تسجيل الدخول

مشاهدة النسخة كاملة : جامعة الملك فيصل تجمع طالبات الدبلوم التربوي2014 الاحساء

طالبة5
2014- 8- 30, 11:41 AM
السلام عليكم حبيباتي
حبيت يكون لنا موضوع واحد فيه كل شي يهم الدبلوم التربوي
بدل المواضيع المشتته
نناقش هنا
( تسجيل المواد ,الجدول ،الدوام،المواصلات،الرسوم،الدكاتره،الواجبات)

واي شي يخصنا
وان شالله سنة خير وتوفيق للجميع:love080:
البرنسيسـه
2014- 8- 30, 04:04 PM
عليكم السلام ورحمة الله وبركاته
يعطيك العافيه اختي

تسجيل موادنا ٥-١١ يعني بكرا ؟
طيب ايش القصه
الرقم الاكاديمي اخذناه من اشعار القبول تبعنا بس ماعندنا رقم سري علشان نقدر ندخل النظام !!
جنان وكلي حنان
2014- 8- 30, 05:10 PM
وعليكم السلام والرحمه

جد سؤالي نفس أختي برنسيسه

كيف استخرج الرقم السري

وبكرا التسجيل كم الساعه وبيكون على نظام البنر ولا

أتمنى التوضيح اذا أحد يعرف
احلا من الحلى
2014- 8- 30, 11:51 PM
من جد متى نقدر نعرف الرقم السري هم قالو نفس اللي سجلتي فيه بس ماينفع
طالبة5
2014- 8- 31, 12:44 AM
هذي الخطه لدبلوم التربوي
بس اغلبهم يقولون ٧ مواد الترم الاول


http://www.kfu.edu.sa/ar/Deans/HigherStudies/Pages/Programs.aspx

كاتبه ريحانة الهادي عن تسجيل المواد

والمواد بتلقونها بجدول الكبير كلية التربية وناخذ منه ارقام السي ار ان

http://bannerinb.kfu.edu.sa/KFU/ws?p...&p_sex_code=12

والشعب تكون بحرف D
أرقام الشعب D4 , D3 , D2 , ......
ديني تاج راسي
2014- 8- 31, 02:03 AM
السلام عليكم ورحمه الله وبركاتو
انا شخصيا لما رحت اطابق قالت لي ان الترم الاول بتنزل لكم ست مواد من دون ما تسمي المواد او تقول لي طريقه تسجيل المواد يعني هل انا ارتب الجدول او ينزل لي جاهز وانا اؤكد التسجيل
والنقطه الثانيه اللي قالتها لي ان الدوام من 3 الى 7 مقسم على فترتين وان الرسوم تدفع نهاية اول اسبوع نداوم فيه حيث نكون خذنا فكره عن المواد نقرر ونروح لها اذا بتكملين تعطيك آلية التسديد واذا بتنسحبين تخلص اجراءاتك وتحط وحده من الانتظار مكانك
وثالث نقطه قالتها لي ان راح نستخدم الرقم الاكاديمي ورقم السجل المدني في دخول النظام من غير ما توضح الطريقه او ايهما الرقم السري ورقم المستخدم

اخواتي انا لي ثلاث ايام احاول ادخل الرابط اللي في ارقام crn لكن رافض يفتح

http://bannerinb.kfu.edu.sa/KFU/ws?p...&p_sex_code=12

في احد مثلي
البرنسيسـه
2014- 8- 31, 02:10 AM
نفس اللي سجلت فيه
تقصدين الرقم السري اللي شيكنا ع النتايج فيه ؟
ديني تاج راسي
2014- 8- 31, 02:23 AM
انا دخلت على موقع الجامعه ودخلت عماده الدراسات العليا ودخلت تسجيل المقررات من القائمه الموجوده يسار الشاشه ودخلت استخراج الرقم السري يطلع لي خطا وجربت اختار الدخول الى نظام البنر ودخلت الرقم الاكاديمي مكان اسم المستخدم والرقم السري رقم السجل المدني لكن بدون فايده ولاحظت سطر قوق الايقونات مكتوب عليه
في حالة عدم تمكنك من الدخول الرجاء تحديث بياناتك باستخدام رابط تحديث البيانات اضغط هنا . ودخلت اجرب احدث البيانات وطلب مني الرقم الاكاديمي اللي هو نفسه رقم المستخدم طلع ان لفد أدخلت مستخدم غير صحيح

انا اتوقع ان النظام بيفتح بكر وبياناتنا جاهزه فيه لان اخر يوم للمطابقه كان الخميس وما اعتقد انهم بيدخلون المقبولات بالتقسيط راح يدخلون البيانات عندهم بجهتز الجامعه وفي يوم الاحد راح ينزلون البيانات دفعه وحده يعني ما لنا الا الصبر الى بكره وربي يسهل للجميع واللي يفتح معاها النظام او توصلها معلومات بكره تنزلها مباشره بالمنتدى ولها منا الدعاء
ديني تاج راسي
2014- 8- 31, 02:28 AM
نفس اللي سجلت فيه
تقصدين الرقم السري اللي شيكنا ع النتايج فيه ؟

لا قالت الرقم السري اللي دخلنا فيه على النتايج ندخل مكانه اما رقم السجل المدني او الرقم الاكاديمي لان انا يوم سالتها قالت لي بدال ماتدخلين رقم السجل المدني والرقم السري اللي سجلتيه بالبدايه التسجيل تخلين الرقم الاكاديمي الموجود بشعار القبول ورقم السجل المدني بدون ما تحدد الطريقه وبدال ما ادخل بوابه القبول ادخل تسجيل المقررات
ندى الفراج
2014- 8- 31, 08:52 AM
الله يسعدكم يابنات عندي كم سوال ياليت الي تعرف ترد علي انا انقبلت في جامعة الامام بالرياض دبلوم تربوي وابي احول للكم او جامعة الدمام هل اقدر ؟ وش الشروط المطلوبه في التقديم ع الدبلوم التربوي عندكم ؟؟
نجميه
2014- 8- 31, 09:32 AM
لين الان مايدخل مدري متى بيضبطونه
احلا من الحلى
2014- 8- 31, 12:44 PM
[QUOTE=ديني تاج راسي;11322320]السلام عليكم ورحمه الله وبركاتو
انا شخصيا لما رحت اطابق قالت لي ان الترم الاول بتنزل لكم ست مواد من دون ما تسمي المواد او تقول لي طريقه تسجيل المواد يعني هل انا ارتب الجدول او ينزل لي جاهز وانا اؤكد التسجيل
والنقطه الثانيه اللي قالتها لي ان الدوام من 3 الى 7 مقسم على فترتين وان الرسوم تدفع نهاية اول اسبوع نداوم فيه حيث نكون خذنا فكره عن المواد نقرر ونروح لها اذا بتكملين تعطيك آلية التسديد واذا بتنسحبين تخلص اجراءاتك وتحط وحده من الانتظار مكانك
وثالث نقطه قالتها لي ان راح نستخدم الرقم الاكاديمي ورقم السجل المدني في دخول النظام من غير ما توضح الطريقه او ايهما الرقم السري ورقم المستخدم

اخواتي انا لي ثلاث ايام احاول ادخل الرابط اللي في ارقام crn لكن رافض يفتح

http://bannerinb.kfu.edu.sa/KFU/ws?p...&p_sex_code=12

في احد مثلي[/QUOT=ديني تاج راسي;11322320]


فيه موضوع الموقع عن تسجيل مواد الدبلوم التربوي حاولت انسخ الرابط بس مو ضابط اذا حطيته هنا
ديني تاج راسي
2014- 8- 31, 12:56 PM
اعلان عن فتح تسجل المقررات

http://www.kfu.edu.sa/ar/Deans/HigherStudies/Lists/KfuNews/DispForm.aspx?ID=64



وحتى الان مايفتح واذا جيت احدث البيانات يعطيني غير صحيحي واستخراج الرقم السري ما يفتح الصفحه
البرنسيسـه
2014- 8- 31, 03:51 PM
وانا نفس القصه ايش الحل !
ديني تاج راسي
2014- 8- 31, 04:14 PM
وانا نفس القصه ايش الحل !

نصبر يمكن يفتح المساء مثل النتايج صدرت المساء واذا خلص اليوم ولا انحلت المشكله بكره باذن الله بكلم اًً.عفاف

لكن باذن الله بيفتح وبتتسهل الامور
جنان وكلي حنان
2014- 8- 31, 04:19 PM
أنا اليوم الصباح رحت للأستاذه عفاف قلت لها المشكله خذت رقمي الاكادمي واتصلت على شخص عطته
وللأن ولاشفت شي يطلع المستخدم غير صحيح

جد وش هالبرود ليه مايعالجون هالمشكلة
البرنسيسـه
2014- 8- 31, 04:32 PM
هو المشكله انو مانعرف الرقم السري !
جربت احط السجل المدني مكانه و جربت الاكاديمي مافي فايده
و اذا دخلنا على تحديث البيانات او الحصول على رمز سري
يقول اسم مستخدم خطا
عموما نصبر و نشوف ان شاء الله خير
ديني تاج راسي
2014- 8- 31, 05:04 PM
أنا اليوم الصباح رحت للأستاذه عفاف قلت لها المشكله خذت رقمي الاكادمي واتصلت على شخص عطته
وللأن ولاشفت شي يطلع المستخدم غير صحيح

جد وش هالبرود ليه مايعالجون هالمشكلة



طيب اختي ما استفسرتي عن المواد وطريقه التسجيل هل الجدول جاهز واحنا ناكد او احنا نرتب الجدول وماهي الست المواد اللي بندرسهم هالترم
جنان وكلي حنان
2014- 8- 31, 05:17 PM
ديني تاج راسي

لا والله ما سالت كذا أنه هم ينزلونه لنا ولا

بس قلت لها التسجيل بالنر وندخل المواد آحنى وانه يفتح البنر ست بهالصيغه قالت ايه بس
الميش
2014- 8- 31, 05:33 PM
دقايق بسيطه ويفتح البنر وحنا لذا الحين مو عارفين الرقم السري
وشلون نسجل المواد
مافيه اي ترتيب بالموضوع
نجميه
2014- 8- 31, 06:31 PM
حنا مو نجهل الرقم السري

الرقم الاكاديمي بكبره مو موجود ع النظام عشان كذا يطلع مستخدم غير صحيح
البرنسيسـه
2014- 8- 31, 06:35 PM
ليه الرقم السري تعرفينه ؟
هو من خلال الاكاديمي يعطونا اياه
لكن الاكاديمي حقنا شكله غير مفعل بالنظام
ديني تاج راسي
2014- 8- 31, 06:37 PM
دقايق بسيطه ويفتح البنر وحنا لذا الحين مو عارفين الرقم السري
وشلون نسجل المواد
مافيه اي ترتيب بالموضوع المشكله ان النظام نفسه مو شغال غلشان كذا مو عارفين الرقم السري او كيف نسجل المواد هو لو يفتح البانر بنكتشف الطريقه لكن النظام للحين مو فاتح اذا في وحده فتح معها البنر او صفحة استخراج الرقم السري او طلع معاها رقم الاكاديمي في خانه تحديث البيانات صحيح تبلغنا لان المشكله كلها بنظام الجامعه الفاشل الي الى الان مافتح
جنان وكلي حنان
2014- 8- 31, 06:39 PM
الله يعطينآ الصبر بس للآن لا جديد
البرنسيسـه
2014- 8- 31, 06:53 PM
كيف يفتح البانر بدون رقمك السري مستحيل يفتح
لازم الرقم السري اولا
طالبة5
2014- 8- 31, 06:54 PM
بنات كلكم ماتفتح عندكم استخراج الرقم السري؟

طيب وش الحل ومتى نسجل المواد!!!!!
البرنسيسـه
2014- 8- 31, 09:38 PM
ايش صار بنات ؟

للحين ما تعدل سالفة الرقم السري
لصمتي هيبه
2014- 8- 31, 09:53 PM
السلام عليكم بنات
انا من طالبات الدبلوم التربوي السنة الماضية
الايقونة نفسها اللي سويت منها السنه الماضية رقم سري موجودة لكن هل هناك من سيجرب ؟؟
لأني لا ادري عن فاعليتها لهذه السنة
البرنسيسـه
2014- 8- 31, 10:01 PM
قصدك اختي تحديث البيانات ؟
اللي نحط الرقم الاكاديمي و يطلع لنا السري ؟

