تسجيل الدخول

مشاهدة النسخة كاملة : استفسار عام أي النظامين أفضل ..؟!

Rfe3Alshan
2014- 9- 14, 09:04 AM
السلام عليكم ورحمة الله وبركاته .. وبعد

بما إني جديد حتى على المنتديات :064:

حبيت اسال اي النظامين افضل ( نظام التعليم الافتراضي ) او ( البلاك بورد ) ..؟!

او مافي فرق بينهم ... او مكملين بعض ..؟!

يعني بالعربي ... أفيدوني بكل شي :(204):

ولكم جزيل الشكر والإمتنان :smile:

:106::106::106::106:
ممدوح الخليل
2014- 9- 14, 10:29 AM
نفس الشي كلهم مكملين للبعض ,,,, شف اللي استخدامه لك اسهل واستخدمه ,,,,,,,,,اما المحاظرات المباشره فانصحك في نضام البلاك بورد لانها تتحمل في برنامج الجافا حتى يسهل عليك تشغيلها بعد التحميل
ممدوح الخليل
2014- 9- 14, 10:30 AM
المحاظره المباشره اذا حملتها لازم تشغلها لو دقيقه حتى يتم لك احتساب الدرجة وضمانها وانت مرتاح
هموسه1
2014- 9- 14, 10:44 AM
كلها مكمله لبعض بس افتح من الاافتراضي وبراحتكك.. والمباشره من البلاك بورد


موفقين ..
Rfe3Alshan
2014- 9- 14, 11:51 AM
الله يعطيك العافيه اخوي ممدوح الخليل
Alaaa
2014- 9- 14, 01:58 PM
المباشره اذا مافتحتها بوقتها تضيع علي الدرجه!
والا عادي افتحها بعدين بأي وقت !
رمق ،
2014- 9- 14, 07:37 PM
على كلام اللي قبلنا يقولو الإفتراضي أفضل : )
علي الفيفي
2014- 9- 14, 10:23 PM
حسب نصيحة احد المنتسبين القدامى : || المحاربين القدامى ||
الان المستوى الخامس هو
ان الافتراضي افضل بكثير من البلاك بورد
والله اعلم

علي الفيفي
Rfe3Alshan
2014- 9- 15, 08:14 AM
الافتراضي افضل من اي ناحيه ؟؟

يعني على قولتهم كيف استخدامه ..؟! :rolleyes:
طرطيعة
2014- 9- 15, 08:35 AM
الافتراضي اسهل في الاستخدام

وكلها مكملة لبعض ....

وبخصوص الي يسأل عن المباشرة

اذا حبيت تحضرها في وقتها ... او تشوفها مسجلة بعد ماتنزلها الجامعة باي وقت ....

موووفقين
Rfe3Alshan
2014- 9- 15, 08:43 AM
شكرا اخت طرطيعه ... :)

لكن اشوفها وين ؟؟ < اقصد المحاضرات سواء المسجله او المباشرة ..

فيه اسأله كثيره نحتاج فيها لإجابات بما اننا مبتدأين :confused:
طرطيعة
2014- 9- 15, 08:57 AM
اذا فتحت الانظمة على خير

فيه تبويبات خاصة للمحاضرات المسجلة ،،،، والمباشرة والمناقشات كلاً لحاله ،،،

تحتاج برنامج الجافا عشان المحاضرات المباشرة ...... وافضل متصفح قوقل كروم

تحتاج برنامج للداونلود عشان تحميل المحاضرات

وتقدر تحل المناقشات باي وقت .... بس فيه فترة محددة من الجامعة بعدها يتقفل النظام واغلب الوقت تكون قبل الاختبارات باسبوع....

يفضل طباعة جدول للمتابعة عشان ماتفوتك اي مناقشة او واجب ... وماتصير خربطة بكثرة المناقشات والمحاضرات


هذه اهم النقاط الي حضرتني .... واي استفسار مرحب فيه
Rfe3Alshan
2014- 9- 15, 09:07 AM
معليش اختي طرطيعه تحمليني شووي :confused:

المحاضرات نشوفها وين هنا او في موقع الجامعه ..؟

واذا في الموقع اي ايقونه ندخل ؟!

< حاولت ارسلك على الخاص منعا للاحراجات عشاني جديد لكن وصلتني رسالة انه ممنوع وكذا :(
طرطيعة
2014- 9- 15, 09:21 AM
اكيد في موقع الجامعة ...

