إش رايكم أضيف مشروع التخرج

[ندى العالم]

هذا جدولي 17 ساعة إش رايكم أضيف عليه مشروع التخرج
يوم الثلاثاء ..ترجمة الانماط النصية...3ساعات
يوم الخميس ..علم اللغة النفسي ..ساعتين
يوم السبت .. علم اللغة الإجتماعي .. ساعتين
يوم الاحد ..النحو .. ساعتين
يوم الثلاثاء ..ترجمة ابداعية ..ساعتين
يوم الخميس ..تصميم الابحاث ومناهجها ..ساعتين
يوم السبت ..المسرحية الحديثة..ساعتين
يوم الثلاثاء ..النظام الاجتماعي في الاسلام ..ساعتين
المجموع 17ساعة
إذا ضفت مشروع التخرج أصير 19 ساعة


مواد مستوى ثامن ( تحليل الخطاب - ترجمة تتابعية - النقد الأدبي - أدب أطفال -اللغة الإنجليزية وتقنية المعلومات - مدخل إلى الأدب الأمريكي ) 13 ساعة شيروا علي ما بقي إلا يوم للتعديل :sm1:

[GOYOOM]

ما انصحك صراحة

انتي استعديله من هالترم وضبطي وضعك معاه للمستوى الجاي وخذيه بعدين على رواق

ماتدرين يمكن يتغير شي بعدين لصالحنا

خليه هالترم وخذي بداله الأدب الأمريكي

وموفقة يارب

[s سوسو,,,]

الافضل انكم تاخذونه هذا الترم ويكون لكم فرصتين افضل من فرصه وفي حال الاخفاق لاقدر الله يكون عندكم ترم تاااسع

انا اخذته هذا الترم والله يسهلها علينا

[محمد هروبي]

انصحك انك تأخذينه هذا الترم
انا اخذته

[nsayim]

انا ما أؤيد أنه تاخذينه هالترم .. لأنه مادة تصميم الأبحاث ومناهجها متطلب لمشروع التخرج
فلازم يكون عندك خلفية سابقة عنها .. أنا أقول أخذي ماده ثانيه بدالها وأجليها للترم القادم
( القرار لك أكيد ..) .. بس هذا مجرد ابداء رأي .. وفقك الله

[AL-Maram]

رايي انك تاخذين ماده وتخففين عن نفسك في ثامن لما تاخذي التخرج

[الملازم1]

دام المستوي القادم خفيف فاتركية في وقتة

[i am legend]

انا نزلت ١٧ ساعه ودي اضيف ماده ماقدرت
كيف اقدر اضيف ساعات زياده والتسجيل انتهى

[خريف العمر]

انا كنت ماخذه 17 ساعة فقط بس فجر اليوم اضفت مادة اللغة الانجليزية وتقنية الملعومات وصار عندي19 ساعه اول مره اسويها :verycute:
الله يسهلها يارب

[خريف العمر]

اشلون تضيف ساعات اضافية ادخل البنر وسجل مادتك وارجع شيك ع المواد اللي اخذتها راح تلقاها كلها مع بعض طالعين اتمنى اكون افدتك

[ندى العالم]

شكرا لكم جميعا كلامكم صح اخليه لمستوى ثامن أفضل �� يارب سهل علينا ووفقنا

[i am legend]

يا اخت خريق العمر
البانر مقفل وعجزت اضيف ساعات
كيف الطريقه يا اخوان :(

[i am legend]

المشكله مسموح لي ١٨ ساعه فقط

[-كبرياء-]

المشكله مسموح لي 18 ساعه فقط



ادخل على البانر مفتوح الحين .. بس اختار الفصل الدراسي بدل السنه الدراسيه ..
وبعدين ادخل وضيف المواد عادي

[i am legend]

يا اخت كبرياء فتحت البانر
المشكله فقط ١٨ ساعه ماقدرت اضيف اكثر ..!!

[-كبرياء-]

يا اخت كبرياء فتحت البانر
المشكله فقط 18 ساعه ماقدرت اضيف اكثر ..!!

الافضل انك تكلم العميد . هو الي راح يفيدك .. بالتوفيق لك يارب

[محمد الشيباني 1]

تو اضفت مشروع التخرج قبل لحظات , كنت اظن فاتني التسجيل بس الحمدلله قدرت اضيفها و صار عندي 19 ساعة عسى الله يوفقنا .


عن نفسي اشوف اني اضيفها الحين و يكون عندي فرصتين لاسمح الله في حالة عدم تجاوزها لاني سمعت ان فيه ناس ما تجاوزو مشروع التخرج من اول مره

[فهد الحميدي]

نصيحة مجرب خذي مشروع التخرج ولا تشاورين احد انا رسبت فيه الترم الي فات والحين حامل مادة المشروع هذا الترم وماخذ ترم كامل عشانه واعرف غيري حمله ثلاث مرات ولو عارف كذا اخذته من الاترام السابقه ولا تحطو في بالكم اذا تابعت محاضرات الدكتور ومشيتو على خطواته راح تنجحو انت وحظك مع الدكتور مثلا السقوفي والتركي من سابع المستحيلات النجاح عنده وفيه اعضاء تدريس ممكن تجيبي الدرجه كامله انت وحضك مع الدكتور وانا اخذت الترم الي فات تصميم الابحاث مع مشروع التخرج مايضر لكن الاهم خذو المشروع ولا احد ياجله اخر ترم وممكن يحمل ترم او اكثر وتتاخر في التخرج

[ندى العالم]

نصيحة مجرب خذي مشروع التخرج ولا تشاورين احد انا رسبت فيه الترم الي فات والحين حامل مادة المشروع هذا الترم وماخذ ترم كامل عشانه واعرف غيري حمله ثلاث مرات ولو عارف كذا اخذته من الاترام السابقه ولا تحطو في بالكم اذا تابعت محاضرات الدكتور ومشيتو على خطواته راح تنجحو انت وحظك مع الدكتور مثلا السقوفي والتركي من سابع المستحيلات النجاح عنده وفيه اعضاء تدريس ممكن تجيبي الدرجه كامله انت وحضك مع الدكتور وانا اخذت الترم الي فات تصميم الابحاث مع مشروع التخرج مايضر لكن الاهم خذو المشروع ولا احد ياجله اخر ترم وممكن يحمل ترم او اكثر وتتاخر في التخرج



:icon120: :icon120: حتى لو درجاتي زينه ممكن أحمله صل ع النبي خضيت بطني من جد:mh12: