان لها فروع كثيرة
ومنها في الأحساء والرياض
7lmwalm
2014- 6- 25, 08:40 PM
المشكله ان فيه فيمناطق بالرياض الخرج والافلاحج مافي داخل الرياض بس مناطقها للاسف
فل الياسمين
2014- 6- 25, 11:09 PM
طيب وش تخصصاتها
http://www.ckfu.org/pic4u/uploads/ckfu1403728301431.png
هذي تخصصات كليات التميز
تاج حيدر
2014- 6- 26, 07:12 PM
حبايب كل شي موجود في الموقع
الفروع وكل فرع تابع لأي جامعة وكل فرع ممكن تكون برامجه مختلفه عن الثانية
بالتوفيق
فل الياسمين
2014- 6- 26, 08:20 PM
الكليه هذاي تقبل اي نسبه ولا
bayan ahmed
2014- 6- 26, 09:00 PM
سجلت فيها واخترت الكليه اللي بالقطيف ؟
هو فعلاً فيه لهم فرع بالقطيف ولا شنو !
انا ماسمعت عنها ولا أدري وين تصير ..
ياالله ياكريم
2014- 6- 26, 09:25 PM
وين فيه كليه التميز في اي منطقه
ارجو الرد باسرع وقت ممكن حتى لايروح التسجيل وهل توجد في الاحساء
اختي في لها فرع بالاحساء
مرآيم1
2014- 6- 27, 03:21 AM
يعطيكم العافية
ماس1
2014- 6- 27, 06:22 PM
ايش التخصصات
AFNAN TURKI
2014- 6- 29, 05:49 AM
التعليم العالي لـ الوطن :
"كليات التميز"..خارج اختصاصنا
http://t.co/j4C6Z4BIrG
Nooni12
2014- 7- 4, 02:23 AM
متى تطلع نتائج القبول ؟
زهراء مهدي
2014- 7- 4, 09:24 AM
سجلت فيها واخترت الكليه اللي بالقطيف ؟
هو فعلاً فيه لهم فرع بالقطيف ولا شنو !
انا ماسمعت عنها ولا أدري وين تصير ..
اللي سمعته اختي ان للحين ماكتمل بناء الي بالقطيف
ف سجلي بالدمام اضمن :)
ســــــــــاره
2014- 7- 4, 08:33 PM
هل في تسسسسسسسسسسجيل الحين وياليت توضحون أكثر ؟؟؟؟
متى ينتهي تسجييله ؟؟
ريمنقو
2014- 7- 4, 09:26 PM
الفتره الاولى تنتهي 13 رمضان ..
الفتره الثانيه تنتهي 13 شوال
فرحة العمر
2014- 7- 4, 09:39 PM
الي بالقطيف ايش فيه ؟؟؟!
متى النتائج طيب تطلع ؟!
ريمنقو
2014- 7- 4, 10:10 PM
مدري والله شوفي الموقع حقهم
المهدويه
2014- 7- 4, 10:26 PM
ايمتى يعلنون عن النتايج
ســــــــــاره
2014- 7- 4, 11:08 PM
ريمانقو " شكرآ على الرد
تممممممممممم التسجيل .....
أي احد عنده خلفيه عن هالكليات ياريت يفيدنا
في ناس انقبلت بهاوماتعرف عنها شي وهي فروعها جديده يادون انفتحت السنه هذي
Rhom121
2014- 7- 9, 11:48 PM
قفل التسجيل ؟ :)
زهراء مهدي
2014- 7- 10, 08:01 AM
قفل التسجيل ؟ :)
اي قفل
Nona.
2014- 7- 10, 12:43 PM
جزاك الله خير
جيجان
2014- 7- 13, 12:02 PM
شكراا
ام وهم
2014- 7- 13, 02:10 PM
يسلموووووووووووووووووو
بروق
2014- 7- 16, 05:24 AM
اختي في لها فرع بالاحساء
ماشفت. لها. فرع. بالاحساء. وين. فرعها. اللي. بالاحساء
عبير .