من بوابة التعليم عن بعد

http://www.kfu.edu.sa/ar/Deans/E-Learning/Pages/gate.aspx

تختار اي النظامين البلاك ... او الافتراضي

وبعدها تحدد المادة الي تبي ... تحولك على صفحة فيها خيارات ... محاضرات مسجلة ... مناقشات ... ومنها تختار

ابي ادور روابط تفيدك تكون بالصور ... لو النظام مفتوح صورة لك بس للاسف

ابد اي سؤال حاضرين
الباشا انا
2014- 9- 15, 10:21 AM
النظام الافتراضي
هو الافضل لأنه مرتب وسلس وسهل اتعامل معه
وهو الافضل لحل الواجبات وتحميل المحاضرات وحل المناقشات

اما البلاك بورد
فقط مشاهدة المحاضرات المباشره
وحتى المحاضرات المباشره تقدرون تحملونها من الافتراضي
وبتحسب نفس الدرجه للي شاهدها او حمّلها
بس تتأخر فتره بسيطه عشان تنزل بالافتراضي
ابو مشـاري
2014- 9- 15, 10:40 AM
قضى الترم وحنا مابدينا ..
الله العالم انه بيصير ترم صيفي :)
Rfe3Alshan
2014- 9- 15, 12:22 PM
الله يعطيك العافيه اختي طرطيعه ..
مانستغني عن خبرتك إن شاءالله واذا فتح معك شي الله لايهينك ارسلي صور عشان نستفيد ..:)
ومن ناحيه النظامين الى الان مافتح اي واحد فيهم عشان التحديث والله يستر مايتأخرون علينا بعد :confused:
Rfe3Alshan
2014- 9- 15, 12:23 PM
مشكووور اخوي الباشا انا :)

ان شاءالله راح اجرب النظامين اول مايفتحوون واقرب شي اني بجرب الافتراضي اكثر شي :cool:
Rfe3Alshan
2014- 9- 15, 12:24 PM
ابو مشاري اهم شي مستانسين :rolleyes:
Bro0onz
2014- 9- 15, 12:34 PM
نصيحه استخدمو البلاك بوورد افضل ودرجاتكم ماتنقص اما الافتراضي لاحد يستخدمه درجاتكم والله تروح فيها ...
Rfe3Alshan
2014- 9- 15, 12:46 PM
اختي برونز احترنا والله ..

البعض يقوول النظامين مكملين لبعض والدرجات تاخذها من النظامين يعني عادي ..

والكل ينصح في الافتراضي مع ان ماعندي مشكله اتابع النظامين دام هالشي فيه مصلحتي ..
Bro0onz
2014- 9- 15, 05:26 PM
لا اخوي خذها نصيحه مني وراح اتحمل اي شي خلك على البلاك افضل صدقني لا تنصدم زيي كنت عالافتراضي بس للاسف نقصت درجاتي في المشاركه والواجبات والمناقشات مع اني متاكده مليون بالميه اني سويت كل شي .. بعدين في المستوى التاني استخدمت البلاك بوورد بس والحمدلله درجاتي مانقصت
chicago
2014- 9- 16, 12:24 AM
لا اخوي خذها نصيحه مني وراح اتحمل اي شي خلك على البلاك افضل صدقني لا تنصدم زيي كنت عالافتراضي بس للاسف نقصت درجاتي في المشاركه والواجبات والمناقشات مع اني متاكده مليون بالميه اني سويت كل شي .. بعدين في المستوى التاني استخدمت البلاك بوورد بس والحمدلله درجاتي مانقصت

الافتراضي ترمين درجاتي كامله

افتح المحاضرات مشاهده لين يتحمل الخط تبع التحميل واسكرها

المناقشات انسخ من المنتدى والصق

المعدل 4.29 درجات المشاركه 30 من 30

البلاك بورد عندي عليه بيت عنكوت مافتحته


احترامي
Rfe3Alshan
2014- 9- 16, 08:46 AM
قايلكم حيرتوونا < برونز اند شيكاغوو :d

نصبر ونشووف لين الانظمه تفتح ونجرب النظامين والله يوووفقنا جميع :)
طرطيعة
2014- 9- 16, 11:13 AM
http://www.ckfu.org/vb/showthread.php?p=11377412&posted=1#post11377412


