خبر محزن للي سجلو في جامعة الملك فيصل .. !!

[الطالب المملوح]

السلام عليكم يآ اخواني

نسبة القبول بتكون قليلة هالترم وراح يقبلو اللي نسبهم عالية من 80% ومافوق

هذا والله اعلم

مع تمنياتي لكم بالتوفيق ..

[خطوة بخطوة]

فيه مصدرر والا اجتهادات ؟؟

[عبدالله الحربي0]

واللي عنده ووواسطه يقبلونه لو نسبته 30 هههه

[AIMASMS]

لا يهمك ،،،، بيقبلون 50%

القبول على 3 مراحل
المقبول في المرحلة الاولى اذا ماقدم اوراقه بيراسلون اللي ماقبلوه لانخفاض معدله ،،، والثاني اذا تأخر بتقديم اوراقه بيراسلون الاقل معدل ،،،، هاذي طريقتهم من عرفناهم

[moon 2014]

السلام عليكم

مستحيل يقبلون 50 % لأن من شروط التسجيل ألا يقل عن 60%

حتى إذا جربت بنسبة أقل يقول خطأ في البيانات و صحيح الشخص

اللي عنده فيتامين ( و ) اللي ناقص عند الجميع حالته تمشي حتى

لو كان معدله أقل من 60 %

و الله يوفق الجميع

[vip-1]

السلام عليكم يآ اخواني

نسبة القبول بتكون قليلة هالترم وراح يقبلو اللي نسبهم عالية من 80% ومافوق

هذا والله اعلم

مع تمنياتي لكم بالتوفيق ..

وش الجديد :lllolll:

اصلا العدد قليل مقارنه بالسنوات الماضية فطبيعي انه راح يكون للي نسبهم عاليه وعلى فكره ممكن تكون النسبة اعلى من كذا

[vip-1]

السلام عليكم

مستحيل يقبلون 50 % لأن من شروط التسجيل ألا يقل عن 60%

حتى إذا جربت بنسبة أقل يقول خطأ في البيانات و صحيح الشخص

اللي عنده فيتامين ( و ) اللي ناقص عند الجميع حالته تمشي حتى

لو كان معدله أقل من 60 %

و الله يوفق الجميع



صحيح عن طريق الموقع مستحيل لكن عن طريق الجامعة نفسها ممكن وبكل سهوله

[ذكريات الرحيل]

مو جامعة الملك فيصل فقطْ كل الجامعات
راح تقبل أعداد قليلة مقارنة بالأعوام السابقة
مع العلم أن معظم الجامعات أغلقت أغلب التخصصات
وذلك تمهيداً لتسليم الراية للجامعة الإلكترونية العام القادم

[ابونايف999]

[quote=ذكريات الرحيل;11257760]مو جامعة الملك فيصل فقطْ كل الجامعات

راح تقبل أعداد قليلة مقارنة بالأعوام السابقة
مع العلم أن معظم الجامعات أغلقت أغلب التخصصات
وذلك تمهيداً لتسليم الراية للجامعة الإلكترونية العام القادم




كلام 100 % سليم وعين الصواب
لذلك اراها فرصة تاريخية لمن يريد الدراسة الجامعية والحصول على البكالوريوس قبل تصعب الامور مع الالكترونية وتضيق معها النفوس.


دمتم بووود

[abo0o0d]

الله لا يجيب حززن علي مسلم

اتوقع بيقبلون الجميع تفائلو خيرا تجدوه

[أفا يا قلب]

يالله الناس السلبيين بكل مكان
خلو الناس بحاله كفايه تفكير بالتسجيل ومتوتره

[AHMAD BiN SAUD]

من سبق لبق

:)

[Bedoor86]

مسوي قلق و تحطيم ليه !!
فاتح موضوع وخبر محزن و بالاخير كاتب هذا والله اعلم !

يا تجيب مصدر موثوق او لا تتعب نفسك

[فهد الثبيتي]

السلام عليكم يآ اخواني

نسبة القبول بتكون قليلة هالترم وراح يقبلو اللي نسبهم عالية من 80% ومافوق

هذا والله اعلم

مع تمنياتي لكم بالتوفيق ..

الخبر بدون مصدر .. والله اعلم

تفائلوا بالخير ..