2014- 7- 16, 06:40 AM
لا م تقفل التسجيل توي مسجلهه فيها انا وامانتن محتاره انا قاعده ادرس انتساب ادارة اعمال بجامعه فيصل وادري مافيه مقارنه بالاداب بس بخاطري اداوم زي الناس :( ومدري اذا هي شهادتها معروفه والا وليه م يفتحون بكولوريوس ؟ وحابه استفسر عن النسب تقبل اي نسبه والا ؟ نسب معينه .
Raam54
2014- 7- 20, 05:43 AM
تخصصاتها ادبيه صح؟
احلى ميموو
2014- 7- 21, 06:10 AM
بالتووووفييق للجمييييع
عطر جنه
2014- 8- 8, 02:58 PM
يعني ماطلعت نتايج القبوول ،،،
الفرنسيه
2014- 8- 11, 01:58 AM
للحين ننتظر نتايج القبول
متى بيعلنوها ؟؟
انا مسجله بالقطيف
مانجاح44
2014- 8- 14, 09:31 AM
كلية أي سي بي في كلية التميز وانا ادرس في جامعة
مانجاح44
2014- 8- 14, 09:34 AM
:Cry111::icon120::41jg:طيب ردي عليه انا سجلت فيه وانا ادرس في جامعة واختر كلية التميز قسم أي سي بي
الفرنسيه
2014- 8- 14, 03:12 PM
متى بيعلنون نتايج القبول
أغتراب
2014- 8- 16, 06:37 AM
جزاك الله خير
ريمي1234
2014- 8- 16, 09:12 PM
انا سجلت فيها وانقبلت (كلية اي اس جي )
بس أبغى سواق من القطيف الى الخبر :'(
متفائلين خير
2014- 8- 20, 01:24 AM
طيب انا مسجل اليوم يعني نتائج القبول ماتطلع وقت واحد
عطر جنه
2014- 8- 20, 03:54 AM
سلام عليكم
انا جاتني رساله ع الايميل عن المقابله من 6اغسطس لكن تو اشوفها اليوم ،،مدوي رااح عليي القبوول والمقاابله ولا بقت لي فررصه ،،،ارجووو الرررد ضروووري 😭😭
متفائلين خير
2014- 8- 20, 04:14 AM
سلام عليكم
انا جاتني رساله ع الايميل عن المقابله من 6اغسطس لكن تو اشوفها اليوم ،،مدوي رااح عليي القبوول والمقاابله ولا بقت لي فررصه ،،،ارجووو الرررد ضروووري 😭😭
متى سجلتي تاريخ كم
عطر جنه
2014- 8- 20, 04:32 AM
من شعبااان مسجله
متفائلين خير
2014- 8- 20, 06:55 AM
من شعبااان مسجله
انا توني مسجل طيب كيف كذا !!!!
قمر السعودية
2014- 8- 20, 07:56 AM
عطر الجنة روحي شوفي كيف؟؟
لأن حرامم تروح عليكي الفرصة، حاولي معهم، في ناس كثير راحت بعد موعد مقابلتهم وانقبلو
بالتوفيق
عطر جنه
2014- 8- 20, 08:08 AM
رايحه بعد شووي ،،ان شااء الله يقدرووا متعنيه ليهم من ااخر الدنيا
عطر جنه
2014- 8- 20, 09:12 AM
قمر السعووديه ،،انتي مقبوله فيها؟؟واذا اي شلوون المقابله؟؟
ahoud9
2014- 8- 20, 05:00 PM
السلام عليكم
أنا سجلت بـ ESG
ومو مقتنعه االصراحه لكن أرحم من قعدت البيت
أنا كلمت وحدا وقالت لي الدكتورات من أسبانبا وهوُلندا وأمريكا شخصياً :(107):
وهذا أمر مُساعد لي لأني أبي أنقليزي يعني أتعلمه بشكل قوي يعني
اللغه أبيها قوية عندي مع أنه طموحي شي ثاني توهم أفتحوها بالدمام شارع العزيزية
مافيها نُسب معينه بس أنا كنت أمبير , يعني أنتظار :007: شفت الدكتورات يريحون ويعطونك رغبة للتعلم مبتسمين وحيويه ويتكلمون معك عكس ربعنا !:tongue::wink: :(204):
الفرع الرئيسي:
الادارة العامة
مجمع واحة غرناطة
الطريق الدائري الشرقي .