اذا هذا قصدك جربت مانفع
لصمتي هيبه
2014- 8- 31, 10:10 PM
من وين جربتيه ؟؟
البرنسيسـه
2014- 8- 31, 11:23 PM
لما نفتح بوابة الطلبه المستجدين او بالموقع جهه مكتوب فيها الطلبه تحتها مكتوب الحصول على رمز سري
ديني تاج راسي
2014- 8- 31, 11:46 PM
المشكله تواجه جميع طالبات وطلاب الدراسات العليا اللي مفروض يسجلون انا دخلت على كذا موضوع هنا بالمنتدى والكل نفس حالتنا وعلق احد الاعضاء ان في طالب تواصل مع الجامعه عن طريق البريد والرد كان ان هناك مشكله بقسم تقنيه المعلومات وان النظام والتسجيل بيفتح بكره
لصمتي هيبه
2014- 8- 31, 11:47 PM
غريب وضعكم السنه اللي راحت طلعناه من نفس الموجود ببوابة الطلبة المستجدين
لصمتي هيبه
2014- 8- 31, 11:48 PM
بس استفسروا من استاذه عفاف وهي ماراح تقصر ان شاء الله مررة متعاونه
طالبة5
2014- 9- 1, 12:02 PM
وحد كاتبه هنا بالمنتدى
اقتباس:
المشاركة الأصلية كتبت بواسطة نجميه
ايوه انا رحت اليوم
تقول استاذه عفاف ما اوعدكم انو التسجيل اليوم بس ان شاء الله اليوم
وانتو ترقبو البنر لين يضبط اليوم بكره بعدو
دمعة المآآس
2014- 9- 1, 05:26 PM
في احد منكم تفعلت معه الايقونة ؟؟
طالبة5
2014- 9- 1, 05:49 PM
انا للحين ماتفعلت
دمعة المآآس
2014- 9- 1, 05:52 PM
الله يسهل لنا يارب
شخبطه
2014- 9- 1, 06:54 PM
،

من عمادة الدراسات العليا
في ايقونه اسمها " اعادة تعيين الرمز السري "
من هنا تطلعون الباسوورد ..

.
بالتوفيق
ديني تاج راسي
2014- 9- 1, 07:56 PM
السلام عليكم ورحمه الله وبركاتو
هلا اخواتي بما ان النظام بدا يفتح ولله الحمد انا الى الان ما تفعل عندي الرقم السري لكن دخلت على الجدول اللي موجود بالرابط
http://bannerinb.kfu.edu.sa/KFU/ws?p_trm_code=143510&p_col_code=02&p_sex_code=12

وبعد ما سألت البنات في موضوع بالمنتدى جزاهم الله خير وضحو لي كذا نقطه كانت مو واضحه اول شي علشان نعرف موادنا احنا المواد اللي عنده الشعبه D لاحظت ان عند كل شعبه رقم مثلا D2 -D3-D4 - D5 ,والى الان مافهمت قصت الارقام وايش دلالتها وهل اقدر اسجل ماده تحمل شعبه D3 وماده ثانيه تحمل D4 اتمنى من اللي عندها خبره بالبنر توضح لنا لاني انا خريجه قديمه ولا تعاملت معاه من قبل اتمنى تجاوبون على سؤالي

ثاني شي استاذه عفاف قالت ان موادنا هذا الترم ست مواد وفي الجدول اغلاه منزلين 8 مواد هل انا اختار المواد اللي انا ابغاها او اسجل جميع المواد او انا مخيره بين اني اسجل ست او سبع او ثمان مواد يعني على حسب قدرتي هذا سؤال ثاني حبه ان البنات يوضحونه لنا واذا مافي احد عنده خلفيه وناوي يروح للجامعه بكره بسال الاستاذه عفاف هذا السؤال

ثالث شي انا جمعت المواد الدكاتره اللي تدرسهم وودي من طالبان السنه الماضيه او طالبات كليه التربيه ان فيدونا يعني اي افضل دكتوره والشرح وامتحاناتها وجزاهم الله عنا كل خير
بسم الله ابدأ

اول- التعليم في المملكه العربيه السعوديه (د-ناهد عبدالله الموسى - د-منال حمد الخاتم )
ثانيا- علم النفس التربوي (د-هانم مصطفى - د- زينب عبدالرزاق -د- محمد عبد المنعم )
ثالثا -علم النفس النمو (د-سماح مصطفى -د-سناء محمد-د-منى محرم عبدالمجيد ) وفي دكتوره فاطمه الهويش لكن استغربت انهي ماكانت مع باقي الدكتورات يعني موجوده بجدول ثاني ومحاضرتها بيوم مختلف
رابعا - تقنيات التعليم (د-احلام محمد عبد الرحمن- د- الاء يحيى سالم -د-عزه جميل )
خامسا - المناهج وطرق التدريس (د- احلام محمد العرفج -د-هيا الداوود -د-ساره صال محمد المصطفى )
سادسا -تصميم وتطوير التدريس (د-امير القرشي -د- محمود عبد الحي -د-فؤاد المظفر )
سابعا - طرق التدريس خاص (علمي -ادبي) (د-عبير عبد المحسن -د-عواطف الظفر -د- منال محمد امين )
ثامنا - التربيه العمليه (د ايمان عبد الرحمن ) وهذي الماده ناقزه يوم الجمعه تدريب

اتمنى من الاخوات ان يفيدون وجزاكم الله خير والله يوفق جميع المقبولات يارب
لصمتي هيبه
2014- 9- 1, 08:23 PM
السلام عليكم بنات
بالنسبه لشعبه فاطمة الهويش خاصه بدبلوم توجيه وارشاد وليس الدبلوم التربوي
اما التربيه العمليه ماتتسجل هالوقت في الترم الثاني وتكون موجودة لاسباب ثانيه لان دفعتنا كانت نفس الشي موجودة ولا سجلناها
ديني تاج راسي
2014- 9- 1, 08:32 PM
السلام عليكم بنات
بالنسبه لشعبه فاطمة الهويش خاصه بدبلوم توجيه وارشاد وليس الدبلوم التربوي
اما التربيه العمليه ماتتسجل هالوقت في الترم الثاني وتكون موجودة لاسباب ثانيه لان دفعتنا كانت نفس الشي موجودة ولا سجلناها

جزاك الله خير طيب ماعندك خلفيه عن باقي الدكتورات وطريقه شرحهم
ديني تاج راسي
2014- 9- 1, 08:34 PM
السلام عليكم ورحمه الله وبركاتو
هلا اخواتي بما ان النظام بدا يفتح ولله الحمد انا الى الان ما تفعل عندي الرقم السري لكن دخلت على الجدول اللي موجود بالرابط
http://bannerinb.kfu.edu.sa/KFU/ws?p_trm_code=143510&p_col_code=02&p_sex_code=12

وبعد ما سألت البنات في موضوع بالمنتدى جزاهم الله خير وضحو لي كذا نقطه كانت مو واضحه اول شي علشان نعرف موادنا احنا المواد اللي عنده الشعبه D لاحظت ان عند كل شعبه رقم مثلا D2 -D3-D4 - D5 ,والى الان مافهمت قصت الارقام وايش دلالتها وهل اقدر اسجل ماده تحمل شعبه D3 وماده ثانيه تحمل D4 اتمنى من اللي عندها خبره بالبنر توضح لنا لاني انا خريجه قديمه ولا تعاملت معاه من قبل اتمنى تجاوبون على سؤالي

ثاني شي استاذه عفاف قالت ان موادنا هذا الترم ست مواد وفي الجدول اغلاه منزلين 8 مواد هل انا اختار المواد اللي انا ابغاها او اسجل جميع المواد او انا مخيره بين اني اسجل ست او سبع او ثمان مواد يعني على حسب قدرتي هذا سؤال ثاني حبه ان البنات يوضحونه لنا واذا مافي احد عنده خلفيه وناوي يروح للجامعه بكره بسال الاستاذه عفاف هذا السؤال

ثالث شي انا جمعت المواد الدكاتره اللي تدرسهم وودي من طالبان السنه الماضيه او طالبات كليه التربيه ان فيدونا يعني اي افضل دكتوره والشرح وامتحاناتها وجزاهم الله عنا كل خير
بسم الله ابدأ

اول- التعليم في المملكه العربيه السعوديه (د-ناهد عبدالله الموسى - د-منال حمد الخاتم )
ثانيا- علم النفس التربوي (د-هانم مصطفى - د- زينب عبدالرزاق -د- محمد عبد المنعم )
ثالثا -علم النفس النمو (د-سماح مصطفى -د-سناء محمد-د-منى محرم عبدالمجيد ) وفي دكتوره فاطمه الهويش لكن استغربت انهي ماكانت مع باقي الدكتورات يعني موجوده بجدول ثاني ومحاضرتها بيوم مختلف
رابعا - تقنيات التعليم (د-احلام محمد عبد الرحمن- د- الاء يحيى سالم -د-عزه جميل )
خامسا - المناهج وطرق التدريس (د- احلام محمد العرفج -د-هيا الداوود -د-ساره صال محمد المصطفى )
سادسا -تصميم وتطوير التدريس (د-امير القرشي -د- محمود عبد الحي -د-فؤاد المظفر )
سابعا - طرق التدريس خاص (علمي -ادبي) (د-عبير عبد المحسن -د-عواطف الظفر -د- منال محمد امين )
ثامنا - التربيه العمليه (د ايمان عبد الرحمن ) وهذي الماده ناقزه يوم الجمعه تدريب

اتمنى من الاخوات ان يفيدون وجزاكم الله خير والله يوفق جميع المقبولات يارب

بانتظاركم
لصمتي هيبه
2014- 9- 1, 08:43 PM
هم الصراحه نفس دكاترتنا لكن تقنيات التعليم ومناهج وطرق تدريس وطرق تدريس خاصه كانت الاسئله موحده لجميع الدكاتره
لصمتي هيبه
2014- 9- 1, 08:44 PM
وانا خذت عند دكاتره حليوين وماعندي خلفيه كبيره عن الباقي
دمعة المآآس
2014- 9- 1, 09:00 PM
كيف عرفتوا ان الهويش خاصه بالتوجيه والارشاد
الميش
2014- 9- 1, 09:34 PM
مافتح معي النظام
احد فتح معه؟
جنان وكلي حنان
2014- 9- 1, 09:43 PM
وأنا بعد مافتح معي هذا حق ايقونه استعادة الرقم السري

كيف وضحي لنا ؟؟؟؟
دمعة المآآس
2014- 9- 1, 09:59 PM
شكله مافتح عندنا طالبات الدبلوم
يمكن فتح للماستر بس
ريحانة الهادي
2014- 9- 1, 11:46 PM
شكله مافتح عندنا طالبات الدبلوم
يمكن فتح للماستر بس

انا ماستر وما فتح معي
ريحانة الهادي
2014- 9- 1, 11:50 PM
موادكم نفس موادنا العام الماضي ونفس الدكاترة
بس التربية العملية ماتسجلونها الحين
في الترم الثاني تسجلونها
واجباري تسجلون المواد السبع مو تقولون تبون 6
لانها ماراح تنزل الترم الثاني
ريحانة الهادي
2014- 9- 2, 12:01 AM
ومثل ما قالت اختي لصمتي هيبه
المواد ( تقنيات التعليم ، المناهج وطرق التدريس ، طرق تدريس خاصة )
الدكاترة يوحدون الاسئلة
بس كل دكتور يختلف في طريقة الشرح والواجبات والبحوث
بالنسبة لتقنيات التعليم مافيها واجبات ولا بحوث ولا شي
كل الدرجات على الاختبارات
فاختاروا اي دكتورة لان الاسئلة موحدة

المناهج انصحكم تاخذون سارة
لان هيا مايمدحونها
واحلام انا جربتها واجباتها كثيييييييرة في كل محاضرة تعطي
اما سارة شرحها رووعة وماتعطي واجبات كثيرة مثل احلام

طرق تدريس خذوا عند دكتورة عبير
دكتورة روعة وأفضل بكثيير من منال وعواطف
ريحانة الهادي
2014- 9- 2, 12:08 AM
أما باقي المواد
تصميم وتطوير الدروس
انا درستها عند محمود
شرحه حلو ومنهجه قليل جدا ينقلكم وتكتبون معاه
وأسئلته سهلة

