قل خيرا او اصمت !!

[nadood10452]

السلام عليكم شلونكم الكل ؟!


بدش على طول بالموضع لان صج شي يبط الجبد

هالفترة قاعده تكثر الاستفسارات عن الدكاترة

وهذا حقكم انكم تعرفون وين محطوطين


بس

الناس الي ترد ممكن اذا تعرفون الدكتور ان زين قولوا الي تبون

والي ماعجبها اسلوب دكتور معين مو لاوم تهول في وتسويه بعبع وتخرع الطلبه !!


ترى اغلبهم مستجدين الي يسألون واغلبهم متوهقين يبون الي يشجعهم مو الي يخرعهم

لان لو شنو كان الي جدام الطالب لو كان متحمس راح يفهم مع الدكتور

واذا كان داش مايعرف شكل الدكتور بس سمع عنه ان مو زين حتى ماعطيتوا فرصه يفهم الانطباع الاول عنه !

عن ما لقول لكم قولوا عن الي مو زين زين

بس تقدرون بدال الدراما الي تسونها انكم تقولون بكل بساطة

( انا شخصيا ما فهمت على تكنيك واسلوب هالدكتور )

الحين بذمتكم احلفكم بالله الي تهولون باي احد من الدكاترة

مافي ولا طالب عدى معاه ومشى
؟؟!!!!!!!!!!!!!!!!!!!!!!


اتحداكم اذا كل الطلبه F ولا d


اتحداااااااااااااااااكم لان لو كان جذي الجامعه مارح ترضى زين؟


اذا انتوا ماارتحتوله في غيركم ارتاح وايد لان طنش كلام الناس الي ينقال وركز مع الدكتور بس يحاول يلقط طرف الخيط الي ماشي عليه


انا انحطيت بأسوأ الاماكن ( على حسب كلام البنات الي كنت اسمعه )

لما دخلت الكلاس وشفت الدكتور مريح نفسيا ( مبدأيا ) هم كانوا يحطمون ويقولون ماشفتي شي نطري الاختبار

بالله عليكم باي نفسيه راح ادرس ؟!:sm12::sm12:


كنت احاول اني افهم بس مابي شي غير اني افهم شنو الي قاعد يصير


وبعد الاختبار ناس تبجي وتزفت وناس طالعه طايره من الفرح


هذا من شنوو ؟؟

مالي تطنش وما تدرس الا قبل الاختبار بيوم ايا كانت الماده اكيد راح تطلع تبجي وتقول ان الدكتوره صعبه او الدكتور



انزيين ؟


صح في ناس تدرس وتتعب وهم تزفت هذا لانهم يا اما خايفين او داشين يقولون ان باجي الطلبه الي اختبروا امس يقولون صعب

والي يعافيكم بس عااد


طيب بقولكم شي : كانت تدرسني دكتورة ماراح اقول اسمها طبعاا بس كانت اتييب الاختبار الغاز

تذكرون كتب الاغاز الي كانوا يوزعزنها علينا وكانت تقول حرفيا ( احنا دكاترتنا قبل كانوا يطلعون علينا الغل بالاختبار فطبيعي اني اطلع هذا الغل عليكم انتوا )

بالفاينال طلعنا احنا وشعبه ثانبه الشعبه الثانيه كانت تدرسهم دكتوره ثانيه

طلعوا ما الاختبار يناقزووون واحنا كلنااا ماحلينا شي كلنااااا

الدكتورة راحت من الترم الثاني مو موجوده والدكتورة الثانية من الترم الياي مسكت الماده هذه كل شعبها

الجامعه لا تبي تعجزنا ولا تبينا نكون فاشلين مصلحتنا اول شي بالنسبه لهم


واكثر شي ينرفز بالبنات قسم بالله ودي اصفقها بالجنطة سووري يعني

الي تقول ((( ياااااااربي هذا الدكتووور او هذه الدكتوووورة مافي احد ينجح عندها كللللللللش كلهم ساقطين او دروب
الحمد الله الحممممممد الله اني مو معاها هذا الترم )))


والبنت الثانيه تكون :Cry111: :mh12:

تدخل البنت تلقى مافي اسهل منها لا وتاخذ a عندها مو بروحها لاااا الشعبه كلها فوووووووووووق

انزين ؟؟؟


والاخت دراما وينها ؟


اووه طلعت متهاوشه مع الدكتورة ومسقطتها !