حطيت الصور هنا
محمدالكناني
2014- 9- 16, 01:49 PM
احترنا وللان مافتح ولا واحد فيهم
اثير الشهراني
2014- 9- 16, 02:05 PM
بالتوفيق
حقق امنياتي
2014- 9- 17, 12:31 AM
الافتراضي افضل واسهل بعد
انا كل شي الافتراضي الا واجبات احلهم اختياط بالاثنين لان دايما تصير سوالف ع حل واجب ونقص الاضمن احل واجب بنظامين
ام مووودي
2014- 9- 17, 12:51 AM
اربع مستويات
المناقشات دائم أحلها بالافتراضي والبلاك مااعرف له أبد بالمناقشات صعب علي
الواجبات أحلها بالنظامين اضمن
المحاضرات أحملها من النظامين اللي يفتح معي امشي معه وإذا علق أروح أكمل ع الثاني
والحمد لله درجاتي كامله
يعني الخلاصه النظامين مكمله لبعض
Rfe3Alshan
2014- 9- 17, 10:54 AM
http://www.ckfu.org/vb/showthread.php?p=11377412&posted=1#post11377412


حطيت الصور هنا

الله يعطيك العافيه اختي طرطيعه ..

لكن عندي استفسار ..؟!

انا دخلت على النظام الافتراضي وحصلت مادتين ( مبادئ الادارة ومبادئ الاقتصاد الجزئي )
وكل ماده فيها محاضرة تمهيديه ومحاضرة اولى ..

نزلت محتوى المواد فقط بدون مشاهدة او تحميل المحاضرة ..؟!

هل هذي الخطوات سليمه او احتاج خطوات ثانيه ..؟!

ولك جزيل الشكر .. نقرتين لعرض الصورة في صفحة مستقلة
Rfe3Alshan
2014- 9- 17, 11:56 AM
اربع مستويات
المناقشات دائم أحلها بالافتراضي والبلاك مااعرف له أبد بالمناقشات صعب علي
الواجبات أحلها بالنظامين اضمن
المحاضرات أحملها من النظامين اللي يفتح معي امشي معه وإذا علق أروح أكمل ع الثاني
والحمد لله درجاتي كامله
يعني الخلاصه النظامين مكمله لبعض

الله يووفقك اختي ام مووودي .. :106:

عندي سؤال الله لايهينك ..

الواجبات والمحاضرات المباشرة توصلنا فيها رسائل على الجوال ..؟!
او كيف الطريقه عشان أعرف اوقاتهم .

ولك جزيل الشكر .. :106:
رنيم ♥
2014- 9- 17, 12:37 PM
^
المحاضرات المباشره عددها 3 لكل ماده
كل شهر محآضره
والواجبات 3 لكل ماده
ونفس الشي وآجب كل شهر

* المحاضرات المباشره راح يتم الآعلان عنها في وقتها من قبل الجامعه *
,
بآلتوفيق :rose:
Rfe3Alshan
2014- 9- 17, 12:44 PM
^
المحاضرات المباشره عددها 3 لكل ماده
كل شهر محآضره
والواجبات 3 لكل ماده
ونفس الشي وآجب كل شهر

* المحاضرات المباشره راح يتم الآعلان عنها في وقتها من قبل الجامعه *
,
بآلتوفيق :rose:

طيب والواجبات اختي رنيم ..

احصلها نفس طريقه المناقشات يعني ايقونه موجوده او كيف ؟!

:(107):
ام مووودي
2014- 9- 17, 01:14 PM
الله يووفقك اختي ام مووودي .. :106:

عندي سؤال الله لايهينك ..

الواجبات والمحاضرات المباشرة توصلنا فيها رسائل على الجوال ..؟!
او كيف الطريقه عشان أعرف اوقاتهم .

ولك جزيل الشكر .. :106:

ويوفق الجميع يارب
المحاضرات المباشرة بعض الأحيان مو دائم توصل رسائل ع الجوال بس مو الجدول نفسه بس تذكير بالدخول على ايقونة المحاضرات المباشرة وانت تشوف موادك واوقاتها
أما الواجبات كل شهر واجب تقريباً بعد كل اربع او خمس محاضرات مسجلة ينزل واجب
اذا نزل اول واجب تفتح ايقونة الواجبات تحت منتديات الحوار اللي هي المناقشات
بالتوفيق لكم
ام مووودي
2014- 9- 17, 01:16 PM
بالنسبة للمحاضرات المسجلة مايكفي تنزيل المحتوى لااااازم تحمل المحاضرة او تشوفها
انتبه
طرطيعة
2014- 9- 17, 01:39 PM
مايكفي المحتوى ،،،،

اختار اما تشوف المحاضرة او تحميلها

واغلب الاوقات لو كانت المحاضرة نظرياً شغلها وخليها :)
هتو الغندر
2014- 9- 17, 02:39 PM
السلام عليكم
عندي مشكله بالانظمه وحابه احد يساعدني
النظام الافتراضي مو راضي يفتح معايا طبعن تطلعلي رساله التحديث واحدث وبرضو مو راضي
اما نظام البلاك لما افتحو يجيني انجليزي
وش الحل من جد دوخني
آلاء ().
2014- 9- 17, 02:51 PM
أنا امس فتح معي النظام الافتراضي وحملت المحاضرات وكلو تمام..اليوم دخلت اشيك رجع يطلع تحديث للصفحة والضغط على F5 !!!!!

