تسجيل الدخول

مشاهدة النسخة كاملة : افضل بنك لتسليف،،،،،،،،

صباالظهران
2014- 7- 4, 10:39 AM
السلام عليكم
مبروك عليكم الشهر الكريم
ابي مساعدتكم وادري كالعادة مارح تقصرون الله بجزاكم خير
ابي اقدم على سلفة ومش عارفة وش انسب بنك من ناحية الفوايد والتسديد
شي ثاني ابي اعرف ممكن اقترض من بنك ماينزل عليه راتبي؟
ادري السلفة شي موسهل بس انا مظطرة وارحم علي اقترض ولا اسوم وجهي على احد
انتظركم:53:
رحال 2626
2014- 7- 4, 10:57 AM
وعليكم السلام ورحمة الله وبركاته

بالنسبه لأفضل بنك من الناحيه الشرعيه بأذن الله هما مصرف الراجحي وبنك البلاد ولكن بالنسبه للشروط والله ماعندي خلفيه وبأمكانك الأتصال على الأرقام المجانيه للبنوك أو أي بنك ويفيدونك أكثر عن النسبه والراتب وغيرها من متطلبات القروض الشخصيه وكلامي كله من الناحيه الشرعيه وأما بنك يعطي بدون تحويل راتب فالبنك الأهلي يعطي سلع بدون تحويل الراتب ولكن هل هي سيارات فقط أو غيرها الله أعلم لأني سبق وأن تقدمت لهم بشراء سياره وعلى قرض في بنك أخر ووافقوا على طلبي ...وأتمني الأخوان والأخوات يفيدونك أكثر وفالك التوفيق.
بدر البدراني
2014- 7- 4, 12:21 PM
بنك الراجحي سيء افضل بنك البلاد
مــجــازفــــ
2014- 7- 4, 12:34 PM
افضل بنك من ناحية التعامل والفوائد واحترام العميل البنك السعودي للاستثمار
sultan127
2014- 7- 4, 01:21 PM
بنك الرياض ويعطونك مهله بتاخير السداد وكذالك نفس الحال لبنك السعودي للاستثمار
//من الذكرى//
2014- 7- 4, 01:31 PM
بنك الإنماء
king the net
2014- 7- 4, 01:34 PM
حسب اذا كنتي موظفه حكومية تقدرين تختارين بين البنوك

واذا كنت قطاع خاص ف بيكون حسن الاتفاقية بين الشركه والبنك

وبالعادة الاتفاقية تكون في بنك واحد وماتقدرين تروحين بنكون ثانيه مو متفقه معاهم الشركه
صباالظهران
2014- 7- 4, 01:48 PM
كنت متوقعه مارح تخيبوني الله يجزاكم كل خير
محمد1001
2014- 7- 4, 01:52 PM
هي تعتمد على النسبة الفائدة اللي يقدمها البنك كل سنه و الفائدة تتغيير من سنه لسنه .. للاقل
والله يعينك تشيكبن على نسب الفائد بكل البنوك .. وتاخذين الاقل

ونظام البنوك متشابه لكنها يختلفون بالعروض والدعاية واللعب ..
مثل / نعطيك مهلة سداد 6 اشهر - > والحقيقه انه ينقص من الحد الاعلى للقرض
والبنوك ما تعطي قرض الا بتحويل الراتب :wink:
Tornado
2014- 7- 4, 03:32 PM
السلام عليكم ورحمة الله وبركاته
أختي مافي شي اسمه افضل بنك كل شهر او سنه تتغير فوائد البنوك فبعضه تنزل لفترة محدودة وبعدها ترتفع مثل عورض المواد الغذائية مثل كارفور وبنده و لولو والدانوب ْو العثيم ........
لكن من خبرتي الان الأفضل الفرنسي ومن خدمته ممتازة ومسوي عرض حلو النسبة ١.٣٩٪ طبعاً تمويل إسلامي نظام تورق
وعندك سامبا والجزيرة وانماء الرياض والأهلي
بس أبعدي عن بنك الاستثمار والراجحي والهولندي والبلاد أساؤوا البنوك من ناحية التعامل وخصوصا الراجحي ٢٤ ساعه زحمه وتعامل زفت
Ensaan 3aadi
2014- 7- 4, 05:48 PM
البنك العربي الان النسبه 1.37 وتسددين اول قسط بعد 6 اششهر بس طبعا لازم تكون جهة عملك معتمده عندهم واذا راتبك على بنك ثاني يقولون لك حوليه على العربي او يستقطعون من راتبك تعملين الاستقطاع من راتبك من البنك اللي ينزل عليه راتبك بحيث ينزل راتبك بعد خصم القسط يعني مافي نظام تحولين لهم انتي ولاتتصلين على الارقام المجانيه لان الكلام الاكيد يكون من موظف الفرع انتي زوريهم واساليهم واخذي منهم المطلوب وبيسهلون امورك دامك تبين فلوس..
اتمنى لك التوفيق
" الـعـذب "
2014- 7- 4, 06:47 PM
::::::::

قبل رمضان مريت ع البنوك كلها.

وما وجدت افضل من بنك البلاد ..!
اخصائي اجتماعي1
2014- 7- 4, 07:25 PM
الهولندي نسبتهم قليله جدا اقل بنك
اخصائي اجتماعي1
2014- 7- 4, 07:35 PM
افضل بنك من ناحية التعامل والفوائد واحترام العميل البنك السعودي للاستثمار
صدقت الغالي السعودي للاستثمار تعاملهم جدا راقي ومحترم ودائما ماعندهم زحمه فعلا تحس انك عميل محترم
اما اللي يبي يحس انه مو آدمي يروح للبنك الاهلي لاتعامل ولااحترام واقل مشكله قالولك بنرسل للاداره لجده ولايقولون لك رح لجده راجع الاداره هناك هذي تجربتي معاهم اكثر من 15سنه الله لايوفقهم ايام ماكانت النسبه 7٪ وفوق اخذت منهم قروض بمئات الألوف الله لايعيدها كانت ايام سودا