- http://www.coe.com.sa/ContactUs.aspx
أقسام الاولاد تختلف عن البنات تخصصات يعني ؟
عندكم الدمام الرئيسه عنها ESG !
التخصصات :إدارة الأعمال والخدمات المالية• تقنية معلومات واتصالات • تقنية الازياء والتجميل • إنتاج الغذاء • الصحة والسلامة المهنية
وَ CINOP آلاحساء
التخصصات: • إدارة الأعمال
• تكنولوجيا المعلومات
• تكنولوجيا الغذاء (تصنيع الحليب و مخبز والعصائر)
• الجمال والموضة
• الصحة المهنية والسلامة
• الدراسات الصحية.
وفيه بعد لكن أبحثوا بالموقع :cool:
الشركاء :
http://www.coe.com.sa/partners.aspx
الموقع والصفحه الرئيسيه موجوده .
تعليقي الشخصي هي مستوى عالي لكن مُستخف فيها لانها جديده وثانياً اللغه انقليزي واللي مايعرف انقليزي بينتقد لذلك جربوا شخصياً ولكل فرد نظره واخيراً محتاره وبستخير:verycute:
ونهايةً هذا قراركم أنتم لذلك أسعوا ورى مبتغاكم وبتبدعون.
بس.:rose:
عطر جنه
2014- 8- 20, 07:35 PM
الحمدلله رحت المقاابله وقبلووني ،،لكن الدراسه ح تكوون السمستر الثاني
*lama*
2014- 8- 21, 04:40 AM
انا سجلت توي قبل شوي يارب يقبلوني
hajar1993
2014- 8- 23, 01:58 AM
طيب انا ابغا اسوي تسجيل دخوال وموعرفه
كامبردج
2014- 8- 24, 11:18 PM
up
عاقله بس تستهبل
2014- 8- 25, 01:00 PM
لو سمحت في احد يعرف مكان المقابله في الاحساء؟
Judy Abbott
2014- 8- 26, 03:06 PM
رسلوا لي مكان المقابلة ع الايميل وموعد المقابلة
شيكي ع الايميل اللي سجلتي فيه وبتشوفينه
لو سمحتوا اللي راحوا المقابلة ممكن تفيدونا !!!:verycute:
همسة غرامي
2014- 8- 26, 05:53 PM
بنات ابغى اعرف كليات التميز شهادتها معتمده ولا ؟؟
انا اللي وصلي انها مو معتمده وفاشلة !!
انا طلع اسمي في الكلية بس لما وصلي هذا الكلام مادري ترددة ياليت تفودوني قبل مايروح علي
Judy Abbott
2014- 8- 27, 01:36 AM
همسة غرامي
للاسف تعبت وانا ابحث عن هالشي ماقدرت اعرف
ناس تقول معتمده وناس تقول لا
وخصوصا انها جديدة مافي معلومات كثيرة عنها
بس انصحك ما تفوتين الفرصة حالياً قدمي أوراقك واستمري في التسجيل بجامعات أو كليات مضمونة
يعني عصفور باليد أفضل من عشرة على الشجرة
قمر السعودية
2014- 8- 27, 12:11 PM
السلام عليكم
هي كليات حكومية بما أنك تدرسية فيها فهي على الأقل معتمدة داخل السعودية
طبعاً وبما أنها مدعومة من الموارد البشرية فهي معتمدة داخل القطاع الخاص، ولأنها حكومية فهي معتمدة في الخدمة المدنية
ثاني حاجة الأرواق بيد الله عز وجل، كم واحد ما عنده شهادة وله وظيفة ممتازة