علم نفس تربوي
سجلوها عند محمد عبد المنعم
انا مادرستها عنده بس يمدحونه
دكتورة هانم زينه بس اسئلتها صعبة وتعتمد ع الفهم
ودكتورة زينب ناس تمدحها وناس تذمها

علم نفس نمو سجلوها عند منى محرم وانتوا مغمضين
مع العلم اني مادرست عندها بس الكل يمدحها

انا التعليم في المملكة
انا درستها عند دكتورة منى العيدان روووعة
بس احذفوا اسمها في الشعبة اللي مو مكتوب فيها دكتور
ريحانة الهادي
2014- 9- 2, 12:12 AM
انا قلت لكم رأيي عن الدكاترة وانتوا براحتكم
اختاروا اللي تبون تدرون كل بنت لها وجهة نظر
ويمكن في دكتورة تعجبني وماتعجبكم

موفقين جميعا
ديني تاج راسي
2014- 9- 2, 01:06 AM
انا قلت لكم رأيي عن الدكاترة وانتوا براحتكم
اختاروا اللي تبون تدرون كل بنت لها وجهة نظر
ويمكن في دكتورة تعجبني وماتعجبكم

موفقين جميعا

جزاك الله الجنه ماقصرتي وربي يوفقك ويسهلك امورك ويفتح عليك
ديني تاج راسي
2014- 9- 2, 01:31 AM
ماده التعليم في المملكه الخانه الفاضيه يوم الثلاثاء من الساعه ٥تعارض محاضره المناهج وطرق التدريس يعني مافي قدامنا الا ناهد او منال
الحب الراحل
2014- 9- 2, 05:56 AM
المواصلات الي من خارج الحسا غير القطار ..؟؟
اذا في سيارة ..؟؟ ليت تعلمونى
طالبة5
2014- 9- 2, 08:02 AM
بنات فتح معكم؟
الماستر فتح وسجلو:(
ديني تاج راسي
2014- 9- 2, 12:10 PM
بنات ايش صار معاكم انا تعبت انا ادق على رقم الجامعه كل مشغول واذا شبك الخط ودخلت تحويلت الاستاذه عفاف يفصل واذا دقت مره ثانيه وغيرت دخلت تحويلت الاستعلام ما احد يرد تعبت وانا ادق من الساعه تسع الى ١١ومافي فايده
احد راح اليوم الجامعه او فتح معاه النظام انا الى الان يطلع لي ان الرقم الاكاديمي غير صحيح
دمعة المآآس
2014- 9- 2, 02:58 PM
الى الان الرقم الاكاديمي غير صحيح
دموع الحنين
2014- 9- 2, 03:11 PM
بنات الله يجزاكم خير عطوني شعب موادنا وارقام السي ار ان

زحممه ع صفحة الجدول كتبت مادتين وقفلت الصفححه
البرنسيسـه
2014- 9- 2, 05:02 PM
تعدل الرقم السري ولا ؟؟؟
الميش
2014- 9- 2, 05:20 PM
لا لذا الحين
عطر العجمي
2014- 9- 2, 09:46 PM
تعبنا من انتظار النتايج واللحين م عاد فينا طاقه نتحمل تأخير الرقم السري ): ��
احلا من الحلى
2014- 9- 2, 09:56 PM
بنات أرقام سي ار ان تبع التوجية والإرشاد الطلابي والقياس والتقويم التربوي شنو

ونسجل 7 ولا 6 مواد

الاستاذه عفاف قال 6 كيف طيب
J00dy
2014- 9- 2, 10:09 PM
قالت أ. عفاف نسجل ٦ مواد لكن ب الجدول موجوده ٧ مواد لازم نسجل ٧ لانو مو نازلين الفصل الثاني مثل بنات العام والاعوام السابقه كانو كذا


ملينا من انتظار تفعيل الرقم الاكاديمي كل يوم بكره استغفر الله ضاع يومي ع مقابل البنر
البرنسيسـه
2014- 9- 2, 10:58 PM
من جد سببوا لنا قلق ماهي حاله والله !
كان قالوا لنا الاسبوع الجاي ماراح نقول لا بالعكس بنستمتع بالاجازه
طالبة5
2014- 9- 2, 11:59 PM
دايم دبلوم منسيين
اخرونا بالنتايج والحين اخرونا بالتسجيل المواد
ليه كذا:mad:
ملكة العواطف
2014- 9- 3, 10:22 AM
دايم دبلوم منسيين
اخرونا بالنتايج والحين اخرونا بالتسجيل المواد
ليه كذا:mad:




مو بس المشكله عند الدبلوم حتى الماستر
ربي يسهل على الجميع ......:106:
Όoρѕ
2014- 9- 3, 10:48 AM
بنات احد فيكم سدد الرسوم ؟!
ديني تاج راسي
2014- 9- 3, 12:49 PM
بنات احد فيكم سدد الرسوم ؟!

انا عن نفسي لسى لان ا،عفاف قالت ان التسديد يكون بعد اول اسبوع من الدراسه فقلت ليه الاستعجال والامر فيه سعه والواحد ما يدري ايش يصير بالايام الجايه
ديني تاج راسي
2014- 9- 3, 12:58 PM
بما ان للحين ما بين شي عن تسجيل المواد خلونا نستفيد حبيت اسال بنات السنه الماضيه عن الكتب والمراجع هل هي موحده لجميع الشعب او كل دكتور له مرجع ومثل ما قالت الاخت ريحانه ان بعض الدكاتره نكتب وراهم وباقي الدكاتر ايش هي المراجع والكتب اللي تنطلب منا وهذة هي :


اولا -التعليم في المملكه العربيه السعوديه
ثانيا- علم النفس التربوي
ثالثا -علم النفس النمو
رابعا - تقنيات
خامسا - المناهج وطرق التدريس
سادسا -تصميم وتطوير التدريس
سابعا - طرق التدريس خاص (علمي -ادبي)
Όoρѕ
2014- 9- 3, 01:06 PM
صديقتي وسوست هههههه تقول يمكن التسجيل مافتح لان مادفعت الرسوم
قلت اسالكم واطمنها
ديني تاج راسي
2014- 9- 3, 03:23 PM
بنات في احد راح اليوم الجامعه وشاف القصه مطوله ولا في حل ثاني تعبنا نفسيا طول الوقت داخلين على البنر والرقم خطأ لان التلفون محد يرد اليوم اتصل وماترد أ،عفاف والحل نبي نتب وضعنا
البرنسيسـه
2014- 9- 3, 05:49 PM
ممكن تحطين لي الرقم اختي ديني تاج راسي
ديني تاج راسي
2014- 9- 3, 09:20 PM
هذا رقم الجامعه مع تحويله ا،عفاف

5812545 ------تحويله 3238


انا باذن الله بكره بروح بنفسي الجامعه
طالب دبلوم
2014- 9- 3, 11:15 PM
السلام عليكم ورحمة الله وبركاته
اسعد الله مسائكم ،
وش صاار علئ تسجيلنا بالدبلوم. التربوي ?
يعني معقول لاحد الان كذا معلقين. ماندري وش نسوي
اول ماوديت اوراقي وقت تدقيق الاوراق سئلته عن طريقة. السداد وقال لي الموظف تابع الموقع
اتمنئ من اختي الفاضله اللي تبي تروح للجامعه. تسئلهم نتابع الموقع ولا نجيهم نزين امورنا ?
البرنسيسـه
2014- 9- 4, 08:12 AM
لا تستعجلون بدفع الرسوم بدري عليها
يمكن تلغى !
ديني تاج راسي
2014- 9- 4, 02:39 PM
السلام عليكم ورحمه الله وبركاتو
اليوم انا رحت الجامعه وقابلة استاذه عفاف ويوم سالتها عن الرقم الاكديمي قالت يطلع خطأ لانه الى الان لم يفعل وباذن الله اليوم بيفعل المغرب على حد قولها
ثانيا قالت موادكم ست مواد فقط بتطلع عندكم اذا فتح عندكم البنر وان دبلوم التربيه مقسم الى شعبتين فقط وانهي راح تطبع جدول الشعبتين وتعلقهم قدام غرفتها يوم الاحد وراح يكون موضح في الجداول اللي بتطبعهم المبنى والمدرجات ووانهي راح تنزل الجدول بحيث اذا رحنا الساعه ثلاث راح نلقاه موجود ومعلق ولازم نسحل المواد بالموقع

وثالث شي للي سال عن الرسوم سالتها وعطتني رقم حساب ببنك البلاد وقالت صوري ثلاث نسخ من ايصال الايداع وسلميهم لي والتسديد دفعه وحده للترم الاول ومو ضروري التسديد اليوم المهم واخر مهله للسداد نهايه الاسبوع الجاي مثل ما قالو لنا يوم المطابقه
وانصح اللي سال عن السداد يروح قسم الدراسات العليا ويستفسر لا ينتظر الموقع

اتمنى اكون فدكم

والحمد الله الذي تتم بحمده النعم
كيمياء المحبة
2014- 9- 4, 04:02 PM
اختي احنا سمعنا ان دفع الرسوم بعد اسبوع من الدراسه مب اسبوع الجاي

الله يسهل
البرنسيسـه
2014- 9- 4, 04:57 PM
السلام عليكم ورحمه الله وبركاتو
اليوم انا رحت الجامعه وقابلة استاذه عفاف ويوم سالتها عن الرقم الاكديمي قالت يطلع خطأ لانه الى الان لم يفعل وباذن الله اليوم بيفعل المغرب على حد قولها
ثانيا قالت موادكم ست مواد فقط بتطلع عندكم اذا فتح عندكم البنر وان دبلوم التربيه مقسم الى شعبتين فقط وانهي راح تطبع جدول الشعبتين وتعلقهم قدام غرفتها يوم الاحد وراح يكون موضح في الجداول اللي بتطبعهم المبنى والمدرجات ووانهي راح تنزل الجدول بحيث اذا رحنا الساعه ثلاث راح نلقاه موجود ومعلق ولازم نسحل المواد بالموقع

وثالث شي للي سال عن الرسوم سالتها وعطتني رقم حساب ببنك البلاد وقالت صوري ثلاث نسخ من ايصال الايداع وسلميهم لي والتسديد دفعه وحده للترم الاول ومو ضروري التسديد اليوم المهم واخر مهله للسداد نهايه الاسبوع الجاي مثل ما قالو لنا يوم المطابقه
وانصح اللي سال عن السداد يروح قسم الدراسات العليا ويستفسر لا ينتظر الموقع

اتمنى اكون فدكم

والحمد الله الذي تتم بحمده النعم

اختي
يعني اللي فهمته اليوم بيتعدل ع كلامها الرقم السري
و بتنزل الجداول مسجله وحنا نأكدها ؟


او نروح يوم الاحد وناخذ الجدول من أ. عفاف المعلق اللي هو شعبتين
نختار واحد منهم و ننقله و بعدها نروح البيت نسجله
ياليت توضحين لي
ديني تاج راسي
2014- 9- 4, 05:27 PM
اختي
يعني اللي فهمته اليوم بيتعدل ع كلامها الرقم السري
و بتنزل الجداول مسجله وحنا نأكدها ؟


او نروح يوم الاحد وناخذ الجدول من أ. عفاف المعلق اللي هو شعبتين
نختار واحد منهم و ننقله و بعدها نروح البيت نسجله
ياليت توضحين لي



اللي فهمته منها ان اليوم بتتفعل ارقامنا ونقدر نستخرج الرقم السري واذا دخلنا نظام البنر بنلقى كل شي واضح وا\ا قدر الله ومافتح اليوم يوم الاحد راح نلقى الجدول معلق عند غرفتها ناخذ الجدول ونروح البيت ونسجل المواد لكن مهم جدا اننا نسجل المواد بملفنا بالبنر
هذا اللي فهمته منها لاني يوم سالتها وقلت واذا مافتح اليوم كيف نتصرف قالت بعلق لكم الجدول وتحضرون المحاضرات يوم الاحد حسب الشعبه اللي تختارينها
ديني تاج راسي
2014- 9- 4, 05:32 PM
اختي احنا سمعنا ان دفع الرسوم بعد اسبوع من الدراسه مب اسبوع الجاي

الله يسهل



اي بعد اسبوع من الادراسه ومن يوم الاحد تبدا الدراسه ويوم الخميس لازم تكونين مقرره اذا بتكملين او لا وتبلغين الاستاذه عفاف بقرارك وافضل انك تروحين الاربعاء وتستفسرين علشان اذا كان المهله للخميس او الاحد لان ماتدرين يمكن تستجد امور المهم هي عطتني رقم حساب مسجل بورقه ووقالت صوري الايصال ثلاث نسخه وسالتها اذا المده نفس كلامها يوم التسجيل ان بعد الدراسه قالت عادي مافي مشكله
J00dy
2014- 9- 4, 06:35 PM
ب البدايه قالو الدراسه مجاناً بدون رسوم ، ويوم طلعت النتائج نتفاجئ بعد طباعة اشعار القبول انو برسوم ؟!

