رحت استلم وثيقتي شوفو وش صار ؟؟؟ .. [الأرشيف] - ملتقى طلاب وطالبات جامعة الملك فيصل,جامعة الدمام

( آلجوهره )

2014- 8- 7, 12:33 AM

السلام عليكم ورحمه الله وبركآته

طبعآ رحت اليوم الاحساء وضربت مشوار واول ما دخلت الساعه 8 ونص تفأجئت بأسمي ناقص بالوثيقه وبكل برود طلبو مني اوديهآ لعمادة التسجيل والقبول اعدلها ؟؟ مافي آي تدقيق على الوثآثق والاسماء

وقالو لي ماراح تطلع الا 1 ونص الظهر وخذيهآ دوري اي مكتبه يصورهآ ,, لك مكتبه الظهر ؟؟

طبعآ الكل مقفل وقرب ينتهي دوامهم وانا وابوي من الصبآح كر وفر ورا هالجآمعه بسبب غلطتهم

فالاخير تيسرت الحمد لله ولقينآ بنقآلي يصورهآ لنا بالدس طبعآ

ابي افهم جامعه تدخل ملاين ماعندهم طآبعه تطبع لو بفلوس يا ناس وش هالمهزله
لا تقولون لي عدد الطلاب كثير مو اكثر من الفلوس الي ياخذونها منا

تمنيت ختامها مسك لكن للاسف خيبو ظني وما انسى تعب ابوي الظهر لو غيري ماعندهآ احد يراجع قسم الرجال او ابوهآ شايب او جايين من مدينه بعيده يلطعون يوم ثآني على حساب اهمالهم وتقصيرهم

بس حسبي الله عليهم والله يعوض تعبنا و وقتنا

نصيحة اللي بيروح يحط في بآله مسأله التصوير عشان يتدارك الوقت

آتمنى النظر في هالموضوع وايجآد حل لباقي الدفعآت

:love080::rose:لكم مني آطيب تحيه واستبيحوني عذرآ صراحه طقت تسبدي اليوم :love080::rose:

دحوم الدرعية

2014- 8- 7, 12:35 AM

مبروك التخرج عقبالي

وحسبنا الله علي اهمالهم

بلوتاريا

2014- 8- 7, 12:41 AM

مبروك التخرج اختي
سؤال لو سمحتي ليه التصوير للوثيقة او اوراق ثانيه؟
مو يعطونك الاصل وخلاص؟

دمع الغمآم ..

2014- 8- 7, 01:33 AM

ماشاءالله الف الف مبرووووووووووك
وعقبالنا يارب ....

الله يسعدك على تنبيهنا ..

بنت الليث

2014- 8- 7, 01:36 AM

الله يكون في عوينك ويوفقك يارب

خليني بس اتخرج بعلق طابعتي بجنبي واقرب مسجد اشبك الكهرب وصور ههههههههه

Eman89

2014- 8- 7, 01:46 AM

انا مةلك طلع عندي غلط بالاسم وعدلته ومارضوا يصورونها لي الا بالخش والدس
وبعد مارجعت للرياض الحين اكتشفت ان خانة ااجنسيه والسجل المدني تركوها فارغه
حسبي الله ونعم الوكيل
لااازم تتاكدون من كل شي قبل ماترجعون حتى السجل الاكاديمي الانقلش عاكسين لي مادتين مكان بعض انا قسم ادارة اعمال

فرجاء تاكدوا من كل شي

( آلجوهره )

2014- 8- 7, 02:00 AM

مبروك التخرج اختي
سؤال لو سمحتي ليه التصوير للوثيقة او اوراق ثانيه؟
مو يعطونك الاصل وخلاص؟

الله يبآرك فيك وعقبآلك :love080:

هم يعطونك الوثيقه والسجل الاكآديمي لازم تصورينها خمس صور ولازم ابيض واسود مو ملون وترجعين يختمونها لك

تكون معك الاصل والنسخ المصوره

( آلجوهره )

2014- 8- 7, 02:02 AM

( آلجوهره )

2014- 8- 7, 02:03 AM

الله يكون في عوينك ويوفقك يارب

خليني بس اتخرج بعلق طابعتي بجنبي واقرب مسجد اشبك الكهرب وصور ههههههههه

ههههههههههههه تصدقين فكره :cool::(269):

والله شكل مالها الا كذا :cheese:

شمس الحقيقه1

2014- 8- 7, 03:13 AM

الله يعين وما جوره ان شاء الله
ولكن ماقلتي لنا عن التوصيات ودوام الدكاتره
هل الدكاتره موجودين وفيه توصيات
ام لا .

