قصيدة الفقر

[Sul6an Suba3ei]

ماجيت ادور مال ولا مكاسيب .
ولا مهونة نفس ولا مذله

إما نسندها على جمة الطيب .
ولا نحدرها على خير مله

النفس عدت في طوال المراقيب .
بالعز كنها دولتن مستقله

اسوارها كل الضلوع المحاديب .
وابوابها مثل النجوم المطله

والحظ طيب والليالي مشاهيب..
والوقت لغزن يتعب الناس حله

وحنا تحت رحمتك ياعالم الغيب .
تغفر لنا من كل هفوه وزله

لو الفقر ظيف ن وحنا معازيب .
يا مرحبا بالفقر دقه وجله

كرمان لو دارت علينا الدواليب .
وظفران لو إن المزاهب مقله

الفقر ماهو عيب تدري وش العيب .
إنك غني والبيت ماحدن يدله

والي يصر القرش في داخل الجيب .
والضيف ما ينصاه ولا اللمقله

حفاوة الطيب كثير التراحيب .
مطلق عمس ظيفه حجاجه يفله .

واللاش ماسر الخوي واللاصاحيب
من طاوله مله ومن جاه مله

الشاعر رجا ابن فهيد الهاجري
http://www.youtube.com/watch?v=vXOz2NkRF3Y

[Dr ʀeнαв]

_



الفقر ماهو عيب تدري وش العيب .
إنك غني والبيت ماحدن يدله

بيت عباره عن قصيده ~
كلمات جميله واختيار رائع
صح لسان الشاعر رجا الهاجري
وسلمت اناملك ع النقل الطيب
كل الشكر لك ,
لاعدمناك

[أخوو نورة]

مششكور
قصيدة جزله

[ابو نآآآآيف]

بيض الله وجهك على النقل اخوي سلطان
قصيدة في قمة الجزالة
.................

[Sul6an Suba3ei]

وجهك ابيض يبو نايف اسعدني جدا جدا مرورك

لا خلا ولا عدم

[أغتراب]

ماجيت ادور مال ولا مكاسيب .
ولا مهونة نفس ولا مذله

إما نسندها على جمة الطيب .
ولا نحدرها على خير مله

[أغتراب]

ماجيت ادور مال ولا مكاسيب .
ولا مهونة نفس ولا مذله

إما نسندها على جمة الطيب .
ولا نحدرها على خير مله