تسجيل الدخول

مشاهدة النسخة كاملة : شعر يا بندر بن سرور وين انت هاللحين ؟؟؟

Sul6an Suba3ei
2014- 7- 15, 05:10 AM
تدري وش أكبر ذنب في الشرع و الدين؟
إنـك تسـب الـلـي خلـقـك و تـذمـه
و تدري وش أكبر عيب عند المياميـن؟!..
انـك تخـاوي لـك مـن النـاس رمـه
و تدري وش أخطار التجاوز من يمين؟
إنـه يكـون اللـي علـى البـاب عمـه
والمشكلـه لا سلهمـت فيـك بالعـيـن
والريـح تنثـر فـي شعـرهـا وتلـمـه
يضيـع فكـرك بيـن حـد الحجاجـيـن
و يمكـن تجيـب الكارثـه و المطـمـه
و تدري وش اللي يدبل الكبـد ويشيـن؟
بعض القصيـد اللـي علـى غيـر يمـه
يا بندر ابن سرور ويـن أنـت هالحيـن ؟
ويـن أنـت يـا زبـن الأمـور المهمـه
وين القصيـد اللـي يـدك المياديـن ؟!.
و يهـز شيـخ فـوق رأســه معـمـه
الشعـر والشعـار صــاروا عنـاويـن
و مهبـل تشـري القصـيـد وتصـمـه
صاروا مثـل مـا قـال لعبـة وراعيـن
وكل ن تربـع لـه عـلـى رأس قـمـه
يقـول أنـا الشاعـر و غيـري مجانيـن
ودك علـى مجـمـع حنـوكـه تخـمـه
النـاس تذبـح فـي العـراق و فلسطيـن
و قصايـده يـا حلـو عيـنـه وفـمـه
عساه يؤخذ في الضحـى قولـوا آميـن
اللـي بنـات النـاس شغلـه و هـمـه
أحـد يحـاول ستـر عـذراء البعيـديـن
و أحـد يـدور بالـردىء بنـت عـمـه
قـد قالهـا بنـدر قبـل عــدة سنـيـن
يثـور معهـا الـحـر و يـثـور دمــه
ولا الـردي لـو مرتـه بيـن قوسـيـن
تـزول عـن عينـه مــزول المغـمـه
يا بنت شومي عن أهـل الضعـف تكفيـن
مالـك ومـال اللـي قـريـب مجـمـه
والشاعـر اللـي مـن رجـالٍ مسميـن
علـيـك فــرض لازم إنــك تتـمـه
الـدار .. والعـادات .. والسلم..والـديـن
ثـم عقبهـا وجـه علـى أيـاة يـمـه
ذكرياتي تحتويني
2014- 7- 15, 05:13 AM
صح لسانك
يعطيك العافيه سلطان
Sul6an Suba3ei
2014- 7- 15, 05:21 AM
صح بدنك

الله يعافيكـ ويسلمكـ
الــغـــدراء
2014- 7- 15, 11:12 PM
،،،

أحـد يحـاول ستـر عـذراء البعيـديـن ... و أحـد يـدور بالـردىء بنـت عـمـه
قـد قالهـا بنـدر قبـل عــدة سنـيـن ... يثـور معهـا الـحـر و يـثـور دمــه

صح لسان الشاعر / نايف بن عرويل
و سلمت يمينكـ ع الطرح

لآهنت ،،


.
نادر511
2014- 7- 15, 11:15 PM
صح لسان الشاعر / نايف بن عرويل
و سلمت يمينكـ ع الطرح

لآهنت ،،
يامال الجنه يابندر
Sul6an Suba3ei
2014- 7- 15, 11:28 PM
اشكركم على مروركم

لكم مني ارق التحايا
Dr ʀeнαв
2014- 7- 16, 01:59 AM
_

بوح طيب من شاعرها ..
انتققــــآء مبدعين سلطان
ذائقه تستحق الاشاده بها
يعطيك ربي الف عافيه .
وماقصرت ع المجهوَد الرائع
كل الشكر لك ~
king of silence
2014- 7- 16, 02:13 AM
والشاعـر اللـي مـن رجـالٍ مسميـن .. علـيـك فــرض لازم إنــك تتـمـه
الـدار والعـادات والسلم والـديــــــن .. ثـم عقبهـا وجـه علـى أيـاة يـمـه


صح لسان شاعرها .. وتسلم يمين ناقلها
بمثل هذه القصائد يرتقي الشعر الى مستواه المأمول .

شكراً لك على هذا النقل الجميل .
Sul6an Suba3ei
2014- 7- 16, 05:19 AM
اشكركم جميعا

انتم أهل للذوق واهل للانتقاء

الله لا يهينكم