مــجــازفــــ

2014- 8- 7, 03:19 AM

بصراحة كلامك يقهر يعني دخل الجامعة في كل ترم يقدر بالملايين وعاجزين ان يضعوا غرفة خدمات طالب وما راح تكلفهم الا شيء لا يذكر وتغني الطالب او الطالبة من المشاوير والمرمطة خاصة ان اغلب الطلاب هم من خارج المنطقة

s3dia90

2014- 8- 7, 03:19 AM

مبروك التخرج

حياتي امواج

2014- 8- 7, 03:20 AM

مبروك التخرج.،والله يعوضك خير

اخصائي اجتماعي1

2014- 8- 7, 03:32 AM

الف مبروك

ثلج حار

2014- 8- 7, 08:10 AM

لو يعتبرون تامين الة تصوير لهاالحالات مشروع تجاري يتكسبون من وراه كان استفادو ماديا وريحو الخريجين .
لكن شكلهم ما نتبهو لها لنقطة والا تراهم يقدرون المكاسب المادية

ابوفيصل 2012

2014- 8- 7, 08:30 AM

صراحه غريبه فاتتهم امر التصوير ولا البنقالي اللي عندهم على كلام الطلاب ياخذ عشره ريال على التصوير من كل طالب والله يرجع البنقالي لبلده ويطلع حق اللي ما يطلعه في عشر سنوات بس غريبه فاتت الجامعه ولا هي ميزانيه بحالها

مسفر اليامي

2014- 8- 7, 09:37 AM

كل ماذكرتيه اقسم انه حدث مع زميل لي ليس من سكان المنطقة الشرقية
لدرجة انه من المتخرجين مع مرتبة الشرف الا انه اخذ وثيقته بدل الفرحة بغضب عارم..
لاتصوير ولا تقدير لمن هم من خارج المنطقة وفوق هذا لطعة لليوم الثاني عشان وثيقة اخته غلطانين باسمها , وطبعا بعز الشمس من مبنى لمبنى واخرتها موظف مو موجود وياليت فيه احد ينوب عنه وبكل بساطة يقولون يمكن يرجع ويمكن لا .. واضطر يقعد ليوم اخر وماخلص الا عقب الظهر الساعة 1

نامل تدارك الوضع واصلاح مايمكن اصلاحة تقديرا لظروف الناس .

Hotspot

2014- 8- 7, 11:34 AM

أول شيء مبروك التخرج والله يوفقك بحياتك العلمية والعملية والعقبى لنا إن شاء الله

وسعي صدرك إن كان إنتظرتي للساعة 1.5 عشان الوثيقة

غيرك باقي له سنين عشان ياخذها ... والله ييسر الأمور

العـازم

2014- 8- 7, 01:02 PM

مبرووووك التخرج

ونسال الله لك التوفيق وعقبال الوظيفه

الله يعوضك التعب ويحفظ لك والدك

ابو افنان

2014- 8- 7, 01:22 PM

نفس المشكلة حصلت لي رقم السجل المدني وكذلك تاريخ الميلاد ويقول الوظف لا عادي اهم شيء الاسم صحيح ومن الصباح إلى بعد الظهر في نهاية الدوام خلصت اموري وقبلها يقول الموظف الله يعيينك تنتظر لمدة اسبوعين او اكثر لين نرسلها مع المراسل وبعد ما اصريت عليه ارسلها مع المراسل في نفس اليوم

aldoobh

2014- 8- 7, 01:32 PM

طيب ياشباب مافيه احد بيته قريب ممكن نحط الطابعه عنده او فيه محل قريب مطعم بقاله شي نحط الطابعه هناك على طول ومايقفل حتى بحزه القايله ومنها بعد يمدي الواحد يدقق بهدوء في الوثيقة ماينربك من جد انا وحده من الناس ادور الاجر ومستعده اتبرع بطابعه :bawling: بصراحة تخيلت الموقف لو كانوا كبار بالسن اهلنا حرام المرمطة هذي تخيلوا بعز الحر اشوف ابوي رايح جاي على تصوير الله يرحمه ويسكنه الجنه واموات المسلمين اجمعين