وكم واحد عنده ماجستير من أفضل الجامعات وجالس يدور أي شغلة
والبعض متوظف على غير شهادته
وأنتم المفروض يكون دخولكم الكلية لهدف التعليم واللي جاه كلية أفضل يروح لها
واللي ما حصل جامعة تراها أفضل من الجلسة بالبيت
طاالبه مستجده
2014- 8- 28, 04:37 PM
ممكن احد يعطيني وصف مكان الكليه بالخبر ؟؟؟
الدبة
2014- 8- 29, 06:09 AM
وعليكم السلام
كلية التميز بالاحساء موقعها
دخلي هنآآ (http://www.coe.com.sa/CollegeD.aspx?ID=26)
وهنآآ (https://www.google.com/maps/place/College+of+Technology/@25.480271,49.542002,14z/data=%214m2%213m1%211s0x0:0x269c212244f98a8?hl=ar) من خرائط قوقل
قريبة من المطيرفي، واقرب للغسانية
لقيت هذا الرقم باموقع خرائط قوقل لهم
966135994538+
ان شاء الله يفيدك
موفقة
ROMII
2014- 8- 31, 07:58 AM
الي ماحضر المقابله يعني قبوله مرفوض ؟
Batool alhajji
2014- 8- 31, 08:20 PM
مين راحت المقابله ؟
شنو صار لما رحتوو يعني قبول على طوول او اسئله و كذا ؟
ahoud9
2014- 9- 1, 08:41 PM
سويت مقابله واسئلتني أسئله وش الجامعه اللي تبغينها وسوالف :)
وبعدين قالت لي بنتكلم بس انقليزي وبتبداء تتكلم معك مثل السوالف بس انقليزي بس:o
غرور الهلال
2014- 9- 2, 10:41 AM
في مقابله وانجليزي بعد ؟؟؟؟
Batool alhajji
2014- 9- 2, 10:08 PM
:6::36:
ي رب اعدي على خير
ذوق1234
2014- 9- 2, 10:56 PM
بنات بليز سالو هل في تسجيل لسمستر الثاني
وابي اعرف هل في احد انقبل وصار ع تخرجها اكثر من 3 سنوات ؟؟؟؟
بليززز ردووو
Judy Abbott
2014- 9- 4, 05:47 AM
بنات بليز سالو هل في تسجيل لسمستر الثاني
وابي اعرف هل في احد انقبل وصار ع تخرجها اكثر من 3 سنوات ؟؟؟؟
بليززز ردووو
حسب المكتوب في حسابهم في الفيس بوك وفي تويتر ان في تسجيل للفصل الثاني وراح يعلنون عنه قريب
سؤالك الثاني حتى انا ابي اعرف في احد انقبل قبول نهائي :000:
انا رسلوا لي موعد المقابلة بس ما ادري وش بيصير
غرور الهلال
2014- 9- 5, 01:21 PM
مايصير رسلو لي رساله بيردون عليي ولا قبلوني للحين
helppp
2014- 9- 6, 01:47 AM
مايصير رسلو لي رساله بيردون عليي ولا قبلوني للحين
+1
غرور الهلال
2014- 9- 6, 07:46 PM
+1
شنووو يعني
ليآل الروح
2014- 9- 7, 06:14 AM
آنا قبلوني بالدمام وكانت المقابله والاوراق وكل شئ بالانجليزي<wo0ow
وباقي تسليم الاوراق الشهر الجاي:(
Judy Abbott
2014- 9- 7, 02:56 PM
آنا قبلوني بالدمام وكانت المقابله والاوراق وكل شئ بالانجليزي<wo0ow
وباقي تسليم الاوراق الشهر الجاي:(
