ملك الذوق
2014- 9- 3, 12:00 PM
السلام عليكم و رحمة الله و بركاته
و الله ماني ناوي أرجع للمنتدى و لا أكتب حرف واحد .. بس تقدير للعشرة و للإفادة والجميع عارف هالشي
حبيت أشارك بطرح تجربتي عسى أن أفيد أحد و نلقى دعوة طيبة صادقة
يوم الاحد الصبح وصلت الجامعه و كانت الدعوة ما فيها ترتيب و صادف دوام أول يوم مستجدين
و عند كل دوار دورية سكيورتي ما غير يشرون بإيديهم بعضهم يعرف و بعضهم على فاله
و الناس واقفه ورى بعض و زحمة سيارات و لا فيه تنظيم و لا و لا و لا
بس الحمدلله على كل حال
أبيكم تنتبهون ما تطيحون في نفس الغلط اللي طحت فيه لتوفير الوقت
قبل تروحون لعمادة القبول و التسجيل لازم تروحون لعمادة التعليم عن بعد مبنى 35
و تاخذون من عندهم ورقة إخلاء طرف
رحت لعمادة القبول و التسجيل و رجعني رجعت للتعليم عن بعد مبناهم بعيد تدخل تحت نفقين و كم دوار
قلت أبي ورقة إخلاء طرف قال تفضل عب الإستمارة هذي و بعده أشار لي لمكتبين الماليه و الأكاديميه
يوقعون لك على الطلب و بعده رجعت للإستقبال قلت أبي شهادتي الثانوية
قال إذا إستلمت الوثيقة تعال نعطيك اياها .. قلت يا ابن الحلال يبيلكم ساعتين تدورون
إكتب اسمي على جنب و جهزها لحد ما أجي .. بيض الله وجهه ما قصر بعد ما قلت اني جاي من الخفجي
رحت للقبول و التسجيل و عطيته الإخلاء و سلمني الوثيقة بحمد الله
رحت مشي أول ما تطلع من القبول تلقى على يسارك كلية التربية و طلعت للدور الأول
فيه مكينة تصوير و فيه عامل نظافة هو اللي مسيطر على الوضع و يصور للناس و قلت ابي تصوير
قال بس صورتين و من هنا و من هنا صورتها الحمدلله عشر نسخ
و رجعت مشي للقبول مره ثالثه و عطاني الختمين العربي و الانقليزي
الوثيقه خمس صفحات الشهادة الاصليه و كشف الدرجات بالعربي صفحتين و بالانقليزي صفحتين
ختمت طبق الأصل على العشر نسخ كلها .. اول ثلاث صفحات بالعربي و الاخيرات بالانقليزي
و بعده طلعت لكليتي إدارة الأعمال مبنى 23 الدور الأول قسم الإدارة و معاي التوصيات طابعها و جاهزه
رحت لمكتب الدكتور الحماد و لقيته مغلق و عنده شباب ينتظرون
و رحت لمصدق أحمد و نفس الشي الشاهد اني طرقتها باب باب و لا فيه أحد خاوية على عروشها
مكتب الدوغان و مصدق و عفانة و الجيزاوي و القحطاني و الحماد و عيسى حيرش
تذكرت اني ماخذ اي في المالية و رحت أدور مكتب خبابة و مالقيته و لا تتوقع تلقى أحد تسأله
و إن لقيت لا تتوقع تلقى أحد يجيبك على سؤالك .. إنسى
المهم رجعت للتعليم عن بعد عطيته الوثيقه لقيت واحد جديد قال استريح أدورها .. قلت لا
شف الملف هذا ان شاء الله انه لي . فتحه إلا إسمي و طلب البطاقة المدنيه تأكد وسلمني الشهادة
الثانوية
و الحمدلله على كل حال استلمت الشهادة و النسخ العشر و شهادة الثانوية و كانت فرحتي منقوصه
و تمنيت لو إكتملت بالتوصيات
راح أحاول أحط الصور إن شاء الله في مشاركة ثانية