غير كذا لييه ندرسها برسوم وغيرنا دارسها مجاناً ، وليه جامعة شقراء يوم نزلو شكوى بجريدة سبق انو الجامعه فاجئتنا بدفع الرسوم بعد القبول النهائي وانهم خالفو الاوامر الملكه ، ثاني يوم من الشكوى نزل مدير جامعة شقرا اعتذار واعفاهم عن الرسوم


غير هذا مماطله بالجداول وتفعيل الارقام الاكاديميه !؟
البرنسيسـه
2014- 9- 4, 08:16 PM
ب البدايه قالو الدراسه مجاناً بدون رسوم ، ويوم طلعت النتائج نتفاجئ بعد طباعة اشعار القبول انو برسوم ؟!

غير كذا لييه ندرسها برسوم وغيرنا دارسها مجاناً ، وليه جامعة شقراء يوم نزلو شكوى بجريدة سبق انو الجامعه فاجئتنا بدفع الرسوم بعد القبول النهائي وانهم خالفو الاوامر الملكه ، ثاني يوم من الشكوى نزل مدير جامعة شقرا اعتذار واعفاهم عن الرسوم


غير هذا مماطله بالجداول وتفعيل الارقام الاكاديميه !؟

انا سمعت انو اذا رفعنا ورقه باسم الطالبات كلها
مكتوب فيها اسماءنا وتوقيعنا
ووحده تتكرم ترفعها كشكوى اعتراض ع الرسوم
بحكم ان سجلنا علئ. اساس مافي رسوم بالاخير فاجأونا بعد القبول فيها
ممكن تنلغي الرسوووووم
بط لازم يتشجع الكل من اول مانداوم مو تبردون ع الموضوع
بكذا يعفونا عنها
البرنسيسـه
2014- 9- 4, 08:17 PM
لعلمكم جامعة الملك عبدالعزيز
٢٠٠٠ الترم الاول و ٢٠٠٠ الثاني
يعني ٤٠٠٠ بسسسسس
مو حنا ١٢٠٠٠
ديني تاج راسي
2014- 9- 4, 08:28 PM
بنات في احد فتح معاها

انا اتوقع ما قالت انهي بتنزل الجدول الا ان ماوراهم خير
عسجـــد
2014- 9- 5, 02:17 PM
ما فتح
طموح حالمه ~
2014- 9- 5, 06:44 PM
مرحبا بنات اللحين احنا طالبات الدبلوم التربوي شنسوي نروح يوم الاحد للأستاذ عفاف نشوف شسالفه ولا ننتظر واذا فيه أحد منكم عنده رقم أستاذه عفاف الشخصي يكلمها يشوف ش الوضع ولكم مني جزيل الشكر. ..
ديني تاج راسي
2014- 9- 5, 07:42 PM
مرحبا بنات اللحين احنا طالبات الدبلوم التربوي شنسوي نروح يوم الاحد للأستاذ عفاف نشوف شسالفه ولا ننتظر واذا فيه أحد منكم عنده رقم أستاذه عفاف الشخصي يكلمها يشوف ش الوضع ولكم مني جزيل الشكر. ..



هلا اختي مثل ماذكرت سابقا انا يوم الخميس رحت للجامعه وقابلت ا-عفاف ةقالت اذا مافتح البنر الى يوم الاحد هي راح تعلقرلنا الجدول في اللوحه المقابله باب مكتبها ةاذا جينا الساعه 3 راح نلقى الجدول ومكون من شعبتين تختارين احد السعب وتروحين تحضرين محاظراتك عادي لكن ضروري اذا رجعتي البيت تسجلين مواد الشعبه اللي اخترتيها في البنر اذا انتي حابه تروحين الاحد تسالينها على راحتك وللعلم ان دوام ا-عفاف من الساعه 8 الى الساعه 2 العصر واذا تبين الرقم انا سبق ونزلته في هذا الموضوع رجعي الصفحات السابقه بتلقينه موجود لكن انا تعبت وانا اتصل مااحد يرد او مشغول
طموح حالمه ~
2014- 9- 5, 08:16 PM
أختي ديني تاج راسي يعطيكك الف عافية ماقصرتي ...
طالبة5
2014- 9- 6, 07:00 AM
من جدهم بكرا الدوام ولا فتح لنا النظام
ولا نعرف الدكاتره ولا المواد
وش هالاهمال !!
كيمياء المحبة
2014- 9- 6, 07:30 AM
المفروض مافي دوام لان مانقدر نروح الجامعه الا لما نسجل الجدول
مب كل وحده تقدر تروح اي وقت
احنا زين اذا حصلنا لنا باص هالسنه
طموح حالمه ~
2014- 9- 6, 11:15 AM
طيب اللحين نروح الأحد نشيك عند مكتب الأستاذة عفاف عشان نشوف الجدول اللي بتعلقه اللي فيه الشعبتين فرضنالو رحنا وماحصلنا شيء ماراح نستفيد شيء ولو رحنا وحصلنا واخترنا الشعب اللي نبيها نحضر محاضرات ليه واحنا موضامنين اذا بيفتح لنا البانر الاحد وبتتسجل لنا الشعب اولا
نجميه
2014- 9- 6, 12:01 PM
مدري هو استخفاف بالطالب ولا الكادر حق التنظيم يبي له تغير بسرعه
يعني تعليم عالي مستوى اعلى من اللي قبله المفروض يكون فيه اهتمام
صحصح مافي دراسه الاسابيع الاولى بس كله من وقت الطالب اذا جى نهايه السمستر ضغطوه
طموح حالمه ~
2014- 9- 6, 12:07 PM
اي والله صادقه اخت نجميه شنسوي الله يعينا..
الميش
2014- 9- 6, 06:46 PM
مثل ماقالت اختي مو كل وحده تقدر تروح انا الى ذا الحين مو محصله احد يوديني
اللي بتروح منكم اذا ماعليها امر تكتب لنا الجدول الي بينزلونه لاني ماقدر اروح
لا عندي سواق ؤعندي ظروف واستفسروا اكثر عن حافز اذا بيقطعونه ماراح استمر
J00dy
2014- 9- 6, 07:06 PM
يقولون البنات انو حافز بيقطعونه

وبرضو اذا انسحبنا بيقطعونه ولازم تمر فترة ٦ شهور بعد الانسحاب وترجعون تستلمون حافز


اذا مااعفونا عن دفع الرسوم الاسبوع كثير من البنات مفكرين بالانسحاب وانا اولهم
كيمياء المحبة
2014- 9- 6, 10:06 PM
حصلت سياره بس ذهاب
العوده شكلي برجع مع باص
خلاص بكره اذا رحت اصور لكم الجدول
ديني تاج راسي
2014- 9- 6, 10:33 PM
لا حول ولا قوه الا بالله
الله يعين ويسهل للجميع يارب نعفى من الرسوم انا سمعت نفسكم عن حافز وكنت حاطه املي اني ادفع الرسوم منه لكن ربي يسهل للجميع وتنحل امورنا
طالبة5
2014- 9- 7, 08:52 AM
تتوقعون فيه محاضرات اليوم
يعني لازم كلنا نروح؟
ولاعفسه ونروح على الفاضي
اللي بتروح بدري تعطينا خبر لو سمحتو��
كيمياء المحبة
2014- 9- 7, 11:38 AM
رحت اليوم
قالت يمكن ينزل الجدول الساعه ٢ او ٣
وفيه دوام مقدمه عن المواد فقط
طموح حالمه ~
2014- 9- 7, 12:00 PM
طيب الجدول يمكن ينزل اليوم على الساعه 2 أو 3 الدوام على أي أساس ومقدمه عن المواد على أي أساس واحنا ماسجلنا مواد ��
طالبة5
2014- 9- 7, 12:09 PM
كيف بينزل وين فيه عندها ؟؟ قصدها
يعني نروح ناخذ جدولنا من عندها ولا البنر
ودي لو سمحتي ضروري عشان نعرف
طالبة5
2014- 9- 7, 12:10 PM
وكيف نعرف احنى اي شعبه هم يعني بيحطونا على كيفهم؟
جنان وكلي حنان
2014- 9- 7, 01:04 PM
ياليت حد يجاوب على اسألته طالبة

جد نتعنى وبالأخير مافية شي
عسجـــد
2014- 9- 7, 01:40 PM
توني جايه من الجامعه

نغس الكلام قالت بتعلقه واحنا ناخذه
قلت لها طيب احنا مو قادرين نستخرج رقم سري وندخل البنر ونسجل موادنا اصلا
قالت الرقم السري نفس اللي انتو اخترتوه
قلت لها طيب انا جربت الرقم اللي اخترته وما دخل
قالت النظام عطلان

قلت طيب اليوم نداوم والا شلون؟
قالت ايوه اليوم في دوام مثل التعريف بالمنهج وتعارف
واللي كانت جنبها منصدمه يوم قالت لي دوام

الزبده شكلنا بنكتب اسماءنا في ورقه وبيدخلونها النظام اريح لهم
يا صبر ايوب بس
نجميه
2014- 9- 7, 02:42 PM
اصلا للازم تحدثوون بياناتكم من اعاده تعين االرقم والله شكلهم مو فاتحين البنر لين تدفعون
البرنسيسـه
2014- 9- 7, 03:04 PM
انا بروح الجامعه الحين ؟ رحتوا ؟
البرنسيسـه
2014- 9- 7, 03:10 PM
عطوكم جدول ولا كيف
ديني تاج راسي
2014- 9- 7, 06:20 PM
السلام عليكم ورحمه الله وبركاتو

اهلا باخواتي

طبعا اليوم رحنا الجامعه تقريبا 30 طالبه وصراحه اللي صار مهزله بمعنى الكلامه

ماعندي وصف ابلغ او افصح من مهزله ما ادري هل هم اغبياء او يستغبون او يضنون ان احنا اغبياء او يستغفلونا بالله ردو علي انا ارتفع ضغطي اليوم واحس ان مخي بينفجر من القهر

القصه باختصار
وصلت الجامعه وتوجهة لغرفت الاستاذه ذات الاراء المتضاربه والمتغيره بتغير الثواني والدقائق ووجد اخوات هناك كان هناك جدول نازل امام غرفه المذكوره اعلاه طبعا نقلنا الجدول والجدول كان عباره جدول مشابه للي نزلوه الاخوات في المنتدى من الخطه لكن يختلف نص الجدول حيث صار اغلب الدكاتره رجال
بعد نقل الجدول رحنا ندور المبنى والمدرج الي فيه اول محاضره تدرون ايش المفاجأه انه لا وجود للمبنى المذكور الكل يقول مافي هذا الرقم ولبسنا عباياتنا وتنقلنا في الجامعه بحثا عنه ولكن دون جدوى المهم في وحده من الطالبات كلمه الاستاذه على جوالها وقالت لها القصه قالت لا غلط مافي هالمبنى مو معقول مسجل بالجدول قلت لها الا موجود بالجدول قالت رجعي عند المكتب (وعندي لكم مفاجأه اكتشفتها لما رجعت البيت بذكرها في الاخير ) ووصلنا عن الغرفه ووجدنا ان البنات متجمعه وشوي ولقينا وحده جزاها الله خير قالت بنات سمعو استاذه بتكلمكم من الجوال وغردت الاستاذه طبعا كلامها ماكان واضح لانه سبيكر المهم ان دقت على الدكتور المفروض نحظر له ولا يرد يعني شكله مو موجوذ وان بتكلم دكتور المحاظره الثانيه وبتلغبها وان اليوم مافي دوام والمطلوب من البنات اخذ رقم الطالبه اللي تتكلم من جوالها ونتصل عليها ونتاكد منها اذا بكره في دوام او لا واذا في دكتور بيعتذر او لا ( والصدمه اللي غردة فيها بالاخير ) ان النظام ماراح يفتح الا اذا سددتي الرسوم وجبتي الايصال وسلمتيه للمذكوره واذا سلمتيه راح يفعل رقمك الاكديمي وانه بامكان جميع المقبولين الدوام هذا الاسبوع حسب الجدول المعلق اما الغرفه لما تقرر انهي بتكمل تسدد ويتم تفعيل الرقم
وطبعا هذا يختلف عن كلامها للبنات اللي راحو لها وقت دوامها
وطبعا اكتشفنا ان في ورقه معلقه جنب غرفتها بعييييده عن الجدول مكتوب فيها ان في ماده بالجدول بيغير وقتها من يوم الاربعاء المساء الى يوم الاثنين الصباح وحطت كذا وقت الصبح نختاره مع العلم انه يوجد عندنا دوام يوم الاثنين من 3-7 ومن غير ذكر السبب لكن اكتشفنا مع البنات ان السبب تعارض هذي الماده مع ماده ثانيه في الجدول وطبعا اتفقنا مع البنات ان نعترض واننا نرفض ان نداوم الصباح وان الكل على كلمه وحده واللي عندها كلمه ثانيه او استطاعه ان تداوم الله لا يهينها تسكت ولا تخرب على الباقي لان الاغلب مرتبطات الصبح




