رياض اطفال تجمع طالبات مستوى سابع [الأرشيف] - ملتقى طلاب وطالبات جامعة الملك فيصل,جامعة الدمام

hello there

2014- 8- 23, 10:32 PM

المواد لهذا المستوى
تصميم وتطوير الدروس
منهج الانشطه في رياض الاطفال
التوجيه و الارشاد النفسي للطفل
اداره رياض الاطفال
اعداد برامج طفل ماقبل المدرسه
تدريب ميداني

الله يسهل على الجميع

واي استفسارات اكتبوها و نعاون بعض :004:

الله حيني^ـ^

2014- 8- 24, 09:04 AM

وش يعنس تدريب ميداني !!

hello there

2014- 8- 24, 12:09 PM

وش يعنس تدريب ميداني !!

يعني تنزلين روضه
لكن جامعتنا ماظن تنزلنا

p!nkk

2014- 8- 24, 12:22 PM

بنات فتحت عربة التسوق . نززلت المواد ؟؟!!!!

hello there

2014- 8- 24, 01:06 PM

نزلت مواد بس مافي اسماء !
اي تفكير اللي يفكرون فيه كليتنا الموقره

p!nkk

2014- 8- 24, 01:26 PM

:139::139::139:

sokarh

2014- 8- 24, 04:37 PM

بنات وش الاسهل مهارات اتصال او تعديل سلوك ؟

س ..

2014- 8- 24, 08:36 PM

أبغى مادة ( صحة وتغذية الطفل )
ومو موجودة :/

كيف أسوي ؟

5agal

2014- 8- 25, 12:17 AM

انا رتبت جدولي بس حاطيني مستوى 6 المفروض 7 بس باقي لي بدنية باخذها هالسمستر باذن الله
وسويت طلب موافقة مشرف لمقررات في مستويين ادنى تجنبا لمشاكل التسجيل

وهذاني قلقانه من بكرة ان النظام يستهبل علي

الله ييسر امورنا جميعا ومانحتاجهم

hello there

2014- 8- 25, 01:11 AM

رونق ..

2014- 8- 25, 03:54 AM

بنات وش الاسهل مهارات اتصال او تعديل سلوك ؟

انا من وجهه نظري مهارات اتصال اسهل الماده تتكلم عن الشخصيات والتعامل مع الشخصيه والمتحدث الجيد والمستمع الجيد وايش الشروط المتوفره في كل منهم وكيف تكتبين سيره ذاتيه اذا بتقدمين على عمل واشياء عامه وسهل وتحسين كانها معلومات عامه عرفتها مش ماده دراسيه وممتعه .
اما تعديل السلوك يعني احس الماده شوي دسمه وتتكلم السلوك السوي والغير شوي وشلون تعديله والمشكلات واشياء من هالقبيل وهذه الماده تحسينها مكرره لمادتين بتاخذهم وهي صحه نفسيه و مشكلات الطفوله .
بالتوفيق وان شاء الله وضحت لك .

رونق ..

2014- 8- 25, 03:59 AM

أبغى مادة ( صحة وتغذية الطفل )
ومو موجودة :/

كيف أسوي ؟

في مواد كنا ماخذينها في مستوى 2و 3 و 4 بالخطه الجديده حقت تحضيري وسنه ثانيه حاطين لهم هالمواد بس مستويات متقدمه ب5 و 6
وحتى اداره تربوية مو منزلينها لان بالخطه الجديده بمستوى 3 فكثير بنات نفس حالتك بما اننا دفعه مهمشه ويفكرون بس بالخطه الجديده مالك الا تروحين الاداره اول اسبوع تكلمين د.الجوهره او د.اماني اشرحي لهم وضعك ويمكن يفتتحونها والله يسهل بك وييسر امرك

الله حيني^ـ^

2014- 8- 25, 01:46 PM

اسجل تصميم دروسس تطلع لي رساله لحد ماسكرت الشعبه -_-!

