المساعد الشخصي الرقمي

مشاهدة النسخة كاملة : شعر ضمني يا نور عيني في حشاك شوية

Sul6an Suba3ei
2014- 8- 6, 12:28 AM
ياعذابي منك ياموتي ويا حرماني
زابنك بالله تخفف عني اللي فيه

من عذابك وشهو اللي باقيَ ماجاني
في عيوني من عذآبك صايرً ماريه

وانت تدري كل ماتحتاجني تلقاني
يشهد الله عنك ماتقدر تشح يديه

بس تكفي لاتعذبني ولا تنساني
ضمني يانور عيني في حشاك شويه

كل ماشفتك تدخلني بعالم ثاني
عين تنظر لك بشر و الثانيه حوريه

فيك شيطان الهوى يامنيتي وصاني
بالغلا و الولف والتقدير و الحنيه

والقصيد اليا بغيته فيك مايعصاني
يتباشر في وصوف عيونك السحريه

و وجودي لو اشوفك يابعد خلاني
و الله لحذف الغتره مع الطاقيه

كيف انا المجني عليه وكيف صرت الجاني
لعنبو حظك ضبطت الخلطه السريه

لين من طيشك ومن حبك نسيت اخواني
صرت اجي و اروح لاهاذي ولا هذيه

والهوى هو حاكم شعوري وهو سلطاني
لاحصل لي منه لارحمه و لا ماويه

اشهد انه راح فيها تركي الميزاني
والله اعلم وش تكون الخلطه السريه
ناصـّر
2014- 8- 6, 01:50 AM
من أجمل قصائد وشيلات تركي ألفين ..

لاهنت ع الإختيار ،
Dr ʀeнαв
2014- 8- 6, 04:35 PM
_



من روائع قصايد الشاعر تركي الميزاني ..
أبيات جميلَه واختيار موفق ..
صح لسان الشاعر وسلمت ع النقل الطيب
كل الشكر لك أخوي ~
Sul6an Suba3ei
2014- 8- 7, 01:11 AM
اشكركم على مروركم وكل عام وانتم بخير بعد الزحمة
أغتراب
2014- 8- 16, 07:55 AM
من عذابك وشهو اللي باقيَ ماجاني
في عيوني من عذآبك صايرً ماريه
أغتراب
2014- 8- 16, 07:56 AM
من عذابك وشهو اللي باقيَ ماجاني
في عيوني من عذآبك صايرً ماريه