او حتى بساحة الكلية بالطقاق خل يشوفون الفشل حقهم او اذا فيه غرفة مستخدم ونعلن عن مكانها هنا بالمنتدى :017:
حسبي الله ونعم الوكيل

احس اني مو بروح استلم وثيقة تخرج الا ورقة حكم سجن مؤبد

اللهم لك الحمد على كل شي

الفجر المنسي

2014- 8- 7, 02:08 PM

وردة الحجاز

2014- 8- 7, 04:51 PM

الله يعين ،،
عاد انا بجده ،، ودائم يغلطون في اسمي
باي مكان ادرس فيه :bawling:

يبغالي أخذ 3 ايام احتياط ،
ومحرمي يكون طويل باااال

الله يسيرها ،،الف مبروك وعقبالنا :106:

فتاة الغد

2014- 8- 7, 05:48 PM

تتسهل يا جماعه ودي لو يكون فيه نظام يرسلون لنا وثايقنا عن طريق البريد الممتاز وتنتهي الحكايه ليش التعقيد طيب ياجامعه اكسفورد��

( آلجوهره )

2014- 8- 7, 07:00 PM

الله يعين وما جوره ان شاء الله
ولكن ماقلتي لنا عن التوصيات ودوام الدكاتره
هل الدكاتره موجودين وفيه توصيات
ام لا .

هلابك شمس

بالنسبه لتوصيآت انا تابعه كليه التربيه على طول رحت كليه التربيه لقيت الدكاتره موجودين انا خذيت وصيتين الان ماكان فيه الا هم وقالو تكفيك

يعني اول مايعطونك الوثيقه والسجل الاكاديمي تروحين الكليه الي انتي تبعها موجودين الدكآتره

وبس :love080: بالتوفيق

( آلجوهره )

2014- 8- 7, 07:11 PM

السلام عليكم

اختي الكريمه مبروك التخرج وعقبال مانشوفك باحسن وظيفه

سؤال حيرني لما شفت ردودكم بخصوص استلام الوثيقه ماظنيت ان استلام الوثيقه يكون يدوي وانك لازم تروحي الجامعه

فكرت انهم بيرسلون لنا الوثيقه بالبريد

وطيب وانا ماعندي احد الا سواق بيتنا شلون بيقوم ويساعدني وخصوصا قسم الرجال

ياليت توضحي لي وش التوصيات وهل لازم ناخد وثيقه وش البيانات اللي لازم نتاكد منها

اخد فكره واحسب حسابي لا اتوهق بعدين

وشكرا

وعليكم السلام

الله يبآرك فيك حبيبتي

بالنسبة لسؤالك لا للاسف مايرسلونهآ عن طريق البريد لازم تجين بنفسك

راح اشرح لك الخطوات

اول ما تدخلين بوابه 4 تروحين اول مبنى على اليسار بتشوفين بنات

تعبين ورقة اخلاء طرف بعدين يعطونك وثيقتك يقولون لك روحي صوريهآ ابيض واسود كم نسخه بعدين ترجعين يختمونهآ لك ويعطونك شهادة الثنويه وبكذآ ماتكونين تحتاجين محرم لكن في حال اسمك كان غلط او ناقص لازم تروحين لقسم الرجال ( مبنى القبول والتسجيل ) ايضا التوصيات لازم رجال يدخل
في سووايق يدخلون معهم السجل الاكاديمي وياخذون توصيآت من الدكاتره

ربك بيسهلها ان شاء الله لا تشيلين هم بتاخذين وثيقتك :106::love080:

( آلجوهره )

2014- 8- 7, 07:14 PM

آشكر الجميع والله يبارك في حياتكم وعقبال البقيه

أسال الله التوفيق لي ولكم والسداد والزيادة في بذل الخير للمجتمع والمسلمين:rose::rose:

" الـعـذب "

2014- 8- 7, 08:28 PM

::::::::::

انا اليوم. ببخشيش. صورلي الهندي.

موظفين. زي الزفت. وتوصيات مالقينا احد.

وشهادة الثانويه. زين طلعوها. بعد مطالبه. وكلام.

قمة المهزله. وقمه. في التعامل. الزفت. وقمه. بالمرمطه.

اليوم. عرفت. ان فلوسنا. ذهبت هباء منثوااا.

حظ الانتظام. بنينا لهم. مباني وضبطنا مناظر وطرقات الجامعه.ورواتب.