اجي بوسع شعب يقول رقم الفصل خطا شالحل !!؟

5agal

2014- 8- 25, 01:53 PM

انا يقول ليس لديك موعد صالح
يمكن ﻷني مستوى سادس
الله يفرجها مع نظامهم هالغبي

احسساس

2014- 8- 25, 08:09 PM

بنات شرايكم بمادة انتاج الوسائل << اقصد فيها كرف وشغل
يكفينا ثلاث مواد عملي :(:verycute:

س ..

2014- 8- 26, 11:57 AM

متى أقدر أسجل المواد :/ ؟!

الامبرطوره

2014- 8- 26, 01:42 PM

بنات في احد مستوى سادس سجل شي ؟!!

اللي عندها ايميل او رقم الدكتورة فاتن تنزله هنا
مو معقوله مرشده اكاديميه وما ترد على طلبات التسجيل :mad:

الامبرطوره

2014- 8- 26, 02:42 PM

كم وحده قفلت عليها شعبة تعديل السلوك زيي:16.jpg:

الحمدلله د. فاتن ردت وقدرت اسجل موادي
كلها ما عدا اللي اللي تقفلت شعبتها

رونق ..

2014- 8- 27, 06:27 AM

بنات مااده توجيه و ارشاد رمزها ما يبدا بfo هل هي من التربيه ولا وين ؟ هي ماده اختيياريه وفي ناس تتسجل اهم عادي ،بس اخاف اسجل فيها ولا تطلع تبع كليتنا

رونق ..

2014- 8- 27, 06:35 AM

كم وحده قفلت عليها شعبة تعديل السلوك زيي:16.jpg:

الحمدلله د. فاتن ردت وقدرت اسجل موادي
كلها ما عدا اللي اللي تقفلت شعبتها

الحمدلله ربي ييسرلك ان شاء الله وعقبال ما يوسعون االشعب و تسجلين فيها ،الله يوفقك♥

الله حيني^ـ^

2014- 8- 27, 09:01 AM

بنات مواد مستوى سابع كم ماده !!وكم الساعات اللي لازم نجتازها لتخرج

س ..

2014- 8- 27, 02:18 PM

حسابي مو راضي يدخل :/
الأيام اللي راحت يدخلي عادي , بس اليوم مدري اشبه !!

أدخل الرقم الجامعي و كلمة السر
يطلع لي كذا

http://im76.gulfup.com/AX1wOp.png (http://www.gulfup.com/?czHHC4)

ومتأكدة من كلمة السر

5agal

2014- 8- 27, 04:58 PM

يقال انهم يبون يسوون ديزاين جديد للموقع
مالت بس

الله حيني^ـ^

2014- 8- 28, 09:23 AM

بناتت ردو بليز كم عدد ساعات التخرج كذف اعرف!!

الامبرطوره

2014- 8- 28, 10:55 AM

في الخطة تلقين في نهاية كل مستوى
عدد الساعات اجمعيها وراح يطلع
عدد ساعات التخرج

رونق ..

2014- 8- 28, 03:11 PM

بناتت ردو بليز كم عدد ساعات التخرج كذف اعرف!!

عدد مواد مستوى سابع 6 مواد
عدد ساعات مستوى سابع =14 ساعه
عدد ساعات الكلي للاربع سنين عشان تتخرجين =126 ساعه
هذا موجود بالخطه اخذتها من الكليه

الله حيني^ـ^

2014- 8- 28, 06:25 PM

جزاك الله خير حبيبتي♡

رونق ..

2014- 8- 29, 03:48 AM

بنات لوسمحتوا مين تعرف كم شعبه كانوا منزلين لماده تعديل سلوك ومتى اوقات الشعب و الايام ؟
،اللي تعرف رقم الفصل لكل شعبه ياليت تكتبها ضروري االله يرزقكم الجنة "(

الامبرطوره

2014- 8- 29, 06:49 AM

هم شعبتين كلها يوم الاربعاء
وحده فترة اولى
و الثانيه فترة ثالثه

رونق ..

2014- 8- 29, 10:24 AM

شكرا امبرطوره ربي يكتب اجرك ويعطيك الف عافيه ويوفقك♥♥

الله حيني^ـ^

2014- 8- 29, 10:35 AM

ايش يعني ميداني !!وش بنسوي في هالماده

احسساس

2014- 8- 29, 11:59 AM

صباح الخير بنات

ابي اسالكم عن الدكتورة امل صلاح الي مجربتها
يا ليت تقول لي كيف طريقتها << خايفة منها

عساكم ع القوه

رونق ..