اللحين وقت المفاجأه الكبيره اللي سبق وذكرتها بنات اللي حظرو اليوم ابيكم تفتحون صورة الجدول اللي صورتوه بجوالاتكم وتتاملون الجدول وتاملوه زين لان بطلع لكم اكبر واغبا خطأ يدل على الاهمال والتسيب وعدم الدقه والتنطيم

احنا صورنا ثلاث اوراق

الورقه الاولى مكتوب فيها فوق وفي الطرف اليسار فرع الطالبات


والورقه الثاني مكتوب فيها فوق بجهت اليسار فرع الطلاب ؟؟؟؟؟؟؟؟؟؟؟؟؟

والورقه الثالثه مكتوب فيها فوق بجهة اليسار فرع الطلاب ؟؟؟؟؟؟؟؟؟؟؟؟؟؟؟؟؟؟



عرفتو ياحلوين ليه مالقينا مبنى 32
وعرفتو ليه الجدول تعارضبين مادتييين
وعرفتو ليه نص الدكاتره متغيرين عن جدول الموقع وان كلهم رجال


لان الاذكياء والعباقره معلقين لنا نص جدول للطالبات والنص الثاني للطلاب
وعلشان تتاكدون من كلامي دخلو الرابط هذا ودخلو جدول الطالبات وراح تلقون او ورقه مطابقه لجدول الطالبات والورقتين الباقين راح تلقونها بجدول الطلاب

http://www.kfu.edu.sa/ar/Deans/AdmissionRecordsDeanship/registration/Pages/Schedual143010.aspx

اللي عندها صور الجدول اتمنى تنزل الصور لان الصور الللي عندي مو واضحه
وفي الختام ما اقول الا حسبي الله ونعم الوكيل هل تستحق ان تكون مدينه جامعيه او حتى جامعه السؤال من المسؤول من اللي مفروظ يتحاسب
ديني تاج راسي
2014- 9- 7, 06:38 PM
بنات جزاكم الله خير اللي صورت الجدول وواضح ابي نسخه برسلها لجريدة سبق الصوره اللي عندي مو واضحه
البرنسيسـه
2014- 9- 7, 07:52 PM
حسبي الله ونعم الوكيل
يعني الجدول اللي نقلناه وكنا بنداوم ع اساسه اللي استغربت انه اغلبه رجال
طلع للاولاد مو لنا !!!!
ايش الاهمال هذا وش شايفينا !!!
بنات خلونا متواصلين بالمنتدى علشان نعرف اذا بنداوم بكرا او لا
و بعدين سالفة الرسوم ايش بتسوون عليها
بتجربون هالاسبوع او بتدفعون على طول
البرنسيسـه
2014- 9- 7, 07:54 PM
اللي بترسل لجريدة سبق ياليت تكتبين عن اساليبهم معنا
و خدعتهم لنا بخصوص الرسوم
الميش
2014- 9- 7, 09:11 PM
والله ياليت كلكم ترفعون خطاب انو الدوام كله يكون صباحي
لأنو لذا الحين ماحصلت سواق يوديني للمساء
والكل يفكر بغيره بلاش انانيه عشان الكل يتوفق
وللأسف ماقدر أداوم بكره شرط يعني ان نداوم ولا أفيدوني جزاكم الله خير
ديني تاج راسي
2014- 9- 7, 09:58 PM
والله ياليت كلكم ترفعون خطاب انو الدوام كله يكون صباحي
لأنو لذا الحين ماحصلت سواق يوديني للمساء
والكل يفكر بغيره بلاش انانيه عشان الكل يتوفق
وللأسف ماقدر أداوم بكره شرط يعني ان نداوم ولا أفيدوني جزاكم الله خير


هلا اختي المعروف ان دوام الدراسات العليا هو الفتره المسائيه وان في بنات معانا عندهم وظايف في الصباح ولا يقدرون يداومون الا العصر وهم سجلو على اساس الدوام العصر ونقاشنا كان على انفي ماده بينزلونها الصباح يعني بنصير نداوم الصباح الساعه 9:30 الى 11 الظهر وتجلسين في الكليه او تروحين بيتك وترجعين مره ثانيه للجامعه في العصر تداومين من الساعه 3-7 يعني راح يومك بالكليه مو انهم يبون يحولونه الصباح عندك استعداد تداومين يوم الاثنين الصباح وترجعين العصر او تجلسين بالكليه من 9:30 الصبح الى سبع المغرب صراحه انا مو مستعده اترك بيتي وعيالي في الصبح والعصر

واذا انتي من المبرز انا عندي سواق من المبرز ابي وحده او ثنتين معاي لكن ابي من الراشديه والاحياء القريبه منها اذا انتي قريبه ممكن اعطيك رقم السواق وتتفقين معاه
طموح حالمه ~
2014- 9- 7, 10:01 PM
بنات خلكم متعاونين كلكم حنا دبلوم وسنه وحده بس شيء حلو لما نكون متعاونين ولمن تنتهي هالسنه نذكر بعض بالخير ارفعوا خطاب انه احنا طالبات الدبلوم التربوي الرسوم تفاجئنا فيها والإعوام السابقه كان الدبلوم مكرمه تنلغي والله لو شافوا مجموعه طالبات معارضين على الرسوم صدقوني بيلغونها بس مافيه فعل وحركة اكيد مافيه نتيجه ...
البرنسيسـه
2014- 9- 7, 10:04 PM
معروف ان الدراسات العليا مسائي
وحنا سجلنا على اساس مسائي
عندنا عيال نتركهم مانقدر صباحي
معليش فكري بغيرك برضو الاساس انه مسائي و الكل سجل وعارف هالشي

ثاني شي الرسوم لازم نرفع خطاب فيه اسماءنا وتوقيعنا
علشان تلغى
ديني تاج راسي
2014- 9- 7, 10:07 PM
رفعت خطاب باسمي للديوان الملكي وتكلمت باسم طالبات الدبلوم وللحين الطلب ما ردو عليه وارسلت اليوم رسايل باسم الطالبات الدبلوم لكذا جريده عن الرسوم والتلاعب اللي صار لكن لازم التعاون وكلنا نرفع ونرسل مو وحده علشان ينسمع صوتنا
البرنسيسـه
2014- 9- 7, 10:08 PM
الصباااح مستحييييل مستحيل نوافق
ظروفنا ماتسمح وسجلنا ع اساس مسااائي
طالبة5
2014- 9- 7, 10:17 PM
حسبي الله عليهم ونعم الوكيل
واحنى فرينا الجامعه فر ندور المباني اللي بالورقه بالنهايه
غلط جدول طلاب
نروح طالبات مستجدات المكاتب مقفله ولافيه ولا ادريه ابد نسئلها
موب كافي الرسوم المفاجئه وبعدين البنر الحين جدول غلط ؟؟؟
بنزل لكم الجدول الغلط الطلاب اللي كان جمب غرفة الادره

بس بنات ماعرفت انزل الصور لاني من جوال اللي عندها خلفيه تعلمنا
عكفان
2014- 9- 7, 10:37 PM
انا والله اتكسرت يديني وانا ارسل للسبق
حسبي الله عليهم مادري ليش مايتعونون معنا وينشرون الخبر ؟؟؟
المهم انا اعجبتني انا نرسل خطاب باسمائنا
بس من الي بترفع باسمائنا؟؟
خلنا نكتب اسمائنا الثلاثيه هنا وبنت تجمع الاسماء بالخطاب,اذا ماعندكم اعترض
أحلام تتحقق
2014- 9- 8, 01:37 AM
السلام عليكم لوسمحتي حبيتي ديني تاج رأسي اللي قلتي انك بالمبرز وعندك نقليه توصل الجامعه ممكن ترسلي لي رقم النقليه وشنو اسم النقليه..
لأني بالمبرز ومو محصله تعبت ..
ولك ألف شكر مقدما حاولي ترسلين لي الرقم بأسرع وقت..
او تخبريني بإسم النقليه اذا القروب مايسمح ترسلين لي ارقام وانا ادور الرقم ..
الميش
2014- 9- 8, 02:03 AM
لا والله ي ختي لاني من المبرز ولاني من الهفوف
يعطيك العافيه على جهودك
دموع الحنين
2014- 9- 8, 02:34 AM
=ديني تاج راسي;1134923ه

ديني تاج راسي
لو سمحتي عطيني رقم السواق انا من النزهه
البرنسيسـه
2014- 9- 8, 02:48 AM
انا والله اتكسرت يديني وانا ارسل للسبق
حسبي الله عليهم مادري ليش مايتعونون معنا وينشرون الخبر ؟؟؟
المهم انا اعجبتني انا نرسل خطاب باسمائنا
بس من الي بترفع باسمائنا؟؟
خلنا نكتب اسمائنا الثلاثيه هنا وبنت تجمع الاسماء بالخطاب,اذا ماعندكم اعترض



افضل نكتب باسماءنا باسرع وقت نتحرك
لان اذا برد الموضوع وتبين انكم ساكتين بتثبت علينا الرسوم
فاول مانداوم نجتمع بالشعبه وحده تتفضل بورقه وقلم تدور الورقه ع الشعبه
الاسم الثلاثي و التوقيع و ترفعها بخطاب وترفق تواقيع البنات بالاسماء
و راااح تنلغي لانها باسم الجميع باذن الله هذا الحل لانه اعتراض جماااعي
الحب الراحل
2014- 9- 8, 05:07 AM
الله يعينكم جميعاً .. وييسر لكم

,’

بسأل في أحد يداوم من الدمام ..؟؟
وهل لقيت مواصلات غير القطااار ...؟؟؟

~> لاني ابحث عن سيارة ودوامي مسائي ..
عسجـــد
2014- 9- 8, 07:59 AM
ما اقول الا حسبي الله ونعم الوكيل
طموح حالمه ~
2014- 9- 8, 08:44 AM
بنات بتداومون اليوم ولا
طموح حالمه ~
2014- 9- 8, 09:26 AM
تشوفون سالفة هالجدول ولا اللي بتداوم تخبرنا شبيصير على هالجدول ربي يجازيكم كل خير..
جنان وكلي حنان
2014- 9- 8, 12:40 PM
الأن أنا اليوم رحت ودفعت الرسوم ووووو
ورحت المكتب وقالت خلاص بتروحين وبيفتح لك النظام

ماااااااااااااافتح طيب ابغير اسوي تحديث بيانات ابد مو فاتح بالله كيف اسجل ومافي رقم سري
ويقول المستخدم غير صحيح سلامااااااااااااااااااااااااااااااااااات شسوي الأن جد روحه وجيه تعب واتصل على مكتبها طبعاااااا محد بيررررد
ديني تاج راسي
2014- 9- 8, 01:03 PM
الأن أنا اليوم رحت ودفعت الرسوم ووووو
ورحت المكتب وقالت خلاص بتروحين وبيفتح لك النظام

ماااااااااااااافتح طيب ابغير اسوي تحديث بيانات ابد مو فاتح بالله كيف اسجل ومافي رقم سري
ويقول المستخدم غير صحيح سلامااااااااااااااااااااااااااااااااااات شسوي الأن جد روحه وجيه تعب واتصل على مكتبها طبعاااااا محد بيررررد

