المساعد الشخصي الرقمي

مشاهدة النسخة كاملة : الدراسات الاسلامية استفسار بسيط تعالو :$

shougi
2014- 7- 24, 04:29 AM
السلام عليكم ورحمه الله وبركاته

بنات حبايبي بغيت اسالكم عن المواد هذي
وتعلموني ايش الصعب فيهاا
وتمدحون لي دكاترتهم وتحذروني من مين :verycute:

وجزاكم الف خير

وعندي شغله بسيطه الحين انا حملت مناهج مفسرين 1
ما اقدر اخذه الترم الاول ؟ لازم الترم الثانيي ؟؟


هذي المواد

العقيدة والاخلاق
علوم قران 1
علوم الحديث 1
تاريخ التشريع
اصول فقه 1
فقه العبادات 1 :064:

انتظركم
Bsh~
2014- 7- 24, 07:26 AM
ي قلبي

انا دايماً اقول و اعيد و أزيد ( الماده تعتمد على دكتورتها )
درست ماده اصول فقه مره عند هيفاء باخشوين و يالله فهمت و نجحت ، ومره عند فاطمه الكلثم و حمدلله نجحت بالراحه
الدكتوره اما تسهل و تيسر و تحببك بالماده او تكرهك بالماده

اما اذا شفت اسماء هالدكاتره السنه الجايه بسجل عندهم

فاطمه الكلثم
صالحه الوادعي
بدريه حسين ( تفهم بس جدددا دقيقه )
ليلى شكري ( الاغلب يسبونها لكن بالصراحه حيل تفهم و درست عندها ٣ مرات ولو ان اسئلتها صعبه شوي )
سميه ابراهيم
منيره الدوسري
المبروك الشيباني
محمود مبارك
انتصار العمر

هذولا الي اتذكرهم

...
بخصوص مناهج مفسرين مادري والله لكن لها متطلبات مثل تفسير ١ و ٢ و ٣
عباة على الراس
2014- 7- 24, 03:52 PM
الدكتورات والدكاتره الزينين
مصلح النجار = تخصص فقه وأصوله < مايحتاج - ماشاء الله تبارك الله -
انتصار العمر = الحديث وعلومه < جربتها ف دراسة الأسانيد الترم الي راح :19:مره بطله وطيبه
منيرة الدوسري = التفسير وعلوم القران < عاد هذي خبره درست عندها سنتين متتاليه - الله يحفظها -
مريم التميمي = مواريث < تفهم وأسلوبها حلو
فاطمه الكلثم = أصول فقه < الله يحفظها
صالحه الوادعي = الحديث وعلومه < درست عندها مناهج محدثين
أحمد دسوقي = التفسير < درسني مناهج مفسرين + تاريخ التشريع
بدرية الحسين = الفقه وأصوله < درستني أصول 2 + فقه أسره :21: بس ترى أسئلتها دقيقه شوي ويبيلك تكتبين معها
أروى المرداس درستني تجويد 2
ليلى شكري = الحديث وعلومه < درستني علوم حديث 2 + حديث 1 شرحها :19: بس أسئلتها يبيلها تركيز وخلك معاها ع الخط وترى تقدر البنت المحترمه والي ما ترادد ( يعني إذا قالت اسكتي : خلاص سمي ابشري ) بكذا تحطك ع راسها وتراهي طييبه بس تعالوا باسلوب وتفاهم < لو حبيتي تناقشينها
رقية عبد المقصود = فقه أممم تقرا وتشرح بعض النقاط تفهم نوعا ما واذا ما فهمتي تستانس اذا قلتي عيدي ما فهمت و أسئلتها السنه هذي كانت زينه بس المره الي قبلها كانت مائله للصعوبه
المبروك الشيباني = تخصص عقيده < درسني عقيده وأخلاق + نظريه = لا تعليق - ما شاء الله -
هذا الي ع بالي الحين
بس يشكل عام إذا كنتي معاهم ع الخط وتعاملتي بذوق وأدب بيحترمونك سواء تخصص دراسات أو غيره
وإن شاء الله كلنا ذوق وأدب لأن الإسلام أدبنا الحمد لله
عباة على الراس
2014- 7- 24, 03:57 PM
بعد رجاء البحر : تفسير وميداني :21:
ياسر ابراهيم : سياسي :19:
قماشه العتيبي : مشروع تخرج :43:
أحمد الطيار : اصول بحث ومناهج فكر واديان :21:
R.R
2014- 7- 24, 07:22 PM
عند مين تنصحوني اخذ علوم حديث 1
عباة على الراس
2014- 7- 27, 08:58 AM
اذا خيروك بين ليلى وعادل اختاري ليلى / رايي الشخصي واستخيري وشاوري نفستس
R.R
2014- 7- 27, 11:10 PM
اذا خيروك بين ليلى وعادل اختاري ليلى / رايي الشخصي واستخيري وشاوري نفستس
اما ليلى الشكري احسن من عادل
يعني عادل مو زين
طيب ايش احسن صالحه الوادعي او ليلى ؟
Maaha
2014- 7- 28, 02:51 AM
اما ليلى الشكري احسن من عادل
يعني عادل مو زين
طيب ايش احسن صالحه الوادعي او ليلى ؟

