تسجيل الدخول

مشاهدة النسخة كاملة : جميع التخصصات بنات الحقوووو

bdoor5
2014- 8- 29, 04:05 PM
بنات فيه خبر يضيييييييييق الصدر
يقولون انه اذا اخذتي مواد فوق مستواك بثلاث مستويات
راح يحذفونلك الماده لابدت الدراسه !!!!!
هموم جامعيه
2014- 8- 29, 04:11 PM
اساساً ماتقدرين تسجلين ماده اعلى منك بثلاث مستويات شلون يحذفونها
مثلاَ انتِ المستوى الثالث ماتقدرين تاخذين ماده من المستوى السادس وهكذذا
qamr
2014- 8- 29, 06:37 PM
النظام تغير اول كان يقبل لو سويتي موافقة مشرفة الحين لا يقبل حتى لو جاك قبول

فقط تسجلين من مستويين مثلا انتي رابع تسجلين ثالث وخامس فقط
ولو خامس بيسمح لك ثالث وخامس وسابع
طبعا وفقا للسمستر يعني الحين تنزل مواد السمسترات الفردية اول وثالث وخامس وسابع والسمستر الثاني زوجية ثاني ورابع وسادس وثامن
وبالنظام مو على حسب مانتي درستي سنين او مستويات
النظام يحسبها لك بالساعات اللي درستيها يسوي لك معادلة ويحطك بمستوى اكاديمي بناءا عليها
senyorita
2014- 8- 29, 10:19 PM
من يوم تجين تسجلينها اصلا النظام مارح يقبل
طيش بنات
2014- 8- 30, 02:30 AM
خخير ان شاء الله ليش كذا حرام عليهم طيب الی خلصت كل المواد العامه وباقي له ذي وش تسوي تنتظر لحد ماتوصل مستوی 7 وانا 4 اووف نظام خااايس اقوي شي
هدوء إنسانة
2014- 8- 30, 04:24 AM
التــرم إللي فات صاحبتي من مستوى 3 وسجلت مادة من مسستوى 6 وسجلها النظام
لكن الجامعة خلوها تحدفها عقب اسبوع من الدرآآسسة ..
بقايا هم
2014- 8- 30, 05:28 AM
طيبب كيف انا مستوى 7 وعندي مواد من مستوى 3و2 ﻻزم اسجلهم ﻻني خريجة والترم الثاني ماتنزل هالمواد
صمت الوداع66
2014- 8- 30, 04:42 PM
طيب انا السمستر اللي طاف كنت مستوى رابع وسجلت من مستوى ثامن ماده شلون يعني مابتنحسب علي؟؟
هدوء إنسانة
2014- 9- 1, 04:49 AM
نزلو إعلان بتوتير قسسم الجغرافيا ..
إنوو إللي مسجله موآد اعلى منها بــ مستوين تحذفها وتسجل موآد من مستوآها
بمــآ إن التسجيل مفتوح لـــ يوم الثلاثاء


يعني إذا كنتي من مستوى 3 أو 4 وسجلتي مادة من مستوى 7 أو 8/ إحذفيها وشوفي لك البديل قبل لايتقفل
علييك الشعب /
لون إرجوآني..!
2014- 9- 1, 07:03 AM
طيب اني مستوى خامس وسجلت مادة من مستوى سابع عادي ولا يحذفونها لي ؟
Alhyla
2014- 9- 1, 07:21 AM
وانا ضاق صدري توني ادري:(
طيب وش السوات؟؟
sww
2014- 9- 1, 12:27 PM
أنا مستوى خامس وسجلت ماده من مستوى سابع عادي ولا بيحذفونها