قصه كفاح لكل طالب للانتساب

[محمد حمد]

زميل سابق لي في الدراسه الثانويه دخل الجامعه ثم فصل واشتغل في شركه براتب 1500 ريال وتزوج ثم عاد للدراسه عن طريق الانتساب وتخرج بتقدير ممتاز وبعد فتره قصيره من تخرجه قبل في وظيفه بالمرتبه السادسه وقبل ايضا في الماجستير الموازي وكانت مقابلة الوظيفه ومقابلة الماجستيرفي نفس اليوم

[ويبقى ..؟]

طيب وبعدين وش سوا

يومهم بنفس اليوم :Cry111:

[ويبقى ..؟]

وهذي قصة الكفاح لي :150:


/// بالثانوية اول ترم جبت 94 وبعدها لظروف صحيه نزلت النسبه الى 79 (علمي)
ويومين من الدموع قلت على الاقل لو كانت 80
المهم بعدها سلمت امري لله ولما جا التسجيل سجلت بالفيصل محاسبه انتظام بفلوس وكم تخصص غيره قلت ماراح ينفع الا كذا دام نسبتي مو هذاك الزود
بعدها هم مااقبلوني بكل االرغبات وتحطمت
رحت معهد خاص تخصص محاسبة على امل ان بعدين اكمل بالفيصل ودرست سنتين
وبنهاية السنتين كان في اختبار شامل على شان الاعتماد وهو الي يتحدد عليه المعدل
دخلته وكان 50 سؤال بس وكل سؤال عليه نسبتين وكان مرة صعب
وجبت 80% يعني حليت 40 سؤال صح وباقي الطالبات كلهم اقل مني والـ80 تعادل 4/5
رحت الفيصل ابي اكمل قالوا لي ماناخذ الا الي مخلصين دبلوم من نفس الكلية
دورت وظايف بالموت لقيت وكانت اختلاط وشهر بس وقرفت حالي من نظرات البعض وطلعت
وبعد ماطلعت بفترة لقيت مكتوب بمنتدى عن ان المكان ماهو زين (الحمدلله الي خلصني منه)
قلت امري لله اسجل تخصص ثاني ولما شفت ادارة الاعمال تحمست لاني بدبلوم المحاسبة درست مادتين منه وكأنه حد عطاني كف على وجهي يوم لقيت كاتبين قبلوا بس من 83 وفوق


ومازال الكفاح مستمر :000:


والمعذرة ان القصة بالعامية


ونسألكم الدعاء :s12:

[العـــــزي]

والله حتى انا جبت بالفصل الاول 100% علمي والفصل الثاني 82% لظروووف مره شينه

بس الحين موظف براتب حلو وادرس معكم <- قل قــآ :cheese:









<- ب ر ا :000:

[ويبقى ..؟]

والله حتى انا جبت بالفصل الاول 100% علمي والفصل الثاني 82% لظروووف مره شينه

بس الحين موظف براتب حلو وادرس معكم <- قل قــآ :cheese:

<- ب ر ا :000:


الله يوفقك :cheese:


وتصير لك ترقيات :cheese:

[وهـج مطير]

عاد أنا قصتي مأساويه بس لازم كل واحد يحط جمبه كلينكس:Cry111:
تخرجت من الثانويه بمعدل حلو ودشيت كليه تجاري بالكويت وتخرجت بمعدل امتياز وقلت بكمل جامعه الكويت قالو لازم اختبار قدرات وخرابيط وسالفه مطوله وبعدين رحت اكمل جامعه خاصه وقالو لازم تروحين تعليم العالي بالرياض عشان ادش من ضمن البعثه وسافرت وبعدين قالوا جيبي معدل وجامعه خاصه بالكويت احدى فروع جامعه امريكيه يعني وين معدل ودراستهم كلها انجليزي ودكاترتهم يهبلون مشالله عليهم امريكان حمر قلت ميخالف خلني ادور جامعه بالسعوديه وحمدالله لقيت عندكم وقبلوني والله يستر من اللي جاي
حلو الفيلم الهندي :hahahahahah:

ومازلت أكمل مسيره كفاحي والتحدي مع نفسي واصراري لتحقيق هدفي:d5:

[white paper]

وما توفيقي الأ بالله

[طالب vip]

ويبقى ..؟

الظاهر مالك حظ مع الفيصل كل الطرق حاولتي فيها ويوم جت على التخصص قالو 83%

ما اقول غير الله يكون في عونك والله يوفق الجميع

[عـــــ بـنـت ـــــز&]

اما انا محدثتكم:d5:

قصتي مشابهه لقصص كثير من البنااات بس البعض يتحطم وما يقدر يكمل

سجلت من كم سنه ادب انجليزي واجتهدت من قلب واجتزت السنه الاولى والثانيه بصعووووبه بسبب

ظروف خاصه ,,, وسنه ثالث نقلت لجامعة الملك فيصل وبدات المعاناه ع الاعاده وحمل المواد كنت اذاكر واجتهد واحل زين بالامتحان ,,, واذا نجحت ما جبت الدرجه اللي ابي ..

