:: كل ما يخص اقتصاد جزئي .. د : حبيب مكي ::

[بندر بن عبدالرحمن]

السلام عليكم

طبعاً راح اعطيكم باختصار عن الدكتور ..وان شا الله تستفيدون من الموضوع
راح اتكلم عنه هالسمستر ..
بالنسبة لـ الشرح فـ هو يحاول قدر مايقدر يوصل المعلومه لكن للأسف يوصلها بصعوبه
ومو كل طالب يستوعب عنده ..
الميزه بالماده قبل كل اختبار شهري او نهائي يسوي مراجعه محاضره كامله
وهالمراجعه تقريبا تجي اغلبها بالاختبار
الاختبار الأول كان كله صح وخطأ ونصه كان عن المرونه وأنواعها واسئله مكرره
بعدها سوه "اختبار قصير" تحسيني من ثلاث درجات جاب فيها الطلب والعرض في سوق الطماطم
ثلاث فقرات ..وسمح بـ فتح الدفتر أو الكتاب .
الاختبار الشهري الثاني جاب 10 تعريفات + 3 رسمات
رسمه بـ 10 درجات اللي هي عن الملابس والطعام واذا زاد وش يصير واذا نقص ..سهله مره
ورسمه بـ 6 درجات تقريبا لو ماخاب ظني عن العرض والطلب
ورسمه بـ 3 درجات اضافيه غير درجة الاختبار عن التعادل والانغلاق ..
اما النهائي فـ جاب 15 فقره صح وخطأ ...كثير منها جات بالشهري الأول
وجاب اختياري 15 برضو ....وجاب جدول تعبي فيه بيانات اذا كانت فائض عرض او طلب ..
ورسمتين وحده عن العرض والطلب فيها 5 فقرات ووحده عن منحنى الانتاج وفيها 4 فقرات
طبعا ما اقول لكم ذاكرو هذولي بس..
بس للإفاده علشان تعرفون أسلوبه بالاختبارات وطبيعي ممكن راح يغير من هذولا ..
للأمانه الدكتور قدر مايقدر يحاول يساعد الطلاب الله يجزاه خير ...
لكن المشكله انه الطلاب مايساعدون نفسهم خصوصاً أنه من النوع اللي احضر المحاضره اي وقت حتى لو تتأخر نص ساعه ماعنده مشكله بيحضرك فـ الكل ماصار يهتم ..

أتمنى اني أفدتكم ..
واللي ابيه تدعون لي بالتوفيق والنجاح :119:

[بندر بن عبدالرحمن]

بالفاينل حط لكم بونس؟؟؟؟؟

ومذاكرتكم من وين؟ كتاب دفتر ولا وين؟؟؟؟؟

واسئلته الموضوعيه تصحيح كمبيوتر؟ الصح وخطأ والإختياري ؟

الصح وخطأ مع التصحيح؟؟

طلب بحث واجبات؟؟؟؟؟
يسأل عن الدرس المااضي؟؟


الأمتحان الاول بس سوا تحسين والثاني ماسوا تحسين او حط سؤال بونس؟

وكيف يحسب الدرجات؟
كل إمتحان من كم؟؟؟؟
شكرا ً

الله يووفقنااا ياااااااارب : )

هلا اخوي بالنسبه لـ البونس ماكان فيه الا بـ الاختبار الشهري الثاني بس..
والمذاكره كانت من الدفتر ..والأهم كانت المراجعات اللي قبل كل امتحان
اما بالنسبه للصح والخطأ فـ اكيد تصحيح كمبيوتر ومافيها طلب للتصحيح
والدكتور ماكان يطلب بحوث ولا واجبات ولا حتى يسأل عن الدروس القديمه
الامتحان الأول كان من 15 درجه ..ولا كان فيه درجات اضافيه
ولما شاف الدرجات نازله سوه كويز تحسيني ..
اما الاختبار الثاني كان من 25 وزياده 3 درجات للسؤال الإضافه ..
والاختبار النهائي من 50

[&& أبو الريم &&]

الاختبار الشهري الأول والثاني كان ممتاز معنا


لكن اسمح لي اخوي بالاختبار النهائي كان معنى كلامه انه بيجمع الشهري الأول مع الثاني

وجيته انا شخصيا وقلت للدكتور يادكتور وش الي بيجينا اكثر القوانين ولا التعريفات قال لا ركز على القوانين

( وطبعا لا جاب لا قوانين ولا تعريفات والرسمات جاب غير عن الشهري الثاني )
بالعربي ماجاب الا كم فقره من الشهري الاول والثاني مع انه كان مفهمنا شي ثاني

وسأله طالب يادكتور ماكان هذا اتفاقنا قال انا مايهمني هذي آخر سنه لي الي ينجح ينجح والي يرسب يرسب !!!

وقال لكل طالب زياده عشر درجات بالمراجعه حقت الاختبار النهائي بعدين قال انتو على الريحه تصدقون
انا اقصد عشر حقت المشاركه والحضور !!!!!
الي شافه بداية الترم والي شافه نهاية الترم يقول مستحيل هذا نفس هذاك

يعني كان معنا طول الترم عسل بس بالاخير خربهاا مررررررررره :017:

[^__^]

الاختبار الشهري الأول والثاني كان ممتاز معنا


لكن اسمح لي اخوي بالاختبار النهائي كان معنى كلامه انه بيجمع الشهري الأول مع الثاني

وجيته انا شخصيا وقلت للدكتور يادكتور وش الي بيجينا اكثر القوانين ولا التعريفات قال لا ركز على القوانين

( وطبعا لا جاب لا قوانين ولا تعريفات والرسمات جاب غير عن الشهري الثاني )
بالعربي ماجاب الا كم فقره من الشهري الاول والثاني مع انه كان مفهمنا شي ثاني

وسأله طالب يادكتور ماكان هذا اتفاقنا قال انا مايهمني هذي آخر سنه لي الي ينجح ينجح والي يرسب يرسب !!!

وقال لكل طالب زياده عشر درجات بالمراجعه حقت الاختبار النهائي بعدين قال انتو على الريحه تصدقون
انا اقصد عشر حقت المشاركه والحضور !!!!!
الي شافه بداية الترم والي شافه نهاية الترم يقول مستحيل هذا نفس هذاك

يعني كان معنا طول الترم عسل بس بالاخير خربهاا مررررررررره :017:

آخر سنه له بوشو خلاص مابيدرس؟؟؟؟؟:000:

[&& أبو الريم &&]

آخر سنه له بوشو خلاص مابيدرس؟؟؟؟؟:000:


يقول بأتقاعد بس أتوقع ما يقصد آخر ترم

[R7L]

ياكرهي لهالماده ...


اهم شئ انكم عديتم بتقدير حلو ...




ونصيحة لوجه الله ... لا تاخذ من الدكتور كلمه على محمل الجد وانت لحالك معه ... يعني ممكن تركز على كلامه لكن لا تتجاهل الباقي ..

اما اذا تكلم الدكتور بالقاعه قدام الطلبه ساعتها اقلك انه ممكن يكون صادق في كلامه وان غدر فمعك مجموعة تشهد

موفقين ان شاء الله