تسجيل الدخول

مشاهدة النسخة كاملة : اللغة الانجليزية تجمع طالبات مستوى سابع

Anoud.
2014- 8- 9, 06:11 AM
السلام عليكم و رحمة الله ...

حبيت افتح هالموضوع عشان حنا بمرحلة مهمة و مستوى مهم و بما ان تسجيل المواد قرب وا اتمنى من كل اللي عنده خبرة و تبغى تفيد البنات اللي بهالمستوى تطرح لنا رأيها فيه و بعد نساعد بعض وقت التسجيل بالنسبة للدكاترة و المواد


شكرا:icon19:
top-soso
2014- 8- 10, 02:02 AM
انا درست علم اللغة الاجتماعي عند الدكتورة منيرة الازرقي
ماعجبني الكورس ابد كانت تشرح شوي في المحاضرة والباقي انتي تطلعينة بنفسك وتذاكرينة وتوزيع الدرجات موحلو
مدام سوسو
2014- 8- 12, 01:16 AM
اهلين بنات

كل عام وانتم بخير
انا معكم ان شاءالله ,,,,وبداية خير يارب
سحااآآااب ~
2014- 8- 12, 03:29 AM
انا درست
ترجمة ابداعية
مع سلوى الوفائي الكورس كان جداً صعب لانك راح تترجمين ابيات شعريه وقصص وحِكم وامثال ترجمه ابداعيه توصل المعنى مش حرفيه ابداً .
بس الحق سهللت علينا سلوى كثييير وكانت تقبل بالترجمه الحرفية وراعتنا كثثثير بالنهائي ،، عموماً كان اصعب كورسات الترجمه بس الحمد لله عديناه :)

علم اللغه الاجتماعي
اخذته عند نعيمه الغامدي ما ادري ما عجبتني ابدد شرحها ملخببط والمصادر اللي تعطينا اياها كثيييره وبحثها معقد مايعجبها اي شي بس اسئلتها حليوه بين السهل والمتوسط .

علم اللغه النفسي
كثييير بنات من الدفعات اللي قبل اشتكوا من صعوبة الماده .. بس على حظنا درسنا محمد سيد كان مبسسط الماده لدرجة مش طبيعيه ..
الماده عموماً كانت حليوة تتكلم عن اللغة وطريقة اكتسابها عن طريق الدماغ وعملها ..

مناهج بحث
مادة من اتفه المواد سهللله جداً ومع ذلك كثيير بناات حملوها .. تتكلم عن طريقة عمل البحوث وكيف تختارين عنوان للبحث وطرق تجميع المصادر الخ .. درستنا مها سلام كانت مبسطه الماده مرره وبالشهري كانت اسألتها حليوه بس نكبتنا بالنهائي الله يهديها وحملوا كثيير عندها ، الماده هذي تفتح لك بحث التخرج فلا تتساهلون فيهآ ..

وبس أي سؤال حاضره :sm12:

:icon19::004:
مدام سوسو
2014- 8- 21, 06:38 PM
يقولون نزلوا الجداول الفاينل

ابي اعرف اسماء الدكاتره اللي عندها فكرة لموادنا طبعا
هيا نبتسم
2014- 8- 21, 08:08 PM
انا ما باقي لي من مستوى سابع الا نقد ومسرح حديث
ومناهج
ودي لو ينزلون مواد من مستوى ثامن
miss rawan
2014- 8- 22, 12:55 AM
مثلك بس باقي 3 مواد من المستوى السابع توقعت بينزلون مواد المستوى الثامن اكيد فيه بنات على وشك تخرج ويحتاجونها.
Princess Sara
2014- 8- 22, 04:56 AM
بنات الحين اذا طلبت ينزلون سنتاكس وبحث تخرج ممكن ينزلونها ؟؟؟ لاني مااتوقع تنزل الترم الاول
وعند مين اروح ؟؟
saam
2014- 8- 23, 03:00 AM
السلااام عليكم ي حلووات