بالتوفيق للجميع
حمد المري
و الله ماني ناوي أرجع للمنتدى و لا أكتب حرف واحد .. بس تقدير للعشرة و للإفادة والجميع عارف هالشي
حبيت أشارك بطرح تجربتي عسى أن أفيد أحد و نلقى دعوة طيبة صادقة
يوم الاحد الصبح وصلت الجامعه و كانت الدعوة ما فيها ترتيب و صادف دوام أول يوم مستجدين
و عند كل دوار دورية سكيورتي ما غير يشرون بإيديهم بعضهم يعرف و بعضهم على فاله
و الناس واقفه ورى بعض و زحمة سيارات و لا فيه تنظيم و لا و لا و لا
بس الحمدلله على كل حال
أبيكم تنتبهون ما تطيحون في نفس الغلط اللي طحت فيه لتوفير الوقت
قبل تروحون لعمادة القبول و التسجيل لازم تروحون لعمادة التعليم عن بعد مبنى 35
و تاخذون من عندهم ورقة إخلاء طرف
رحت لعمادة القبول و التسجيل و رجعني رجعت للتعليم عن بعد مبناهم بعيد تدخل تحت نفقين و كم دوار
قلت أبي ورقة إخلاء طرف قال تفضل عب الإستمارة هذي و بعده أشار لي لمكتبين الماليه و الأكاديميه
يوقعون لك على الطلب و بعده رجعت للإستقبال قلت أبي شهادتي الثانوية
قال إذا إستلمت الوثيقة تعال نعطيك اياها .. قلت يا ابن الحلال يبيلكم ساعتين تدورون
إكتب اسمي على جنب و جهزها لحد ما أجي .. بيض الله وجهه ما قصر بعد ما قلت اني جاي من الخفجي
رحت للقبول و التسجيل و عطيته الإخلاء و سلمني الوثيقة بحمد الله
رحت مشي أول ما تطلع من القبول تلقى على يسارك كلية التربية و طلعت للدور الأول
فيه مكينة تصوير و فيه عامل نظافة هو اللي مسيطر على الوضع و يصور للناس و قلت ابي تصوير
قال بس صورتين و من هنا و من هنا صورتها الحمدلله عشر نسخ
و رجعت مشي للقبول مره ثالثه و عطاني الختمين العربي و الانقليزي
الوثيقه خمس صفحات الشهادة الاصليه و كشف الدرجات بالعربي صفحتين و بالانقليزي صفحتين
ختمت طبق الأصل على العشر نسخ كلها .. اول ثلاث صفحات بالعربي و الاخيرات بالانقليزي
و بعده طلعت لكليتي إدارة الأعمال مبنى 23 الدور الأول قسم الإدارة و معاي التوصيات طابعها و جاهزه
رحت لمكتب الدكتور الحماد و لقيته مغلق و عنده شباب ينتظرون
و رحت لمصدق أحمد و نفس الشي الشاهد اني طرقتها باب باب و لا فيه أحد خاوية على عروشها
مكتب الدوغان و مصدق و عفانة و الجيزاوي و القحطاني و الحماد و عيسى حيرش
تذكرت اني ماخذ اي في المالية و رحت أدور مكتب خبابة و مالقيته و لا تتوقع تلقى أحد تسأله
و إن لقيت لا تتوقع تلقى أحد يجيبك على سؤالك .. إنسى
المهم رجعت للتعليم عن بعد عطيته الوثيقه لقيت واحد جديد قال استريح أدورها .. قلت لا
شف الملف هذا ان شاء الله انه لي . فتحه إلا إسمي و طلب البطاقة المدنيه تأكد وسلمني الشهادة
الثانوية
و الحمدلله على كل حال استلمت الشهادة و النسخ العشر و شهادة الثانوية و كانت فرحتي منقوصه
و تمنيت لو إكتملت بالتوصيات
راح أحاول أحط الصور إن شاء الله في مشاركة ثانية
بالتوفيق للجميع
حمد المري