تكفون ابغى انصيحتكم انتو خوات دنيا

[alaa1]

السلام عليكم
انا جاني عرض اسجل في معهد دبلوم عالي رياض اطفال بالخبر 3سنوات وهم يؤمنو لك لوظيفة بعد التخرج
وانا لي سنتين في تحضيري وهذا الثالثه من غير تخصص واعطوني فرصة رابعة اليوم
وسجلت المواد وطلبت تأجيل ورفضو قالو اللي لها فرصة رابعة ماتأجل تسوى سحب ملف بس انا متحارة لحين بين الاثنين انصحوني انا ماعندي خوات عشان استشيرهم تكفون انا مرة تعبانة ومحتارة الله يخليكم :Cry111:

[N.z]

نصيحتي اقبلي العرض دام بعد بيعطونك ووظيفةه :53::53:

بس اذا عندك القدرة انك ترفعين معدلك والخ كملي بالجامعه :(107):



و الله يوفققكك :love080:

[لغه الاطفال]

اولا ..استخيري
ثانيا.. يعتمد عليك انتي .. تبين شهادتك بكالوريوس و لادبلوم .. و فكري بهالشيئين مستقبلا كمسمى وظيفي وراتبك ووو
ثالثا.. شوفي نفسك .. هل راح تقدرين تكملين و قد الدراسه الجامعيه وترفعين معدلك
اخيرا.. اذا ماتبين تندمين اعطي نفسك فرصه تدرسين هالترم مامشى حالك. خلاص روحي قدمي ع الدبلوم .+ سوي الشي الي تحبينه وودك فيك
.

[Sunburn]

اذا حسيتي التحضيري صعب عليك , وهذا الي باين
جلستي فيه 3 سنوات ومافاد معك وهذي الرابعه!
ف انا اقول جربي شي جديد الي هو الدبلوم .

بالاخير انتي فكري سوي الي يريحكِ
ويخليك افضل ..

[..فطووم..]

وعليكم السلام
صح اول شي استخيري
ثاني شي اذا انتي مضطرة للتأجيل ورفضوا وهذي فرصتك الاخيرة ومو مرتاحة هنا
خلاص توكلي على الله واسحبي ملفك وسجلي بالمعهد
انا بصراحة اشوف ان عرضهم جميل جداً خصوصاً انه رياض اطفال و يأمنون لك الوظيفة بعد التخرج
ومدة الدراسة اقل من كليتنا هنا المفروض 4 سنوات والاغلبية يطولون الى 5 او 6 وانتي الحين صار لك 3 سنوات بتحضيري بس ويبغالك زيادة بعد لو تخصصتي
وسمعت (مو متأكدة) ان الحد الاقصى لمدة الدراسة في الكلية 6 سنوات وبعدها يطلعونك
الحين 3 سنوات راحت ولو قررتي تبقين هنا و تخصصتي وشديتي حيلك مرة مرررة وماحملتي اي مادة بالثلاث سنوات الجاية كذا بتخلصين وتتخرجين
ولو بقيتي ولا سمح الله حملتي مواد بتتأخرين اكثر وبتحتاجين مدة اكثر من الـ 6 سنوات و ع اللي سمعت ان مايصير فـ بيطلعونك وبتضيعين 3 سنوات ع الفاضي
وبتضيعين ع نفسك هالعرض الجميل
لاتبقين الا متأكدة 100% انك بتقدرين تخلصين كل المواد في المدة المحدودة اللي قدامك

لو كنت مكانك :
سحبت ملفي ورحت سجلت بالمعهد بدون تردد وريحت نفسي وخليتهم هم ونظامهم المخيس

ع العموم في النهاية الامر راجع لك
استخييييري و فكري بمستقبلك زين وبهدوء لا تستعجلين
والله يوفقك ويكتب لك اللي فيه الخير :004:

[R :)]

اقبلي العرض ..

وبعد ماتتخرجين وتتوظفين ادرسي جامعه عن بعد

لانها افضل لك بالترقيه .. تكونين كسبتي الوظيفه وكملتي جامعه ..

مجرد اقتراح والرأي لك وقبل كل حاجه الاستخاره

[alaa1]

مشكورين والله حبايبي جدا ارتحت بكلامك ��

[بسمة $]

اقبلي العرض
لانه واضح انك شكلك مو متحمله دراسه بالجامعه بدليل انتي قاعده ثلاث سنوات

ولكن
فكري بشهادة البكالوريوس لان الحين حتى شهادة البكالوريوس ماتسوى شي +هل هالشي اكيد بالنسبه انهم يأمنون وظايف بالنسبه للدبلوم

[alaa1]

هو دبلوم معروف وكثير بنات تخرجو وتوظف عن طريق المعهد

[D.dove]

يَ بعد قلبي انتي ..

شوفي حبيبتي ،،

نصيحتي لج أولاً: الاستخاره ،، استخيري مره ومرتين وثلاث ..

ثانياً: كثرة الاستغفار .. *فمن لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب*

ثالثاً: اسألي وشوفي ،، شوفي ميولج انتي ،، شنو اللي تحسين فيه أريح ،، وشنو اللي أفضل لج ..

شنو ودج تكونين بالمستقبل ،، وين تشوفين نفسج ..

وعسى ربي يوفقج وييسرلج ويسهل أمرج ،، ويسخرلج ويعينج ياااارب ..

وأسأل الله أن يرزقج أعلا الدرجات في الدنيا والآخره ..










#وماتوفيقي إلا بالله عليه توكلت وإليه أنيب..