[ضــــــي]

ذكريات الرحيل &وأبو نايف كيف عرفتوا انه اخر سنه اريد خبر اكيد لو سمحتوا ابي أإجل للسنه الجايه بس هالحكي يرددني

[أوتار الخيال]

ماعندك سالفة حسستني انك الفريدان على غفلة ياخي الجامعة تقول النسبة 60 % وأكثر وتجي أنت تتفلسف وتقول 80%
^
أتمنى اقفال مثل هذه المواضيع اللي ما ادري وش يبي راعيها

[NO & NO]

تـــــــفائلوا بالخير تجدوه

:)

والتوفيق بيد الله

[Beerroo]

مشكله كبيره وصاير تغير جذري بالجامعه احس من سمعت خبر الجامعات الالكترونيه :(
ومن ناحية اعداد القبول الي قلت من ناحيه مشكله ومن ناحيه شي كويس لان صاير ضغط على الموقع
والطلاب مو عارفين يستفيدون من الخدمات الموجوده في بوابة التعليم وبالنسبه للنسب اهم شي ما تكون اقل من 60 وهذا معروف ؟
واتمنى تنبني جامعات زياده تكفي جميع الخريجين لان الوضع صار ضياع صراحه كثير متخرجين مو لاقين كراسي متاحه في الجامعات ؟

[ـنودي]

ماعليكم من هالكلام
انا نسبتي حيل متدنيه وقبلوني على الدفعه الثالثه
والحمدلله على كل حال

[بندر المحمدي]

ماعليكم من هالكلام
انا نسبتي حيل متدنيه وقبلوني على الدفعه الثالثه
والحمدلله على كل حال

فديت قلبك

هذه الناس اللي تفتح النفس سوالفها

[Memo bnt nasser]

اذا مكتوب لك شي بتاخذه

:)

[عبدالعزيز المنصور]

من وجهة نظري طالما ان اللي نسبته 80% و اللي نسبته 0% بيدفع نفس المبلغ
ف ماتوقع ان العدد يقل بصراحه ..
ممكن نقول آخر تسجيل لكن النسب ماراح تتغير ...

لكن منطقيا ً اللي بيسجل تعليم عن بعد و نسبته 80% و فوق ماعنده سالفه خاصه ..
يروح يسجل منتظم احسن .. الا اذا كان موظف فقط

بالتوفيق

[نسرين خالد]

عندي استفسار
خارج موضوع الطرح
بأي جامعه اجد تخصص تربية خاصة
او علم نفس
دراسة عن بعد


وموفقين جميعا

[ذكريات الرحيل]

أنا أعمل في جامعة تبوكْ
والقبول للانتساب كان في 6 تخصصات تقريباً الأعوام الماضيةْ
والقبول هالعام لتخصصين فقط ( إدارة - تسويق )
وجامعة الملك فيصل تخصصينْ فقطْ ( انجليزي - إدارة )
وحسبْ كلام الدكتور عبد الله الموسى مدير الجامعة الإلكترونية
والذي قال حرفياً وكنت معه شخصياً : التوجه لفتح فروع للجامعة الإلكترونية
العام القادم 1436هـ في معظم مناطق المملكة ، حتى إنه كان يبي موظفين من جامعتنا < أفكر أنقل عندهم ههههههه
لهذا أعتقد من الطبيعي التوجه من الجامعات لتقليص عدد المقبولين وعدد التخصصات
رغم إن هالشيء يعتبرْ ضربة قاسية للجامعات من ناحية العائد المادي الضخم الذي يدره الانتسابْ

[ابوفيصل 2012]

الجامعه راح تفتح تسجيل ثلاثة اعوام قادمه ونسبة القبول 60./.