جربي اتصلي من جوال ثاني لان هي اذا عرفت الرقم ماترد دقي من جوال امك او ابوك وبترد
البرنسيسـه
2014- 9- 8, 01:20 PM
انتي اللي استعجلتي بالدفع الله يهديك
هم معطينا مهله للخميس
ربي يعينا جميعا
طالبة5
2014- 9- 8, 02:35 PM
كيف دفعتي الرسوم لها ولا عطتك وصله وتودينها بنك؟
لوسمحتي وضحي لنا طريقه تسديد الرسوم
جنان وكلي حنان
2014- 9- 8, 04:49 PM
لا ياقلبي دفعت عن طريق بنك البلاد وخذت الأيصال وديت لها نسخ
ديني تاج راسي
2014- 9- 8, 07:15 PM
كيف دفعتي الرسوم لها ولا عطتك وصله وتودينها بنك؟
لوسمحتي وضحي لنا طريقه تسديد الرسوم

هلا اختي احنا يوم داومنا يوم الاحد كان تحت الجدول ورقه صغيره مكتوب فيها رقم حساب ببنك البلاد تاخذين رقم الحساب وتروحين بنك البلاد وتروحين قسم الايداع ويكون عندك المبلغ كاش واذا رحتي عن شباك الايداع قولي لها ابي اودع مبلغ لهذا الحساب وعطيها الرقم وهي راح تخلص الاجراءات وممكن تخلين احد من الرجال يودع المبلغ عادي اهم شي الايصال اللي تستلمينه بعد الايداع تصورينه ثلاث نسخ وتودين الاوراق للاستاذه عفاف
عكفان
2014- 9- 8, 08:20 PM
بنات احد راح اليوم ؟؟فيه محاضرات او لا؟؟
طالبة5
2014- 9- 8, 08:44 PM
طيب ممكن ولاعليك امر تعطينا رقم الحساب
اللي خذاها يعطينا
J00dy
2014- 9- 8, 11:10 PM
لا مافي محاضرات اليوم
ديني تاج راسي
2014- 9- 8, 11:48 PM
http://static.hawaacdn.com/upload/1/4/1/0/1/9/2/540e157ba1421.jpg
حفصه الدوسري
2014- 9- 9, 12:02 AM
بنات لو سمحتم
دبلوم توجيه وارشاد طلابي برسوم ولا
متى يصيرر مكرمه
طالبة5
2014- 9- 9, 12:07 AM
مشكوره دنيتي تاج راسي عادي اروح البنك على طول اسدد
ولا لازم امر الجامعه
يحتاج قبل البنك شي ؟
LaNoRiTa
2014- 9- 9, 12:35 AM
السلام عليكم

الوضع أصبح لا يطاق في البداية انتظرنا ست شهور عشان تطلع النتايج
ولما تكرموا علينا تفاجئنا ان الدراسة برسوم وبعدين تأخير في الجداول


ابغى افهم لييييش كذا ؟ اهمال ولا تسيب؟ حنا في جامعة مش روضة


وبعدين يا بنات لازم نتكاتف ونرفع خطاب بخصوص الرسوم بصراحة مش الكل عنده المقدرة انه يدفع مبلغ مبالغ فيه مثل هذا


ليش باقي الجامعات رسومهم أقل أو بدون رسوم؟


ضروري اللي تقدر تتكفل برفع الخطاب وحنا أكيد بنوقف معاها
عكفان
2014- 9- 9, 12:54 AM
ايوه احنا محتاجين واحده تتكفل برفع الخطاب ,ياليت يابنات الي عندها مقدره انه تتكفل برفع الخطاب تقول ,نبي بالكثير بكره بالليل نكو ن رافعين الخطاب.
دمعة المآآس
2014- 9- 9, 12:59 AM
انا رحت اسدد الرسوم ورفضوا ياخذون المبلغ مني لأني ماوديت ورقة اشعار القبول حتى لما فتحت الصوره من الجوال رفضوا لادم الورقه نفسها ، انا عندي صوره من اشعار القبول بالأسود يعني الختم مو أزرق ما أدري اذا بيقبلون ولا بيتسلطون كل شيء صار متوقع منهم .. مافي أي وضوح معهم أبداً .. يعني وش خسارنين لو حاطين اعلان لنا او راسلين لنا بالجوال او حتى ايميل وموضحين لنا فيه كل شيء .. صرنا لعبه عندهم صراحه ��
كيمياء المحبة
2014- 9- 9, 03:30 AM
بنات هذا الخطاب
اذا وحده تقدر توصله الى قسم الرجال


بسم الله الرحمن الرحيم
الى سعادة عميد الدراسات العليا حفظة الله

السلام عليكم ورحمة الله وبركاته

نفيد سعادتكم علما اننا طالبات الدبلوم التربوي بجامعة الملك فيصل بعد ان تم قبولنا بشكل نهائي فوجئنا بوجود رسوم للدراسه حيث اننا عند التسجيل لم يكن لوجودها أي ذكر .. وهي تشكل عبئاً علينا مما يعيقنا في استكمال مسيرتنا العلمية التي نطمح اليها و ايضا واجهتنا مشكله فتح نظام البانر حيث ان الارقام الأكاديميه غير مفعله الى الآن أسبوع من بدأ الدراسه ولم يتاح لنا ادخال المواد و تم ربط جدولنا الدراسي بسداد الرسوم الى يوم الخميس وهي مهله غير كافيه وإلا سيتم اخذ المقعد الدراسي لاحدى طالبات الاحتياط ، كذلك بالنسبه للطالبات المسجلات بالضمان الإجتماعي إلي الآن لم يصل لهن أي خبر هل يقمن بسداد الرسوم أو يتم الإعفاء عنهن أو يلجأن للانتظار وبعد الانتظار قد يتم الغاء المقعد الدراسي المخصص لهن , لذا نرجو من سعادتكم التكرم بأعفائنا من الرسوم لكي نتمكن من تكملة تعليمنا ومراعاة ظروفنا و ظروف اخواتنا الغير قادرات على تسديد الرسوم حيث ان معدل الطالبات اللاتي تم قبولهن للدراسه يبين جديتهن في استكمال تعليمهن واجتهادهن، فنرجو منكم تشجيعنا و اعفائنا عن دفع الرسوم الدراسيه .

طالبات الدبلوم التربوي ١٤٣٥-١٤٣٦ هـ






والي ماتقدر ترسله بالايميل

د. عبدالله بن محمد الدغيم
الهاتف : 5895217
البريد الإلكتروني aldughaym@kfu.edu.sa :
--------------------------------------------------------------------------------
وكيل عمادة الدراسات العليا
د. يوسف بن ناصر الرشاده
الهاتف : 5895536
البريد الإلكتروني : yalrashada@kfu.edu.sa
-------------------------------------------------------------------------------
الميش
2014- 9- 9, 04:53 AM
اذا بترسلون رسلو لوزير التعليم العالي وليس عميد الدرسات العليا لأنو هو عبدا مأمور وبيقول لكم نفس هالكلام بيقول انا مابيدي شي الشي بيد الوزير استاذه عفاف قالت انو الوزير هو اللي حولها الى رسوم
بعدين شلون مكتوب لنا انو السداد الى 23 من هذا الشهر كيف الى يوم الخميس
بندفع لهم فلوس ولا عندهم سياسه عدل
حسبي الله ونعم الوكيل على كل ظالم
الميش
2014- 9- 9, 05:50 AM
بنات اللي داومت هل فيه حضور ومحاضرات ولا ؟؟
والحساب للدبلوم التربوي ياليت تكتبونه كتابه
وهل فيه باص حكومي يوصل؟
يعطيكم العافيه مقدما
LaNoRiTa
2014- 9- 9, 06:48 AM
http://emw.mohe.gov.sa/newEmsg/RequestInquiry1.aspx

شوفوا هذا الرابط للتواصل مع الوزير لكن لا أعلم بالضبط كم تستغرق المعاملة
خصوصاً أن الوقت مش في صالحنا

فياليت اللي تقدر تتكفل بالموضوع بالنيابة عن الجميع الله يعطيها العافية
LaNoRiTa
2014- 9- 9, 02:41 PM
مرحبا بنات

في أحد بيداوم اليوم؟
وبالنسبة للي سددوا الرسوم هل فتح معكم البنر؟
عسجـــد
2014- 9- 9, 02:50 PM
جامعة الدمام الدبلوم عندهم مجاناً
LaNoRiTa
2014- 9- 9, 03:13 PM
بكرة الصباح الساعة ١٠ لازم كلنا نكون متواجدين في الجامعة
أتمنى من الجميع الحضور لأن لما نكون مجموعة كلمتنا بتصير مسموعة
لازم يشوفون لنا حل. بنكمل الاسبوعين وحنا محلك سر
ديني تاج راسي
2014- 9- 9, 03:33 PM
انا سددت اليوم ورحت سلمت الاوراق لكن لسى مافتح
اليوم مافي دوام سالت المنسقه قالت اليوم مافي دوام الدكاتره معتذره باختصار انا عن نفسي هذا الاسبوع ماراح اداوم

صح نسيت اذكر ان اللي مسجله بالضمان الاجتماعي تراجع المنسقه قبل ما تسدد لان لهم حاله خاصه هذا احد النقاط اللي قالتها المنسقه يوم الاحد ونسيت اذكره
ديني تاج راسي
2014- 9- 9, 03:35 PM
ياليت اقدر اجي انا ضروفي ماتسمح اروح لاني اجي من اول المبرز لاخر الهفوف وعندي اطفال
أحلام تتحقق
2014- 9- 9, 05:11 PM
هلا بنات شخباركم شوفوا الخبر جانعة شقراء إعفاء الرسوم وبنفس سنتا فحرام ان كانت دراستنا مشروطه بالدفع والجامعات الاخرى آعفاء..
أيضا جامعة الدمام الدبلوم مجانا…
http://mobile.alweeam.com.sa/288706/جامعة-شقراء-تلغي-رسوم-برنامج-التجسير-و/
عكفان
2014- 9- 9, 08:51 PM
بنات انا فيه واحد من الاعلامين الي يشتغلون في سبق اضافني بتويتر عشان نقول مشكلتنا ,,شقوله بظبط ابي كلام مرتب ؟؟
تكفون ردو بسرعه
ديني تاج راسي
2014- 9- 9, 09:08 PM
[quote=كيمياء المحبة;11354010]بنات هذا الخطاب
اذا وحده تقدر توصله الى قسم الرجال


بسم الله الرحمن الرحيم
الى سعادة عميد الدراسات العليا حفظة الله

السلام عليكم ورحمة الله وبركاته

نفيد سعادتكم علما اننا طالبات الدبلوم التربوي بجامعة الملك فيصل بعد ان تم قبولنا بشكل نهائي فوجئنا بوجود رسوم للدراسه حيث اننا عند التسجيل لم يكن لوجودها أي ذكر .. وهي تشكل عبئاً علينا مما يعيقنا في استكمال مسيرتنا العلمية التي نطمح اليها و ايضا واجهتنا مشكله فتح نظام البانر حيث ان الارقام الأكاديميه غير مفعله الى الآن أسبوع من بدأ الدراسه ولم يتاح لنا ادخال المواد و تم ربط جدولنا الدراسي بسداد الرسوم الى يوم الخميس وهي مهله غير كافيه وإلا سيتم اخذ المقعد الدراسي لاحدى طالبات الاحتياط ، كذلك بالنسبه للطالبات المسجلات بالضمان الإجتماعي إلي الآن لم يصل لهن أي خبر هل يقمن بسداد الرسوم أو يتم الإعفاء عنهن أو يلجأن للانتظار وبعد الانتظار قد يتم الغاء المقعد الدراسي المخصص لهن , لذا نرجو من سعادتكم التكرم بأعفائنا من الرسوم لكي نتمكن من تكملة تعليمنا ومراعاة ظروفنا و ظروف اخواتنا الغير قادرات على تسديد الرسوم حيث ان معدل الطالبات اللاتي تم قبولهن للدراسه يبين جديتهن في استكمال تعليمهن واجتهادهن، فنرجو منكم تشجيعنا و اعفائنا عن دفع الرسوم الدراسيه .

