استفسار بخصصوص اول يوم

[صعبة الرضا]

السلام عليكم
اني اتقبلت في كلية العلوم وعندي كم استفسار بخصوص
اول يوم :106::verycute:
وش هي الاوراق او الوثائق الي ناخذها معنا وكيف الطريقة هناك ؟؟:g2:
وبخصوص اللبس وش الشروط الي علية الي اعرفة ان التنورة سوداء او جنز ؟؟؟
ياريت تفيدوني بنات مااحب ادخل على شي بالعمياني واصير مثل الاطرش بالزفة :Cry111:

[♡joory]

بالنسبه للبس التنوره الاسود ودرجاته او الجنز ودرجاته وطبعا ماتكون قصيره ولا استرش
البلوزه عادي اي لون بس ماتكون شفافه ولا كم قصير

[D.hadoo]

حتى انا انقبلت بالعلوم :"( > مو التخصص اللي ابيه الحمدالله على كل حال
الزبدة حتى انا ابي اعرف ايش اجيب معي ملفي و و ورقة القبول بس ؟ ووين اروح ؟
يالله احس شكلي بيكون غبي ><
"صعبة الرضا" خلنا نتعرف ع بعض ونروح مع بعض عشان نتفشل مع بعض مو بروحي :$

[Mulli]

انا كمان انقبلت هنا بس بتأكد نجيب ملفنا اول يوم ؟؟
واذا نجيبه ايش الاوراق الضروريه فيه ؟؟
ومتى تسجيل الموااد ؟؟؟
بليز احد يرد !

[صعبة الرضا]

السلام عليكم
مراحبD.hadoo
ههه الحمد لله يعنى مش بس اني يلي عندي هالاحساس >>>ماصدقت الاقي حد مثلي :hahahahahah::hahahahahah:
من وين انتي غناتي ؟
انا حابة اني اشوف سواق ثقة وقلت بشوف لي بنات يروحون معي لو كنتي حابة يعني :106:

[LOOD_M]

أول يوم تجيبون معكم ورقه القبول أتوقع تكفي وتروحون لعلوم 5 وهناك بينجزونكم ان شاء الله

[mosh88]

وعليكم السلام ورحمة الله وبركاته

مبروك قبولكم جميعاً والله يكتبت لكم الخيره واليُسر
الموضوع سهالات وما يحتاج ابداً التوتر او الخوف والعلوم قسم أكثر من رائع وممتع وبإذن الله الكل بينبسط فيه

بالبداية اللبس مسموح بالتنانير السودا اوانتبهي من لقصيره بشكل شاطح ,البلايز عادي اي شي نص كم بس مو شفاف ..وما يخفى ان فيه بعض المخالفات لكن مو من صالحك يمسكونك الامن ويكتبونك مخالفه على شيء سخيف بأول يوم !

أما عن الدخول لالالا مافي ملفات تدوري فيها على فراغ ..بس جيبي معك ورقة القبول المختومه تكفي وتوفي ..

واي استفسار عندك علوم 5 والامن ما يقصرون

بالتوفيق حبيباتي .

[D.hadoo]

هلا ي قلبي انا من الدمام وانتي ؟
بنسبه لي انا عندي سواق خاص
بس صديقتي تروح وتجي مع سواق ثقه اذا تبين رقمه قولي لي ومن وين عشان اسأل اذا يقدر يوديك او ﻻ ..
شكرا اختي " mosh88 "

[al7an]

مبروووك القبووول
ومبرووك عليكم الشهر ♥
بالنسبة لأول يوم اتوقع بيسون لكم يوم التهيئة بعلمونكم نظام الكلية سواء دراسة أو امن
والبسي اول يوم قميص رسمي وتنورة سوداء طويلة عشان تتحاشين االتهزيئ

وبالنسبة للجدول
بتسجلون انت موادكم بنفسكم قبل لاتداومون اتوقع زي العام وقبله
وع نهاية هالشهر بينزلون الجداول