[ذكريات الرحيل]

عندي استفسار
خارج موضوع الطرح
بأي جامعه اجد تخصص تربية خاصة
او علم نفس
دراسة عن بعد


وموفقين جميعا

تربية خاصة لا أعلمْ
ولكن علم نفس أعتقد جامعة الملك عبد العزيز تمتلك هذا التخصصْ

[Jfn]

موقع الجامعه شغال معكم ؟ له يومين مايفتح معاي ابي اسجل لأخوي

[مترفـہۧ]

^

يارب انا ننقبل ونتوفق بالجامعه ()
توكلو ع الله , وان ماحصل قبول هالسنه عادي السنه الي بعدها

[الطالب المملوح]

يارب كلكم تنقبلون يابعد قلبي

[الباراتون]

للإسف الأفضلية للمعدل التراكمي الأعلى و ممكن يكون الحد الأدنى للقبول يصل لـ 85٪
و ذلك لمحدودية المقاعد الجامعية بـ 15،000 طالب و طالبه فقط
حيث العام الماضي تم قبول الدفعة الأولى و كانت النسبة الأدنى 83٪ و هذا
و عدد المقاعد كان مفتوح بـ أكثر من 40،000 طالب و طالبه

[الطالب المملوح]

للإسف الأفضلية للمعدل التراكمي الأعلى و ممكن يكون الحد الأدنى للقبول يصل لـ 85٪
و ذلك لمحدودية المقاعد الجامعية بـ 15،000 طالب و طالبه فقط
حيث العام الماضي تم قبول الدفعة الأولى و كانت النسبة الأدنى 83٪ و هذا
و عدد المقاعد كان مفتوح بـ أكثر من 40،000 طالب و طالبه

+1

[مشكله]

وشوله التحطيم طيب

[كل الخاطر]

مو معقول صار تخصص هندسة
ما اتوقع

[ربيع جازان]

صحيح ان الدراسه في الجامعه الالكترونيه اصعب وباللغه الانجليزيه بس الشهادة شهادة انتظام ومعتمدة احسن من شهادة الانتساب

[وردة جورية]

،،،،،،،.،

[وردة جورية]

الجامعة الالكترونيه ماتصلح لطلبة الي مش ولابد ب اللغه الانجليزية

[iSara__91]

استغففففر الله
في كم عضو هنا حفظتهم حفظظ و شغلتهم انهم يحبطون ويجيبون كلام من راسهم
عارررفين انفسهم هم اثنين مافي غيرهم
رجاءا قل خيراً او اصمت
ياليت المشرفين ينتبهون لهم لانهم جد طاقه سلبيه وجداْ واضح انهم يتعمدون ب ردودهم الاحباط و التحطيم
مادري وش راح تستفيد ؟؟؟؟
وانت يالي كاتب الموضوع ياتجيب مصدر موثوق ولا لاتتعب نفسك تنزل موضوع
اذا موقع الجامعه نفسه حاطين انسبه الادنى 60٪
ف انتو مين عشان تألفون واحنا المساكين الب نعيش بتوتر وقلق نفسي
مع ان نسبتي عاليه بس جبتولي الاحباط .
الله يجيب يوم السبت على خير بس:mad:

[Bandar1409]

نظام الجامعه الحد الادنى للقبول ٦٠٪

لكن بسبب تخفيض اعداد المقبولين بحد اعلى ١٥٠٠٠ الف طالب فقط

فأكيد ان المفاضله بتكون على حسب النسبه وهذا الكلام مذكور في موقعهم الرسمي

لو فرضا تقدمو ٤٠ الف طالب للدراسه وكان اعلى نسبه فيهم ٧٥ ٪ واقل نسبه ٦٠٪ فمتوسط النسب راح يكون بين الرقمين هذي يعني اللي نسبته ٧٠٪ راح يقبل

صاحب الموضوع خمن من راسه نسبه تقريبيه وهي اقرب للواقع وفي النهايه النسب راح تكون على حسب اعداد المتقدمين والنسب ممكن تكون عاليه وممكن تكون منخفضه


بالتوفيق للكل وان شاء الله كلنا مقبولين

[طموحيـ كبير]

تحطمت خلاص ارتاحوا مين يروح معي لجامعه الامام
بسجل بالدوره التاهيليه
كم دفعه جامعه الملك فيصل !؟؟؟؟؟

[iSara__91]

والله لو هي جامعة اكسفورد ولا التخصصات هندسه وطب عشان يقبلون بس النسب العاليه !!!