طالبات الدبلوم التربوي 1435-1436 هـ






هذي كلامها معقول ومرتب
ديني تاج راسي
2014- 9- 9, 09:09 PM
انا ارسلت لحريده وئام اللي نشرت خبر جامعه شقراء في للرابط السابق لكن طلب رقم جوال احد علشان يتواصل معاه
Nice2014
2014- 9- 9, 09:34 PM
الله يعينكم على جامعه فيصل معروفه بالاستهتار
وبخصوص جامعه شقراء الغت التسجيل في بعض برامج الموازي بعد الامر الملكي
باعفاء الرسوم ومن ضمنها الدبلوم التربوي
يعني الطالبات افرحوا بالغاء الرسوم وانصدموا بالغاء البرنامج بحجج واهيه
يقول مافي عدد كافيه ولا في اعضاء تدريس
يعني الجامعات اصبحت ماااااديه بكل المملكه
Nice2014
2014- 9- 9, 09:51 PM
والنكته العظمى
بعد من الغوا التسجيل السابق بالدبلوم التربوي لان الطالبات اشتكوا انهم انصدموا بدفع الرسوم
اعادوا التسجيل اليوم وقالوا انه برسوم ومن ضمن الشروط الدفع
يعني لاتشتكون تراه برسوم بتسجلون تفضلوا



يعني جامعه الملك فيصل مو بعيده عنهم كلهم هدفهم الماده
ماعدا جامعه الدمام الى الان مجاني
عكفان
2014- 9- 9, 11:37 PM
اخوي
هم الغوا برنامج الدبلوم الي في "ساجر" مو شقراء
لانهم مالقوا مدرسين
وساجر اول مره تفتح عندها برنامج دبلوم
اما شقراء فالغت الرسوم بعد ماشتكوا الطلاب





>>>>عشان تكونون معاي بصوره ,كلمت الاعلامي الي بصحيفة سبق وشرحت له المشكله و بعدها سالني اذا احنا جامعة فيصل الي بالاحساء ؟ فقلت له ايوه ,ف ان شاء الله ينشرون الخبر
عكفان
2014- 9- 10, 12:18 AM
رد علي (الاعلامي الي بسبق)وقالي اشوف وظعكم .
ان شاء الله خيير يارب
Nice2014
2014- 9- 10, 12:46 AM
الله يكتب لكم الخير ويسر امركم

تقصدين ساجر اللي في الدوادمي تو انتبهت

طيب.و عفيف والقويعه كلها تبع شقراء

ونا لي تواصل مع صديقه هناك اكدت لي انهم اعادوا التسجيل
اليوم وطالبوهم بالرسوم عشره الاف
مو موضوعنا بس اصحح لك المعلومه
المفروض النظام يتطبق على كل المحافظات خير


وهذي تغريده الكليه
@Dcscesu: برنامج #الدبلومات_التربوية برسوم مالية وقدرها عشرة آلاف ريال للعام الواحد @BinsaeedK #جامعة_شقراء http://t.co/8h97jwPRTy
الميش
2014- 9- 10, 02:28 AM
بنات اللي دفعو الرسوم دفعتوها لمين لأنو هنا وحده تقول انو لازم تودي لهم ورقة اشعارالقبول
وبعد الدفع لازم نروح للجامعه ولا ؟ومتى اخر موعد للدفع ؟
ياليت ماتطنشون كلامي وتردون علي،،،
دمعة المآآس
2014- 9- 10, 02:53 AM
روحي لبنك البلاد اودعي المبلغ فالحساب اللي هم حاطينه لنا الصوره موجوده بالردود السابقه وخذي معك اشعار القبول وبعدها ودي الوصل للأستاذه عفاف العامر
الميش
2014- 9- 10, 03:04 AM
يعطيك العافيه اختي على الرد
ماقدر أودع الرسوم الا يوم الخميس عادي انو اروح لها الاحد
طالبة5
2014- 9- 10, 04:49 AM
انا رحت بنك البلاد وطلبت مني بطاقه العائله وبعدين عطيتها
رقم الحساب اللي هنا في المنتدى حطوه صوره
وبعدين عطتني ٤ نسخ من الايصال ٣ للجامعه واحد لك
ويعدها رحت لاستاذه عفاف وعطيتها الاوراق بس للحين ماتفعل
سئلتني بداومون قلت كيف نداوم وماسجلنا اي دكتور واي شعبه قلت اغلب البنات ماراح يداومون
قالت خلاص اجل بقولهم الدوام يبدا من الاحد وبس
ديني تاج راسي
2014- 9- 10, 11:10 AM
السلام عليكم ورحمه الله وبركاتو
بنات اللي سددو فتح النظام واستخرجت الرقم السري
لكن يكتب لايسمح لك التسجيل بهذا الوقت
يعني ماقدرت اسجل المواد
ديني تاج راسي
2014- 9- 10, 11:16 AM
طريقه تحديث البيانات واستخراج الرقم السري


http://www.kfu.edu.sa/ar/Deans/it/Documents/Reset-Password-Guide.pdf


طريقه دخول النظام وتسجيل المقررات

http://www.kfu.edu.sa/ar/Deans/AdmissionRecordsDeanship/Documents/servicesnew.

ربي يوفق الجميع
LaNoRiTa
2014- 9- 10, 03:54 PM
بنات
فتحوا البنر انا سجلت المواد
طالبة5
2014- 9- 10, 06:22 PM
انا ماففتح عندي ليييه
طالبة5
2014- 9- 10, 06:30 PM
من فتح لها وسجلت ومتى فتح لكم
عكفان
2014- 9- 10, 06:46 PM
انا مافتح معاي
LaNoRiTa
2014- 9- 10, 07:15 PM
سووا اعادة تعيين للرمز السري واتبعوا الخطوات
وبعدين افتحوا البانر وضيفوا المواد
طالبة5
2014- 9- 10, 07:20 PM
انا فتح ابشركم :d
دنيتي تاج راسي اختاري التسجيل والحذف والاضافه بعدين
الفصل الدراسي الاول <<<< لازم تختارون الفصل الدراسي الاول ولابيقول لكم انه موب وقت تسجيل
اللي للحين مافتح معها صفحه الرقم السري تكتب بقوقل استخراج الرقم السري جامعه فيصل وبتفتح لها الصفحه وطلعو الرقم



بنات انا اخترت 7 مواد عادي؟؟

حبيت اسئلكم عن د هانم وش رايكم فيه :(107): ؟؟
البرنسيسـه
2014- 9- 10, 08:26 PM
نفس السؤال
اللي يعرف هانم
عبير بو رقه او عواطف الظفر
ناهذ الموسى او منى العيدان
يخبرناا
الميش
2014- 9- 10, 09:17 PM
بنات لو سمحتو نسجل على اي جدول اللي نزلتوه هنا ولا اللي بالموقع
Nice2014
2014- 9- 10, 09:40 PM
يمدي الدفع بكره ؟؟ضروري اللي عنده علم يفيدنا
ديني تاج راسي
2014- 9- 10, 10:51 PM
انا سجل معاي ولله الحمد من قبل المغرب

الجدول واحد اللي بالموقع نفس اللي نزلته المنسقه قدام غرفتها اقصد الجدول الجديد

وماعندي خلفيه عن السداد لكن اذا سددتي بكره لازم تودين الايصال مباشره للمنسقه وتسلمينها الوصل والنسخ هي دوامها يخلص ٢ يعني روحي لها قبل ضروري تستلم الايصال علشان تفعل لك

والتسجيل اجباري سبع مواد لان ماراح ينعاد فتح المواد الترم الثاني هذا اللي اعرفه والله اعلم
طموح حالمه ~
2014- 9- 10, 10:58 PM
بنات أنا من القرى ومحتاجه نقليه ﻷني تعبت ماحصلت فياليت أي بنت من القرى أو عندها نقليه وعادي تجي للقرى تقولي ﻷني بشترك معها والله يجزيها كل خير ياااارب..
لصمتي هيبه
2014- 9- 10, 11:32 PM
السلام عليكم بنات .... بالتوفيق في الدبلوم
بالنسبه للدكاترة
عبير بو رقه افضل من عواطف بكثيييير عبير مرة طيووبه
اما ناهد ومنى انا ماخذت عند ولا وحده منهم خذت عند منال الخاتم بس من
كلام البنات ناهد منهجها اقل والاسئله صعب ممتنع ام منى منهجها طويل ويقولون اسئلتها اسهل حتى لو صعبه بالشهري تكون سهله بالنهائي ولكن المدح من البنات لمنى وليس ناهد
كيمياء المحبة
2014- 9- 10, 11:44 PM
بنات الله يعطيكم العافيه
حصلت باص يوصل بنات الهفوف
بس يوصل خمس طالبات اقل شئ
الله يعطيكم العافيه الي يبي يصير معانا

الهفوف شارع النجاح
ديني تاج راسي
2014- 9- 10, 11:57 PM
السلام عليكم بنات .... بالتوفيق في الدبلوم
بالنسبه للدكاترة
عبير بو رقه افضل من عواطف بكثيييير عبير مرة طيووبه
اما ناهد ومنى انا ماخذت عند ولا وحده منهم خذت عند منال الخاتم بس من
كلام البنات ناهد منهجها اقل والاسئله صعب ممتنع ام منى منهجها طويل ويقولون اسئلتها اسهل حتى لو صعبه بالشهري تكون سهله بالنهائي ولكن المدح من البنات لمنى وليس ناهد

طيب اختي ايش رايك بمنال الخاتم

ودكتورات تقنيات التعليم (احلام محمد -الاء يحيى -عزه جميل )عند اي وحده خذتي
طالب دبلوم
2014- 9- 11, 12:09 AM
السلام عليكم يا اخواتي الترم الاول المقرر علينا سبع مواد فقط ام ماذا ؟ لاني حست واحتست ، ساعدوني ولو بطرح المواد المقرره لكي يرتاح بالي ، واحس اني ضايع ، المقصد الخطة الدراسيه حقت الطلاب والطالباات وحده
لصمتي هيبه
2014- 9- 11, 12:25 AM
منال الخاتم حليووه ومحاضراتها مسليه لكن واجباتها كثيير ومتعبه
اما التقنيات اخذت عند احلام وتندمت لكن تغير اسلوبها الفصل الثاني من كلام البنات
ويمدحون عزه كثييير وشعبتها دايم ممتلئه
طموح حالمه ~
2014- 9- 11, 12:50 AM
أختي كيمياء المحبة الباص اللي حصلتيه للهفوف بس مايجي القرى أسأليه الله يعطيك العافية أو عطيني رقمه ﻷني محتاجه تعبت ماحصلت وبكون شاكره لك
ديني تاج راسي
2014- 9- 11, 12:56 AM
منال الخاتم حليووه ومحاضراتها مسليه لكن واجباتها كثيير ومتعبه
اما التقنيات اخذت عند احلام وتندمت لكن تغير اسلوبها الفصل الثاني من كلام البنات
ويمدحون عزه كثييير وشعبتها دايم ممتلئه

جزاك الله خير اختي انا اخترت عزه من اول لكن رجعت وغيرت اخترت منال الخاتم لان خيارنا بين دكتورتين بس
ديني تاج راسي
2014- 9- 11, 01:02 AM
السلام عليكم يا اخواتي الترم الاول المقرر علينا سبع مواد فقط ام ماذا ؟ لاني حست واحتست ، ساعدوني ولو بطرح المواد المقرره لكي يرتاح بالي ، واحس اني ضايع ، المقصد الخطة الدراسيه حقت الطلاب والطالباات وحده

وعليكم السلام
اخوي المواد اللي ندرسها وحده للطالبات والطلاب لكن يختلف الدكاتره وتوزيعها بالايام الطلاب هذا جدولهم دور المواد اللي قدامها d وسبع مواد مثلنا في ماده زايده يوم الجمعه مو لنا


http://bannerinb.kfu.edu.sa/KFU/ws?p_trm_code=143510&p_col_code=02&p_sex_code=11
ديني تاج راسي
2014- 9- 11, 01:05 AM
http://www.ckfu.org/vb/attachment.php?attachmentid=208524&d=1410152301


هذا الجدول اللي نزلته المنسقه وكان فيه فرع الطلاب انت شوف الورقتين اللي تحت اللي مكتوب فيها طلاب موضح فيها الاوقات والمباني والدكاتره الله يعينك تدور المواد اللي في الورقه الاولى بالموقع اللي فوق
Nice2014
2014- 9- 11, 01:45 AM
ان شاء الله تتيسر الامور يمدها تسدد
المهم من فيكم بكالوريوس انتساب
ومقبوله بالدبلوم التربوي تجيني خاص
ضروري
طالب دبلوم
2014- 9- 11, 06:45 AM
جزاك الله خير ديني تاج راسي ورحم الله والديك
شكرا ، وبالتوفيق للجميع
طالبة5
2014- 9- 11, 06:53 AM
بنات وش رايكم
منال محمد امين خليل
ومحمود عبد الحي علي

