تسجيل الدخول

مشاهدة النسخة كاملة : جميع الاقسام بنات الدمام وتدامو للاحساء ساعدوني الله يرضى عنكم

gadeer alameer
2014- 8- 27, 09:32 PM
السلام عليكم اسعدالله اوقاتكم بكل خير
كيفكم انا طالبة مستجدة وساكنه بالدمام>>
المهم ابغا اسال بنات الدمام بجميع المستويات كيف تدامو للاجامعه
انا ابغا سواق او باص رايح جاي للدمام ياليت تساعدوني الله يسعدكم
وذا تروحو بالقطار كيف الوضع معاكم .........متى تخرجو وكيف مريح القطار ولا دروشه وضغط واعصاب
فيه ناس تذم وناس تمدح انتو ايش رايكم
حنين بسكات
2014- 8- 28, 01:38 AM
من اللي اشوفه بين صديقاتي
مافيه سواق رايح جاي للدمام ..
وحتى لو فيه .. ما أنصحك ..

كل اللي أعرفهم اما يروحون ويجون يوميا بالقطار ..
قطارهم تقريبا الساعة 5 وزيادة ويوصلون الكلية عالسبعة ونص
احيانا قبل احيانا بعد حسب التأحير والطريق ..
طبعا يتفقون مع سواق او باص ياخذهم من المحطة للجامعة ..
والبعض الثاني تجي بالقطار أول الاسبوع وتضل بالسكن ونهاية الاسبوع تنزل الدمام ..
كلن وحسب ظروفه ..
شوفي انتي وش تفضلين !!
هل بتتحملين الروحة والجية كل يوم بقطار ؟
ولا بتتحملين البعد عن أهلك وتجربة السكن الجامعي !؟
فتآت مسك
2014- 8- 28, 03:48 AM
في باص تبع الجامعه ياخذ من المحطه الى الجامعه اشوف بنات القسم يركبون معاه
بوح أنثى
2014- 8- 28, 11:53 AM
عندك خيارين إما سكن أو تروحي وتجي بالقطار
فيه كثير بنات يروحون ويجون بالقطار
ومثل ماقالت الاخت فيه باص تبع الجامعة يوصل الطالبات للمحطه ،
وله أوقات محدده ،
أنا عن نفسي أسكن بسكن خاص أريح من القطار ، هو مريح بس يومياً روحه وجيه
متعبه ،
/
حنين بسكات
2014- 8- 28, 08:05 PM
نصيحة ‘ يفضل تسكنين بالحسا ..
صديقتي اللي كانت تروح وتجي بالقطار ..
كانت تمر عليها ايام محاضراتها تخلص 5 وماتوصل البيت الا قريب العشا ..
ماكان يمديها ترتاح وتذاكر اختبارها اللي هو يكون ثاني يوم ..
استخيري وشوفي راحتك وين بتكون ؟