تم السماح لي ب 24 ساعة ..ساعدوني الله يخليكم

[العلم دنيا]

السلام عليكم ورحمة الله وبركاته

اسعد الله اوقاتكم بكل خير

انا متبقي لدي 48 ساعه مقسمه على 17 ماده
(كلها على ثلاث ساعات الا مادتين قضايا ثقافيه2 ومهارات الاتصال1)

حصلت النظام سامحلي حتى 24 ساعه ..

يعني يبوني اخلص خلاص هذي السنه

طبعا لما شفت الجدول لاحظت اني راح ارهق نفسي زيادة خصوصا ان الجدول ما يخدمني

وفيه مشكلة الرسوم يعني بتوصل الى حوالي 4000

فا وش راي الشباب ..هل اخذ الاربع وعشرين ساعه واضغط نفسي ماديا في السوم ومعنويا في ضغوطات الجدول
ولا اخذ 18 ساعه واريح نفسي ..


عطوني رايكم الله يخليكم ..


تقبلو تحياتي

[حلاها]

اضغط نفسك وافتك كلها شهرين خصص من الحين كل اسبوع ماده تختمها وتابع المحاضرات من اليوتيوب اذا كان نفس الدكتور ما تغير.. افضل من انك تنتظر متى تنزل المحاضرات خلصهم بدري وبوقت الاختبارات ماعليك الا مراجعه النماذج وخلاص .. بالتوفيق

[MNON]

وعليكم السلام
صباح الخير
انا من رايي لا تضغط على نفسك ، خذ اللي تقدر عليه
اذا اخذت مواد كثيرة يمكن ماتقدر عليها وتخسف بمعدلك
والله يوفقك :icon1:

[العين]

كل شخص يعرف قدراته :
نصيحتي لك خذ جميع المواد اضغط على نفسك شوي
وبعد التعب ترتاح ان شاء الله
واذا لم يحالفك الحظ في بعض المواد و تعثرت ,
عندك شوط ثاني تستطيع الفوز في باقي المواد التي لم يحلفك الحظ فيها .

بالتوفيق والنجاح
....

[الفنــــار]

انا من رأي انك لا تضغط على نفسك
حتى تستطيع النجاح وتحصل ع معدل تراكمي كويس

[عبدالله خميس]

عزيزي انت ادرى بظروفك وقدراتك

بس حبيت اذكرك لو اضفت ترم زيادة

يعني انت راح تتأخر في تخرجك ٨ شهور

من شهر شعبان الى شهر ربيع الاخر


والموضوع راجع لك

[Om Shahad]

انا كان باقي لي 14 مادة

اخذت 7 هالترم و7 الترم الجاي لاجل افتك مع انه عندي ضغط طفلتي عمرها 7 شهور و7 مواد وبيت وقلق

بس ودي بصراحة اخلص دراسة

من الافضل انت قادر على المواد اللي راح تنزلها

حتى لو بتحس بضغط فكر انها اخر سنة وتخلص افضل ماتجلس لك ترم زيادة علشان مادة او اثنين

[شذرات]

طيب كيف الجدول ع حسب المؤاد وحسب صعوبتها

فيه مواد تقدر تضغط نفسك وفيه مواد لا

واهم شي ترتيبها وعدم تعارضها عليك

اذا بتاخذ 6 /6 والترم زياده 5 مواد افضل كذا وتخلص 17 ماده