[al7an]

ولدخول اول يوم بس جيبي معك اشعار القبول الي طبعتيه

[Dodx]

وعليكم السلام
مبروك قبولكم حبيباتي
بالنسبه للبس بلايز عادي اي شي بس انتبهي تلبسين اقصر من نص كم او شفاف
بالنسبه للتنانير انا عادي البس اسود ورمادي وكحلي مايقولون شي بس تجنبي الالوان الشاذه او انها تكون قصيره بشكل مبالغ
ولاتنسون ورقه القبول
الله يوفقكم جميعا

[salwa qais]

حبيت اسأل سؤال شاطح انا بعد خاايفه واحس احساس جديد الجامعة هل احنا نختار ندخل كيميا او فيزيا او احيا او رياضيات او هم يدخلون على حسب النسب ..

[Hawry]

حبيت اسأل سؤال شاطح انا بعد خاايفه واحس احساس جديد الجامعة هل احنا نختار ندخل كيميا او فيزيا او احيا او رياضيات او هم يدخلون على حسب النسب ..

بالاول مبروك القبول
لاتخافين ولاشي الجامعه شي جميل جداً
يكون بعد الترم التحضيري تدخلين رغباتج وهم يخصصوج التخصص القريب من معدلج
بس شيدي حيلج والمعدل يجي بكل بساطه
وإن شاء الله تتخصصين الا تبينه

[salwa qais]

انا ابغى كيمياء زيك وش اسوووي? انا فكرت انا الي اقرر

[♡joory]

اذا تبغين التخصص اللي ودك فيه
لازم تجيبين معدل مررتفع يعني شدي حيلك بالدراسه

[Hawry]

انا ابغى كيمياء زيك وش اسوووي? انا فكرت انا الي اقرر

لازم تشدين حيلك وتجيبين معدل كويس
وترا مواد التحضيري مره سهله واغلبها اخدناها بالثنوي
ف ماراح يكون صعب مره
والله يوفقك وتتخصصين كيمياء

[الانتظاار]

ياهلا ومرحبا فيكم في كليتنا الجميلة:tongue:
ذكرتوني بنفسي قبل 3 سنوات كنت كدا ماعرف شي ابدا بس بعدين الحمد لله عرفت
اول شي تطبعوا ورقة قبولكم بالكلية وتدخلون فيها الى ان يصدرون لكم بطاقة جامعية
البس عادي تنورة زرقا او سودا جنز او عادي مافي مشكلة اهم شي ماتكون شفافة وكذا
وبالنسبة لانهم يدخلوك تخصص ماتبينه تصير وااجد وحجتهم المعدل او انه في اكتفاء بالعدد يارب ماتصير لاحد منكم + لو صارت خيرة ترى ممكن تحبون التخصص << انا صار لي كذا :biggrin:
ونصيحة يا بنات من مجربة هالله هالله بنفسياتكم الكلية مجتمع غير عن المدرسة تماما لا تخلوا النفسية تاثر عليكم (انا ما اقول هالكلام اخوفكم بالعكس انبهكم لان شي جديد عليكم بتتضايقون في البداية لازم وكذا
لازم تعرفي كيف تطالبي بحقك وتعتمدي على نفسك غير كذا لازم تسالي عن الدكتورة او الدكتور قبل لا تسجلي مادة عندها او عنده + احرصوا على تجميع الدرجات خاصة من البلاك بوورد بيعطونكم انشطة وواجبات التزموا فيها (طبعا بيعلمونكم كيف تدخلوا على البلاك بورد وتستخدموه ) + الصيفي يفيدكم مرة في حال ان عندكم مواد ثقيلة ويبي ليها تركيييز في الصيفي يسهلون ترى ادري بتقولون اجازة وما يصير بس والله الصيفي غير تقدري تمشي فيه + يختصر الوقت لو لا سمح الله صار فيه حمل للمواد او شي
وحاولوا تكتبون الاشياء اللي يكتبونها عالسبورة وساعات حتى الكلام اللي يقولوه اكتبوه ترى كثير كذا يجيبون اسالتهم من الاشياء اللي يقولوها فانتوا لازم تعرفوا كيف اساليبهم :sm12:
(هاذي اشياء انا مريت فيها وحبيت انبهكم عشان لا يصير لكم نفس الشي)
+ اي استفسار لا يردكم شي
موفقات :love080:

[Mulli]

الحين العلوم ترم واحد بس التحضيري والترم الثاني تخصص؟؟؟؟ :/
وياليت تخبروني انا بعد ماخلص ترم تحضيري اقدر احول للتربيه ولا لازم اتخصص وخلص السنه كلهاالاولى!!!
واذا تخصصت يصير بعدها يحولوني !!
وبسهوله احول اذا جبت فوق ال2 ولا لا :'(

بليز ابي اجابات واضحه متوتره :'''

[mosh88]

الحين العلوم ترم واحد بس التحضيري والترم الثاني تخصص؟؟؟؟ :/
وياليت تخبروني انا بعد ماخلص ترم تحضيري اقدر احول للتربيه ولا لازم اتخصص وخلص السنه كلهاالاولى!!!
واذا تخصصت يصير بعدها يحولوني !!
وبسهوله احول اذا جبت فوق ال2 ولا لا :'(

بليز ابي اجابات واضحه متوتره :'''


نعم التحضيري ترم واحد اذا جبتي معدل فوق 2 تتخصصين
وماتقدرين تحولين الا بعد ما تخلصين 24 ساعه والترم التحضيري 16 ساعه ..ومو شرط تتخصصين تقدرين تاخذين مواد عامه بعد التحضيري وتكملين ساعاتك لكن الافضل التخصص اكيد لان ساعاته عاليه

الأولويه بالتحويل بالمعدل الاعلى طبعاً شدي حيلك بالمواد وبيحولونك بالراحه

الله يسهلك ويوفقك يارب ومايحتاج هالتوتر والعكس ترى العلوم قسم حلو ومُنظم ومتعاون بإذن الله .

[Mulli]

مشكوووره الله يسعدك ووفقكك 3>
استفسار اخير :&
يقبلون تحويل كثيير ولا بنات معدودات :(

[mosh88]

مشكوووره الله يسعدك ووفقكك 3>
استفسار اخير :&
يقبلون تحويل كثيير ولا بنات معدودات :(


الله يسلمك ويوفقك ..
القبول زي ما قلت لك الاولويه للمعدلات المرتفعه ..

[ساجده يوسف .]

السلام عليكم ،
رمضان كريم على الجميع .
انا من الحسا وانقبلت علوم مع انه مو تخصصي بس الحمدلله ،
بس ابغي اسأل مستغربه انا ما نجيب ملفنا للجامعه ! بس الورقه بس !
طيب بنات حبيباتي اتفقوا على مكان نروح له ونتعرف عشان نصير كلنا مع بعض وكذا '(
- الله يوفقكم -

[Dodx]

مايحتاج الملف الورقه تكفي
وبعدها تروحين عند علوم ٥ يسوون لك بطاقه وتستلمينها بعد اسبوعين
موفقه حبيبتي

[هياء2013]

السلام عليكم ،
رمضان كريم على الجميع .
انا من الحسا وانقبلت علوم مع انه مو تخصصي بس الحمدلله ،
بس ابغي اسأل مستغربه انا ما نجيب ملفنا للجامعه ! بس الورقه بس !
طيب بنات حبيباتي اتفقوا على مكان نروح له ونتعرف عشان نصير كلنا مع بعض وكذا '(
- الله يوفقكم -

لا بس ورقه القبول تحتاجينها لين تسوينه لك بطاقة وهم راح يسون لكم تهيئه يعلمونكم كل شي وشنو تحتاجون وكذا