2014- 8- 30, 03:08 AM

ايش يعني ميداني !!وش بنسوي في هالماده

ميداني مفروض نروح يوم كامل من كل اسبوع الروضة نطبق ونشوف كيف التعامل مع الاطفال وكيف يمشي اليوم ، ويكون معانا دكتوره الماده ونروح بباص الكليه ،لكن كليتنا الموقره قالت ماراح نطلع عشان مافي دكتورات ولا مواصلات وبتصير الطالبه تطبق و تشرح للزميلاتها ،للاسف يعني ولامره طلعنا طبقنا ومدري وش نسوي الترم الثاني :(

رونق ..

2014- 8- 30, 03:14 AM

صباح الخير بنات

ابي اسالكم عن الدكتورة امل صلاح الي مجربتها
يا ليت تقول لي كيف طريقتها << خايفة منها

عساكم ع القوه

والله اذا تقدرين تغيرين وما تاخذين عندها يكون احسن ، اسلوبها في الشرح والتعامل مقارب لاسلوب د.ابتسام وتطلب كثير وتعطي واجبات كثير وتتشرط في العمل اللي تطلبه وماتقبل اي شيئ لازم يكون في شيء مبتكر بالشي اللي تقدمينه لها ، واسئلتها سهله نوعا ما وفي اسئله تكون فيها لف ودران ، واللي يقهر تدخلين الاختبار تسوين زين وفجاه تلقين درجتك ناقص مدري ليه ، وماتعطي درجات واحيانا تظلم يعني في بنات عندنا شاطرات ومن متفوقات الكليه عطتهم 3 من 5 في المشاركه غيرها اذا قدرتي لان تتعبين و تبذلين جهد وكل هذا يروح على الفاضي

الله حيني^ـ^

2014- 8- 30, 10:22 AM

وش هالخبريه -_-!

خلاص ملينا من الشرح للبنات والبنات ملو منا معقول يقولون ميداني ولا يطلعونا حسبي الله عليهم من وين بناخذ خبره اجل !!

الله حيني^ـ^

2014- 8- 30, 09:15 PM

اللي تداوم تجي تخبرنا فيه حضور وغياب

رونق ..

2014- 8- 31, 05:24 AM

وش هالخبريه -_-!

خلاص ملينا من الشرح للبنات والبنات ملو منا معقول يقولون ميداني ولا يطلعونا حسبي الله عليهم من وين بناخذ خبره اجل !!

من جد والله ،اصلا حتى لما تشرحين للبنات تحسين انك تستهبلين يعني مو زي لما تشرحين للاطفال وحتى البنات اللي يشفونك ماياخذون الموضوع على محمل الجد لانهم طفشوا ومايلامون اتحدى كليه تسوي نفس هبال كليتنا :)
واصلا هذه اهم ماده مفروض يحرصون عليها لانها هي اللي بنكتسب منها الخبره الحقيقه لمجال عملنا لان لما نؤوح بنشوف الايجابيات و السلبيه وكيف المعلمه تتعامل مع مشكلات الاطفال ونكون فكره لكن عندنا بس شاطرين يخلونا نسوي عرض بوربوينت او قومي نشدي للبنات والدككتورة تقعد تضحك و طقطق عليك
ولما نتكلم يقولون لنا حنا كليه منتظمه ومو ناقصها شيء نمشي على نظام الجودة :) ويقولون انتي غلطانه مفروض تثقفين نفسك :) وحنا اغلب موادنا اللي درسناها المستويات اللي راح دكتورات مش تخصصهم :) والله هم هم يمين والجوده يسار وطبعا حنا اللي ناكلها :(.

flfl

2014- 8- 31, 03:02 PM

بنات اللي داوموا اليوم هل من جديد ؟؟

بخصوص الماده الحره , و وين ندرس و بدينا دراسه فعلية ولا باقي ؟؟؟

sokarh

2014- 8- 31, 10:24 PM

بنات متى تنزل الماده الحره ؟
ورايكم بالدكتوره امل صلاح وزينب هانم سلامه وفاطمه الحسين ؟
:icon1:

