تغيير التخصص

[إستغفر الله]

السلام عليكم ,,

اولا شكرأ لكل اعضاء هالمنتدى الي ساعدونا بكل شي..

ثانيا الحمدلله كان عندي امل اني انقبل انتظام وانقبلت ,

بس بالنسسبه لتغيير التخصص!

كنت ابي اغير التخصص قالولي خلص! بالاخص الدكتوره ميسون الي قالت جيبو ورقة الاخلاء بعدين غيرو تخصصكم , جبت لها ورقة الاخلاء ويوم قلت ابي اغير التخصص قامت تهاوش تقول خلص واخذت الطلب حقي وقطته بالزباله :139: حسبي الله وكفى مدري ليش هالتعامل!!! والمشكله هي الي قايله تقدرون تغيرونه ,,

المهم احد يعرف شي بخصوص تغيير التخصص اذا قفل او لا! ابي احول انجليزي مع العلم انه فيه مساحه كافيه طالباته قليل ونسبتي مرررره عاليه فيه يعني انقبل بسهوله:sm1::sm1::sm1:

ولو راح ابوي قسم الرجال ممكن يغيرون لي التخصص؟
احد يفيدني:Cry111:

[بندر المحمدي]

ادعولك بأن الله يحقق مناك و تتسهل أمورك

[مـدمـوزيل أمـانـي ♡]

عليكم السلام

مبروك قبولك انتظام والله يوفقك ان شاء الله

ماعندي خلفيه اذا انتهى وقت تغير التخصص او لا

بس خلي أبوك يروح يشوف يمكن ان شاء الله يغيرون لك التخصص

[✿ e s я α`α]

وعليكم السلام ورحمة الله وبركاته
الف مبروك عليكك الانتظام
وانا من رايي تخلين ابوك يروح احسن وشوفي شيصير
حاولي بكل الطرق لاتستسلمين
وبالتوفيق:rose:

[إستغفر الله]

شكرا للكل:(...

يمكن مابقدر اغير التخصص الا الترم الثاني , لو اخذت هالترم مواد عامه يعني تجي مع اي تخصص والترم الثاني حولت لللانجليزي ,, مابيضيع الترم صح:(؟ والي يعرف تاريخ تغيير التخصص للترم الثاني يفيدني , واقدر اغير تخصصي بعد سنه وترم !!:icon9:

[Dr. nsroon]

لا عزيزتي افضل وقت لتغيير التخصص هو بعد المستوى الثاني
نصيحة تخلين ابوك يروح لقسم الرجال .. المسؤولات حقيقه لا تعليق


راح ارسل تنبيه لقنوع وان شاء الله يفيدك بإسم مسؤول او مسؤولة معينه تروحون لها

[قنوع]

وعليكم السلام ورحمه الله وبركاته

بإمكان ولي أمرك مراجعة الاستاذ / عبدالله الشاهين في عمادة القبول والتسجيل (بالمدينة الجامعية)

واخذ كافة المعلومات الخاصة بتغيير التخصص وأن كان هناك مجال للتغيير في هذه المستوى

مع العلم بأن بداية تغيير التخصص في الفصل الثاني :

تبدأ في 27 / 3 / 1436هـ وينتهي في 1 / 4 / 1436هـ

رقم هاتف مكتب استاذ عبدالله الشاهين

3332705 (013)

شكراً د.نصرون ع التنبيه الله يجزاكِ خير

كل الدعوات للجميع بالتوفيق إن شاء الله