المقررات ومتطلباتها ....؟

[طالبة انقلش ,,]

السلام عليكم ورحمة الله وبركاته
بصراحة أنا نويت اختصر مواد خامس بحيث اخذ خمس مواد تقريبا في هالمستوى وباقي المستويات واضيف ترم اخير بعد الثامن
صحيح كنت ضد هالكلام وبقوة اول مابديت ادرس كنت اقول امشي ع الخطة تمام ولااحذف اي مادة بس بعد الترم اللي راح ونزول مستواي بشكل افجعني وضيق صدري قررت اقلل المواد اللي اخذها بحيث اقدر اغطيها تمام
وطلبي منكم لاهنتوا جميعا تعلموني بالمواد اللي تحتاج متطلب سابق
والترم الاخير اللي راح اضيفه اخليه بعد الثامن ولا بين السابع والثامن اذا كان ضروري ان مواد ثامن تكون مواد تخرج
اتمنى تشرحون لي السالفة والله العظيم تايهه
اتمنى محد يقرا ردي ويطنش ؟
وهل ممكن المستوى الاخير يكون اقل من 10 ساعات ولاغير مسموح؟؟؟؟

[منال سعيد]

والله أنا ماعندي فكرة عن المتطلبات ...والمستوى الأخير 18ساعة وممكن تسجلي حتى 22 ساعة بس بشروط ... بس أنا أقول لو تمشين على الخطة يكون لك أفضل وحاولي تشدي حيلك وماغير تأجلي مادة أو مادتين بالكثير وتنتبهي من التعارض ...وربي يوفقك ويوفق الجميع

[طالبة انقلش ,,]

والله أنا ماعندي فكرة عن المتطلبات ...والمستوى الأخير 18ساعة وممكن تسجلي حتى 22 ساعة بس بشروط ... بس أنا أقول لو تمشين على الخطة يكون لك أفضل وحاولي تشدي حيلك وماغير تأجلي مادة أو مادتين بالكثير وتنتبهي من التعارض ...وربي يوفقك ويوفق الجميع

انا مابي 18 بالعكس ابي اقل بحيث يكون عدد موادي في اخرمستوى 4 او5 مواد بالكثير
ودي امشي عليها بس تعب وضغغط وانا عندي اطفال بالمدرسة محتاجين من وقتي الكثير
يعطيك الف عافية ع الرد
واتمنى من اللي عنده جواب شافي لايبخل علي ......... ودمتم ..

[طالبة انقلش ,,]

بصراحة اشكركم 60 مشاهدة ورد واحد معقولة كلكم ماعندكم خلفية
بيض الله وجيهكم ماقصرتوا

[rytal]

انا مثلك كثير احس بضغط واحس لازم ازود ترم

بحثت كثير عن المتطلبات انا العام لقيتها بالمنتدى بس الحين ماقدرت احصلها

ياليت الاخوان يساعدونا

[seema**]

انا من النوع اللي اذا ضغط على نفسه طنش كلو، عشان كذا اخذ ٦ او ٧ مواد بالكثير وارتب جدولي بحيث مايكون عندي فترتين او يومين وراء بعض والتخرج ان شالله لاحقين عليه المهم المعدل، انصحك بهاذي الطريقة اذا كان عندك مسؤليات على فكرة مستوى ثامن فيه ٥ مواد بس :)

[طالبة انقلش ,,]

انا من النوع اللي اذا ضغط على نفسه طنش كلو، عشان كذا اخذ ٦ او ٧ مواد بالكثير وارتب جدولي بحيث مايكون عندي فترتين او يومين وراء بعض والتخرج ان شالله لاحقين عليه المهم المعدل، انصحك بهاذي الطريقة اذا كان عندك مسؤليات على فكرة مستوى ثامن فيه ٥ مواد بس :)

وش تقصد خمس مواد ادري انها 5 مواد بس هل تقصد مانقدر نزيد عليها؟؟؟ ولاكيف؟؟

[ريم الفلا 33]

حتى انا مااحب اخذ مواد كثيرة اكثر من 7 مواد مااقدر لانه عندي مسؤوليات والتزامات والوقت مو مساعدنا يمر بسرعه الله المستعان .
بالنسبه للمتطلبات انا مافهمت قصدك بالضبط لكن اذا تقصدي المواد مثل مادة مدخل الى اللغويات بمستوى رابع مادة الصوتيات بمستوى خامس تابعه لها .