ايه ليش



المهم الحين خفوا عليهم شويه يااما تقولون شي عدل او تتكلومون لشخصكم مو لازم التعميم

وانتوا الي من كل شي خايفين وبس تسألون وتاخذون قرارات على هالاساس بسكم مو موديكم ورى غير قالوا وسووا

دخلوا الكلاس جنه ماكوا غيكم انتوا والدكتور فهموا عدل وترى كل الدكاترة تقول طبيعه اسئلتها من شرحها بشكل غير مباشر بس تبي ناس مصحصحه معها ماتبي ناس قاعده ع الانستجرام بالكلاس ولا نايمه ولا تسولف

اتذكر دكتورة الله يذكرها بالخيير يااارب اهيا الحين شرحت واختبارها من الي شرحته وكل شي
وتقول هذاا السؤال ادري ان طويل بس راح يكون موجود بالاختبار البنات هجموا عليها لاا ما نبي ماادري شنو الدكتورة قالت كيفكم انا قلت راح ينحط بالاختبار
ليله الاختبار كان هذا السوال حديث الساعه

انتي درستيه لا
زين انتي درستي : مالي خلق
وانتي : اكيد ماراح تجييه مابي اضيع وقتي فيه
وانتي : نثه بث


النتيجه يابته بالاختبار وعليه 14 درجه طلعوا هذه الدكتورة مو زينه وما تشرح واسألتها صعبه مااحبها !!!!

عفوا ؟؟


المهم الحين اتمنى تكونون خذيتوا كلامي شوي جد يمكن في بدليات ما ادري بس مع الحماس

[Mohammed Salman]

موضوع جميل .. وكلام من قلب

بأختصار لا تحكم على الشخص من كلام الناس

[nadood10452]

شكراً بس صج لازم نوقف معاهم شوي او على الاقل نحط نفسنا مكانهم

[ابو نايف 73]

وعليكم السلام

كلام صحيح ولا غبار عليه

كثير من طلاب اسمعهم قبل ما ادخل على اي دكتور يقول هذا الدكتور الفلاني اللي فيه كذا وكذا

لكن لما شفت الدكاتره وتعاملت معه عكس الكلام تماماً

الشاهد في الموضوع انت بنفسك تصعب الشغله وانت بنفسك تبسطها بتوفيق الله

لان كل المحتوى الاختبار في الكتاب

[xkhalid]

يعطيكي العافية ^_^ والله انك صادقة
انا كنت اسال عن الدكاترة حقين التحضيرية كلهم قالولي تمام الا واحد قال حق الإحصاء نص الطلاب حاملين مواد
والمشكلة غيره يقولون الدكتور هذا جداً ممتاز . مافي الا هو الوحيد الي قال هذا الكلام :(((((((((

.

[Mohammed Salman]

يعطيكي العافية ^_^ والله انك صادقة
انا كنت اسال عن الدكاترة حقين التحضيرية كلهم قالولي تمام الا واحد قال حق الإحصاء نص الطلاب حاملين مواد
والمشكلة غيره يقولون الدكتور هذا جداً ممتاز . مافي الا هو الوحيد الي قال هذا الكلام :(((((((((

.

بالضبط نفس الكلام اللي سمعته عن دكتور الإحصاء

[نداء العلم]

يعطيك الف عافية والله صادقة وكلامك فالصميم :3::21:

[αℓαα αłкнαłαf]

وعليكم السلام ورحمة الله وبركاته ..~
كلامك سليم أختي وصادقة فيه ، بس للأسف ما نقدر نمنع أحد يتكلم
ويقول رأيه في الدكاترة سواء كان إيجابي أو سلبي ، فنصيحتي حق اللي
يسأل انه لا يسمع للكلام السلبي والنقد . . أنا عن نفسي أقرا كلامهم
وفي النهاية ما أشوف شي ، لأن أغلب اللي يذموا هم مو مهتمين بالمادة
ولا بدراستهم ؛ فأكيد كل شي بيكون عندهم صعب ويتعذروا بالدكاترة وانهم
ما يساعدوهم ولا يشرحوا كويس . . صراحة أنا أشوف أغلب دكاترة كليتنا
متعاونين ويساعدوا الطلاب وخاصة التحضيري إلا ما شاء الله . . شكراً لكِ
غاليتي ع طرح الموضوع وأحب أقول ان لكل مجتهد نصيب ، حتى لو صرت
عند دكتور أو دكتورة مو متعاونين فربي كريم وما راح يضيع لي تعب أبد !
أسأل الله الخير والتوفيق لي ولكم أحبتي =]

[إحسآس ألشريف]

صادقه فعلاً ..

كلامك بمحله ومُقنع


وفعلا كثير من الي يتكلمون م نعرف مستواهم الدراسي وفهمهم وهالاشياء كلها

وغير كذا تنبيهك جميل وبوقته وبنحطه بعين الاعتبار

[nadood10452]

اشكر تفاعلكم الجميل ويريت صج تستفيدون من خبرتي بالجامعه