بفلوسنااا. يالانتساب.

لابو نظامهم. التبن.

ولابو كل ..........!

gєℓηαя

2014- 8- 7, 08:49 PM

بيتنا فيه طابعات هههههه

وقريب من الجامعه اطبعها وارجع لهم

الف مبروووووووووووووووووووووووووووك

نسمات الخيرات

2014- 8- 8, 01:59 AM

لو سمحتي من الدكاترة اللي عطوك توصيات الاثنين بروح للجامعه وابي الاسماء جزاك الله خير

اكليل الورد22

2014- 8- 8, 03:00 AM

مبروك التخرج \
وعقبال الماستر يارب

( آلجوهره )

2014- 8- 8, 05:01 PM

لو سمحتي من الدكاترة اللي عطوك توصيات الاثنين بروح للجامعه وابي الاسماء جزاك الله خير

دكتور عاطف البحراوي الله يجزاه خير ماقصر وفي دكتور ثاني ناسيه اسمه حسن اتوقع

انتي لرحتي بتلقين دكاتره تخصصك وراح يعطونك :106:

( آلجوهره )

2014- 8- 8, 05:04 PM

مبروك التخرج \
وعقبال الماستر يارب

امين يارب ... وربي يبارك فيك :love080:

حليمه الحلوه

2014- 8- 8, 05:42 PM

الصراحه قمة الاستهتار بس مأجورين ان شاء الله
والف الف مبروووك على التخرج وعقبالنا يارب

kız

2014- 8- 8, 05:58 PM

الف مبروك التخرج

وحسبي الله عليهم من جامعة

ابواحمدa

2014- 8- 8, 06:15 PM

الف مبروك وعقبال الوظيفه ان شاءالله

Evelyn

2017- 1- 23, 01:34 PM

راح اشرح لك الخطوات

اول ما تدخلين بوابه 4 تروحين اول مبنى على اليسار بتشوفين بنات

تعبين ورقة اخلاء طرف بعدين يعطونك وثيقتك يقولون لك روحي صوريهآ ابيض واسود كم نسخه بعدين ترجعين يختمونهآ لك ويعطونك شهادة الثنويه وبكذآ ماتكونين تحتاجين محرم لكن في حال اسمك كان غلط او ناقص لازم تروحين لقسم الرجال ( مبنى القبول والتسجيل ) ايضا التوصيات لازم رجال يدخل
في سووايق يدخلون معهم السجل الاكاديمي وياخذون توصيآت من الدكاتره

ربك بيسهلها ان شاء الله لا تشيلين هم بتاخذين وثيقتك

..

حصلت لك هذي المشاركه وكثير فهمت عليها
يعني استلام الوثيقه فقط في هذي الخطوات
والتوصيات عادي اجد من اقربائي يدخل ياخذها بدون لايكون عنده جواز سفر ...؟
سؤالي الثاني
هل في قسم طالبات مفتوح لنا عشان نستلم وثيقتنا ؟؟

وهل مطلوب ضروري عند استلام وثيقتي يكون معاي جواز سفر

وسؤالي الاهم ياقلبي انا اخر سمستر متى اعبي استماره التخرج..؟

فهد سعد البريك

2017- 1- 23, 02:09 PM

مبروك التخرج ..
مع الاسف هذا الي حاصل في اغلب الدوائر الحكومية عندنا تعرف احد يصور لك ما تعرف لا يهينك شوف لك مكتبة ولا محل يصور لك ... ومثل ماقالت الجوهره ياخذون في هل الملايين ويبخلون يصورون ورقة

شهـد سليمـان

2017- 1- 23, 03:52 PM

الموضوع من ٢٠١٤ :24_asmilies-com:

nawaf6455

2017- 1- 23, 08:27 PM

ماشاء الف الف مبروك التخرج ودعواتكم لنا اخر ترم

ايفون8

2017- 1- 23, 11:20 PM

طيب عطوك توصيات

أسطوره

2017- 1- 23, 11:39 PM

الف مبرووووك وعقبالنا كلنا والله فكرة الطابعه ناخذها معانا عجبتني [emoji28] بس ليش ما يرسلوا الوثائق بالبريد السريع[emoji849] ليش نتعنى ونروح واغلبنا ساكنين بعيد

Sent from my iPhone using ملتقى فيصل (http://r.tapatalk.com/byo?rid=92985)