[أم البواسل]

الي أعرفه انه بتزيدين ترم يكون بعد الثامن وعادي تخلين مواد ثامن للترم الاضافي وتاخذين بدالها المواد الي أنتي مأجلتها لكن يبيلك ترسمين خطتك للمستويات القادمه من الحين بحيث مايصير عندك تعارض في المواد وتضطرين تاخذين ترم جديد عشان ماده او مادتين

[طالبة انقلش ,,]

اشكر كل من رد علي والله يجعله بميزان حسناتكم ويوفقكم بدراستكم
بس وش المواد اللي لها متطلب بحيث ماألخبط واترك شي من المواد وانا ماحسبت حسابي ان له متطلب قبله

[ممتازة]

اللي يمشي على الخطة ما راح يعور راسه في المتطلبات :sm4:ترتيب المواد في المستويات جاهز بس مشكلة اللي يشيلون و يحطون في ذا الجدول :bawling:راح تكون عندهم مشاكل في المتطلبات اكيد .:(107):.انصح بعدم الحذف الا للضرورة و كذلك الاضافة ..:(269):..امشو على الخطة تمشي أموركم

[طالبة انقلش ,,]

اللي يمشي على الخطة ما راح يعور راسه في المتطلبات :sm4:ترتيب المواد في المستويات جاهز بس مشكلة اللي يشيلون و يحطون في ذا الجدول :bawling:راح تكون عندهم مشاكل في المتطلبات اكيد .:(107):.انصح بعدم الحذف الا للضرورة و كذلك الاضافة ..:(269):..امشو على الخطة تمشي أموركم
طيب ماقلنا شي
بس من حقنا نعرف المواد اللي لها متطلب
معقولة كلكم زيي ماتعرفون؟؟
ولامطنشين ماتبون تردون الموضوع موذا أهمية بالنسبة لكم

[trook8]

ما عندنا بالتخصص متطلبات , اعتقد بالسابق كان ,, لكن حاليا عادي تقدري تاخذي مواد من اي مستوى قبل او بعد
المادة الوحيدة اللي لها متطلب هي مشروع التخرج , ما تقدري تاخذيها حتى تنهي مادة طرق البحث وتصميم الابحاث

فيه موضوع سبق اطلعت عليه بالمنتدى فيه متطلبات كل مادة , بس مو ملزم ..
زي ما قلت لك قبل .. فقط مشروع التخرج له متطلب

هنا الموضوع
http://www.ckfu.org/vb/t293786.html

لكن الافضل انك تمشي على الخطة , يعني تزيدي ترم تاسع لكن تحاولي قدر المستطاع ما تاخذي
من مواد مستوى حتى تنهي مواد المستوى اللي قبله ,, اقول يفضل بس من اجل ترتيب المناهج

يعني مثلا يفضل انك ما تاخذي الرواية الحديثة بمستوى سادس قبل ظهور الرواية بمستوى خامس
لان ظهور الرواية يعطيك مقدمة عن الرواية كيف بدات وعناصر الرواية وكيف ظهورها
ثم الرواية الحديثة تتكلم عن الرواية بالوقت الحاضر
فيفضل يكون بالترتيب افضل , لكن لو قدمتي هذي على هذي عادي ,,

بالتوفيق

[طالبة انقلش ,,]

ما عندنا بالتخصص متطلبات , اعتقد بالسابق كان ,, لكن حاليا عادي تقدري تاخذي مواد من اي مستوى قبل او بعد
المادة الوحيدة اللي لها متطلب هي مشروع التخرج , ما تقدري تاخذيها حتى تنهي مادة طرق البحث وتصميم الابحاث

فيه موضوع سبق اطلعت عليه بالمنتدى فيه متطلبات كل مادة , بس مو ملزم ..
زي ما قلت لك قبل .. فقط مشروع التخرج له متطلب

هنا الموضوع
http://www.ckfu.org/vb/t293786.html

لكن الافضل انك تمشي على الخطة , يعني تزيدي ترم تاسع لكن تحاولي قدر المستطاع ما تاخذي
من مواد مستوى حتى تنهي مواد المستوى اللي قبله ,, اقول يفضل بس من اجل ترتيب المناهج

يعني مثلا يفضل انك ما تاخذي الرواية الحديثة بمستوى سادس قبل ظهور الرواية بمستوى خامس
لان ظهور الرواية يعطيك مقدمة عن الرواية كيف بدات وعناصر الرواية وكيف ظهورها
ثم الرواية الحديثة تتكلم عن الرواية بالوقت الحاضر
فيفضل يكون بالترتيب افضل , لكن لو قدمتي هذي على هذي عادي ,,

بالتوفيق


يعطيك الف عافية ماقصرت
وبيض الله صدرك
ممكن اعرف وش المواد اللي اخذتها وهل بتزيد مستوى تاسع ولا لا؟؟

[trook8]

يعطيك الف عافية ماقصرت
وبيض الله وجهك
ممكن اعرف وش المواد اللي اخذتها وهل بتزيد مستوى تاسع ولا لا؟؟

ما عندي نية لمستوى تاسع ,,
انا الان مستوى سادس ,, وماشي تقريباً على الخطة ..