وعدت السنه الثالثه مرتين :bawling: وبعدين شاتوني مع الباب وصارلي سنتين احاول ارجع وموعارفه اشلون

بس قررت اتحدى نفسي من جديد وابدأ من الصفر وسجلت انتساب مطور ,, واتمنى التوفيق من رب العالميييين لي وللجميع

والله لو الواحد عنده صموح وعزيمه راح يوصل حتى لو تأخر شوي

[روح الصداقه]

الله يوووفقكم يااارب...
ويووفقناا وننتظـــــــــــــم...

وعساه مايكوون اخرر نجاااح ياااارب...

[Miss Tota]

يووووه / لآ تخوفوني ترآني متردده كثير والله :(
بكره برسل الوثآئق خلاص وكل مره اقول ماراح افلح ..
مآرآح أنجح ..


وبالاسآس مآني عآرفه خطة الانتسآب المطور :(
<--- كتلة تحطيم هههه ،

[فلسفة..~]

الله يووووووفقكم يااااااااارب

ويسهل لكم كل صعب ان شاء الله

[white paper]

يووووه / لآ تخوفوني ترآني متردده كثير والله :(
بكره برسل الوثآئق خلاص وكل مره اقول ماراح افلح ..
مآرآح أنجح ..


وبالاسآس مآني عآرفه خطة الانتسآب المطور :(
<--- كتلة تحطيم هههه ،سيم سيم:Cry111:
أنتي أيش تخصصك ؟؟أناتربية خاصة
وعليك بالدعاء وراح تتسهل أن شاء الله:praying:

[نسيم الطائف]

يارب توفقني

[فديت روحك]

اما انا قصتي غير رعب وافلام اكشن

الحمد لله تخرجت من الثانويه بنسبه70% بعد شق الانفس بس في نفس الوقت

عندي اصرار اكمل الدراسه ورحت اختبار القدرات ونجحت بنسبه53% برضو بعد شق الانفس

رحت ادور للجامعات بس مافي امل يقبلوني النسبه والقدرات زي وجههي ههههه المهم قلت ياولد

مالك الا العسكريه والحمد لله سجلت بالامن العام وقبلون وانا الحين بالجبيل وضيفه طيبه وراتب طيب

وفي نفس الوقت رجع لي امل تكميل الدراسه وسجلت بتخصص جغرافيا والحمد لله قبلوني

وانشاء الله اني بتخرج بأمتياز

بالله عليكم مو قصه رعب

تقبلووو مروري

[miss roo7]

اما انا قصتي ماادري وش اقول لكم انا تخرجت قبل العام وقبل التسجيل باايام سافرنا والاب خربان خليته باالبيت واعتمدت ع اخوي اعتماد كلي مافي يدي شي ويوم رجعت سالت اخوي وش تتوقعون قال لي ؟؟؟؟؟
:Cry111::Cry111:قال ما سجلتك انهبلت طبعا عذره قال مادريت باالتسجيل وراحت سنه كامله ع نفس الحاله..:Cry111:
السنه هاذي الترم الاول نويت اسجل بالانتساب ابوي شجعني لكن ابوي انشغل شوي واخوي اعترض اني اسجل ع قولته انك ماراح تفلحين عشانه انتساب ومنعني اسجل وراحت علي كنت بموت من القهر:017::017:ولما رجع ابوي عرف باالسالفه قال سجلي ع حظي انتهى التسجيل مع العلم اخوي يدرس انتساب اداره اعمال ولكن انتساب القديم وفلح فيه وانا انتساب مطور واحضر محاظراتي ويقول ماانتي فالحه وابشركم بعد سافر الحين عشان يكمل دراسته باالخارج ادري طولت بس من القهر راحت علي اكثر من فرصه وشوفو ه وين وانا وين:Cry111: بس الحمدالله انقبلت الحين وربي الموفق بمساعدتكم وباالتوفيق للجميع..:119::119:

