تسجيل الدخول

مشاهدة النسخة كاملة : استفسار عام الطلاب الموظفين

ariana
2014- 9- 14, 07:09 PM
السلام عليكم

حابه أحد ينورني بالنسبه للدراسة بشكل عام هل تناسب الموظفين أو راح يكون الضغط مو طبيعي

أنا اشوف اسلوب الجامعه بتنزيل المحاضرات مخليني ما ألحق أذاكر

فهل راح يستمر الوضع كذا و الدراسه كل مالها تتعقد أو انها مجرد البداية

+ أنا سمعت أن المناهج صعبه و تحتاج تفرغ علشان أنجز فيها

خايفه كثير أن أواصل و الامور ع نفس وضعها كذا ما اعرف ايش لي و ايش علي
و تصعب الدراسه .. و أضطر انو اختار بين وظيفتي و الدراسه

أبي أعرف تجاربكم خاصه الموظفين .. ع الاقل نستفيد

موفقين لكل خير :rose:
بندر المحمدي
2014- 9- 14, 08:58 PM
البداية في كل شيئ صعبة و غير واضحة
مع العلم الاخوان و الاخوات ماقصروا بالمنتدى يخدموني بشكل كبير
الله يعطيكم العافية و يجزاهم خير

انا توكلت على الله وسجلت مع العلم عندي ضغط عمل كبير و متطلب للسفر شبه اسبوعي
ولكن مجهز نفسي بكل وسائل التقنيه و المتابعة للمنتدى 24 ساعة باذن الله
الحمدلله وضعي الوظيفي أفضل ممن معهم الدكتوراه ولكن العلم أفضل من أي شيئ أخر
عندي دورات و عندي دبلومات ولكن ناقصي شهادة الجامعة
عشان أكمل الماجستير و الدكتوراه باذن الله
لاضيفها الى الشهادات الاخرى واستفد من الدراسة اجتماعيا و فكريا

لاتتركين الضغوط أو حتى التردد يحجم تطلعاتك ... كلها هواجيس و تخيلات تطرأ امام عينيك فقط

والله يوفقك الى الافضل
ariana
2014- 9- 14, 11:06 PM
مشكور اخوي .. و ننتظر باقي الطلاب
number one
2014- 9- 14, 11:24 PM
الوضع ملخبط ع الجميع في البداية
ما نعرف وين ندخل و متى المحاضرات و الخ
و صدقيني الاغلبيه عندهم مشاغل و مسؤوليات ..
الافضل فهالحاله انك ترتبين وقتك .. حاولي يوميا تمسكين مادة تذاكرينها ع الاقل ساعه و تشيكين ع البلاك بورد تشوفين اش نزل و كذا ..
و كل شي بيتسهل لك اهم شي لا تراكمين
سعودي مطنوخ
2014- 9- 14, 11:46 PM
ولله الامور بتكون طيبه ان شاء الله والدكاتره ما راح يقصرون ولكن نتمنى منهم الغاء البث المباشر للمحاظرات والاكتفاء بالمسجلة فقط