حبيت اتكلم ع المواد اللي اخذته بليفل 7

اول شي علم اللغة النفسي:
خذيته صيفي مع مس ليلى كااان جدا سهل وجميل والمادا نفسه ممتعه ان تابعتيه اول بأول
بس ان راكمتي المحاضرات ع بعض راح تنحاس المعلومات ببعضه
لان كل شي متصل ببعض
بس لا تخافون جدا ممتعه المادا

واخذت علم اللغة الاجتماعي مع دكتورة نعيمه :
كرهت المادا معه , ما عرفت افهمه او افهم ايش تبغى بالضبط ف بالتالي حملته :(
ف اخذته السمستر اللي بعده مع دكتورة منيرة الازرقي
اتعب وانا اقول هالدكتوره قمممممممممة في الذوق والاخلاق
واختلف مع الاخت اللي تقول تضيعين بمحاضرته
بالعكس هي ما تشرح الا اللي تبيه ينكتب بالاختبار
وتقبل باي اجابه
حتى لو اجابتك وصلت للمريخ هههههههه تقبل به
تحب تشوف الطالبه تكتب وتحاول تقنعه باجابته
جد انصحكم به

وخذيت ترجمة ابداعية مع دكتورة سلوى
هالمادا الجميل به انك تترجمين بمفهومك , موش مطلوب منك تترجمين حرفي
وبالنسبه لي اشوف هالشي جدا ممتع وخفيف
بس الصعب شوي ترجمة القصائد
بس مافي مشكله اللي تفهمينه من البيت اكتبيه
لان محد يتفق بالترجمه

ونقد خذيت مع دكتور شمس الدين
ع كثر ما يكرهونه البنات الا اني مصره بشرحه الجميل


مناهج البحث خذيته مع دكتورة مها سلام
كتلة جمال تمشي ع الارض بالنسبه لي
الله يسعده كانت تكرر الشرح اكثر من مره عشان تفهمين

ونظام سياسي خذيته مع دكتورة امل العرفج
برضو جميله هالدكتووره وتحاول قد ما تقدر توصل لك الشي المهم والمطلوب
اكثر مادا عامه استمتعت به

وبس والله يووفقكم ياا رب
سحااآآااب ~
2014- 8- 23, 03:33 AM
Saam
يسعد قلبك ع الشرح الوافي ما قصرتي
:004::icon19:
انا باخذ نقد هالترم ودراما ان شاء الله
بما انك درستي نقد ي ليت تتكلمين لنا شوي عن
هالماده شايله همها مرره من كثر ما اسمع من البنات
ومين تتوقعين الدكاتره اللي راح يمسكون هالماده ؟؟

وي ليت اللي درست دراما بعد تخبرنا شوي عن هالماده
وطبيعتها ومين احسن دكتوره لهالماده ؟؟
saam
2014- 8- 23, 03:46 AM
حبيبتي سحاااب ويسعدك ياا رب

ما اخفي عليك المادا جدا دسمه وتحتاج هز اكتاف
الدسم بالموضوع انه تحتاج حفظ ومراجعه مستمره
لان الاسامي شوي غريب

المادا عباره عن مجموعة مدارس نقدية تنقد الادب
وكل مدرسة تظهر تكون راسخه ع اشياء تؤمن به وتقعد تنقد المدارس اللي قبله
اول من بداه بلوتو ان ما خانتني الذاكره

زي ما قلت لك المادا معلوماته جدا كثيره وتحتاج لحفظ مستمر

انا ع وقتي درسني شمس وفي معه دكتورة هيفاء ودكتورة نجلااء

احتمال هالسمستر تدرسه لمياء (اقول احتمال هههههه) مع نجلااء
Princess Sara
2014- 8- 25, 05:54 AM
بنات مين احسن للنقد
صباح العيسوي او نجلاء الههياوي
Princess Sara
2014- 8- 25, 11:53 AM
رفع