حددوا مستواك في الانجليزي من خلال المقابلة؟
ليآل الروح
2014- 9- 7, 07:20 PM
ماقالو لي بس قيموني اتوقع
لانها كتبت بالورقه انو نتيجتي a+
يعنيي مستواي عالي ^_@
Judy Abbott
2014- 9- 7, 10:04 PM
كويس
بالتوفيق يا رب
دافورة الملتقى*
2014- 9- 9, 05:43 PM
طيب عندي سؤال
الي متخرج من الجامعه يقبلونه
ولا بس للي عندهم ثانناوي
وايش الشروط
فاطمة سيهات
2014- 9- 9, 07:29 PM
بنات عندي سؤال
وش فيهم التقني والمهني مدري ايش ؟
يعني مو كويسين ولا ايش ؟
و ليه هم مو ضمن وزاره التعليم العالي ؟
Judy Abbott
2014- 9- 10, 12:58 PM
طيب عندي سؤال
الي متخرج من الجامعه يقبلونه
ولا بس للي عندهم ثانناوي
وايش الشروط
لا ما يقبلون المتخرجين من الجامعة فقط لخريجين ثانوي
أول سؤال يسئلونك درستي بجامعة او شي من قبل؟
عاد انتي وذمتك :biggrin:
فاطمة سيهات
2014- 9- 10, 05:52 PM
بننننننننااتتت تكفووون ردوا علي بسسسرعه
وين يكون مكان كلية التميز esg
تكفوووون حد يرد والله متوهقه
بكره الصباح لازم اروح وابوي بيوصلني ومادل ويييين
كل الي اعرفه انها بالعزيزيه بليز احد يرد تكفون الحين والله متورطه
ماقدرت القى مكانهم بالخريطه الي بالجوال
ماعرف كيف القى مكان الكلييييييه
انتظظظظركم ♡♡♡♡
ليآل الروح
2014- 9- 14, 01:34 AM
مكانها بالخبر حي العزيزيه
جنب مركز شرطه العزيزيه
عطر جنه
2014- 9- 14, 02:51 PM
سلام بنات ،،بشرونا عن اوضااع الكليه اي اس جي ؟؟؟
انا مقبوله ع السمستر الثاني بس ابي اعرف من ال داوموا ايش سوو اليوم
بيّان
2014- 9- 15, 03:48 PM
سلام بنات
قبل شهر تقريباً رسلوا لي الكلية رسالة :
شكراً لاهتمامك بكلية الجونكوين للبنات ، سيتم التواصل معك في منتصف شهر نوفمبر
لاستكمال اجراءات القبول وسيكون بدء الدراسة في ديسمبر 2014 "
الحين معناتها قبلوني ؟
و سؤال ثاني المناهج حقتهم تكون دراستها باللغة الانجليزية ؟
يعني الدراسة يصير تبدأ عندي في الفصل الثاني ؟
بليز اللي عندها معلومة ترد ولا تبخل عليّ الله يوفقكم ..
ليآل الروح
2014- 9- 15, 04:11 PM
بيآن...
نوفمبر يكون شهر محرم ودراستك تبدا ع الفصل الثاني في صفر
والرساله هذي اكيد مقبوله
والدراسه كلها باللغه الانجليزيه .
ليآل الروح
2014- 9- 15, 04:13 PM
انابعد مقبوله في esg
ع الفصل الثاني .
والي بدا يقول لنا كيف الاوضاع :)
هدى.س.العنزي
2014- 9- 16, 03:40 PM
السلام عليكم .. متى يبدأ التسجيل فكلية أي اس جي ؟ عندي وحده بتستفسر عنها !! ووين مكانها بالاحساء ؟ و وش التخصصات الي تتضمنها.
وشكرا ..