انا اخذت السمستر اللي فات مناهج محدثين عند ليلى شكري ونجحت الحمدلله, وباخذ عندها علوم حديث1 كمان السمستر الجاي ..هي حازمه شوي ودقيقة وتبي اللي يكون معها م ح ت ر م وشرحها جدا وافي وتفهمين معها
اسئلتها الميد تجيبلك بين السطور مثلا تجيب سؤال جوابه العنوان الرئيسي في الكتاب واحنا نكون مذاكرين اللي تحت العنوان, اما الفاينل بالحق اسئلتها سهله وجابت لنا سؤال خارجي عليه تقريبا 3 درجات/ماذا استفدتي من دراسة المادة.. وكمان حذفت لنا اخر إمامين بالمنهج انو ماتبي تضغط علينا مع إن باقي الشعب ختموا المنهج .وعندها واجبين في السمستر كامل كل واجب من5 الاول تعطيك ال5 كاملة الثانية تقول على اجتهادكم. انا اشوفها جدا وافية بالشرح ومو مهم نخلص الكتاب كامل على حساب تتراكم علينا محاضرتين بمحاضرة وحدة.
وطبعا معروف عنها مستحيل احد يدخل بعدها الكلاس إلا بعذر ويكون قوي. ولازم جوالك سايلنت لأنه إذا رن برضو برى الكلاس
عباة على الراس
2014- 8- 19, 04:21 PM
طبعا صالحه
عباة على الراس
2014- 8- 19, 04:23 PM
عادل طيب بس ما يفهم
ليلى تفهم كويس بس مشكلتها شدييييده تبغاك على الصراط المستقيم
R.R
2014- 8- 19, 04:24 PM
طبعا صالحه

صالحة الوادعي تجنن تجنن الله يسعدها :love080:
فوفو وبس
2014- 8- 19, 04:48 PM
عذراً ع المقاطعة ابي اعرف لو أخذت تفسير 1وفقة عبادات1 وحديث 3 تنصحوني أخذهم عند مين لاني محوله السنه هذي لدمام ودرست زائر الترم الي راح ماشاء الله على دكتورة وداد خان فقة مواريث وبدريه حسين فقة الاسرة وساره الشهري ماقصروا ساره الشهري حليوه بس كرف بالتطبيق أخذت عندها أسانيد الماده حلوة ودكتورة حنان المنيدي أخذت عندها عقيدة 3 البنات خوفوني منها بس الحمدلله كانت معاها الدكتوره سمية إبراهيم وسمية عسل و رقية عبد المقصود نفس مثل ماقالت الأخت ما أنصحك عمر مكحل لآ تاخذين من عنده انا درست عنده حديث 2 كان شديد معانا يعني تحلين بالاختبار حديث فرعي من نفس الملزمة مايبي يبي الرئيسي و احفظي من أخرج الحديث يعني لخبطة وحوسه ومايعطي الدرجه المستحقة اما سمية إبراهيم أخذت من عندها النظريه وكانت طيبة معانا وتاريخ الخليج أخذته عند الدكتور الفاتح الزين أنصحك فيه حليو ويعطي درجات ويساعد وبس أتمنى اني افدتك
هيوووونه
2014- 8- 19, 04:55 PM
بنات انا حملت أصول فقه2 وباقي لي أصول 3 اقدر اخذهم ذا الترم
Nicem
2014- 8- 19, 07:36 PM
وين الاقي جدول مواد السمستر الاول !!!
هيوووونه
2014- 8- 19, 09:38 PM
بناااات ردو تكفون ابي اتخرج:sm1:
فوفو وبس
2014- 8- 20, 12:03 AM
بنات انا حملت أصول فقه2 وباقي لي أصول 3 اقدر اخذهم ذا الترم

أصول فقة 2 ع الترم الثاني اما اذا آخر مادتين وتتخرجين استفسري من الجامعه اتوقع بيقولون تعالي ع الترم الثاني وادرسيهم بس إن شاء الله لا استفسرتي يوافقون عليك وتدرسينهم الترم هذا
فوفو وبس
2014- 8- 20, 04:20 PM
محد يعرف الدكاترة الزينين في التفسير و الأصول وفقة عبادات؟ !!
R.R
2014- 8- 20, 04:24 PM
فقه عبادات يمدحون وداد الخان ، مصلح النجار
الطالبة الطموحة
2014- 8- 20, 05:43 PM
سلام عليكم

بنات طيب هذي المواد وش تنصحوني آخذ عند أي دكتوره أو دكتور ؟؟

تفسير "1"

حديث "1"

تخريج أحاديث

عقيده "2"

أصول فقه "1"

مدخل الى الإعلام

فقه معاملات

فقه مواريث

نظام اقتصادي

هنا ايش آخذ حضاره اسلاميه ولا اسلام وقضايا العلم وعند أي دكتوره او دكتور
هيوووونه
2014- 8- 20, 06:40 PM
محد يعرف الدكاترة الزينين في التفسير و الأصول وفقة عبادات؟ !!

التفسير امل العرفج ورجاء البحر

فقه عبادات وداد

اصول جمال
فوفو وبس
2014- 8- 20, 06:59 PM
يعطيكم العافية ماقصرتو موفقات