[أبو نهار-عبدالله]

طيب وبعدين وش سوا

يومهم بنفس اليوم :Cry111:


شفيك متابعه فلم هندي انتي وكله تبكين هههههههههههههههههههههههههههه:hahahahahah::hahahaha hah:


-------------------------------------------


خذوا هذه القصه حقيقية عن الطموح الذي ليس له حدود




قصه حقيقيه حدثت بالظهران

جا ء العامل السعودي الجنسيه في نهاية يوم شديد الحراره و الرطوبه قاصدا برادة الماء ليشرب.
جاء مجهد و متعب و يتصبب عرقا بعد عناء يوم طويل من العمل الشاق تحت حرارة الشمس .
ما أن ملأ الكأس بالماء البارد و أراد أن يبرد جوفه
جاءه مهندس أمريكي وقال له بغلاظه :
أنت عامل و لا يحق لك الشرب من الخدمات الخاصه بالمهندسين .

رجع المسكين و أخذ يفكر أيام و أيام و يسأل نفسه : هل أستطيع أن أكون مهندسا يوما ما وأكون مثل هؤلاء .
اتكل على ربه و عقد العزم و بدأ بالدراسه الليليه ثم النهاريه . وبعد السهر و الجهد و التعب والسنين

حصل على شهادة الثانويه

تم أبتعاثه الى الولايات المتحده الامريكيه على حساب الشركه , وحصل على بكالريوس في الهندسه و رجع لوطنه .
ظل يعمل بجد و أجتهاد وأصبح رئيس قسم ثم شعبه ثم رئيس أداره الى أن حقق انجاز كبير بعد عدة سنوات
و أصبح نائب رئيس الشركه
سبحان الله
حدث و أن جاءه نفس المهندس الأمريكي ( وكانوا يمضون عشرات السنين بالخدمه بالشركه ) قال له :
أريد الموافقه على أجازتي وأرجو عدم ربط ماحدث بجانب برادة الماء بالعمل الرسمي .
فرد عليه بأخلاق ساميه : أحب ان أشكرك من كل قلبي على منعي من الشرب
, صحيح أنني حقدت عليك ذلك الوقت و لكن أنت السبب بعد الله فيما أنا عليه الان .

و بعد العرق و الكفاح و الاخلاص و الوفاء و الولاء للعمل و للوطن أصبح رئيس الشركه .
هي من كبريات الشركات العملاقه في صناعة البترول , شركة ارامكو السعوديه .

وبعد ذلك أختارته القياده العليا ليكون وزيرا للبترول

هذه قصة العامل السعودي و الوزير السعودي

المهندس علي النعيمي وزير البترول بالمملكه حالياً


هذا كان جزء من محاضرة د. العلي في تطوير الذات

[طـلال العــز]

والله قصص
ولااااحلاااا
ويبقىى الله يووفقك في كل الاحوال انشالله وتكمل مسيرتك
بس على فكره تخصص ادارت اعمال احس انه تخصص حق رجال يعني مجال الوضيفه قليل
غير البنووك طبعاا

[ابوشاهين]

الله يوفقكم يارب

[حلوه وذوق]

بسم الله الرحمن الرحيم
انا كمان قصتي مثل اي قصه بنت تحطمت من النسبه

انا من سنه1427 تخرجت من الثانوي بنسبه 74%

طبعا ضيعت سنتين ولا انقبلت بشي

بسبب القبول التعجيزي اللي عندنا

المهم الحين بعد قعده بالبيت سنتين قررت اكمل دراستي ولالقيت قدامي الا الانتساب المطور

اللي مدري وش قصته ع امل اني انتظم اذا فيه انتظام

دخلت علم اجتماع والله يعين ادعولي بالتوفيق

[منتسب جديد]

اما انا غير عنكم كلكم انا فني تمريض وطبعا شهادتي دبلوم <<<داراس على حساب ابوه
وموظف في مستشفى ومتزوج لكن ابقى انتسب ابقى شهادة البكالورريس تدرون اليوم مجتمعنا مايتكلم بالدبلوم اوالثانويه مايتكلم الابالبكالوريس وهذا اقل شئ وانا اخطط اني اخذ البكالوريس وعندي دبلوم فيقولون تنحسب ماجستير بعدين افكر اطلع برة اخذ الدكتورة وارجع انشاء الله تمشئ االامور على مايراام