تسجيل الدخول

مشاهدة النسخة كاملة : بكالريوس صيدلة الصيدلة و إلا الطب .. و في كم أستفسار !

O M A
2014- 9- 9, 09:36 AM
السلام عليكم ..
أخواني أبي رأيكم في شي و عندي كم سؤال ..
محتار بين الطب في كلية الفارابي في الرياض و بين الصيدله
عندكم بالمانع صحيح بأن رغبتي للطب أكثر بس في كم شي
يخليني أحتار اللي هو لو رحت للرياض راح أكون بعيد عن أهلي
يعني راح أصرف واجد من إيجار و غيرها بعكس لو كنت في الدمام
راح أدرس صيدله صح أنه ما هو رغبتي الأولى بس هاه يمشي حالي
بس في نفس الوقت راح أكون عند أهلي و قريب منهم ..

يقولون ما خاب من أستشار .. شوركم علي يا أخوان !


س / الحين أختبار تحديد المستوى ، له دخل في قبولي و إلا لا ؟

س / أنا مسجل الحين في جامعه حكوميه أقدر وقت التسجيل أجيب
صوره من شهادتي و إلا لازم الأصل ؟!

و مشكورين مقدماً 😊
سجود جعفر
2014- 9- 12, 04:38 AM
وعليكم السلام .

خليك مع رغبتك الاولى , لان اذا دخلت شي مو ميولك بتتعثر لازم تكون مقتنع

واذا انك مستطيع تدفع للاجار والمصروف الثاني توكل وروح الرياض
اختبار تحديد المستوى عادي ماله دخل بعد القبول يسوه الاختبار
وقت التسجيل ياخذو صوره من الاصل ولم تنقبل ياخذو الاصل
بالتوفيق
O M A
2014- 9- 14, 07:04 PM
والله ماني ذاك المستطع ، لكن كنت أفكر أني راح أضغط على نفسي لين أتخرج
حالياً بديت أشيل فكرة الطب و روحتي للرياض و جالس أفكر بالصيدلة و التمريض
و جالس أقراء عن التخصصين ، والله ييسر و يجيب اللي فيه الخير ..

- أشكرك سجود على الرد و ما قصرتي ..
M!ss Kemo
2014- 9- 14, 11:37 PM
اخوي ..

بما ان ظروفك ماتناسب انك تدرس بالرياض

ضروري تتعرف على تخصص الصيدلة بشكل كامل عشان تقدر تحدد اذا كنت تتقبله في الدراسة والعمل

وتخصص الصيدلة فيه اشياء مشتركة مع الطب لكن الاشياء اللي يركز عليها التخصص تختلف عن اللي يركز عليها طب الاسنان

اذا تحس نفسك بتحب التخصص وتتقبله ... هذا الشي انت تقدر تقرره

الله يوفقك
O M A
2014- 9- 17, 02:02 PM
الله يسعدك ميس كيمو ، من بعد ردك لي و أنا جالس أبحث و أقراء
عن الصيدله والله حبيت التخصص بجد و حسيت ممكن أتقبله
و إن شاء الله ما أواجه مشاكل فيه صحيح على كلام البعض أنه
صعب بس أنا إن شاء الله قدها و راح أبدع في هالتخصص
بس ممكن تكون في مشكله عندي وحيدة و اللي هي اللغة !!
لكن من خلال تصفحي هينا في المنتدى و قرايتي عن الجامعة
أنهم راح يدرسوني من البدايه إنجلش ، و إن شاء الله الله ييسرها
لي ، دعواتكم لي بالتوفيق .
M!ss Kemo
2014- 9- 17, 11:45 PM
موفق انشالله

واللغة مو عائق اذا جديت على نفسك وحاولت تتعلم
في استاذة عندنا دائما تقول لنا( اي احد ممكن يدخل كلية الصيدلة وينجح فيها بس مو اي احد يصير صيدلي ناجح )

فالتحدي في التخصص انك تجد على نفسك وتكون صيدلاني ناجح وليس الشهادة فقط