جغرافياتت مستوى خامس (تفضلوا)

[رحمه19]

السلام عليكم جغرافيات .
هذا الموضوع لطالبات مستوى خامس عام 2014-1435 .
نبي نتبادل كُتب ونتكلم عن أحسن الدكتورات ونتناقش بكل شي يخص المستوى هنا .



مواد المستوى هي ..


1/ جغرافية الصناعه والطاقه
2/ جغرافيا الأخطار الطبيعيه
3/ التوزيعات البشريه
4/ النقل والتجاره
5/ مقدمة نظم معلومات


* متطلب جامعه
6/ النظام الأقتصادي في الاسلام

* مواد عامة أختياري
7/ الحضارة الأسلامية - الأسلام وقضايا العلم والتقنيه

*متطلب تخصص أختياري
8/ جغرافيا المياه ، او جغرافية الموارد العالمية .


نبغى تفاعلكم ونصايحكم بالنسبه للدكتورات والكتب ..

:rose:

[M,A]

النظام الاقتصادي تبع دراسات كان فيها صعوبه و المنهج طويل نوعا ماا
خذتها عند انعام الدليجان تشرح زين و طلبت عمل جماعي عن التوفير ..

الحضاره هي الي بتنزل اما الماده الثانيه الاسلام وقضايا العلم والتقنيه لا ، الماده تاريخيه تتكلم عن العلماء و انجازاتهم
ابن خلدون ابن سينا ، البيطار وغيرهم الماده مو صعبه قد ماهي طوييله بس ان شالله تكون الخطه تغيرت واهم شي دوري لك دكتوره تشرح زين وتساعد و بتمشين فيها

بالتوفيق :rose:

[RASLEN]

النظام الاقتصادي طويله بس خذوها عند الدكتوره هيله تجننن وشرح جميل وتخلص بسرعه وتعطي درجات :)

حضاره ابعدو من الدكتوره المصريه ساميه :)

جغرافيه الموارد العالميه وانتو مغمضين عند الجوهره اكيد وبس

[شيخة البنات*]

بالنسبة لصناعة هذي المادة يبي لها مذاكرة اول بأول لانها دسمه درستها عند شريفة القحطاني تعتمد على العروض اكثر من الكتاب اسئلتها صعبة نوعا ما ماتساعد الطالبة ولو بدرجة وان شاء الله أني ما اضطر أخذ عندها ولا مادة بعدين

أخطار طبيعية هذي المادة درستها عند باسمة الغانم الله يجزاها الف خير شرح من قلب احترام لأبعد الحدود مع الطالبة بس اهم شي عندها احترام الطالبة لها بعد تعتمد على العروض الكتاب قالت مؤ لازم تشترونه اسئلتها المقالية نوعا ما سهلة تحب الأمثلة كثير والاختياري سهل واجباتها أبدا ماهي صعبة
والمادة اساسا حلوة تتكلم عن الإخطار الطبيعية

نقل وتجارة تدرسها مسفرة الغامدي تعتمد على الكتاب ولازم يكون معاك من اول محاضرة عشان تأشرين معاها لان ان فاتك ماراح تنزل العروض اختباراتها كل على البلاك بورد ثنين وبصراحة اسئلتها بالشهري كانت جداً دقيقة وبالنهائي عوضتنا وسهلت علينا الأسئلة المهم شدي حيلك مع هذي الدكتورة بالشهري

مقدمة مادرستها

وتوزيعات مادرستها بس وانا مغمضة ان شاء الله بسجلها عند أيمان عبدالصمد بحكم تجربتي لها في صور ومساحة تشرح من قلبها اسئلتها جداً سهلة وتساعد الطالبة بالنهائي

النظام الأقتصادي هذي المادة كثيرة يبيلها مذاكرة اول بأول بس حلوة ماهي شينة
وبالنسبة للمادة الأختيارية حضارة أسلامية سهلة تتكلم عن العلماء مافيها صعوبة


وبس


بالتووووووفيق يارب

[شيخة البنات*]

صح نسيت موارد عالمية ومياه :d

درست موارد عالمية سهلة لأبعد الحدوووووود مع الدكتورة الجوهرة اليحيى الله يذكرها بالخير هذي الدكتورة اول ماتشوفينها على طول سجلي عندها

[هدوء إنسانة]

1/ جغرافية الصناعه والطاقه
درستها عند دكتور محمد رمضان وحملتها يمكن لانها مشتركة مع دكتورة شريفة , بس إنشاءالله هالترم راح ادرسها عنده اذا نزلت لان اسلوبه حلييو ..
ويعتمد ع الكتاب بس اللي يعجبني فيه إنه يقول لك في المحاضرة اسئلة مهمه يركز عليها ويجيبها بالضبظ في الشهري / يعني يحب الاسئلة المقاليية بالقوة /
وإللي ماعجبني فيه إنه مايقولك اي معلومة عنن الاختبار الفاينل ..