شو السبب لو سمحتوا ؟؟ الحل ؟؟ :icon9:
ام مووودي
2014- 9- 17, 04:20 PM
أنا امس فتح معي النظام الافتراضي وحملت المحاضرات وكلو تمام..اليوم دخلت اشيك رجع يطلع تحديث للصفحة والضغط على f5 !!!!!

شو السبب لو سمحتوا ؟؟ الحل ؟؟ :icon9:

السبب هو الضغط على الموقع الله يعينك تسوي تحديث للصفحة لين تفتح معك او انتظري وقت ثاني
لازم الصبر ومن الحين اقولكم هالحاله تصير كثيييييييييير نهاية الترم عشان كذا نقولكم تحميل المحاضرات افضل تكون مخزنه عندك بالجهاز اذا احتجتي لها مره ثانيه وما فتح الموقع معك
بالتوفيق لكم
Rfe3Alshan
2014- 9- 17, 04:36 PM
مشكورة اختي ام موودي ..

الحين فهمت الوضع وان شاء الله كل شي تمام :)

اما بالنسبه للمحاضرات الاغلبيه ينصحون تحميلها بعد المحاضره الثالثه او الخامسه
عشان يمكن تصير تحديثات ومن هالقبيل ..

لك ودي وإحترامي ..
Rfe3Alshan
2014- 9- 17, 04:40 PM
مايكفي المحتوى ،،،،

اختار اما تشوف المحاضرة او تحميلها

واغلب الاوقات لو كانت المحاضرة نظرياً شغلها وخليها :)



هههههه طبيعي اختي طرطيعه راح احمل المحاضره او اشوفها ..

عارف ان المحتوى مايكفي عشان الدرجات وكذا :119:

لكن انا نزلت المحتوى فقط لاني اخذت باستشاره الاغلبيه عدم تحميل المحاضرات الا من بعد الثالثه او الخامسه

مع اني جاوبت نقاشات اليوووم < متحمس شووي :(204):
غيدْ.
2014- 9- 17, 05:24 PM
المباشره اذا مافتحتها بوقتها تضيع علي الدرجه!
والا عادي افتحها بعدين بأي وقت !


ادا فاتتك تشوفينها مسجله عندك بالبلاك بورد ماتشيلين هم.
SiLvER|GuN
2014- 9- 17, 05:40 PM
ادا فاتتك تشوفينها مسجله عندك بالبلاك بورد ماتشيلين هم.

طيب فيه محاظره منزلينها قبل يومين وين احصلها عجزت القاها
Rfe3Alshan
2014- 9- 18, 08:50 AM
طيب فيه محاظره منزلينها قبل يومين وين احصلها عجزت القاها

اخي الكريم ..

ادخل على الإفتراضي بتحصل كل شي موجود .. غير كذا لا تستعجل في تحميل المحاضرات

انتظر لين تنزل المحاضرة الخامسه ثم ابدأ في تحميلها لانه في الوقت الحالي توجد

بعض التحديثات على الموقع ..
طرطيعة
2014- 9- 18, 08:57 AM
طيب دامك عارف انه في تحديثات

كان صبرت حتى على المناقشات ماحليتها

لانه في شخص من الجامعة قال اعتمدوا على البلاك هالفترة

وان الافتراضي حالياً غير مضمون بسبب التحديثات

موفقين
Rfe3Alshan
2014- 9- 18, 09:01 AM
طيب دامك عارف انه في تحديثات

كان صبرت حتى على المناقشات ماحليتها

لانه في شخص من الجامعة قال اعتمدوا على البلاك هالفترة

وان الافتراضي حالياً غير مضمون بسبب التحديثات

موفقين



عرفت ان فيه تحديثات بعد ما حليت المناقشات :139:

طبعا هذا كله في النظام الافتراضي يعني الى الآن ماجربت البلاك ..!
Rfe3Alshan
2014- 9- 21, 09:31 AM
رجعت المشكلة نفسها :d

الإفتراضي يحتاج للتحديث << f5

والبلاك مافيه اي شي ..

السؤال اللي يدور في خاطري ..

ندخل للموقع بشكل يومي او بشكل اسبوعي ..؟!

:(