ضروري وش تنصحونا فيه اي دكاتره افضل؟؟
عسجـــد
2014- 9- 11, 07:00 AM
يعطيكم العافيه بنات

سجلت المواد، وان شاء الله اليوم باسدد
ديني تاج راسي
2014- 9- 11, 07:02 AM
بنات وش رايكم
منال محمد امين خليل
ومحمود عبد الحي علي

ضروري وش تنصحونا فيه اي دكاتره افضل؟؟



تلقي راي ريحانه طالبه من السنه الماضيه بصفحه 6 تكلمت عن اغلب الدكاتره


http://www.ckfu.org/vb/t610314-6.html
كيمياء المحبة
2014- 9- 11, 09:09 AM
اختي طموح حالمه من اي قرى
اعرف بنت الجفر تدور على باص
كيمياء المحبة
2014- 9- 11, 09:19 AM
‏بنات أي بنت من القرى الشرقية وتبي باص أنا عندي باص بيوصلني بس يبي وحده معي ع الأقل من ( الجفر أو المزاوي أو العقار أو الطرف أو الجشه ) دوام مسائي

رسالة حق بنت الي تبي تتواصل معاي
طموح حالمه ~
2014- 9- 11, 12:32 PM
أختي كيمياء المحبة أنا من القرى الشرقيه قريب من قرية الحليله إذا وافق صاحب الباص بشترك معك
طموح حالمه ~
2014- 9- 11, 12:35 PM
وانا انتظر ردك اختي كيمياء المحبه
طموح حالمه ~
2014- 9- 11, 01:01 PM
أختي كيمياء المحبة أنا من القرى الشرقيه قريب من قرية الحليله إذا وافق صاحب الباص بشترك معك
طموح حالمه ~
2014- 9- 11, 01:16 PM
أختي كيمياء المحبة أنا من القرى الشرقيه قريب من قرية الحليله إذا وافق صاحب الباص بشترك معك
نجميه
2014- 9- 11, 03:11 PM
والله في حركه حلوه مسوينها جامعه الملك عبدالعزيز فاتحين لهم ايقونه فيه رمز طلب
حق الاعفاء من الرسوم بنفس منتدى النقاش حقهم
كيمياء المحبة
2014- 9- 11, 03:12 PM
اختي انتي جامعة الملك فيصل ؟
او كلية الاداب
لان بنت جامعه الملك فيصل
طموح حالمه ~
2014- 9- 11, 04:19 PM
بنات الدبلوم التربوي اللحين لمن سددتوا وسجلتوا المواد أكدتوها ولا بس تسجيل ﻷني سجلت المواد وتسجلت بس مافيه تأكيد للمواد صح
ديني تاج راسي
2014- 9- 11, 06:32 PM
اي مافي تاكيد مواد واذا طلعتي ورحتي هذي الصفحه يطلع لك الجدول مرتب وجاهز للطباعه

http://apps.kfu.edu.sa/weeklyschedual/index.asp
طموح حالمه ~
2014- 9- 11, 06:40 PM
يعطيك العافيه اختي ديني تاج راسي..
كيمياء المحبة
2014- 9- 11, 07:30 PM
اختي طموح تقول القرى بعيده
طموح حالمه ~
2014- 9- 11, 09:41 PM
مومشكله اختي كيمياء المحبة الله يعطيك العافية. ..
البرنسيسـه
2014- 9- 13, 12:57 AM
اختي ليه ندمتي انك خذتي تقنيات عند احلام مو عزه

طيب الاسئله موحده بالشهري و النهائي ؟ يعني ماتفرق

وبسال سؤال كيف نظام الاختبارات للدبلوم التربوي
هل جدول كلهم ورا بعض نفس المدرسه
او بينهم بريكات
شهري ونهائي ياليت تفيدينا
شيخة القبيله
2014- 9- 13, 02:11 AM
السلام عليكم والرحمه

شحالكم بنات

سؤالي عن دبلوم التربوي بجامعة الملك فيصل بالاحساء؟
سمعت انة بفلوس صحيح هالكلام لان سمعت الي بالدمام بلاش الدراسه

وكم ندفع؟
ومتى التسجيل له؟


ويعطيكم الف عافيه
عكفان
2014- 9- 13, 02:34 AM
التسجيل يفتح في نص السنه ,يعني تقريبا مع بداية الترم الثاني
وفيه رسوم درلسيه 6000 لكل ترم
حفصه الدوسري
2014- 9- 13, 10:03 AM
ودبلوم توجيه وارشاد طلابي
برسوم الدراسه ولا
أم لانا£
2014- 9- 14, 12:02 AM
السلام عليكم
بنات الله يعافيكم اذا وحده داومت بكره
تسأل لنا عن الاحتياط وش وضعهم
في اتصال بهم ولا رسائل ولا مافي احتياط ومتى اخر موعد لستدعائهم
وماراح انساها من دعائي. لاني مااقدر اروح الجامعه واسال
أم لانا£
2014- 9- 14, 12:06 AM
مين بتفزع لي ؟ ^_^
مملكة ميم
2014- 9- 14, 02:15 AM
مرحبا هي انزلت نتائج الدبلوم التوجية والارشاد او لا والله زهقت من ذا السلفة و ارجو من الى عندة علم بذالك يرد ضروري لاني فوت اكثر من فرصة لتسجيل في دورات فتات علي وشكر
عكفان
2014- 9- 14, 02:32 AM
بنات ابشركم اعلامي في سبق رد علي اخيرا
وقال انه راح ينشر مشكلتنا بصحيفة سبق , ان شاء الله يتفاعلون مع الخبر بسرعه ونخلص .





بنات انا ابي استشيركم
انا ودي اخذ لغة
وانا مسجل بمعهد الحين ,وفي نفس الوقت ابي اخذ دبلوم تربوي, بس عندي احساس اني ماراح اكمل الي بواحد بس,فالدبلوم اهم او الغه ؟
حفصه الدوسري
2014- 9- 14, 03:48 AM
الدبلوم اهم من الدوره
الميش
2014- 9- 14, 04:16 AM
انا سالت عن الاحتياط قالت لي مابعد نحدد قلت لها يعني فيه احتياط قالت ان شاءالله،،
انتي روحي لهم اليوم شخصيا يمكن ينفع معك شي
جوليناا
2014- 9- 14, 11:06 AM
[/CENTER]mplified Arabic"]أخت عكفان ..نصيحه اهم شي خذ شهادة الدبلوم التربوي
لان الدبلوم مو دائما راح تنقبل..اما الدورات باي وقت تاخذها بعددالتخرج..اكيد الدورات شهادتها مش اهم من الدبلوم..

بالتوفيق:smile:
neno..
2014- 9- 15, 01:56 PM
انا قسم علم اجتماع شنو احسن اخذ دبلوم توجيه وارشاد طلابي. او الدبلوم التربوي وشنو الفرق بينهم ؟
وسألت من اسبوعين عن الدبلوم التروبوي قالو احتمال تنزل دفعه ثانيه ؟ نزلت او لا وفيه بنات تو انقبلو ولا
جوليناا
2014- 9- 16, 10:58 AM
اتوقع قصدهم بالدفعه الثانيه اللي هم الأحتياط..
اذا شهادتگ مو تربويه ي neno.. اكيد الدبلوم التربوي اهم..

والله يكتب لنا التوفيق ..
طالبة5
2014- 9- 17, 04:33 AM
الدبلوم التربوي يأهلك تصيرين معلمه
لان نظام جداره لايقبل الا التخصصات التربويه او اللي دارسين دبلوم تربوي
الا نادرا

دبلوم تربوي اهم من وجهة نظري للي تبغى الوظايف الحكوميه
عكفان
2014- 9- 18, 01:52 PM
بنات انا مادومت ولايوم ,كذا اعتبر منسحبه ولا لازم اقولهم؟
وبعدين انا ادق على تحويله استاذة عفاف وماترد ,احد عنده رقم جواله
وجزيتم خيييير
عكفان
2014- 9- 18, 02:31 PM
بنات تو كلموني صحيفة سبق يقولون بننشر الخبر يوم السبت , بالله شقولهم ؟؟ قهروني والله,, لا ويقولون ذكرينا يوم السبت .
بنات اقولهم خلاص لاتنشرون
ديني تاج راسي
2014- 9- 18, 06:36 PM
بنات تو كلموني صحيفة سبق يقولون بننشر الخبر يوم السبت , بالله شقولهم ؟؟ قهروني والله,, لا ويقولون ذكرينا يوم السبت .
بنات اقولهم خلاص لاتنشرون



بالنسبه للغياب على حسب اذا انتي دفعتي الرسوم وسلمتي الايصال ينحسب لك غياب وتداومين عادي
اما اذا ما سددتي للحين اعتقد انك تعتبرين منسحبه لكن اسألي افضل



اما جريده سبق لا تيأسين انتي تعبتي وارسلتي وجزاك الله خير كملي معاهم خليهم يرسلون خصوصا ان البنات يفكرون يرفعون شكوى مرفقه بتوقيعات البنات والخبر بيساعدهم
جوليناا
2014- 10- 10, 07:36 PM
السلام عليكم
بنات انا من دفعة الاحتياط وللحين ماتفعل رقم سري للعلم اني دفعت وطابقت ..وقال العميد انهم بيحطو لي جدول الدبلوم المقرر ..بالله اللي يعرف اش هو الجدول تنزله هنا،،
ديني تاج راسي
2014- 10- 10, 09:19 PM
السلام عليكم
بنات انا من دفعة الاحتياط وللحين ماتفعل رقم سري للعلم اني دفعت وطابقت ..وقال العميد انهم بيحطو لي جدول الدبلوم المقرر ..بالله اللي يعرف اش هو الجدول تنزله هنا،،

السلم عليكم ورحم الله وبركاتو هلا اختي الجدول هو نفسه الجدول اللي نزل لطالبات اللي دروسو قبل العيد لكن انتي ماراح تعرفين عند اي دكتوره الا اذا تفعل رقمك الاكديمي وفتح النضام راح تشوفين من دكتوراتك اما بالنسبه لجدولكم واوقاته نفس جدولنا بالضبط كل اللي بيصير انهم بيوزعونكم على الاماكن الفاضيه وموجوده عند الدكتورات لان في دكتورات اكتمل العدد ودكتورارت ماعندها طالبات كثير
جوليناا
2014- 10- 11, 12:04 AM
ديني تاج راسي..يعطيك العافيه..ماقصرتي اختي..
جوليناا
2014- 10- 11, 12:12 AM
طيب ممكن تفيدوني اذا بروح للجامعه الاحد استفسر عن جدولي لعند مين اروح وباي مبنئ مكتب الدكتوره؟؟وكمان يدليت تقولي لي فين مكان محاضرات الدبلوم بشكل عام باي مبنئ لان ماعندي اي خلفيه عن الموضوع ؟؟وشاكره لكم ��
ديني تاج راسي
2014- 10- 12, 11:37 AM
هلا اختي وعذرا على التاخير اول شي لازم تروحين للاستاذه عفاف هذي منسقه الدراسات العليا وهي مسؤوله عن طالبات الدراسات العليا وتسالينها عن جدولك وان الرقم الاكاديمي ما تفعل وهي بتساعدك ومكتبها موجود في مباني الجامعه القديمه تلقينها اول ماتدخلين بوابه ٣او٤ موذا كره المهم هي بوابه الطالبات وهو مبنى رقم ٢٢( مبنى الكفاح ) قريب من مبنى السنه التحضيريه اما بالنسبه للدراسه فحتى الان ما ثبتنا في مكان نداوم من الحد الى الثلاثاء في كليه التربيه مبنى ٥١ الجديد اللي عند المسجد واما يوم الاربعاء يكون الدوام في مباني الجامعه القديمه اللي عند السنه التحضيريه في مبنى ٢٧ الله يعين على الخربطه هذا الاسبوع
ديني تاج راسي
2014- 10- 12, 12:22 PM
نسيت اذكر ان دوام المنسقه يخلص الساعه ٢ الظهر فلازم تروحين قبل او ما راح تستفيدين اليوم لانك ماعندك الجدول
جوليناا
2014- 10- 12, 01:26 PM
ديني تاج راسي ..الله يعطيك العافيه ويسعدگ ويوفقگ ..
تسلمين فديتك..^^