2/ جغرافيا الأخطار الطبيعيه
هالترم باخدها بإذن الله عند باسسمة الغانم


3/ التوزيعات البشريه
لسسة مادرستها باخدها هالترم مع دكتورة ايمان عبد الصمد عسسسل

4/ النقل والتجاره
درستها عند مسسفرة الحمدالله عديتها طيوبة وتعتمد ع الكتاب لازززم يكون موجود معاك , بس اسئلتها دقيقة شوي


5/ مقدمة نظم معلومات
مادرستها

6/ نظام اقتصادي
طويييله يبغالها بس الحمدالله عديتها درستها عند دكتور نسييت آسمة:biggrin:

7/ حضارة إسلاميية
بدرسها هالترم بإذن الله مع هدى الحسيين

8/ موارد عالمييية
تجنن هالمادة مع دكتورة الجوهرة مررررره روعه عسسل

[أكاديمي خجول]

كل دكتورات ودكاترة القسم تمام وقسمنه من أحسن الأقسام مذاكرة وجد واجتهاد وتنجحو فل مارك اني حاليا متخرجه من ثلاث اشهر وراح افتقد الدكاترة وافتقد أجواء الكليه وحت الحين مع وقت تسجيل موادكم حسيت وحشتني زحمه والحمدلله مافي دكتور حملت معاه مادة في تخصص موفقين بنات استغل واستفادة من كل لحظه في الكلية عارفه تجي أيام ضغط بس في أيام حلوه:love080:

[هدوء إنسانة]

كل دكتورات ودكاترة القسم تمام وقسمنه من أحسن الأقسام مذاكرة وجد واجتهاد وتنجحو فل مارك اني حاليا متخرجه من ثلاث اشهر وراح افتقد الدكاترة وافتقد أجواء الكليه وحت الحين مع وقت تسجيل موادكم حسيت وحشتني زحمه والحمدلله مافي دكتور حملت معاه مادة في تخصص موفقين بنات استغل واستفادة من كل لحظه في الكلية عارفه تجي أيام ضغط بس في أيام حلوه:love080:



ماشاءالله وبالتوفيق لك يارب وعقبال ماتبشرينا ب الوظيفة :icon19:
الله يسهل آمورك

[DAO]

بنات الصناعه والطاقه
مين افضل شريفة او محمد رمضان

[هدوء إنسانة]

بنات الصناعه والطاقه
مين افضل شريفة او محمد رمضان

محمد رمضــآن

[أكاديمي خجول]

ماشاءالله وبالتوفيق لك يارب وعقبال ماتبشرينا ب الوظيفة :icon19:
الله يسهل آمورك يارب تتسهل أموركم وتتخرجي التخرج اله طعم حلو يارب تخلصي دارسة على خير موفقين دعواتكم لي بتسهيل اموري :love080:

[sww]

بنات انا مادرست اساليب كميه لكن درست تصميم يصير اسجل مقدمه ولا لا ؟

ابي اسجلها لانها متطلب ومهمه وبعدها متطلبات بليييز بنات اللي تعرف تجاوبني

[شيخة البنات*]

لا طبعا ماتقدرين الا في حالة تجاوز المتطلب بس ما أعرف اذا يضبط ولا لا

[هدوء إنسانة]

بنات انا مادرست اساليب كميه لكن درست تصميم يصير اسجل مقدمه ولا لا ؟

ابي اسجلها لانها متطلب ومهمه وبعدها متطلبات بليييز بنات اللي تعرف تجاوبني


آنصحك تدرسسي الحين أساليب عند د/ فريال الهاجري عسسل وتنجحي عندها بإذن الله , تعطي وآجبات في كل محاضرة لان الملف عليه 20 درجة واختبار الشهري تخليه من 20 او 25 مو ذآكرة بالضبظ .. واضمن لك تجيبها كاملة العلامممة أسئلتها سسسسسهله


عسسسل هالدكتورة لا أحد يفوتها