ليآل الروح
2014- 9- 16, 06:34 PM
كليه اي اس جي بالخبر موبالاحساء
ليآل الروح
2014- 9- 16, 06:37 PM
كليه اي اس جي بالخبر موبالاحساء
في كليه سينوب بالاحساء
وباقي ع انتهاء التسجيل يمكن هذاالاسبوع اوالي بعده
ذكرياتي تحتويني
2014- 9- 16, 06:53 PM
انا سجلت بس للحين ماقبلوني
ربي يعين
ليآل الروح
2014- 9- 16, 07:25 PM
الا قبلوك كثيير بنات مثلك:eek:
نصيحتي روحي المقابله هذا الاسبوع :064:
وبتقولين انو صحيح كلامي :biggrin:
انتي سينوب :(107):
اهم شي مادرستي جامعه :139:
أميرة الشرقية
2014- 9- 16, 09:43 PM
بنات اللي قددم وسجل بالموقع اليوم عادي يروح المقابله بدون مايقبلونه ؟؟
واللي سجل من العام مختاره كلية بالمدينه المنورة ودخلت ابقي اغير الكليه الى الاحساء مو راضي عيا يتغير معي
عادي نروح لهم هناك ويقبلونا ؟؟
ليآل الروح
2014- 9- 17, 06:45 AM
ايوا روحي لهم اليوم بصاله الشرقيه وقولي لهم ومقبوله ان شاء الله
أميرة الشرقية
2014- 9- 18, 07:21 AM
عادي بنات اروح لهم اليوم وانا ماوصلتني رساله؟؟
أميرة الشرقية
2014- 9- 18, 07:21 AM
ومتى اخر شيء؟
ليآل الروح
2014- 9- 18, 12:50 PM
ايه عاددي روحي
ليآل الروح
2014- 9- 18, 12:51 PM
ماقالو متى ينتهي الي بالاحساء
أميرة الشرقية
2014- 9- 19, 03:32 PM
قالوا التسجيل يوم الاحد والاثنين والثلاثاء اتوقع خلاص اخر شيء اسبوع الجاي
طيب بنات اللي سجلوابسئلكم المقابله تكون بنفس اليوم مع التسجيل ولا؟؟
وشنو الاسئله اللي سئلوكم وقت المقابله الله يجزاكم خيير فيدوني باللي تعرفون
ليآل الروح
2014- 9- 19, 05:28 PM
ايه عادي.وبالنسبه للمقابله مسووينها في قاعه بس لتسليم الاوراق
اماالمقابله الي حق الاسئله مابعد يحددونه
أميرة الشرقية
2014- 9- 21, 02:42 PM
اليوم صديقتي راحت تسجل قالوا مافي تسجيل كذب اللي سمعتوا
ليآل الروح
2014- 9- 21, 06:43 PM
الا كان فيه بس تو اليوم بداو يسوون المقابلات
اتوقع خلصو من التسجيل الخميس
لان اليوم خلاص بس يسسون المقابله للي انقبلو
نُوفمبّر !
2014- 9- 23, 09:07 PM
واللي يدرس بفيصل عادي يسجل ؟
أو بيطردونه الجامعة ! :biggrin:
ليآل الروح
2014- 9- 23, 10:12 PM
لامايققبلونك :sm4:
ثانيا انتي علوم اقول لاتغيرين دامه بككالوريوس :41jg:
هذا دبلوم خلص التسجيل :verycute:
نُوفمبّر !
2014- 9- 23, 11:29 PM
^
لآ مو أنا بغير
أصلآ مدري وش هالكلية بس أسأل عنها :Looking_anim:
شكرًا :106:
ليآل الروح
2014- 9- 24, 06:52 AM
ههههههًَ
اها تدرس دبلومات وخلص تسجيلها اسبوع الي راح :d
نُوفمبّر !
2014- 9- 24, 02:05 PM
^
غريبه خلص التسجيل !
أنا سجلت لوحده أمس وقال لي تم استلام طلب الالتحاق
ماراح تنقبل ولا كيف ؟
ليآل الروح
2014- 9- 24, 03:00 PM
خلص يب واستقبلو الاوراق والدراسه بعد العيد
لكن مفتوح للاولاد لانو سمعت انو باقي لهم تسجيل
NOUFALAJAJI
2015- 8- 24, 04:00 AM
يعني اطلعت نتايج وكيف اعرف نياتج
E-2013
2015- 8- 27, 03:12 AM
من العيد مسجله في الفترة الثانية وهم ممديدينها لتاريخ 8-11والى الان مارسلوا لي قبول بالجوال وحالة الطلب في الموقع تم استلام الطلب متى بيرسلون النتيجه ولا لازم اروح لهم
E-2013
2015- 8- 27, 12:15 PM
يعني اطلعت نتايج وكيف اعرف نياتج
المشاركات الي قبل من سنة 2014 اذأ عرفتي ليه مأخرين النتائج فييديني
زهراء الروالي
2015- 8- 27, 12:33 PM
انا سجلت برمضان والى الان لم يتم قبولي ؟؟ الي سجلت في كليه سينوب بالاحساء برمضان وانقبلت تخبرني احس مذله هالكليه
vBulletin® v3.8.7, Copyright ©2000-2025, Ahmed Alfaifi