تسجيل الدخول

مشاهدة النسخة كاملة : استفسار عام رأيكم في جدولي

جالكسي جواهر
2014- 8- 24, 01:12 AM
السلام عليكم...


الثلاثاء / الأداره الأستراتيجيه

السبت / ادارة الاعمال الدوليه

الأثنين / بحوث الأعمال

الثلاثاء / ادارة الاعمال الصغيره

الخميس / المحاسبه الاداريه

الاثنين / نظرية المنظمات

الثلاثاء / ادارة التغيير

ودي اضيف ماده قضايا ثقافيه معاصره ما ادري اقدر ولا لا؟؟؟

اتمنى الافاده من اهل الخبره
Adel F
2014- 8- 24, 01:17 AM
عليكم السلام والرحمة ..
جدولك دسم حيل ، 21 ساعه ..
قضايا اختبارها في اليوم الاول الفترة الاولى مع الادارة الاستراتيجية الفترة الثانية ..
وحتى لو بغيتي تضيفينها ماتقدرين راح يكون عدد ساعاتك 23 .. والحد الاقصى 22 ساعه ..

وش باقي لك من المواد غير هالجدول ؟
جالكسي جواهر
2014- 8- 24, 01:39 AM
مع مادة القضايا 9 مواد ماودي ادرس ترم كامل عشان مادتين
Adel F
2014- 8- 24, 01:45 AM
اطرحي المواد نشوفها ، عشان نشور عليك ..
المتبقيه فقط غير اللي ذكرتي ..
جالكسي جواهر
2014- 8- 24, 01:59 AM
ادارة الجوده-اخلاقيات الاعمال-تعاقد وتفاوض-موضوعات خاصه في الاداره-السلوك التنظيمي- نظم المعلومات الاداريه-ادارة التسويق- النظم التكامله للمؤسسات
Adel F
2014- 8- 24, 02:20 AM
ي ساتر .. طيب جدولك يبيله جلسة .. برد عليك الصباح ..
لكن مبدئياً بعطيك كم ملاحظة :
1- قضايا سواءاً حطيتيها في السابع راح تكون مع الاستراتيجية واذا حطيتيها في الثامن راح تكون مع السلوك التنظيمي .. فماتفرق ..
2- التسويق + تعاقد وتفاوض = تعارض ضروري كل وحده بترم ..
3- ماتقدرين تنزلين 22 ساعه .. حدك 21 في هالترم ، لانو ماعندك الا مادة وحده ( ساعتين ) الي هي القضايا .. فلو حسبتيها من كل الجهات مستحيل تجي 22 ساعه .. ممكن تجي 23 او 24 لكن 22 مستحيل ..
4- لك خيارين انك تدرسي الترم الاخير مضغوطة حيل ، او انك تضيفي ترم اضافي وتوزعي موادك على راحتك ..
جالكسي جواهر
2014- 8- 24, 03:16 AM
الله يجزاك خير وملاحظاتك في محلها وافضل ادرس مضغوطه على اني ادرس سمستر زياده
Adel F
2014- 8- 25, 02:07 PM
اعتذر لك عن التأخير .. انا ضبطت لك جدولين ..
بس فيه حاجة لاحظتها انو اذا اخذتي هالفصل 21 وهو اقصى حد تقدرين توصلينه .. راح يتبقى 26 ساعه !!
مدري هل الجامعه بتسمح لك تسجيل 26 ساعه الترم الجاي ؟
أعتقد راح تكوني مجبورة على اضافة ترم ..
AL RABIE
2014- 8- 25, 03:06 PM
السلام عليكم ..

اهلين اختي ,, ومع التحيه والتقدير لاخوي عادل .. نصيحتي لك بترم اضافي مثل ماقال اخوي عادل الله يجزاه خير . لان المواد دسمه والمتبقيه لك دسمه ماشا الله .. وبالنهايه كل طالبه او طالبه عارف وعارفه المقدرة في المذاكره .. اذا باستطاعتك تضغطين نفسك بالمذاكره ومابيتأثر المعدل فتوكلي على الله ..واذا في شك عليك بالترم الاضافي ..
بالتوفيق
أمير الكلمة
2014- 8- 26, 02:17 PM
مساء الخير ..

اولا : انتي لازم تاخذين فصل ثالث للاسف لان موادك ما تنقسم على ترمين عندك 15 ×3 = 45 ساعة ومادة =2 ساعتين
ثانيا : عندي حل نظريا ممكن يتطبق لو خدمتك الظروف
خلي الترم ذا جدولك مثل ماهو 21 ساعه 7 مواد في 3 ساعات والترم الجاي 8 مواد في 3 ساعات = 24 ساعه لكن اختاري المواد بحيث ما يصير تعارض في الترمين
ويبقى عندك مادة قضايا فقط
هنا تحتاجين قليل من الحظ :(204):

* انه ينزل ترم صيفي وتتخلصين من مادة القضايا لانها اكيد تنزل

* انهم يسمحون لك بـ24 ساعه في المستوى الثامن


لو ماخدمتك الظروف كذا او كذا انت ماخذه ترم ثالث بس الفرق عاد انك انضغطتي شوي في ترمين
Adel F
2014- 8- 26, 04:01 PM
طريقتك ممتازة أمير .. لكن ماراح يسمحو لها بـ 24 ساعه الترم الثاني .. لانو مو ترم تخرج ..
أمير الكلمة
2014- 8- 27, 12:18 PM
طريقتك ممتازة أمير .. لكن ماراح يسمحو لها بـ 24 ساعه الترم الثاني .. لانو مو ترم تخرج ..



اذا نقول الخطوة الاولى تسجل 21 ساعه الترم ذا

الترم الثاني اذا ما سمحو لها بـ24 ساعة بيكون باقي عليها 26 ساعة تقسمها على ترمين 14 + 12 بحيث تدرس وهي مرتاحه ولا تغامر بانخفاض المعدل
s3dia90
2014- 8- 27, 06:18 PM
بعد اذن صاحبة الموضوع


يعني ترم التخرج يسمحوا الي 24 ساعه

لاني افكر اخذ 21 ساعة بالترم الثاني و اخذ قضايا ثقافية بالصيفي
Adel F
2014- 8- 27, 08:23 PM
بعد اذن صاحبة الموضوع


يعني ترم التخرج يسمحوا الي 24 ساعه

لاني افكر اخذ 21 ساعة بالترم الثاني و اخذ قضايا ثقافية بالصيفي

مافهمت عليك ، شنو الرابط بين ترم التخرج اذا كان مسموح بـ 24 ساعه وتخطيطك على 21 ساعه ؟
s3dia90
2014- 8- 28, 12:05 AM
مافهمت عليك ، شنو الرابط بين ترم التخرج اذا كان مسموح بـ 24 ساعه وتخطيطك على 21 ساعه ؟



يعني انا باقي 23 ساعه في ترم التخرج

واذا اخذت 21 ساعة بتبقى عندي قضايا ثقافية
s3dia90
2014- 8- 28, 12:21 AM
http://im49.gulfup.com/yMEBhJ.jpg



هذه المواد المتبقة وباخذ منها بحوث الاعمال ادا فتح تسجيل الفترة الثانية
ام روز 111
2014- 8- 28, 05:45 AM
في ناس يقولو يزيدون ل24 ساعه بس لازم ترووحيلهم للجامعه زوجي رايح للحسا عشان بس يظيفلي ماده ويكمل جدولي 24 ساعه صاحبت الموضوع جدولي نفسك تماااااااام