5agal

2014- 9- 1, 12:52 AM

من جدهم مابيطلعونا ميداني؟؟ متأكدين من هالكلام؟؟؟
اجل وشبيسوون في التربية العملية اللي المفروض لازم لازم روضة؟؟

وش هالكلية المتخلفة استغفر الله عساني اتخرج منها سليمة بس

5agal

2014- 9- 1, 12:52 AM

فاطمة الحسين طيوبة وحبوبة واسئلتها سهلة

5agal

2014- 9- 1, 01:06 AM

صبايا اكيد هالاسبوع مافي محاضرات؟؟

رونق ..

2014- 9- 1, 03:52 AM

من جدهم مابيطلعونا ميداني؟؟ متأكدين من هالكلام؟؟؟
اجل وشبيسوون في التربية العملية اللي المفروض لازم لازم روضة؟؟

وش هالكلية المتخلفة استغفر الله عساني اتخرج منها سليمة بس

ايه متاكده د.جوهره هي قالت هالكلام ، تذكرين الجدزل اللي نزلوا فيه اسماء البنات اللي بيرحون ميداني الترم الاول وان مو كل البنات لما رحت سالت د.جوهره قالت لنا لا خلاص كلسنا لعدم توفرر مواصلات ولا دكتورات وقبل موب كل اليظبنات ياخذون الماده لازم تكون مخلصه مواد التخصص الحين الكل سجلها عادي .

الله حيني^ـ^

2014- 9- 1, 08:39 AM

يارب يغيرون رايهم ويضبطون وضعهم لانا بكذا نكون جد جد انظلمنا

sokarh

2014- 9- 1, 11:31 AM

بنات متى تنزل الماده الحره ؟
ورايكم بالدكتوره امل صلاح وزينب هانم سلامه ؟
:icon1:

:060:

5agal

2014- 9- 1, 05:40 PM

بنات اكيد مافيه محاضرات هالاسبوع؟؟؟
مانبي يحسبونا غياب :(

AFNAN *

2014- 9- 1, 10:07 PM

ببنات لوسمحتو مادة تصميم وتطوير دروس فيها لها متطلب ؟؟
لازم ادرس قبلها طرق وتدريس ولا لا ؟؟ ؟

رونق ..

2014- 9- 2, 04:58 AM

:060:

يا sokarh بالنسبه للدكتوره زينب هانم : مره حبوبة وعسل بس اهم شيء عندها الانضباط و الحضور على الوقت و تسوين الواجبات اللي تطلبها ، وفي داخل الكلاس مو شرط تشاركين بس اهم شيء ما تسوين ازعاج ولا تتكلمين مع اللي جنبك لانها تعصب من هالشيء وتنقلب انسانه ثانيه :) وبالنسبه لاسئلتها سهله جدا وجميله اسئلتها وتساعد البنات ولا تظلم احد .

اما امل صلاح تحب تشاركين في المخاضرات كثيره طلباتها ومكلفه ولازم اذا طلبت شيء يكون فيه ابتكار وما تجيب اشياء بسيطه و اسئلتها سهله وفي اسئله صعبه بس تظلم في درجات المشاركه و الاختبار مرات تسوين زين وتطلع درجتك ناقصه .
الله يوفقك ♥

رونق ..

2014- 9- 2, 05:00 AM

بنات اكيد مافيه محاضرات هالاسبوع؟؟؟
مانبي يحسبونا غياب :(

مافي محاضرات واصلا الكلاسات فاضيه ومحد مدوام الا البنات اللي عندهم مشكله في التسجيل وكلهم في الاداره جالسين
وباقي يقولون في اعضاء هيئه تدريس للحين ما وصلوا .

رونق ..

2014- 9- 2, 05:01 AM

ببنات لوسمحتو مادة تصميم وتطوير دروس فيها لها متطلب ؟؟
لازم ادرس قبلها طرق وتدريس ولا لا ؟؟ ؟

لا مش لازم لان مالها متطلب وهي مقرر كليه مش مقرر تخصص ، الله يوفقك ويسهل لك .