تسجيل الدخول

مشاهدة النسخة كاملة : اللغة الانجليزية المستوى الثالث

سارةةة
2014- 8- 11, 11:22 AM
السلام عليكم ورحمة الله بنات تخصص اللغة الأنجليزية بقيت استشيركم في تسجيل المواد المستوى الثالث:Cry111:\ يعني
المستوى الثالث فيه اربع مواد وطبعا كل مادة تختلف عن الثانية يعني القراءة والكتابة والاستماع والمحادثة::g2:: وكل مادة لها أختلاف فيا ليت اللي لختبروا السمستر الأول بالمستوى الثالث جدول اختباركم كيف يعني فيه فواصل بين المادة والثانية يوم او يومين اوتختبرون وراء بعض :sdfgdsf:

يعني وش أفضل دكتورة لمادة الأستماع وياريت البنات اللي درسوها يقولون لي كيف طريقة المادة في الأستماع والتقييم كيف والماده فيها أختبار نهائي او تقييم استماع بس :sm1
مادة القراءة والكتابة كيف طبيعة دراسة ها المادتين بنات أنا جديدة في هذا التخصص ساعدوني ما عندي أي خبرة يعنى السمستر ألأول ابقاه يعدي على خير ان شاء الله وانجح في كل المواد وبقيت أعرف وش المواد العامة في التخصص انجليزي ويصير أنه اخذ المواد العامة عاساس أرفع معدلي :g2:
hiç
2014- 8- 12, 03:48 AM
يارب احد يعطينا وجه :(
سارةةة
2014- 8- 12, 06:33 AM
بنات تخصص الأنجلش وينكم ردوا :d
جودي``
2014- 8- 12, 08:44 PM
:53:والله ودي اساعدك بس انا مثلك جديده وان شاء الله يجيك رد يفيدك
روح السحاب
2014- 8- 13, 01:51 PM
المستوى الثالث مستوى تأسيسي و سهل جدا مقارنة بالمستويات اللي بعدة .

نجي للمواد :

القراءة هي مادة تنمي محصول المفردات عند الطالبة و تعلمك ستراتجيات كيف انك تعرفين معنى الكلمة من سياق الكلام .

الاستماع تعتمد هذي المادة على التركيز و الاستيعاب و كيف انك تنمين طريقتك بتسجيل الملاحظات و انتي تسمعين التسجيل راح تتعلمين فيها ستراتجيات و هذي الاستراتجيات راح تطبقينها بالامتحان الشهري و النهائي الامتحان راح يكون عبارة عن مقاطع صوتية ثلاث او اربع مقاطع بس يحلص المقطع عندك سؤال عليه و السؤال راح يكون اكملي الفراغ يعني الكلامات الناقصة من المقطع اللي مكان الفراغ او اختاري او تيك نوتس الخ

القرامر تتعلمين التنسز و المودلز المادة هذي تلخبط ذاكري اول باول مافيها مزح راح تكون سهلة عليك اذا انتى من اللي يحبون يقرون كثير فراح تكونين قادرة تعرفين تصريف الفعل بكل زمن

الانشاء راح تتعلمين كيف تكتبين برقراف راح تتعلمين انواع الجمل الجمل الناقصة ، المركبة الخ
تصريف الكلمات كيف تحولين الكلمة من امر الى اسم الى صفة الى حال

نصيحة من مجربة لا تسمعين كلام البنات
اللي يحطمون و ينزلون منعوياتك عادي جدا تحصلين بنت حاملة مادة مستوى ثالث مرتين او ثلاث
فلا تقارنين نفسك باحد

دوري بنات يرفعون معنوياتك و ماخذين الدراسة جد
القسم جميل جدا بس يبي طولة بال بس كل ما تعبتي يبين تعبك بالنهاية
سارةةة
2014- 8- 14, 06:52 AM
مشكورة أختي روح السحاب بارك الله فيك على نصائحك
Eman Fahad
2014- 8- 14, 07:42 PM
الدكاتره بلييييز بنات
افيدونا
جودي``
2014- 8- 15, 03:43 AM
اي والله محتاجين نعرف مين بيحطمنا ومين بيساعدنا
افيدونا بخبرتكم بالدكاتره
Eman Fahad
2014- 8- 16, 11:47 AM
بليز ساعدونا :(

بيبدا التسجيل و مارح نعرف اي الدكاتره الكويسييين
صمتت
2014- 8- 16, 12:52 PM
دوروا بقوقل واكتبوا دكاتره اللغه الانجليزيه بجامعة الدمام
بتلاقون عشرات الصفحات والاراء

بس لاتعتمدون واجد لانه بالاول والاخير مجهودك اللي يرفعك

خذوا بكلام اكثر عن شرح الدكتوره واسلوبها وتقسيم الدرجات


اما سالفة طيبه وحبوبه هذي صدقوني وعن تجربه مابتنفعكم
كثير قالوا شينات وهم اللي دعينا لهم بالاخير والعكس
Eman Fahad
2014- 8- 16, 01:21 PM
ايوه اكيد حبيبتي
وش نبي في انها طيبه و حبوبه اهم شي الشرح و تقسيم الدرجات

مره شكرا و رح ادور الحين بقوقل
مشكوره
M9'awi20
2014- 8- 17, 01:09 PM
السلام عليكم ..
مستوى ثالث يعتبر تأسيس وتقريباً مايفرق كثير عن سهولة الانقلش بالتحضيري استمتعي فيه وارتاحي بس لاتهملين شدي حيلك عشان تجيبين معدل عالي ، انا خذيت الريدنق عند بتول بخاري باكستانيه اتوقع بس تتكلم عربي كويس وحليوه مره وشرحها حلوو ولو مافهمتي تحاول توصل لك المعلومه بأي طريقه بس تاخذ وقت المحاضره كامل ويمكن تزيد عليه كم دقيقه �� وماتحب الاستهتار واللعب بالكلاس ومحترمه جداً، الرايتنق درسته عن ثيرومالا هنديه تساعد وحليوه بس ماقدرت احبها ��! القرامر خذيته عند احمد حسن كان ازمه فالبدايه لاني مااحب الشبكات بس بعدين مشيت معاه ويحاول يساعد شرحه زين يعني لابأس فيه بس لو تاخذين عند دكتوره احسن ، لسننق عند حمده العبدالله وانتي مغمضه جممميله ��.
طبعاً كل المواد كلاسين فالاسبوع يمكن مايطلع لك اوف ��
خذيهم كلهم مع العامه لاتأجلين شي لبعدين لانك بتنضغطين واصلا كلها متطلبات لازم تاخذينها، الله يوفقكم جميعاً ❤️❤️❤️