[ندى 22]

مو جامعة الملك فيصل فقطْ كل الجامعات
راح تقبل أعداد قليلة مقارنة بالأعوام السابقة
مع العلم أن معظم الجامعات أغلقت أغلب التخصصات
وذلك تمهيداً لتسليم الراية للجامعة الإلكترونية العام القادم


أنا مو فاهمه هذي التقطه. يعني إيش راح يصير !! :060: :000:

[ومض]

أنا مو فاهمه هذي التقطه. يعني إيش راح يصير !! :060: :000:


راح يصير الانتساب والتعليم عن بعد في الجامعة الالكترونية بسس


والجامعات الحكومية بس انتظام بس بعد كم سنة ،، يقللو القبول الحين حتى يوقفوهـ







:rose:

[Memo bnt nasser]

الاخوان والاخوات الي تحطموا

نصيحتي قدموا عندي احساس بيقبلون والارقام بس واجهه ، وتوكلوا على الله اولا واخيرا


الله يوفقكم يارب

[وردة جورية]

صحيح ان الدراسه في الجامعه الالكترونيه اصعب وباللغه الانجليزيه بس الشهادة شهادة انتظام ومعتمدة احسن من شهادة الانتساب

صح عليك

وانا درست فيهاا ،، والدراسة عندهم حالها حال غيرهم

لكن الحد الفاصل هو اختبار ستب ،،، عشان تكملين لازم تجيبين نسبه معينة

يعني حتى لو اجتهدتي في المواد الثانيه وجبتي نسبه حلوة ماراح يشفع لك

لازم تجتازي ستب وبسببه الي طلعوا من الجامعه والي عادوا دراسه ونسبة قليله من الطلبه والطالبات الي اجتازوا

[خريجه فيصل]

الله يوفق الجميع ..

[عبدالله_بني تميم]

سجلو يا جماعة الخير وربي يبي يسسرها لكم


قولو خير يقوله الله

حنا ربي يسرها لنا وانتم بعد ربي ييسرها لكم فالكم التوفيق وشدو حيلكم

[•• شجون ~]

..




احسنوا الظن بالله وحده
وتفائللوا ؛ وهالمواضيع بلاش منها


احباط لا اكثر

[alaeda]

كل عام تتغير الانظمة للاصعب

[{تهاويل}]

المشكلة الحالية ان الجامعة السعودية الالكترونية لا يوجد فيها انتساب
هل سوف يفتح فيها انتساب قريباً؟
ربما ،لان انظمتها مؤهلة لذلك
حيث انها حالياً تشترط الحضور الشخصي لقاعات الدراسة ما نسبته 25% من المحاضرات.

[M O T A Y A M]

يوجد بديل افضل وهي الجامعة السعودية الالكترونية

والله يوفق الجميع ان شاء الله

[الطالب المملوح]

الله يوفقكم

[reaching higher]

هو فعلا نقصوا اعداد المقبولين هالسنة .. لكن بالمقابل يوجد تخصصين فقط ( انجليزي + ادارة) ..

من وجهة نظر ايجابية ..

1- التخصصين بيخلون الاقبال على جامعتنا اقل .. فالاتجاة ممكن يكون لجامعات اخرى لوجود تخصصات لها رغبات اكثر .. مثل علم اجتماع و دراسات اسلاميه و لغة عربية.

2- الاغلب متخوف من تدني اعداد القبول هالسنه .. فأكيد بيشوفون جامعات القبول فيها مضمون اكثر خاصة الناس اللي نسبهم اقل ... مثل جامعة الامام القبول فيها فوري بس قدم طلب و سدد و خلاص صرت طالب جامعي


3- دائما ناس يجيها قبول هنا و مكان اخر فيغيرون رايهم .. و ينسحبون من هنا ..

4- جامعتنا مرنه و القرارات مش دائما ثابته .. ممكن يغيرون كلامهم بأي وقت .. و يزيدون اعداد القبول


كل هالاسباب ممكن تقلب المعادلة .. و تصير النسبه الادنى اقل من المتوقع ..



قدموا .. و لا تتشأموووون ..

[احلى ميموو]

اتمنى للجميع القبوول والتووفيق للجميع
كلامك خلاني افقد الامل نهائي اني انقبل ولكن الحمدلله كل شي يصير للانسان خير له

[سكرتير]

خلوكم من كلامه

الجامعه قالت ٦٠ء٪

ذا يتكلم من راسه

باذن الله بينقبل الكل

انا نسبتي ٧٠ العام الماضي انقبلت بس ماارسلت اوراقي



ناس متشائمه اعووذ بالله

يااخي اذا منت مستند ع خبر رسمي. لا تحبط الناس