تسجيل الدخول

مشاهدة النسخة كاملة : كلية العلوم الطبيه التطبيقية المقابله الشخصية !!

سوسنة
2014- 7- 14, 06:35 AM
السلام عليكم*

بدخل في الموضوع ع طول .. البنات الي انقبلوا في التخصصات الصحية*
وعملوا المقابله الشخصية شنو نوع الأسئلة الي أطرحوها..
ياليت تفيدوني بهذا الشي ..:rose:
Aishah Sa
2014- 7- 14, 07:54 AM
عليكم السلام ورحمة الله وبركاته
اول شيء انا طب بس من الدفعات القديمه ويمكن اللي اكتبه يفيدج...
المقابله ما تخوف وعادة المقابله ماتكون سبب للرفض بس عشان يتأكدون من سلامه السمع والبصر والكلام والاعاقات طبعا..
الأسئله تكون عرفي عن نفسج والنسب والدرجات مالتج وليش اخترتي هالتخصص تكلمي عن نفسج مثلا بالانجليزي او قولي جمله عن الطب او التخصص اللي انتي فيه بالإنجليزي ...اشراح تسوين لو ما قبلناج ...
اهم شي توضحين ثقتج بنفسج وانج تحبين هالتخصص وانه طموحج من كنتي صغيرة وانج ووضحي ان لو ما انقبلتي تتحطمين وعادي لو تقعدين سنه وتقدمين مرة ثانيه اهم شي هالتخصص .. وعلى فكرة ما قد سمعت ان احد ارفضوا بعد المقابلة...في شيء مهم حاولي انج تسلمين عليهم وما تحطين رجل ع رجل وبعد ماتخلصين صافحيها وقولي يعطيج العافيه بابتسامه
موفقه يا رب صلي لج ركعتين قبل ما تروحين وتوكلي ع الله وحاولي تدربين بالبيت اذا حبيتي وثقي‏‎ بالله ثم بنفسج اولا واخيرا...
سوسنة
2014- 7- 14, 12:29 PM
مشكورة ويعطيك العافية ..

جد استفدت ريحتيني

الله يريحك كنت احاتي الرفض بعد المقابله ،،،
لمسات الطفولة
2014- 7- 14, 10:38 PM
ليش هم كم وحده :mh12:
fatma_tth
2014- 7- 15, 12:25 AM
جزاك الله خير
Aishah Sa
2014- 7- 15, 02:05 AM
في اكثر من وحدة تسوي مقابله بس انتي تشوفين اسمج عند اي وحدة وتروحين لها بس انتي وياها بالمقابله...ريلاكس لا تحاتون موفقين واي سؤال انا حاضرة باللي اقدر عليه
حنان1
2014- 7- 15, 01:10 PM
اهم شيء الثقة بالنفس والتوكل على الله
fatma_tth
2014- 7- 16, 12:04 AM
السلام عليكم، مقابلتي بكرى ، هل الأسئلة بتكون بالعربي ولا الانجليزي ، لاني موكثير بالانجليزي وحفظت كم كلمه بالانجليزي يعني ليه اخترت التخصص و عن نفسي، فهل تأثر على قبولي او لا ، و جزاك الله خير
Aishah Sa
2014- 7- 16, 05:04 AM
كلنا بالبداية مو حيل بالانجليزي وهم عارفين هالشي وعشان جذي في سنه تحضيرية تقوي اللغه فلا تحاتين من هالنقطة وحلو انج حفظت جم كلمة حلو لان هم ما راح يطلبون اكثر من جملة او ثنتين....ربي يوفقج ولاتحاتين وانقلي للبنات تجربتج وخبريني شو راح يصير معاج...ثقي بنفسج وتوكلي ع الله
Aishah Sa
2014- 7- 16, 05:06 AM
المقابلة بالعربي وان شاء الله انها ما راح تاثر ع قبولج لا تحاتين
fatma_tth
2014- 7- 17, 01:05 AM
مشكوورة، الله يجزاك خير
اليوم كانت مقابلتي وبالعربي والي يسون المقابلة جدًا بشوشين وطيبين
اسئلوني كم نسبتي، شنو القسم الي انقبلت فيه وهل هي رغبتي الأولى أو لا، وهل فيه أمراض بالعايلة، شنو تعرفين عن القسم الي انقبلتي فيه وبس ،
أهم شيء تكونين واثقة من نفسك وماتتوترين أو ترتبكين .
وبالتوفيق للجميع